Search This Blog

Friday, 31 March 2017

இலங்கை சோ.ச.க./ஐ.வை.எஸ்.எஸ்.இ. கொழும்பில் மறியல் போராட்டமும் கூட்டமும் நடத்தவுள்ளன

ICFI campaign to free Maruti Suzuki workers
Sri Lankan SEP/IYSSE to hold a picketing and a public meeting in Colombo

மாருதி சுசூகி தொழிலாளர்களை விடுதலை செய்வதற்கான நான்காம் அகிலத்தின் அனைத்துலகக் குழுவின் பிரச்சாரம்

29 March 2017

சோசலிச சமத்துவக் கட்சி (சோ.ச.க.) மற்றும் சமூக சமத்துவத்துக்கான சர்வதேச இளைஞர் மற்றும் மாணவர் (ஐ.வை.எஸ்.எஸ்.இ) அமைப்பும், இந்தியாவில் போலி வழக்கில் சிக்க வைக்கப்பட்டுள்ள மாருதி சுசூகி தொழிலாளர்களை விடுதலை செய்தவதற்காக நான்காம் அகிலத்தின் அனைத்துலகக் குழு முன்னெடுத்துள்ள பிரச்சாரத்தின் பாகமாக, கொழும்பில் ஒரு மறியல் போராட்டத்தையும் பொதுக் கூட்டத்தையும் நடத்தவுள்ளன. மார்ச் 31, வெள்ளிக்கிழமை பிற்பகல் 4.00 மணிக்கு கொழும்பு கோட்டை இரயில் நிலையத்தின் முன்பாக மறியல் போராட்டம் இடம்பெறும். ஏப்பிரல் 4, செவ்வாய் கிழமை பிற்பகல் 4.00 மணிக்கு கொழும்பு பொது நூலக கேட்போர் கூடத்தில் பொதுக் கூட்டம் நடைபெறும்.
வட இந்திய மாநிலமான ஹரியானாவில் மனேசரில் உள்ள மாருதி சுசூகி கார் ஆலையை சேர்ந்த பதின்மூன்று தொழிலாளர்களுக்கு இந்திய நீதிமன்றம் ஒன்றினால் கொலைக் குற்றச்சாட்டின் பேரில் ஆயுள் தண்டனை விதிக்கப்பட்டுள்ளதுடன், அதைவிட குறைந்த குற்றச்சாட்டுக்களுக்காக அதே ஆலையை சேர்ந்த இன்னும் 18 பேருக்கு மூன்று முதல் ஐந்து ஆண்டுகள் வரை சிறை தண்டனை விதிக்கப்பட்டுள்ளது. மாருதி சுசூகி தொழிலாளர்களுக்கு விதிக்கப்பட்ட கொடூரமான தண்டனை, இந்தியாவின் பிரதான அரசியல் கட்சிகளான ஆளும் இந்து மேலாதிக்கவாத பாரதிய ஜனதா கட்சி (பா.ஜ.க.) மற்றும் காங்கிரஸ் கட்சியினதும் முழு ஒத்துழைப்புடன், ஜப்பானியருக்கு சொந்தமான கார் கம்பனி, போலீஸ் மற்றும் நீதித்துறை அதிகாரிகளாலும் முன்னெடுக்கப்பட்ட இழிவான சோடிப்பு வழக்கின் விளைவாகும். அந்த தொழிலாளர்கள் ஜப்பானீய கூட்டுத்தாபனம் கடைப்பிடிக்கும் கொத்தடிமை வேலை நிலைமைகளுக்கு எதிராக வேலைநிறுத்தங்கள், ஆலை உள்ளமர்வுகள், ஆர்ப்பாட்டங்கள் உட்பட மாருதி சுசுகி தொழிலாளர்கள் நடத்திய தொடர் போராட்டத்தில் போர்க்குணத்துடன் பங்கெடுத்ததாலேயே இவ்வாறு போலி வழக்கில் சிக்கவைக்கப்பட்டனர்.
மாருதி சுசுகி தொழிலாளர்கள் மீதான ஜோடிப்பு வழக்கில், கம்பனியும் போலீசும் 18 ஜூலை 2012 அன்று நிர்வாகத்தால் தூண்டி விடப்பட்ட ஒரு மோதல் மற்றும் நிறுவனத்தின் மனித வளங்கள் முகாமையாளர் அவனிஷ் குமார் தேவ் கொல்லப்பட்ட தீ விபத்து சம்பவத்தையும் பற்றிக்கொண்டன. 13 தொழிலாளர்களும் அவரது மரணத்துக்கு காரணமானவர்களாக குற்றஞ்சாட்டப்பட்டு தீர்ப்பளிக்கப்பட்ட போதிலும், அவர்களுக்கும் அந்த சம்பவங்களுக்கும் இடையிலான எந்த தொடர்பும் நிரூபிக்கப்படவில்லை. போலீஸ், கம்பனி நிர்வாகத்துடன் வேண்டுமென்றே கூட்டுச் சேர்ந்து செயற்பட்டதுடன் முன்வைக்கப்பட்ட ஆதாரங்கள் ஜோடிக்கப்பட்டவை என்பதை தனது சொந்த விசாரணையில் கண்டுபிடித்திருந்த போதும், நீதிமன்றம் அவற்றை வேண்டுமென்ற புறக்கணித்து 31 தொழிலாளர்களுக்கும் தண்டனை விதித்தது.
மோசமான இந்திய சிறைகளுக்குள் மாருதி சுசுகி தொழிலாளர்களை தள்ளிவிடுவதன் மூலம் இந்திய ஆளும் வர்க்கமானது தொழிலாளர்கள் மீது திணிக்கப்படும் கொடூரமான வேலை மற்றும் வாழ்க்கை நிலைமைகள் எந்தவொரு சவாலுக்கும் எதிராக நாடு பூராவும் தொழிலாளர்களுக்கு அச்சுறுத்தல் விடுக்க எதிர்பார்க்கின்றது. அத்துடன் எந்தவொரு கொடூரமான அடக்குமுறை நடவடிக்கைகளின் மூலமும் உள்நாட்டு மற்றும் வெளிநாட்டு முதலீட்டாளர்கள் சார்பில் கொத்தடிமை ஆட்சியை பேணிக் காக்க தனது தயார் நிலையை உதரவாதப்படுத்துகிறது.
மாருதி சுசுகி தொழிலாளர்கள் மீதான போலி வழக்கை தோற்கடிக்க நான்காம் அகிலத்தின் அனைத்துலகக் குழு இந்தியா, தெற்காசியா மற்றும் உலகம் பூராவும் தொழிலாள வர்க்கத்தின் தொழிற்துறை மற்றும் அரசியல் சுயாதீன பலத்தை அணிதிரட்ட போராடுகின்றது. போலி வழக்கில் சிக்கியுள்ள அனைத்து தொழிலாளர்களையும் உடனடியாக விடுதலை செய்யவும், அவர்கள் மீதான குற்றச்சாட்டுக்களை இரத்துச் செய்யவுமான போராட்டத்தை சர்வதேச தொழிலாள வர்க்கம் போராட வேண்டும் என அது அழைப்பு விடுக்கின்றது. தொழிலாள வர்க்கத்தின் சர்வதேச ஐக்கியத்தின் ஊடாக மட்டுமே முதலாளித்துவ கூட்டுத்தாபனங்களாலும் அவற்றுக்கு சேவகம் செய்யும் முதலாளித்துவ அரசாங்கங்களாலும் திணிக்கப்படும் அத்தகைய ஒடுக்குமுறைகளை தோற்கடிக்க முடியும்.
சோ.ச.க./ஐ.வை.எஸ்.எஸ்.இ. கூட்டத்தில், மாருதி சுசூகி தொழிலாளர்களை விடுதலை செய்வதற்கான நான்காம் அகிலத்தின் அனைத்துலகக் குழுவின் பிரச்சாரம் மற்றும் அதை வழிநடத்தும் அரசியல் வேலைத் திட்டம் மற்றும் முன்நோக்கின் முக்கியத்துவம் பற்றி கலந்துரையாடப்படும். அனைத்துலகக் குழுவின் பிரச்சாரத்துக்கு ஆதரவளிப்பதோடு ஏப்பிரல் 4 கொழும்பில் நடக்கவுள்ள எமது கூட்டத்தில் பங்குபற்றுமாறு நாம் தொழிலாளர்கள், இளைஞர்கள், புத்திஜீவிகள் மற்றும் உலக சோசலிச வலைத் தள வாசகர்களுக்கும் வேண்டுகோள் விடுக்கின்றோம்.

மறியல் போராட்டம்

மார்ச் 31, வெள்ளி, பிற்பகல் 4.00 மணி
கொழும்பு கோட்டை புகையிரத நிலையத்தின் முன்னால்.
**********  *************  *********  *******************  *************  *********

பொதுக் கூட்டம்

ஏப்பிரல் 4, செவ்வாய் கிழமை, பிற்பகல் 4.00 மணி

கொழும்பு பொது நூலக கேட்போர் கூடம்.
http://www.wsws.org/tamil/articles/2017/3-mar/demo-m30.shtml

Thursday, 30 March 2017

ஹோஸ்னி முபாரக்கின் விடுதலையும், எகிப்திய புரட்சியின் படிப்பினைகளும்

The freeing of Hosni Mubarak and the lessons of the Egyptian Revolution

முன்னாள் எகிப்திய சர்வாதிகாரி ஹோஸ்னி முபாரக் நேற்று சிறையிலிருந்து உத்தியோகபூர்வமாக விடுவிக்கப்பட்டார். அவர் வழக்கறிஞர் ஆத்திரமூட்டும் விதத்தில் பொதுமக்களுக்கு அறிவிக்கையில், 88 வயதான முபாரக் கெய்ரோ மாவட்டத்தின் Maadi இராணுவ மருத்துவமனையிலிருந்து வந்துவிட்டதாகவும், எகிப்திய தலைநகரின் கிழக்கில் அமைந்துள்ள அவர் குடும்ப வீட்டில் சில நண்பர்களுடன் காலை உணவு எடுத்துக் கொண்டதாகவும் தெரிவித்தார்.
இந்த மேல்முறையீட்டு நீதிமன்றத்தின் தீர்ப்பே இறுதியானது. மார்ச் மாத தொடக்கத்தில், எகிப்திய உச்ச நீதிமன்றம் எகிப்திய புரட்சியின் ஆரம்ப நாட்களில் அவரது பாதுகாப்பு படைகளால் கொல்லப்பட்ட 800 ஆர்ப்பாட்டக்காரர்களின் உயிரிழப்பிற்கு முபாரக் எந்தவிதத்திலும் பொறுப்பாக மாட்டார் என்று அவரை விடுவித்தது. 18 நாட்கள் பாரிய போராட்டங்களுக்குப் பின்னர் பெப்ரவரி 11, 2011 இல் பதவியிலிருந்து நீக்கப்படுவதற்கு முன்னதாக, முப்பதாண்டுகள் ஏகாதிபத்திய சக்திகளின் முழு ஆதரவுடன் முபாரக் அந்நாட்டை இரும்பு கரம் கொண்டு ஆட்சி செய்திருந்தார்.
முபாரக் விடுவிக்கப்பட்டிருப்பதானது, முஸ்லீம் சகோதரத்துவத்தின் இஸ்லாமிய தலைவர் மொஹம்மத் முர்சிக்கு எதிராக ஜூலை 3, 2013 இன் இரத்தந்தோய்ந்த இராணுவ ஆட்சிக்கவிழ்ப்பு சதிக்குப் பின்னர் இருந்து நிகழ்ந்துவந்துள்ள எதிர்புரட்சியின் ஓர் அடையாளமாகும். இதற்குப் பின்னர் நான்காண்டுகளுக்கும் குறைந்த காலத்தில், கெய்ரோவின் புதிய இராணுவ ஆட்சியாளர்கள், மேற்கத்திய சக்திகளின் ஊக்குவிப்போடு, அவர்களுக்கு முன்னாள் இருந்த தலைவருக்கு முற்றாக புனர்வாழ்வளித்துள்ளதுடன், முன்பினும் அதிக மூர்க்கமான முறைகளுடன் பாரிய பெருந்திரளான எகிப்திய மக்களை ஒடுக்கி வந்துள்ளனர்.
அமெரிக்காவில் பயிற்றுவிக்கப்பட்ட தளபதி அப்தெல் பதாஹ் அல்-சிசி தலைமையிலான இராணுவ ஆட்சிக்குழு, 40,000 க்கும் அதிகமான எதிர்ப்பாளர்களைச் சிறையில் அடைத்துள்ளதுடன், 1,000 க்கும் அதிகமானவர்களுக்கு மரண தண்டனை வழங்கியுள்ளது. Human Rights Watch அமைப்பின் தகவல்படி, அந்த ஆட்சிக்கவிழ்ப்பு சதிக்குச் சற்று பின்னர் “எகிப்தின் நவீன வரலாற்றில் நீதி விசாரணையற்ற பாரிய படுகொலைகளின் படுமோசமான சம்பவம்" நடந்தது. ஆட்சியை எதிர்த்த எதிர்ப்பாளர்கள் ஏற்படுத்தி இருந்த இரண்டு போராட்ட முகாம்களை இராணுவமும் பொலிஸூம் அடித்து நொறுக்கியதோடு, பெண்கள் மற்றும் குழந்தைகள் உட்பட 1,000 க்கும் அதிகமானவர்களைக் கொன்றது.   
எகிப்திய புரட்சியின் ஆறு ஆண்டுகளுக்குப் பின்னர் அதிலிருந்து எதுவுமே எஞ்சியிருப்பதாக தோற்றமளிப்பதும், பழைய ஆட்சியின் அருவருக்கத்தக்க முகமான முபாரக் தன்னைத்தானே பொதுமக்களிடம் சுதந்திரமாக காட்டிக் கொள்வதும் எவ்வாறு சாத்தியமானது? அரசியல்ரீதியில் இதற்கு யார் பொறுப்பு, வரவிருக்கும் வர்க்க மோதல்களுக்கான அரசியல் படிப்பினைகள் என்ன?
எகிப்திய மற்றும் சர்வதேச தொழிலாள வர்க்கம் முகங்கொடுக்கும் இத்தகைய தீர்க்கமான கேள்விகளுக்கு பதிலளிப்பதில் பிரதானமானதை ரஷ்ய புரட்சியின் ஓர் ஆய்வில் காணலாம். உலக சோசலிச வலைத் தளத்தின் சர்வதேச ஆசிரியர் குழு தலைவரான டேவிட் நோர்த் வழங்கிய “ரஷ்ய புரட்சியை ஏன் படிக்க வேண்டும்?” என்ற அவரது உரையில், தொழிலாள வர்க்கத்தின் வெற்றிக்கான தீர்க்கமான முன்நிபந்தனைகளை விவரித்தார்: 
“விவசாயிகளின் ஒரு புரட்சிகர மேலெழுச்சியால் ஆதரிக்கப்பட்டிருந்த ரஷ்ய தொழிலாள வர்க்க இயக்கம், 1917 இல் பிரமாண்ட பரிமாணம் எடுத்தது. ஆனால் அந்த ஆண்டு சம்பவங்களைக் குறித்த எந்தவொரு உண்மையான கவனத்தில் கொள்ளலும், போல்ஷிவிக் கட்சியின் தலைமை இல்லையென்றாலும் தொழிலாள வர்க்கம் அதிகாரத்திற்கு வந்திருக்கும் என்ற தீர்மானத்திற்கு வர அனுமதிக்காது. இந்த அனுபவத்திலிருந்து இன்றியமையா படிப்பினைகளைப் பெற்று, பின்னர் ட்ரொட்ஸ்கி வலியுறுத்துகையில், 'ஒரு புரட்சிகர சகாப்தத்தில் [தொழிலாள வர்க்க] தலைமை வகிக்கும் பாத்திரமும் பொறுப்பும் பிரமாண்டமானதாக இருக்கும்,” என்றார். இந்த தீர்மானம் 1917 இல் எந்தளவிற்கு செல்லுபடியானதோ அதேயளவிற்கு இன்றைய வரலாற்று நிலைமைகளுக்கும் செல்லுபடியாவதாக உள்ளது.”
எகிப்திய புரட்சி ஐயத்திற்கிடமின்றி ஒரு பிரமாண்ட மேலெழுச்சி என்பதோடு, தொழிலாள வர்க்கமே அதன் உந்து சக்தியாக இருந்தது. ஜனவரி 25, 2011 இல் பத்தாயிரக் கணக்கானவர்கள் கெய்ரோ வீதிகளிலும் மற்றும் ஏனைய பிரதான தொழில்துறை நகரங்களிலும் வெள்ளமென பெருக்கெடுத்தனர். ஜனவரி 28 இல், “வெள்ளிக்கிழமை கோபத்தின்" போது முன்பில்லாதளவில் அதிகரித்து வந்த ஆர்ப்பாட்டக்காரர்கள் வீதிச் சண்டைகளில் முபாரக்கின் இழிவார்ந்த பாதுகாப்புப் படைகளைத் திருப்பி தாக்கினர். அதற்கடுத்தடுத்த நாட்களில், மில்லியன் கணக்கானவர்கள் எகிப்து எங்கிலும் ஆர்ப்பாட்டம் நடத்தினர். பெப்ரவரி 7 மற்றும் 8 இல், ஒட்டுமொத்தமாக நாடெங்கிலும் உடைத்து கொண்ட வேலைநிறுத்தங்கள் மற்றும் ஆலை ஆக்கிரமிப்புகளின் ஓர் அலை முபாரக்கிற்கு தீர்க்கமான அடியை வழங்கியது.  
பெப்ரவரி 11 க்குப் பின்னர் தொழிலாள வர்க்கம் தொடர்ந்து தீர்மானகரமான புரட்சிகர படையாக அபிவிருத்தி அடைந்தது. பதவியிலிருந்து முபாரக் தூக்கியெறியப்பட்டதற்கு பிந்தைய உடனடியான அடுத்தடுத்த நாட்களில், அங்கே நாளொன்றுக்கு 40 இல் இருந்து 60 வேலைநிறுத்தங்கள் இருந்தன. 2010 இல் நடந்த மொத்த வேலைநிறுத்தங்களை விட அதிகமான வேலைநிறுத்தங்கள் பெப்ரவரியில் நடந்தன. வேலைநிறுத்தங்களும் சமூக போராட்டங்களும் 2012 மற்றும் 2013 இன் போதும் தொடர்ந்து அதிகரித்தன என்றாலும், ரஷ்யாவைப் போல, ஒரு புரட்சிகர வேலைத்திட்டத்துடன் கூடிய ஓர் அரசியல் தலைமை எகிப்தில் இருக்கவில்லை.
உலக சோசலிச வலைத் தளம் புரட்சியின் ஆரம்பத்திலிருந்தே முதலாளித்துவ வர்க்கத்தின் ஜனநாயக குணாம்சம் மீதான எந்தவித நப்பாசைக்கு எதிராகவும் எச்சரித்து வந்தது. பெப்ரவரி 1, 2011 முன்னோக்கில் டேவிட் நோர்த் எழுதினார்: “ஒரு புரட்சிகர கொந்தளிப்பின் ஆரம்ப கட்டத்தில் எப்போதும் இருப்பதைப் போலவே, மேலோங்கிய முழக்கங்கள் ஒரு பொதுவான ஜனநாயக தன்மையைக் கொண்டுள்ளன. படுகுழி நெருங்கி வருவதைக் கண்டு அஞ்சுகின்ற ஆளும் உயரடுக்கு, பழையை ஒழுங்கில் எவற்றை எல்லாம் அவர்களால் பேண முடியுமோ அதைப் பேணுவதற்காக பெரும்பிரயத்தனத்தில் ஈடுபட்டுள்ளன. அவர்களின் உதடுகளில் இருந்து 'சீர்திருத்தத்திற்கான' வாக்குறுதிகள் சர்வ சாதாரணமாக வருகின்றன…     
“ஆனால் எந்தவிதமான ஜனநாயக ஐக்கியம் முன்மொழியப்பட்டதோ அது […] தொழிலாள வர்க்கத்திற்கும், கிராமப்புற ஏழைகளுக்கும் மற்றும் வீதிகளில் இறங்கிய இளைஞர்களின் பரந்த பிரிவினருக்கும் எதையும் வழங்கப் போவதில்லை. நிலவும் சொத்துடைமை உறவுகளை மிகவும் பரந்தளவில் மாற்றியமைப்பதும் மற்றும் தொழிலாள வர்க்கத்திற்கு அரசியல் அதிகாரத்தைக் கைமாற்றாமல், எகிப்திய சமூகத்தின் பரந்த பெருந்திரளான மக்களின் அத்தியாவசிய தேவைகளை கைவரப் பெற முடியாது.” 
லியோன் ட்ரொட்ஸ்கி அபிவிருத்தி செய்த நிரந்தர புரட்சி தத்துவமே அக்டோபர் 1917 இல் அதிகாரத்தைக் கைப்பற்ற ரஷ்ய தொழிலாள வர்க்கத்தை வழிநடத்திய மூலோபாய முன்னோக்காக இருந்தது. காலங்கடந்து முதலாளித்துவ அபிவிருத்தி அடைந்த நாடுகளில், ஜனநாயக புரட்சியானது சோசலிச புரட்சியின் விளைவாக தொழிலாள வர்க்கம் அதிகாரத்தைக் கைப்பற்றுவதன் மூலமாக மட்டுமே கைவரப் பெற முடியும் என்று அது குறிப்பிட்டது. ஒரு நாட்டில் ஒரு புரட்சி வெற்றி பெற வேண்டுமானால் அது ஒரு உலகெங்கிலுமான தொழிலாளர்களை ஐக்கியப்படுத்தும் ஒரு சர்வதேச மூலோபாயத்தின் அடிப்படையில் மட்டுமே சாத்தியமாகும் என்றும் அது மேற்கொண்டு குறிப்பிட்டது.
எகிப்திய புரட்சியானது நிரந்தர புரட்சி முன்னோக்கை எதிர்மறையான விதத்தில் நிரூபணம் செய்தது. முதலாளித்துவ வர்க்கத்தின் ஒவ்வொரு பிரிவும், ஏகாதிபத்தியத்துடன் ஒருங்கிணைந்ததன் மூலமாக மற்றும் இராணுவம் செய்ததைப் போலவே அதே இன்றியமையா வர்க்க நலன்களைப் பாதுகாக்க முயன்றதன் மூலமாக புரட்சியின் ஒவ்வொரு கட்டத்திலும் அது ஒரு எதிர்புரட்சி பலமாக இருப்பதை நிரூபித்தது. இது இப்போது தடை செய்யப்பட்டுள்ள முஸ்லீம் சகோதரத்துவம் மற்றும் "தாராளவாத" முதலாளித்துவ கட்சிகளுக்கும் சம அளவில் பொருந்தும். முஹம்மது எல் பரடெயின் மாற்றத்திற்கான தேசிய அமைப்பு (National Association for Change) அல்லது ஹம்தீன் சபாஹியின் Nasserite Popular Current ஆகியவை இதற்கான எடுத்துக்காட்டுக்களாகும்.   
புரட்சிகர சோசலிஸ்ட்கள் (RS) போன்ற குட்டி முதலாளித்துவ போலி இடது குழுக்கள் மிகவும் துரோகத்தனமான பாத்திரம் வகித்தன. புரட்சிகர சோசலிஸ்ட்கள் (RS), சர்வதேச அளவில் அமெரிக்காவின் சர்வதேச சோசலிஸ்ட் அமைப்பு, பிரிட்டன் சோசலிஸ்ட் தொழிலாளர்கள் கட்சி மற்றும் ஜேர்மனியின் இடது கட்சி பிரிவுகளின் வரிசையில் இருந்தது. புரட்சியின் ஒவ்வொரு கட்டத்திலும், அவை முதலாளித்துவ வர்க்கத்தின் இந்த அல்லது அந்த கன்னைகளிடம் தொழிலாள வர்க்கத்தை அடிபணிய செய்ய வேலை செய்தன.
முபாரக் பதவியிலிருந்து தூக்கிவீசப்பட்ட பின்னர் உடனடியாக, அவர்கள் அவரது தளபதிகள் மீது நப்பாசைகளை வளர்த்ததுடன், மொஹமத் தந்தவி தலைமையின் கீழ் இராணுவம் சமூக மற்றும் ஜனநாயக சீர்திருத்தங்களை நடைமுறைப்படுத்துமென வாதிட்டன. இராணுவத்திற்கு பாரிய எதிர்ப்பு அதிகரித்ததும், அவை முஸ்லீம் சகோதரத்துவத்தை ஆதரித்தன. இஸ்லாமியவாதிகள் "புரட்சியின் வலதுபிரிவாக" இருப்பார்கள் என புரட்சிகர சோசலிஸ்ட்கள் அமைப்பு பிரகடனப்படுத்தியதுடன், ஜனாதிபதி தேர்தலில் முர்சியைத் தேர்ந்தெடுக்குமாறு அழைப்புவிடுத்தனர். முர்சி ஜெயித்த போது, அவர்கள் அதை "புரட்சியின் வெற்றியாகவும்", “எதிர்புரட்சிக்கு எதிரான மாபெரும் வெற்றியாகவும்" கொண்டாடினர்.
2013 இல் முர்சிக்கு எதிராக பாரிய போராட்டங்கள் வெடித்த போது, புரட்சிகர சோசலிஸ்ட்டுகள், இராணுவத்திற்குப் பின்னால் அலைபாய்ந்தனர். அவர்கள், இராணுவம் மற்றும் உளவுத்துறை அமைப்புகளது நிதியுதவி பெற்ற தமரோட் கூட்டணியை (Tamarod alliance) “புரட்சியின் சாதனைக்குரிய பாதையாக" வர்ணித்தனர். அல்-சிசி இன் எதிர்புரட்சிகர கொடூர ஆட்சிக்கு அடித்தளமாக இருந்த இராணுவ ஆட்சிக் கவிழ்ப்பு சதியை அவர்கள் ஆரம்பத்தில் "இரண்டாவது புரட்சியாக" வர்ணித்திருந்தனர்.
இராணுவ ஆட்சிக்குழுவின் ஒடுக்குமுறை மற்றும் அதிகரித்துவரும் சமூக நாசங்கள் தொழிலாளர்களிடையே ஒரு புதிய புரட்சிகர எழுச்சியைத் தூண்டிவிடுமென புரட்சிகர சோசலிஸ்ட்கள் இப்போது அஞ்சுகின்றனர். சமீபத்திய அறிக்கை ஒன்றில் RS அறிவிக்கையில், “ஜனவரி 25 புரட்சியின் சக்திகளை ஐக்கியப்படுத்தும் வகையில் அரசியல் அமைப்புகள், தொழிற்சங்கங்கள், இளைஞர் மற்றும் மாணவர் அமைப்புகள் மற்றும் அரசியல் கூட்டணிகள் மூலமாக இந்த ஆட்சிக்கும் மற்றும் அதன் கொள்கைகளுக்கும் எதிராக சமூக மற்றும் அரசியல் எதிர்ப்பை நாம் மீளக் கட்டமைக்க வேண்டியது அவசியமாகும்,” என்று குறிப்பிட்டது.
வேறு வார்த்தைகளில் கூறுவதானால், அவர்கள் முதலாளித்துவ வர்க்க கட்சிகள் மற்றும் அமைப்புகளுடன் தொழிலாள வர்க்கத்தை "ஐக்கியப்படுத்தி" அடிபணிய செய்யும் அவர்களது பேரழிவுகரமான கொள்கைகளை உறுதியாக பிடித்துள்ளனர்.
நான்காம் அகிலத்தின் அனைத்துலகக் குழுவின் எகிப்திய பிரிவைக் கட்டமைப்பது மற்றும் எகிப்திய தொழிலாள வர்க்கத்தில் நிரந்தர புரட்சி முன்னோக்கை நிலைநாட்டுவது ஆகியவையே எகிப்திய புரட்சியில் உள்ள முக்கிய கேள்வியாகும். ரஷ்ய புரட்சி குறித்த ஆய்வானது, எகிப்திலும் மற்றும் உலகெங்கிலும் தொழிலாள வர்க்கத்தை புரட்சிகர போராட்டங்களுக்குத் தயாரிப்பு செய்வதற்குச் சேவையாற்ற வேண்டும்.
ரஷ்ய புரட்சியின் நூற்றாண்டு குறித்த நான்காம் அகிலத்தின் அனைத்துலக குழுவின் தொடர்ச்சியான இணையவழி சொற்பொழிவுகளில் பதிவு செய்ய இங்கே பார்வையிடவும்: http://www.wsws.org/1917/
Johannes Stern
25 March 2017
http://www.wsws.org/tamil/articles/2017/3-mar/muba-m28.shtml

Wednesday, 29 March 2017

மாருதி சுசூகி தொழிலாளர்களின் வழக்கு விசாரணையிலுள்ள பாசாங்குத்தனம் மேலும் அம்பலப்பட்டது

Sham character of Maruti Suzuki workers’ trial further exposed

ஹிந்துஸ்தான் டைம்ஸ் இன் பத்திரிகையாளர் அமன் சேத்தி எழுதியிருந்த ஒரு கட்டுரை, பாசாங்குத்தனமான பொலிஸ் விசாரணை, வாதிதரப்பு வழக்கு மற்றும் 13 பாதிக்கப்பட்ட மாருதி சுசூகி தொழிலாளர்களுக்கு ஆயுள் தண்டனை விதிக்கபட்டுள்ளதற்கு காரணமான விசாரணை போன்றவை குறித்த முக்கியமான புதிய தகவல்களை எடுத்துக்காட்டுகின்றது.
நேற்று வெளிவந்த இந்த கட்டுரை பெருமளவில் குர்கான் மாவட்ட நீதிமன்றத்தின் நீதிபதி RP கோயல் இந்த மாத தொடக்கத்தில் அளித்த தீர்ப்பின் மீதான ஒரு பகுப்பாய்வை அடிப்படையாக கொண்டிருந்தது. அவரது தீர்ப்பில், ஜப்பானுக்கு சொந்தமான வாகன தயாரிப்பாளர் நிறுவன நிர்வாகத்திற்கும், இட்டுக்கட்டப்பட்ட ஆதாரங்களுக்கும் பொலிஸ் உடந்தையாக இருந்தது என்பதை கோயல் ஒப்புக்கொள்ள வேண்டியிருந்தது. நிறுவனத்தின் ஒரு மனிதவள மேலாளரான, அஸ்வின் குமார் தேவ் மூச்சு திணறி இறப்பதற்கு காரணமான நெருப்பிடல் சம்பவத்தில் நெருப்பு பற்றவைப்பதற்கு பயன்படுத்தப்பட்டதாக வாதி தரப்பு கூறிய தீப்பெட்டிக்கும் 13 ஆயுள் தண்டனை பெற்ற கைதிகளுள் எவருக்கும் தொடர்புள்ளது என்பதற்கு எந்தவித ஆதாரமும் கிடையாது என்பதையும் அவர் ஒப்புக்கொள்ளவேண்டியிருந்தது.
இந்த மோசமான ஒப்புதல்கள் ஒவ்வொன்றையும் ஒரு நீதிபதியாக கோயலே ஒப்புக்கொண்டிருப்பினும், அவற்றின் முக்கியத்துவத்தை குறைத்து மதிப்பிட்டுள்ளார். ஆதாரங்களின் உண்மைத்தன்மையை வாதிதரப்பு மற்றும் அரசாங்கத்திடமிருந்து  தொழிலாளர்கள் மீது திருப்பிவிடுவதற்காக அவரும் கூட சட்டத்தை சிதைந்துபோக செய்துவிட்டார். வேறு வார்த்தைகளில் சொல்வதானால், தொழிலாளர்கள் தங்களை குற்றமற்றவர்கள் என்பதை நிரூப்பிக்கவேண்டியது அவர்களது கடமையாகும் என்றும், அவர்களை குற்றவாளிகள் என நிரூபிக்க தேவையான ஒரு நியாயமான சந்தேகத்தை கொண்டிருப்பதற்கு அப்பால் அரசாங்கத்திற்கு வேறு எவ்வித பொறுப்பும் கிடையாது என்ற ஜனநாயக விரோத கருத்தாய்வினை நீதிபதி கோயலினால் வழங்கப்பட்ட மரண தண்டனை தவறான வகையில் அடிப்படையாகக் கொண்டிருந்தது.
“மாருதி வழக்கின் தீர்ப்பு குர்கான் பொலிஸின் திறமையற்ற தன்மையை வெளிப்படுத்துகிறது” என்று சேத்தியின் கட்டுரை தலைப்பிடப்பட்டுள்ளது. அதனுடைய ஆவணங்கள் தகுதியற்றவை என்பதல்ல, ஆனால் இது ஒரு சதிதிட்டம்: மாருதி சுசூகி நிறுவனத்தின் மலிவுகூலி உழைப்பு கட்டமைப்பின் மீதான தொழிலாளர்களின் எதிர்ப்பை நசுக்குவதற்கும், மாருதி சுசூகி தொழிலாளர்கள் சங்கத்தினை (Maruti Suzuki Workers Union - MWSU) உடைத்து நொருக்குவதற்கும், அரசியல் நோக்கம் கொண்டு ஜோடிப்பு வழக்கை தொடரும் வகையில் நிறுவனத்திற்கும், மாநில அதிகாரிகளுக்கும் இடையிலான ஒரு சதிதிட்டமாகவே அது இருந்தது. மாருதி சுசூகியின் மானேசர், ஹரியானா வாகன அசெம்பிளி நிறுவன தொழிலாளர்கள் 2011-12ல், ஒரு நிறுவன கட்டுப்பாட்டிலுள்ள தலையாட்டி தொழிற்சங்கத்திற்கு எதிரான ஒரு எழுச்சியின் போது தான் MSWU இனை நிறுவினார்கள்.
13 பேரில் MSWU இன் நிர்வாகக்குழு உறுப்பினர்கள் பன்னிரண்டு பேரை இந்திய சிறை எனும் வாழும் நரகத்தில் தள்ளும் வகையில் அவர்களுக்கு நீதிபதி கோயல் “ஆயுள்” தண்டனை வழங்கியுள்ளார்.
வாதி தரப்பு இந்த 13 பேருக்கு ஏன் தூக்கு தண்டனை விதிக்கவேண்டுமென்று கோரிக்கை விடுத்தனர் என்று கேட்கப்பட்டபோது, சிறப்பு வழக்கறிஞர் அனுராக் ஹூடா சேத்தியிடம், “வெளிநாட்டு நேரடி முதலீடு (Foreign Direct Investment-FDI) வரண்டுபோய்விட்ட நிலையில், நமது தொழிற்துறை வளர்ச்சி முற்றிலும் ஸ்தம்பித்துள்ளது. “இந்தியாவில் உற்பத்தி செய்வோம்” கொள்கையை நடைமுறைபடுத்த பிரதம மந்திரி நரேந்திர மோடி அழைப்புவிடுக்கிறார், ஆனால் இது போன்ற சம்பவங்கள் எங்கள் தோற்றத்தின் மீது கறைகளாக இருக்கின்றன” என்று கூறினார்.
ஜுலை 18, 2012ல் மாருதி சுசூகி நிறுவனத்தின் மானேசர் வாகன அசெம்பிளி ஆலையில் நிர்வாக அதிகாரிகள் ஒரு தொழிற்சாலை பிரிவில் கை கலப்பை தூண்டிவிட்டபோது நெருப்பு பற்றியதனால் ஆலையின் ஒரு பிரிவே அழிக்கப்பட்டுவிட்டது. இதற்கு ஒரு வருடத்திற்கு முன்பாக, ஹரியானாவின் காங்கிரஸ் கட்சி தலைமையிலான மாநில அரசாங்கத்தின் உத்திரவின் பேரில், ஆலையில் தொழிலாளர்களின் ஆர்ப்பாட்டத்தை அடக்குவதற்கு பொலிஸ் திரும்ப திரும்ப குவிக்கப்பட்டது என்பது, தில்லியின் புறநகர் பகுதியில் ஒரு முக்கிய உற்பத்தி மையமாக அமைந்துள்ள குர்கான்-மானேசர் தொழில்துறை பகுதி முழுவதுமான தொழிலாளர்களின் எதிர்ப்பை ஒரு குவிமைய புள்ளியாக வைத்தே வெளிப்பட்டுள்ளது.
வழக்கு விசாரணையின்போது, ஜுலை 18ம் தேதிய நிகழ்வுகள் மீதான “விசாரணையின்” ஆரம்பத்திலிருந்தே பொலிஸ் நிர்வாகத்துக்கு உடந்தையாகவே செயலாற்றினர் என்று எதிர்தரப்பு வழக்கறிஞர்கள் ஆர்ப்பாட்டம் செய்தனர். ஜுலை 19ம் தேதி அதிகாலை 6 மணியளவிலேயே, மாருதி சுசூகி நிர்வாகம் 89 பேர் கொண்ட “சந்தேகத்துக்குரியவர்கள்” பட்டியலுக்கான அச்சுபிரதியை பொலிஸிடம் ஒப்படைத்தது. பிற்பகலில் நான்கு தொழிலாளர் ஒப்பந்ததாரர்கள், கூறப்படும் குற்றங்களின் கண்கண்ட சாட்சியாக இருந்ததாக கூறியவர்களை முன்தேதியிட்டு சேர்த்துகொள்வதன் பேரில் பொலிஸ் திரும்பிவந்த நிலையில், இந்த 89 தொழிலாளர்களும் உடனடியாக கைதுசெய்யப்பட்டனர்.
நீதிபதி கோயல் அவரது தீர்ப்பில், “விசாரணை அதிகாரிகள் முன்னர் குறிப்பிடப்பட்ட நபர்களை கைது செய்து… எவ்வித நியாயமுமின்றி சட்டத்தை மீறியுள்ளனர் என்று இந்த வழக்கை முடித்துகொள்ள முடியும்” என்பதை ஒப்புக்கொண்டார்.
பொலிஸ் போலி மருத்துவவியல் சான்றிதழ்களை (medico-legal certificates - MLCs) தயாரித்தனர், இதன்மூலமாக அவர்கள் தொழிலாளர்களால் தாக்கப்பட்டனர் என்று கூறிக்கொள்ளமுடியும் என்பதுடன் அவர்கள் வன்முறையில் ஈடுபட்டனர் என்று மிகைப்படுத்தி கூறவும் வகைசெய்யும் என்பதையும் நீதிபதி ஒப்புக்கொண்டார். பொலிஸ் இதில் சுயாதீனமாக செயல்பட்டிருக்கலாம் என்றபோதிலும், தொழிலாளர்களை வன்முறையாளர்களாக சித்தரிப்பதற்காகவும், அவர்களுக்கு எதிராக சட்டப்பூர்வமான சதி வேட்டையை நியாயப்படுத்தவும், மாருதி சுசூகி நிறுவனம், பெருநிறுவன ஊடகங்கள், மாநில அரசாங்கம் மற்றும் அரசியல்வாதிகள் ஆகியோரின் தலையீட்டுடனான ஒரு பரந்த முயற்சியின் ஒரு பகுதியாகவே அது இருந்தது. ஜுலை 18 நிகழ்வுகளுக்கு பின்னர், ஹரியானா அரசாங்கத்தின் பகிரங்கமான ஆதரவுடன், மாருதி சுசூகி நிறுவனம் தொழிலாளர் தொகுப்பிலிருந்து ஏராளமான தொழிலாளர்களை பணிநீக்கம் செய்து பதிலீடாக 2,300 பேரை புதிதாக நியமித்தது.
சேத்தியின் அறிக்கைகளை போன்று, நீதிபதி கோயல் அவரது தீர்ப்பில், “பொலிஸ் அதிகாரிகள் அவர்களது MLCs ஐ இடம்பெறசெய்த பின்னரும் கூட அவர்களது மருத்துவர்களை அவர்கள் சந்திக்கவில்லை” என்பதை வலியுறுத்தினார். ஆனால், நீதிபதி இந்த ஒப்புதல்களை விரைவாக செயல்படுத்தவில்லை, பின்னர் அவர் இதை அப்படியே புதைத்துவிடவும், குற்றம்சாட்டப்பட்டவர்களுக்கு எதிராக பொலிஸ் மீண்டும் ஆதாரங்களை இட்டுக்கட்டியே காட்டுவார்கள் என்பதை மூடிமறைக்கவும் முயன்றார். “அனைத்து நேரில் கண்ட சாட்சிகளும் போலியாக இருப்பதனால் காயங்களை கருத்தில்கொள்ளாமல் வெறுமனே அவர்களது MLCs ஐ போலியானவை” என்று நீதிபதி கோயல் தொடர்ந்தார்.
இதேபோல், தொழிலாளர்கள் தான் நெருப்பு வைத்தனர் என்பதால் மனிதவள மேலாளரின் இறப்புக்கும் குற்றவியல் ரீதியாக அவர்களே பொறுப்பாளிகளாக உள்ளனர் என்று வாதி தரப்பின் முகவுரை முழு விவரங்களடங்கியதாக இருந்தபோதிலும், தொழிலாளர்களையும், நெருப்பிடலையும் சம்பந்தப்படுத்தும் எந்தவொரு ஆதாரமும் இல்லை என்பது போன்ற முக்கிய உண்மைகளை மதிப்பிழக்க செய்ய நீதிபதி கோயல் பெரு முயற்சி செய்தார்.
திட்டவட்டமாக எப்போது, எங்கே அல்லது எப்படி நெருப்பு பற்றவைக்கப்பட்டது என்பது ஒருபோதும் தீர்மானிக்கப்படவில்லை. நெருப்பிடல் சம்பவம் குறித்த ஆரம்பகட்ட விசாரணையின்போது மர்மமான முறையில் கண்டுபிடிக்கப்படாத ஒரு தீப்பெட்டி, தீ ஜ்வாலை அதனை சுற்றிலும் அனைத்தையும் நிர்மூலமாக்கியிருந்த நிலையில் அது மட்டும் எப்படியோ திடீரென கண்டுபிடிக்கப்பட்டு பாதிப்பு ஒன்றுமில்லாத நிலையில் இருந்ததை வாதிதரப்பு சுட்டிக்காட்டியது.
புலனாய்வாளர்கள் கைரேகைகள் அல்லது DNA தடையங்கள் பற்றி ஆராயமல் இருந்ததை விளக்கமுடியாத நிலையில், குறுக்கு விசாரணையின்போது காவல் ஆய்வாளர் ஓம் பிரகாஷ், தீப்பெட்டிக்கும், 13 பேருக்கும் எந்தவித தொடர்பும் இல்லை என்பதை ஒப்புக்கொள்ள வேண்டியதாயிற்று.
நீதிபதி கோயல் அவரது தீர்ப்பில் இது தொடர்பான கருத்துகளை தவிர்க்க முடியவில்லை. “சந்தேகமேயில்லை, தீப்பெட்டி மீட்டெடுக்கப்பட்டது என்பது ஒரு சந்தேகத்திற்குரிய விடயமாகத்தான் உள்ளது,” என்பதை ஒப்புக்கொண்டார், பின்னர், “எனினும் இது குற்றம்சாட்டப்பட்டவர் நெருப்பை பற்றவைக்கவில்லை என்பது அரத்தமாகாது” என்பதையும் அவரே அவசரமாக தீர்ப்பில் சேர்க்க நேரிட்டது.
தொழிலாளர்கள் செய்ததாக அவர்கள் மீது குற்றச்சாட்டுக்கள் சுமத்தப்பட்டபோது, நீதிமன்றம் எதிர்ப்பு நிலைப்பாட்டிலிருந்து துல்லியமாக வாதிடுகிறது. தொழிற்சங்கத்தை நொருக்கும் அளவிற்கு போலியாக காரணங்களை வழங்கும் பொருட்டு நிறுவன குண்டர்களால் தான் நெருப்பிடப்பட்டது என்று இணை குற்றவாளியும், MSWU இன் நிர்வாக உறுப்பினருமான அமர்ஜீத் மூலமாக விடுக்கப்பட்டிருந்த கோரிக்கையை தள்ளுபடி செய்கையில், நீதிபதி கோயல், “M1ல் (ஆலையின் முதல்தளம்) நெருப்பு பற்றவைத்த கருங்காலிகளாக இருந்தவர்கள் யார் என்பது பற்றி அமர்ஜீத் விளக்க தவறிவிட்டார்… எனவே அமர்ஜீத் மற்றும் அவரது சக பணியாளர்களால் சரியான விளக்கம் தரப்படாத நிலையில் அங்கிருந்த அவர்களால் தான் M1ல் நெருப்பு பற்றவைக்கபட்டிருக்ககூடும் என்பதே அர்த்தமாகிறது” என்று அறிவிக்கிறார். (அழுத்தம் சேர்க்கப்பட்டது)
சேத்தியை பொறுத்தவரையில், தொழிலாளர்கள் தங்களது அப்பாவித்தனத்தை “நிரூபிக்க” ஏதுவாக அவர்கள் மீதே சுமையை திணிப்பதாகவே “இத்தகைய வாதம்” உள்ளது என்பது “தீர்ப்பின் பல பகுதிகளில் காணகூடியதாக இருக்கிறது” என்று கூறுகிறார்.
ஹிந்துஸ்தான் டைம்ஸின் பத்திரிகையாளரும் கூட, நீதிபதி கோயல், பொலிஸின் எண்ணற்ற தவறான செயல்கள் மற்றும் ஆதாரங்களாக தாக்கல் செய்யப்பட்ட கட்டுக்கதைகளிலிருந்து அதன் கூற்றுக்களை பிரித்துப்பார்க்க முடியும் என்பதே “உண்மை” என்று வாதிடுவதன் மூலமாக வாதி தரப்பு வாதத்தை ஓரளவு பாதுகாக்க முயல்கிறார் என்பதை சுட்டிக்காட்டுகிறார்.
மாறாக, தவறான செயல்பாடுகளும், கவன குறைவுகளும் ஒரு ஜோடிப்பு வழக்கின் மீதான ஐயத்திற்கிடமற்ற தர அடையாளங்களுடன் ஒரு மாதிரியை அமைக்கிறது என்பதை வெளிப்படையாக ஒப்புக்கொள்வதற்கு பதிலாக அவற்றின் முக்கியத்துவத்தை குறைத்து காட்டாமல் நீதிபதி ஒவ்வொன்றையும் தந்திரமாக கையாள்கிறார்.
நீதிபதி கோயலின் தீர்ப்பு ஒரு சட்டபூர்வமான மோசடித்தனமாகவே உள்ளது. நான்கு தொழிலாளர் ஒப்பந்ததாரர்கள் மூலமாக பொய்யாக குற்றம்சாட்டப்பட்ட 87 தொழிலாளர்கள் உட்பட 117 தொழிலாளர்களை குற்றச்சாட்டுகளிலிருந்து அவர் விடுவித்தார் என்றால், அது மாருதி சுசூகி தொழிலாளர்களுக்கு எதிரான நிறுவனம் மற்றும் மாநில அரசாங்கத்தின் சூனிய வேட்டையாடலை தக்கவைக்க முயலுகின்ற நோக்கம் கொண்டதாகவே அது இருந்தது. கூடுதலாக 12 MSWU இன் தலைவர்களையும், ஜியாலாலையும் கண்டறிவதில், 2012 ஜுலை 18ம் தேதிய கைகலப்பு போன்ற ஒரு மேற்பார்வையாளர் மூலமான தொழிலாளர்கள் துன்புறுத்தலுக்கும், கொலை குற்றத்திற்கும் வழிவகுத்தது, மேலும் அவர் ஏனைய 18 தொழிலாளர்களையும் இதற்கு சற்று குறைவான குற்றச்சாட்டுக்களின் பேரில் குற்றம்சாட்டியுள்ளார்.
நிச்சயமாக இந்த தீர்ப்பை ஒழுங்கமைவு செய்வதில், பொலிஸ் மட்டுமல்ல, வாதிதரப்பும் தொழிலாளர்கள் மீது குரோதத்துடன் வேண்டுமென்றே செயல்பட்டனர் என்ற உண்மையை நீதிபதி நிராகரித்துள்ளார் என்பது தீர்ப்பின் இறுதி நாள் வரையிலும் கடுமையாக வலியுறுத்தப்பட்டுவந்தபோதும், அனைத்து 148 தொழிலாளர்களும் குற்றவாளிகளென குற்றம்சாட்டப்பட்டனர்.
அனைத்து தொழிலாளர்களும் பெரும் துன்பத்தை அனுபவிக்கும் நிலைக்கே தள்ளப்பட்டுள்ளனர். அவர்களது வேலைகளை இழக்கச்செய்வது, குறைந்தபட்சம் மூன்று ஆண்டுகளுக்கு, அதிலும் பெரும்பாலான வழக்குகளில் நான்கு ஆண்டுகளுக்கு சிறைத்தண்டனை விதித்து அவர்களது குடும்பங்களை வறுமையில் தள்ளுவது போன்றவை இதில் அடங்கும். குடியுரிமை குழுக்களின் கருத்துப்படி பொலிஸின் மிருகத்தனமான சித்திரவதைகளுக்கு பலரும் உட்படுத்தப்பட்டுள்ளனர்.
ஆயினும் மாருதி சுசூகி நிறுவனம் திருப்தியடையவில்லை. குற்றங்கள் தள்ளுபடி செய்யப்பட்டதை எதிர்த்து வாகன உற்பத்தியாளர்கள் மேல்முறையீடு செய்வதற்கும், குற்றம் நிரூபிக்கப்பட்டவர்களுக்கு கடுமையான தண்டனைகளை விதிக்கும்படி கோருவதற்கும் உந்தி தள்ளும் என்று இதன் சட்ட ஆலோசகர் கூறியுள்ளார். அதாவது, 13 பேருக்கும் தூக்கு தண்டனை விதிக்கப்பட ஏதுவாக வாதி தரப்பை உந்தித்தள்ளும் வகையில் அதற்கு மீண்டும் புத்துயிர் கொடுக்கவே நிறுவனம் விரும்புகிறது என்பதாகும்.
இந்த அசுரத்தனமான அநியாய ஜோடிப்பு வழக்குகளுக்கு எதிராக இந்தியா மற்றும் உலகம் முழுவதிலும் தொழிலாளர்களை உடனடியாக அணிதிரட்ட வேண்டியது அவசியமாகவுள்ளது.
By Keith Jones
23 March 2017
http://www.wsws.org/tamil/articles/2017/3-mar/maru-m29.shtml

Tuesday, 28 March 2017

மாருதி சுசுகி தொழிலாளர்களை விடுதலை செய்யும் பிரச்சாரத்துக்கு இந்தியாவிலும் இலங்கையிலும் ஆதரவு அதிகரிக்கின்றது

Campaign for release of Maruti Suzuki workers wins support in India and Sri Lanka

சிறையில் அடைக்கப்பட்டுள்ள மாருதி சுசுகி தொழிலாளர்களை விடுவிக்க நான்காம் அகிலத்தின் அனைத்துலகக் குழு முன்னெடுக்கும் பிரச்சாரம், இந்தியாவிலும் இலங்கையிலும் ஆதரவை வென்று வருகின்றது. கடந்த சனிக்கிழமை, வட இந்திய மாநிலமான ஹரியானாவில் குர்கான் மாவட்ட நீதிமன்றம் போலி கொலைக் குற்றச்சாட்டின் பேரில் 13 மாருதி சுசூகி தொழிலாளர்களுக்கு ஆயுள் தண்டனை விதித்ததோடு குறைந்த குற்றச்சாட்டின் பேரில் தண்டனை விதிக்கப்பட்டுள்ள ஏனைய 18 தொழிலாளர்கள் மீது கடுமையான சிறைத் தண்டனையை சுமத்தியுள்ளது.
நான்காம் அகிலத்தின் அனைத்துலகக் குழுவானது இந்தக் குற்றச்சாட்டுக்ளையும் தண்டனைகளையும், இந்தியாவின் பிரதான அரசியல் கட்சிகளான ஆளும் பாரதிய ஜனதா கட்சி (பா.ஜ.க.) மற்றும் காங்கிரஸ் கட்சியினதும் முழு உடந்தையுடன் கம்பனி, போலீஸ் மற்றும் நீதித்துறையினால் சுமத்தப்பட்ட ஒரு கொடூரமான ஜோடிப்பு-வழக்கு என கண்டனம் செய்கின்றது. சிறையிலடைக்கப்பட்டுள்ள தொழிலாளர்கள் அப்பாவி ஆண்கள். மாருதி சுசுகி நிறுவனத்தின் மானேசர் கார் ஒருங்கிணைப்பு ஆலையில், அடிமை உழைப்பு நிலைமைகளுக்கு எதிராகப் போராடியது மட்டுமே அவர்கள் செய்த "குற்றம்" ஆகும். ஒரு இணையவழி மனுவை வெளியிட்டுள்ள அனைத்துலகக் குழு, உலகம் முழுவதும் உள்ள தொழிலாளர்கள் மற்றும் இளைஞர்களிடம் அவர்களது விடுதலைக்காகப் போராட முன்வருமாறு கேட்டுக் கொண்டுள்ளது.
நான்காம் அகிலத்தின் அனைத்துலகக் குழு வெளியிட்டுள்ள, "ஜோடிப்பு வழக்கில் சிக்கவைக்கப்பட்டுள்ள மாருதி சுசுகி தொழிலாளர்களை விடுதலை செய்" என்ற அறிக்கையின் பிரதிகளை அனைத்துலகக் குழுவின் ஆதரவாளர்கள் தமிழ்நாடு மாநிலத் தலைநகரான சென்னைக்கு வெளியில் உள்ள பல வாகன ஆலைகளிலும் நகரில் உள்ள இந்திய இரயில் துறைக்கு சொந்தமான இரயில் தொழிற்சாலையிலும் (ஐ.சி.எஃப்.) விநியோகித்தனர். பல தொழிலாளர்கள் பிரச்சாரத்துக்கு தங்கள் ஆதரவினை வெளிப்படுத்தியதோடு இணையவழி மனுவில் கையெழுத்திடவும் உடன்பட்டனர்.
ஃபோர்ட் மற்றும் ஹூண்டாய்க்கு வாகன உதிரிப்பாகங்கள் விநியோகம் செய்யும் ஹனன் சிஸ்டம்ஸ் நிறுவனத்தின், ஒரு ஒப்பந்த தொழிலாளியான வினுகிருஷ்னன், ஆயுள் தண்டனையை கண்டனம் செய்தார். மாருதி சுசுகியின் கடும் சுரண்டல் நிலைமையிலான ஒப்பந்த தொழிலாளர் முறை, தமிழகத்தைச் சேர்ந்த முதலாளிகளாலும் பயன்படுத்தப்படுகின்றது என்று அவர் கூறினார்.
"ஒப்பந்த தொழிலாளர் முறை தொழிலாளர்களை பெரிதும் பாதிப்பதோடு நாளுக்கு நாள் நிரந்தர தொழிலாளர்களின் எண்ணிக்கை குறைக்கப்பட்டு வருகிறது. உலகளாவிய நிறுவனங்கள் மலிவான உழைப்பைச் சுரண்டுவதற்காக இந்தியாவுக்கு வரும் அதேவேளை, நாட்டில் மற்றொரு சுரண்டல் வடிவம் தலைநீட்டுகின்றது.
"வட இந்திய மாநிலங்களில் இருக்கும் ஏழை தொழிலாளர்கள், வேலைகள் தேடி தமிழ்நாட்டுக்கு வருகிறார்கள். அவர்கள் குறைந்த ஊதியத்தில் -அற்ப கூலிக்கு- வேலையில் அமர்த்தப்படுவதோடு இந்த வழியில் நிறுவனங்கள் அனைவரின் ஊதியங்களையும் கீழ் மட்டத்திற்கு தள்ள முயற்சிக்கின்றன. வடக்கை சேர்ந்த இந்த தொழிலாளர்கள் நாள் ஒன்றுக்கு 12 முதல் 14 மணி நேரம் வேலை செய்ய தள்ளப்பட்டுள்ளனர். நாம் அதை எதிர்க்க வேண்டும்," என்று அவர் தொடர்ந்து கூறினார்.
யூகல் ஃபியூல் சிஸ்டம்மில் வேலை செய்யும் நவீன்குமார் மற்றும் லட்சுமணன், கொடூரமான சிறைத் தண்டனை பற்றி தங்கள் கோபத்தை வெளிப்படுத்தினர். "இது நிறுவனத்தின் தொழிலாளர்-விரோத செயல்களை சவால் செய்யும் எந்தவொரு தொழிலாளியையும் மிரட்டுவதை இலக்காகக் கொண்டது, இது கண்டிக்கப்பட வேண்டியது," என அவர்கள் கூறினர்.
இங்கு வேலை செய்யும் மற்றொரு தொழிலாளியான ரேணுகோபால், "இது மாருதி சுசுகி தொழிலாளர்களுக்கு எதிரான பழிவாங்கல் நடவடிக்கை, இது கண்டனத்திற்கு உரியது," என்றார்.
30 வயதான ஐசிஃஎப் ஊழியர் சுரேந்தர், தெரிவித்தாவது: "பா.ஜ.க. மற்றும் காங்கிரஸ் உட்பட அனைத்து முதலாளித்துவ கட்சிகளும் தொழிலாளர்களுக்கு எதிராக உள்ளன. வேறு எந்த கட்சியும் ஆயுள் தண்டனை விதிக்கப்பட்டுள்ள 13 தொழிலாளர்களை விடுதலை செய்ய பிரச்சாரம் செய்யவில்லை.
"ஜப்பனீயருக்கு சொந்தமான இந்த நிறுவனம், இந்த போராளித் தொழிலாளர்களை நசுக்க வேண்டும், அப்போதுதான் அவர்கள் குறைந்த ஊதியங்கள் மற்றும் ஒப்பந்த முறைக்கு எதிராக போராட முயற்சிக்க மாட்டார்கள், என்று நம்புகிறது. இந்திய அரசாங்கமும் முதலீட்டாளர்களுக்கு ஒரு செய்தியை அனுப்பியுள்ளதுடன் அது இந்த கொடூரமான ஆயுள்தண்டனக்கு உடந்தையாகவும் இருக்கின்றது. இந்த சர்வதேச பிரச்சாரம் பாதிக்கப்பட்ட மாருதி சுசுகி தொழிலாளர்களுக்கு மிகவும் உதவியாக இருக்கும்."

ஐசிஎப் ஷெல் பிரிவில் பணிபுரியும் 40 வயதான மாதவேந்திரன், தான் முதலாளிகளால் பழிவாங்கலுக்கு உள்ளனதாக விளக்கினார். "நான் 10 ஆண்டுகளாக ஃபோர்ட் வாகன நிறுவனத்திற்காக உழைத்திருகிறேன், இதுவும் மாருதி சுசுகி நிலைமை போலவே இருந்தது. தொழிற்சங்கத்தை உருவாக்க முயற்சி எடுத்து ஊதிய உயர்வை வலியுறுத்திய தொழிலாளர்கள் இங்கு வஞ்சிக்கப்பட்டார்கள்.
"நான் தொழிற்சங்கத்தை உருவாக்கும் போராட்டத்தில் பங்கேற்றதற்காக பழிவாங்கப்பட்டேன். தொழிற்சங்கம் அமைக்கப்பட்டபோது, ஃபோர்ட் நிர்வாகம் என்னை மிகவும் தொந்தரவு செய்ததால் நான் இராஜினாமா செய்யத் தள்ளப்பட்டேன். பின்னர் நான் ஐசிஃஎப் இல் சேர்ந்து கடந்த எட்டு ஆண்டுகளாக இங்கே உழைத்துக் கொண்டிருக்கிறேன். தொழிற்சங்கங்கள் தொழிலாளர்கள் நலனுக்காக வேலை செய்யவில்லை, அவை நிர்வாகத்துக்காக வேலை செய்கின்றன. அதனால் எந்த தொழிற்சங்கத்தின் மீதும் எனக்கு நம்பிக்கை இல்லை.
"நான் இந்த சர்வதேச பிரச்சாரத்தை விரும்புகிறேன்... மாருதி சுசுகி தொழிலாளர்களை பாதுகாக்க வேறு எந்த அமைப்பும் செய்யாத வேலையை நான்காம் அகிலம் செய்கின்றது. இந்த வகையான சர்வதேச பிரச்சாரம் தற்போதைய சூழ்நிலையில் அவசியம்."
இந்தப் பிரச்சனையை பற்றி அவரது சொந்த வார்த்தைகளில் எழுத வேண்டும் என மாதவேந்திரன் ஆர்வமாக இருப்பதாகக் கூறினார். பின்வருவது அவர் தமிழில் கூறியது: "தொழிலாளர்களை ஒடுக்கும் கம்பனி, அரசியல் அல்லது நீதித்துறை சார்ந்த எந்த நிறுவனமும் வரலாற்றில் முன்னேற்றமாக இருந்ததில்லை. அதேபோல், நீதிபதியின் தரம் குறைந்த செயல் கண்டிக்கத்தக்கது. மேலும், சர்வதேச தொழிலாளர்களின் பாதுகாப்பு கேள்விக்குள்ளாகியுள்ளது. இந்த வார்த்தைகள் என்னால் எழுதப்பட்டவை."
மற்றொரு ஐசிஃஎப் தொழிலாளி சசிகுமார், 42, கூறியதாவது: "கம்பனி மேலாண்மை, இந்த தண்டனையை தொழிலாளர்கள் மீது விதிக்கும் பொருட்டு பொய்யாக அவர்கள் மீது குற்றம் சாட்டியது. உங்கள் அறிக்கை சுட்டிக் காட்டுவது போல், குற்றச்சாட்டுக்கள் நிரூபிக்கப்படாததோடு அப்பாவி தொழிலாளர்கள் கம்பனி, அரசாங்கம், காவல்துறை, நீதிமன்றங்களின் கூட்டு ஒத்துழைப்புடன் தண்டிக்கப்பட்டுள்ளார்கள்.
"நான் உங்கள் பிரச்சாரம் பற்றியும் நீங்கள் நேரில் தொழிலாளர்களை சந்தித்து மாருதி சுசுகி தொழிலாளர்களுக்கு எதிரான தீர்ப்பு சம்பந்தமாக கருத்துக்களை கேட்பதை பற்றியும் மகிழ்ச்சியடைகிறேன். என்னைப்போல், சர்வதேச ரீதியில் தொழிலாளர்கள் நிச்சயமாக இந்த பிரச்சாரத்தை ஆதரிப்பார்கள், மாருதி சுசூகி தொழிலாளர்கள் வெற்றி பெறுவார்கள் என்று நான் நம்புகிறேன். "
பெயர் குறிப்பிட விரும்பாத ஒரு ஐசிஃஎப் தொழிலாளி தெரிவித்ததாவது: "நான் பல தொழிற்சங்கங்களை பல கட்சிகளை மற்றும் பல அரசாங்கங்களை பார்த்துள்ளேன். நான் 30 ஆண்டுகளாக வேலை செய்கிறேன். ஆனால் தொழிற்சங்கங்கள் முன்னர் போல் இல்லை. அவை நிர்வாகத்தின் கைக்குள் இருந்து செயற்படுகின்றன. இந்த தொழிற்சங்கங்கள் தொழிலாளர்களைப் பாதுகாப்பதற்கு அல்ல என்பது நிர்வாகத்துக்கு நன்கு தெரியும்.
"நீங்கள் சர்வதேச பிரச்சாரத்தை முன்னெடுப்பது சந்தோஷமாக இருக்கிறது, நான் முன்பு மாருதி தொழிலாளர்கள் பற்றி கேட்டறிந்து இருந்தாலும், உங்கள் மூலம் மட்டுமே நீதிமன்றத் தீர்ப்பு பற்றி கேள்விப்படுகிறேன். அவர்கள் இந்த தொழிலாளர்களை 2012ல் இருந்து நான்கு ஆண்டுகளாக சிறையில் வைத்துள்ளார்கள், தொழிற்சங்கம் அமைக்க முயற்சித்தமைக்காகவும், ஊதிய உயர்வு கேட்டதற்காகவும் அவர்களை போலி கொலைக் குற்றச்சாட்டின் பேரில் பிணை உரிமையையும் மறுத்து தடுத்து வைத்துள்ளனர்."
மற்றொரு ஐசிஃஎப் தொழிலாளி பின்வருமாறு கூறினார்: "அனைத்து அரசியல் கட்சிகள் மற்றும் அரசாங்கங்களும் தொழிலாளர்கள் மற்றும் மக்களுக்கு எதிராக உள்ளன. மாருதி சுசுகி தொழிலாளர்களுக்கு வழங்கப்பட்டுள்ள தண்டனையானது அவர்களது அடிப்படை உரிமைகளுக்காக எந்தவொரு போராட்டத்தையும் மேற்கொள்வதற்கு எதிராக தொழிலாளர்களை மிரட்டுவதாகும். நீதிபதிகள் முதலீட்டாளர்கள் மற்றும் நிறுவன நிர்வாகத்தின் சார்பில் பேசுகின்றனர். அனைத்து தொழிலாளர்களும் இந்த பிரச்சாரத்தை ஆதரிப்பதோடு இந்த சர்வதேச பிரச்சாரம் தொழிலாள வர்க்கத்தின் வர்க்க பலத்தை நிரூபிக்கும் என்று நான் உறுதியாக நம்புகிறேன்."
ஒரு தொழில்துறை வலயத்தில் இலங்கை தொழிலாளர்களுடன் கலந்துரையாடும் சோசலிச சமத்துவக் கட்சி பிரச்சாரகர்கள்
இலங்கையில், சோசலிச சமத்துவக் கட்சி (சோ.ச.க.) மற்றும் சமூக சமத்துவத்துக்கான சர்வதேச இளைஞர் மற்றும் மாணவர் (ஐவைஎஸ்எஸ்இ) அமைப்பின் உறுப்பினர்கள், ஹோமாகமவில் உள்ள டெம்பல்பேர்க் தொழிற்துறை வலயத்தில் சிங்களம் மற்றும் தமிழ் துண்டு பிரசுரங்களை விநியோகித்தனர். பிரச்சாரகர்கள் மாருதி சுசுகி போலி வழக்கு பற்றி பல்வேறு தொழிற்சாலைகளில் இருந்து வந்த டஜன் கணக்கான தொழிலாளர்களுடன் பேசினார். கொழும்பில் இருந்து 30 கிலோமீட்டர் தொலைவில் அமைந்துள்ள இந்த தொழிற்துறை வலயத்தில் சுமார் 5,000 பேர் வரை வேலை செய்கின்றனர்.
சமன், சேனக பில்டர்ஸ் (பிரைவேட்) லிமிடெட்டில் வேலை செய்யும் தொழிலாளி. மாருதி சுசுகி தொழிலாளர்கள் சிறையில் அடைக்கப்பட்டது பற்றி முன்னர் தான் கேள்விப்படவில்லை என அவர் கூறினார். "நான் இந்த நீதிமன்றத் தீர்ப்பைப் பற்றி மிகவும் கோபமடைகிறேன்," என்று அவர் கூறினார். "இந்த பாதிக்கப்பட்ட தொழிலாளர்கள் எந்த நாட்டினராக இருந்தாலும் எங்கள் சகோதரர்கள் மற்றும் நாம் எல்லா வழிகளிலும் இதை எதிர்க்கவும் அவர்களை விடுவிக்கப் போராடவும் வேண்டும்.
"நாங்கள் சமீபத்தில் அம்பாந்தோட்டை துறைமுகத்தில் வேலைநிறுத்தத்தில் ஈடுபட்ட தொழிலாளர்களுக்கு எதிரான இலங்கை அரசாங்கத்தின் ஒரு கொடூரமான தாக்குதலை கண்டோம். மற்றும் கல்வி வெட்டுக்கு எதிராகப் போராடும் பல்கலைக்கழக மாணவர்கள், அடிக்கடி கொடூரமான போலீஸ் தாக்குதலுக்கு ஆளாகியுள்ளனர். வளரும் இத்தகைய சூழ்நிலையில், நாம் மாருதி சுசுகி தொழிலாளர்களுக்கு எதிராகப் பயன்படுத்தப்படும் போலிக் குற்றச்சாட்டுக்கள் போன்றவற்றுக்கு இலக்காக முடியும்."
ஆரம்பத்தில் சமன் நான்காம் அகிலத்தின் அனைத்துலகக் குழுவின் பிரச்சாரம் சிறையில் உள்ள தொழிலாளர்களை விடுவிக்க இந்திய அரசாங்கத்தை நெருக்குமா என்பது குறித்து பல சந்தேகங்களை எழுப்பினார். அதன் நோக்கம் தொழிலாளர்களை ஒன்றுபடுத்துவதும் சர்வதேச தொழிலாள வர்க்கத்தின் பலத்தை திரட்டுவதுமே என பிரச்சாரகர்கள் விளக்கிய பின்னர் அவர் கூறியதாவது: "ஆமாம், நாங்கள் இந்த வகையான பிரச்சாரத்தின் மூலம் ஒற்றுமை அடைய முடியும் என நினைக்கிறேன். இத்தகைய ஒற்றுமை, அதுவே ஒரு பெரிய சாதனையாக இருக்கும். நீங்கள் சுட்டிக்காட்டியவாறு, நாம் இத்தகைய தாக்குதல்களுக்கு எதிராக சர்வதேச தொழிலாள வர்க்க இயக்கம் ஒன்றை கட்டியெழுப்ப வேண்டும்."
இலங்கை அசோக் லேலண்ட் ஆலையில் இருந்து வந்த இந்திகா, "ஒரு வாகனத் தொழிலாளி என்னும் முறையில் நான் இந்த பாதிக்கப்பட்ட மாருதி சுசுகி தொழிலாளர்கள் பற்றி வருத்தத்தை உணர்ந்தேன். அவர்கள் சம்பளம் உயர்வும் மற்றும் நல்ல பணி நிலைமைகளுக்காகவே போராடினர். அவர்கள் அவ்வாறு செய்ய ஜனநாயக உரிமை உண்டு. எனினும், இப்போது அவர்களுக்கு ஆயுள் தண்டனை விதிக்கப்பட்டுள்ளது.
"நாம் எங்கள் உரிமைகளைப் பாவிக்க முடியவில்லை எனில் ஏன் இந்த சமூகத்தில் வாழ வேண்டும்? நாம் நீங்கள் சொல்வது போல், எங்கள் உரிமைகளை அனுபவிக்க கூடிய வேறுபட்ட ஒரு சமுதாயத்தை நிறுவுவது பற்றி யோசிக்க வேண்டும், இது போன்ற ஒரு சமூகத்தை உருவாக்குவதற்கான ஒரே வழி சர்வதேச தொழிலாள வர்க்கத்தின் ஐக்கியம் மட்டுமே."
By WSWS correspondents
23 March 2017

Monday, 27 March 2017

ஆயுள்தண்டனை விதிக்கப்பட்டுள்ள 13 தொழிலாளர்களை விடுதலை செய்யுமாறு கோரி மாருதி சுசூகி தொழிலாளர்கள் ஆர்ப்பாட்டத்தை முன்னெடுக்கின்றனர்

உலக சோசலிச வலைத் தளம், ஜோடிப்பு வழக்கில் சிக்க வைக்கப்பட்டுள்ள 13 மாருதி சுசூகி தொழிலாளர்களை விடுவிக்க கோரும் இணையவழி மனுவில் கையெழுத்திட அதன் வாசகர்களுக்கு அழைப்பு விடுக்கின்றது.
நேற்று ஹரியானா மாநிலம், மானேசர் பகுதியில் ஜோடிக்கப்பட்ட கொலை குற்றச்சாட்டுக்களுடன் தொடர்புபடுத்தி ஆயுள் தண்டனை விதிக்கப்பட்டு சிறையிலடைக்கப்பட்டுள்ள 13 மாருதி சுசூகி தொழிலாளர்களையும், அத்துடன் அதற்கு சற்று குறைவான குற்றங்கள் தொடர்பான குற்றச்சாட்டுக்களின் பேரில் ஐந்து ஆண்டுகள் சிறைத் தண்டனை விதிக்கப்பட்டுள்ள இன்னும் நான்கு தொழிலாளர்களையும் உடனடியாக விடுவிக்ககோரி 8,000 க்கும் மேற்பட்ட தொழிலாளர்கள் இணைந்து ஒரு ஆர்ப்பாட்டத்தை நடத்தினர்.
மாருதி சுசூகி தொழிலாளர்கள் சங்கத்தின் (MSWU) 12 அலுவலக நிர்வாகிகளும் இந்த 13 பேரில் அடங்குவர். ஒரு நிறுவன கட்டுப்பாட்டில் இருக்கும் தொழிற்சங்கத்திற்கு எதிராக மோசமான கூலி வழங்கல், ஒப்பந்த தொழிலாளர் வேலைகள், கடுமையான வேலையிட நிலைமைகள் போன்றவற்றிற்கு எதிரான போராட்டத்தின் ஒரு பகுதியாகவே கடுமையான போராட்டத்திற்கு மத்தியில் தான் மாருதி சுசூகி மானேசர் வாகன அசெம்பிளி ஆலை தொழிலாளர்கள் MSWU இனை நிறுவினார்கள்.
மானேசர் பேரணியில் மாருதி சுசூகி தொழிலாளர்கள்
MSWU இனை அங்கீகரிக்க மாருதி சுசூகி நிறுவனம் நிர்ப்பந்திக்கப்பட்ட சில மாதங்களுக்கு பின்னர், பொலிஸ் மற்றும் காங்கிரஸ் கட்சி தலைமையிலான ஹரியானா மாநில அரசாங்கத்துடன் கைகோர்த்து செயலாற்றும் ஜப்பானுக்கு சொந்தமான வாகன உற்பத்தியாளர்கள் அவர்களது ஆத்திரமூட்டலை அரங்கேற்றினர். தொழிற்சாலை பிரிவில் நிறுவனத்தினால் தூண்டிவிடப்பட்டு நடந்த கைகலப்பு மற்றும் மர்மமான முறையில் கைகலப்பிற்கு மத்தியில் வெடித்த நெருப்பிடல் சம்பவம் போன்றவற்றையே காரணங்களாக காட்டி தொழிலாளர்களுக்கு எதிராக ஒரு நீதிமன்ற சூனிய வேட்டையை அதிகரிக்கவும், தொழிலாளர் பிரிவினரிலிருந்து களையெடுக்கவும் மாருதி சுசூகி நிறுவனம் அவற்றை பற்றிக்கொண்டது.
நேற்று நடந்த ஊர்வலம் மற்றும் பேரணியில் இணைந்துகொள்வதில், மே 14 வரையிலும் மானேசர் தொழிற்துறை அமைந்திருந்த மாவட்டமான குர்கானில் ஐந்து அல்லது அதற்கு மேற்பட்ட நபர்கள் ஒன்று கூடும் கூட்டத்திற்கு அரசு அதிகாரிகளால் சுமத்தப்பட்டுள்ள ஒரு முற்றுமுழுதான தடையினை தொழிலாளர்கள் புறக்கணித்தனர்.
பகல் வேலை நேரம் முடிவடைந்து, தொழிலாளர்கள் அவரவர் ஆலைகளிலிருந்து மானேசர் பூங்காவினை நோக்கி அவர்களது அணிவகுப்பை தொடங்கியபோது பொலிஸ் ஆரம்பத்தில் தடுக்க முயன்றனர் என்று ஒரு MSWU செய்தி தொடர்பாளர் உலக சோசலிச வலைத் தளத்திடம் தெரிவித்தார். எனினும் அவர்கள் ஆர்ப்பாட்டத்தின் அளவினை பார்த்தபோது, அதிலும் குறிப்பாக மானேசர் மாருதி சுசூகி ஆலையில் சுமார் 3,000 தொழிலாளர்களின் கூடியிருந்ததை பார்த்ததும், பேரணியினை தொடர அனுமதிக்கவே முடிவுசெய்தனர்.
மானேசர் தெருக்களில் கண்காணிப்புக்கும், தொழிலாளர்களை அச்சுறுத்துவதற்கும் ஐநூறு பொலிஸாரை அரசாங்கம் குவித்திருந்தது. மேலும், கூடுதல் பாதுகாப்பு படைகளின் “இரண்டு பட்டாலியன்களையும்” அருகாமையில் நிலைநிறுத்தி வைத்திருந்தது என்பதும் தெரியவந்தது.
இந்தியாவின் தலைநகரமான தில்லியின் புறநகர் பகுதியில் அமைந்துள்ள ஒரு மாபெரும் வாகன தயாரிப்பு மற்றும் உற்பத்தி மையமாக விளங்கும் குர்கான்-மானேசர் தொழிற்துறை பகுதியில் உள்ள டஜன் கணக்கான தொழிற்சாலைகளிலிருந்து தொழிலாளர்கள் நேற்றைய ஆர்ப்பாட்டத்தில் ஈடுபட்டனர். இராஜஸ்தானில், ஆழ்வார் பகுதி போன்ற தொலைவில் இருப்பதும், தில்லியின் ஏனைய தொழிற்துறை புறநகர் பகுதிகளான நொய்டா மற்றும் ஃபரிதாபாத் உள்ளிட்ட பகுதிகளிலிருந்து பிரதிநிதிகள் கூடியிருந்தனர்.
மானேசர் பேரணி
பேரணியில் உரையாற்றிய, MSWU இன் இடைக்கால செயற்குழு உறுப்பினர் ராம் நிவாஸ், “நாம் அமைதியான ஆர்ப்பாட்டங்களை நடத்திக்கொண்டிருக்கிறோம், ஆனால் அதற்காக நாம் பலவீனமாக இருக்கிறோம் என்று அர்த்தமில்லை. ஏப்ரல் 4 அன்று நாம் அரசாங்கம் மற்றும் மாருதி நிர்வாகத்திற்கு எதிராக ஒரு அனைத்து இந்திய ஆர்ப்பாட்டத்தை நடத்தவேண்டும் என்பதுடன் நமது 13 சகோதரர்களுக்கு நீதி வழங்கப்படும் வரையிலும் இந்த ஆர்ப்பாட்டங்களை தொடர்ந்து நடைபெறச்செய்யவேண்டும்” என்று கூறினார்.
மாருதி சுசூகி மனிதவள (HR) மேலாளர் மூச்சுதிணறி இறந்தது தொடர்பாக 13 தொழிலாளர்கள் மீது போடப்பட்ட அரக்கத்தனமான ஜோடிப்பு வழக்கினையும், 150க்கும் அண்ணளவான ஏனைய தொழிலாளர்கள் கைதுசெய்யப்பட்டு பல ஆண்டுகள் சிறைத் தண்டனைக்கு உட்படுத்தபட்டு இருப்பதையும், மேலும் 2012 ஜுலை 18ம் தேதிய கைகலப்புக்கு பின்னர் மாருதி சுசூகி நிறுவனம் 500 க்கும் மேற்பட்ட நிரந்தர தொழிலாளர்களையும், 1,800 ஒப்பந்த தொழிலாளர்களையும் பணிநீக்கம் செய்ததையும் குறித்து நிவாஸ் கண்டனம் தெரிவித்தார்.
“மனிதவள மேலாளரின் இறப்பிற்கு பின்னணியில் நெருப்பின் காரணமாகவே அவருக்கு மூச்சுதிணறல் ஏற்பட்டுள்ளது என்று பிரேத பரிசோதனை அறிக்கை தெரிவிக்கின்றபோது, தொழிலாளர்கள் மீது எப்படி கொலை குற்றம்சாட்டப்பட்டது?” என்று நிவாஸ் கேட்டார். “அவர்கள், தொழிலாளர்களுக்கு வேலையின்மை நிலையை உருவாக்கியதன் மூலம் நூற்றுக்கணக்கானவர்களின் வாழ்க்கையை அழித்துவிட்டனர், கூடவே தற்போது இந்த 13 தொழிலாளர்களின் வாழ்க்கையையும் முடித்துவிட்டனர். இந்த நிலையில், நாம் சர்வதேச தொழிலாளர் அமைப்புக்களுடன் தொடர்புகொண்டு ஆதரவு திரட்டவேண்டும்.” என்றும் கூறினார்.
மாருதி உத்யோக், தொழிலாளர்கள் சங்கத்தின் பொது செயலாளரான குல்தீப் ஜங்கு, பேரணியின்போது, “இந்த குற்றவாளிகள் அப்பாவிகளாக உள்ளனர், எனவே நாம் பஞ்சாபில் உள்ள மாவட்ட நீதிமன்றத்தின் தீர்ப்பினையும், ஹரியானா உயர் நீதிமன்றத்தின் தீர்ப்பினையும் எதிர்த்து மேல்முறையீடு செய்வோம். நீதிமன்றமே உண்மையை வெளிப்படுத்துவதற்காக, நாம் ஒரு நீதிவிசாரணையை நடத்துமாறு அதனிடம் வேண்டிக்கேட்டுகொள்வோம். அனைத்து 13 தொழிலாளர்களும் கொலை குற்றம்சாட்டப்பட்டுள்ள வழக்கிலிருந்து விடுவிக்கப்படவேண்டும் என்பதையே நாம் விரும்புகிறோம்.” என்று தெரிவித்தார்.
பேரணியில் பேச்சாளர்களும் தொழிலாளர்களும் செய்தி ஊடகங்களுக்கு அளித்த பேட்டியில், 2012 நிகழ்வுகள் குறித்த பொலிஸ் சிறப்பு புலனாய்வு குழுவின் “விசாரணை” ஒரு வெட்கக்கேடானது என்றே கண்டனம் செய்தனர். 13 தொழிலாளர்களை குற்றவாளிகள் என்று தீர்ப்பு வழங்கிய நீதிபதி கூட, பொலிஸ் நிர்வாகத்துக்கு உடந்தையாக இருந்ததுடன் ஆதாரங்களை இட்டுக்கட்டி தயார்செய்துள்ளனர் என்பதை ஒப்புக்கொள்ள வேண்டியிருந்தது என்பதை குறிப்பிட்டனர். மேலும் தொழிலாளர்களிடமிருந்து போலியான வாக்குமூலங்களை கறக்கும் நோக்கம் கொண்டே பொலிஸ் 148 தொழிலாளர்களுள் பலரை அடித்தும், சித்திரவதை செய்தும் உள்ளனர் என்பது போன்ற மறுக்கமுடியாத ஆதாரங்களையும் அவர்கள் சுட்டிக்காட்டினர்.
MSWU இன் இடைக்கால செயற்குழுவின் தலைவரான குஷி ராம், நிர்வாகம் தனது ஆகஸ்ட் 2012 தொழிலாளர்கள் களையெடுப்பின்போது பணிநீக்கம் செய்த அனைத்து 546 நிரந்தர தொழிலாளர்களையும் மீண்டும் பணியிலமர்த்தவேண்டும் என்று தொழிற்சங்கம் போராடிக்கொண்டிருக்கிறது என்று கூறினார். மேலும், “அவர்கள் 546 தொழிலாளர்களை பணியிலிருந்து நீக்கியுள்ளனர்,” என்றாலும், “சிறப்பு புலனாய்வு குழு தனது அறிக்கையில் அவர்களுள் 214 பேரின் பெயர்களை மட்டுமே குறிப்பிடுகின்றனர். தற்போது, (மாவட்ட) நீதிமன்றம் கூட இந்த வழக்குடன் சம்பந்தப்பட்டிருந்தவர்களில் 117 பேரை விடுதலை செய்துவிட்டது. நிறுவனம் தற்போது அவர்களை மீண்டும் பணியில் சேர்த்துக்கொள்ளவேண்டும்.” என்று ராம் கூறினார்.
குர்கான்-மானேசர் தொழிற்துறை பகுதியில் தொழிலாளர்களை அச்சுறுத்துவதற்கு ஒரு நிறுவனம் மற்றும் அரசின் சதி வேட்டை நோக்கம் கொண்டிருந்ததனாலும், மேலும் முதலீட்டாளர்களுக்கு மாபெரும் இலாபங்களை தரக்கூடிய மலிவுகூலி உழைப்பு மீதான தொழிலாளர் எதிர்ப்பை இரக்கமின்றி நசுக்க இந்திய அரசியல் ஸ்தாபகம் முதலீட்டாளர்களுக்கு உறுதியளிக்கின்றதாலுமே, மாருதி சுசூகி தொழிலாளர்கள் பாதிக்கப்பட்டுள்ளனர்.
மார்ச் 17ம் தேதிய தண்டனை விசாரணையின்போது, நீதிமன்றம் 13 பேருக்கு தூக்கு தண்டனை வழங்கவேண்டுமென்று வாதி தரப்பு வாதிடுகையில், மலிவு உழைப்புக்காக அந்நிய முதலீட்டாளர்களை சீனாவிலிருந்து இந்தியா நோக்கி திரும்பசெய்யும் வகையில் அவர்களை கவரும் நோக்கம்கொண்டுள்ள இந்திய அரசாங்கத்தின் “இந்தியாவில் உற்பத்திசெய்யுங்கள்” கொள்கையை சுட்டிக்காட்டியது.
மாருதி சுசூகி தொழிலாளர்களின் உடனடி விடுதலைக்கு கோரிக்கை விடுப்பதற்கும், அவர்களுக்கு எதிரான அனைத்து குற்றச்சாட்டுக்களையும் இல்லாதொழிப்பதற்கும், மேலும் பாதிக்கப்பட்ட அனைத்து தொழிலாளர்களையும் மீண்டும் பணியிலமர்த்த செய்வதற்கும், இந்தியா மற்றும் உலகம் முழுவதிலும், தொழிலாளர்களையும், ஜனநாயக உரிமைகள் மீது மதிப்புவைத்திருக்கும் அனைவரையும் அணிதிரட்டுவதனை உடனடியாக செய்யவேண்டும்.
117 தொழிலாளர்கள் விடுதலை செய்யப்படுவதை எதிர்த்து மேல்முறையீடு செய்ய அதிகாரிகளை வலியுறுத்தவும், மேலும் குற்றம்சாட்டப்பட்டவர்களை இன்னும் கடுமையான தண்டனைக்கு உட்படுத்துவதற்கு முனையவும் விரும்புவதாக ஜப்பானுக்கு சொந்தமான வாகன தயாரிப்பு நிறுவனம் கூறியுள்ளது. வேறு வார்த்தைகளில் கூறுவதானால், அவர்களது மிகக் கொடூரமான சுரண்டல் நடவடிக்கைகளை எடுத்துக்காட்டுவதே 13 பேர் செய்த ஒரே “குற்றம்” என்பதையும் அது வலியுறுத்துகிறது.
மாருதி சுசூகி தொழிலாளர்களுக்கு வழங்கப்பட்டுள்ள இந்த கொடூரமான “வர்க்க நீதி” குறித்து குர்கான்-மானேசர் தொழிற்துறை பகுதி மற்றும் இந்தியா முழுவதிலும், தொழிலாளர்களுக்கு மத்தியில் உக்கிரமான கோபம் உள்ளது. இருப்பினும், இரட்டை ஸ்ராலினிச பாராளுமன்ற கட்சிகளான இந்திய கம்யூனிஸ்ட் கட்சி (CPI) மற்றும் இந்திய கம்யூனிஸ்ட் கட்சி (மார்க்சிஸ்ட்) அல்லது (CPM) போன்றவை உள்ளிட்ட பிரதான தொழிற்சங்க கூட்டமைப்புகள், மாருதி சுசூகி தொழிலாளர்களை பாதுகாப்பதில் தொழிலாள வர்க்கத்தை அணிதிரட்டுவதற்கு உள்ள போராட்டத்தை பிடிவாதமாக எதிர்த்துள்ளனர். CPI அல்லது CPM எதுவுமே மாருதி சுசூகி தொழிலாளர்கள் மீது மார்ச் 10ல் குற்றம் ஊர்ஜிதபடுத்தபடுதல், அல்லது மார்ச் 17ல் அவர்களுக்கு தண்டனை வழங்கப்படுதல் போன்ற எதற்கும் கண்டனம் தெரிவித்து செய்தி குறிப்பு எதனையும் வெளியிடவில்லை.
கிட்டத்தட்ட ஐந்து ஆண்டுகளாக மாருதி சுசூகி தொழிலாளர்கள் ஒரு நிறுவனம் மற்றும் அரசின் ஜோடிப்பு வழக்கை எதிர்த்து போராடிக்கொண்டே இருக்கின்ற நிலையில், ஸ்ராலினிஸ்டுகள் முதலாளித்துவ நீதிமன்றங்களுக்கும், பெரு வணிக அரசியல் ஸ்தாபகங்களுக்கும் “நீதிக்காக” மேல்முறையீடு செய்வது குறித்து அதன் முயற்சிகளை குவிமையப்படுத்த MSWU மீது மேலோங்கியிருக்க அவர்களது செல்வாக்கை பயன்படுத்தினர்.
மாருதி சுசூகி தொழிலாளர்களை விடுவிக்க கோரி போராடுவதற்கு இந்தியாவின் சுயாதீனமான வலிமையையும், சர்வதேச தொழிலாள வர்க்கத்தையும் அணிதிரட்டுவதற்கு அழைப்பு விடுக்க நான்காம் அகிலத்தின் அனைத்துலகக் குழு மற்றும் உலக சோசலிச வலைத் தளத்தின் இந்திய ஆதரவாளர்கள் நேற்று சென்னையில் நடந்த ஒரு பேரணியில் தலையிட்டனர்.
ஒரு புரட்சிகர பயங்கரவாதியான பகத் சிங்கிற்கு பிரிட்டிஷ் காலனித்துவ ஆட்சி மூலம் மார்ச் 23, 1931ல் மரணதண்டனை விதிக்கப்பட்டதை நினைவுகூரும் விதமாக இந்திய மார்க்சிஸ்ட் லெனினிஸ்ட் மாவோயிச கம்யூனிஸ்ட் கட்சி (Maoist Communist Party of India-Marxist Leninist-CPI-ML) உடன் இணைந்த தொழிற்சங்கங்களின் அனைத்து இந்திய மத்திய குழு (All India Central Council of Trade Unions-AICCTU) இந்த பேரணிக்கு அழைப்புவிடுத்திருந்தது.
“ஜோடிப்பு வழக்கில் சிக்கவைக்கப்பட்ட மாருதி சுசூகி தொழிலாளர்களை விடுதலை செய்!” என்ற வாசகமிட்ட ICFI இன் அறிக்கை நகல்களை அதன் ஆதரவாளர்கள் விநியோகித்தனர், மேலும் கிட்டத்தட்ட 300 தொழிலாளர்கள் கலந்துகொண்ட இந்த பேரணியில், அவர்களுடனான கலந்துரையாடல்களை தடைசெய்யும் வகையில் AICCTU தலைவர்கள் முயற்சிகள் மேற்கொண்டபோதும், அவர்களில் பெரும்பாலோரிடமிருந்து இந்த அறிக்கைக்கு ஒரு ஆர்வம்மிக்க பிரதிபலிப்பு கிடைத்தது.
27 வயதான ஒரு ரெனால்ட்-நிசான் தொழிலாளியான நடராஜ், “நானும் கார் தயாரிக்கும் ஒரு உலகளாவிய நிறுவனத்தில் வேலைசெய்து வருகிறேன். இந்த சர்வதேச பிரச்சாரத்தின் மூலமாக உலகளவிலான வாகன தொழிலாளர்களுடனான கலந்துரையாடலை நாம் அபிவிருத்தி செய்யவேண்டும் என்பதை நான் முக்கியமானது என்று நம்புகிறேன். மாருதி சுசூகி நிறுவனமும் ஒரு உலகளாவிய நிறுவனமாக இருப்பதால், இதற்கு சவாலாக சர்வதேச தொழிலாளர்களை அணிதிரட்டுவது அவசியமாகும்” என்று கூறினார்.
ஒரு ஓட்டுநரான ஆனந்தன் பின்வருமாறு தெரிவித்தார்: “மாருதி சுசூகி தொழிலாளர்களை பாதுகாக்க இந்த சர்வதேச பிரச்சாரம் முக்கியமானதாக உள்ளது. ஒரு தொழிற்சங்கம் அமைப்பது மற்றும் ஊதிய உயர்வு கோருவது போன்ற நியாயமான உரிமைகளுக்காக போராடும் தொழிலாளர்களை பிணை அனுமதியின்றி நான்கு ஆண்டுகளுக்கு சிறையில் அடைத்திருப்பது என்பது நீதிமன்றங்கள் தொழிலாளர்களுக்காக இல்லை என்பதையே காட்டுகிறது. சேகர் ரெட்டி போன்ற பணக்கார மக்கள் கொலையே செய்திருந்தபோதும் ஒரு வாரத்திற்குள் பிணையில் சிறையிலிருந்து வெளிவர முடியும்… சிறையில் அடைக்கப்பட்டிருக்கும் தொழிலாளர்களின் குடும்பங்கள் எப்படி துயரமடைந்திருப்பார்கள் என்பதை கற்பனை செய்து பார்த்தால் வேதனையாக உள்ளது. தற்போது 13 பேருக்கு ஆயுள் தண்டனை விதிக்கப்பட்டுள்ளது. அவர்களது குடும்பங்களும் தெருக்களில் தூக்கியெறியப்பட்டுவிடும்.”
வெங்கடேஷ் மற்றும் சண்முகம்
“இந்தியாவில் மலிவு உழைப்பு ஒப்பந்த அமைப்பானது பொது தொழிற்துறைகள் உட்பட அனைத்து தொழிற்துறைகளிலும் தாக்கத்தை கொண்டிருகின்றன. அரசாங்கத்திற்கு சொந்தமான நிறுவனங்களிலும் கூட வேலைக்கு பாதுகாப்பின்மையே நிலவுகிறது. நிறுவனம், பொலிஸ் மற்றும் அரசாங்கத்தின் உடந்தையுடனேயே மாருதி சுசூகி தொழிலாளர்கள் ஜோடிப்பு வழக்கில் சிக்க வைக்கப்பட்டுள்ளனர். அரசியல் கட்சிகள் முதலாளித்துவ வர்க்கத்திற்கு சேவை செய்கின்றன. தொழிலாளர்களும், மக்களும் இந்த கட்சிகள் மற்றும் நீதிமன்றங்கள் மூலமாக எதையும் பெறுவதில்லை. எனவே, இந்த சர்வதேச பிரச்சாரம் பயனுள்ளதாக இருக்கும்” என்று வெங்கடேசன் கூறினார்.
சுரேந்தர் மற்றும் ஸ்ரீதர்
மற்றொரு தொழிலாளியான சுரேந்தர் பின்வருமாறு கூறினார், “நான் கடுமையாக இந்த தீர்ப்பினை கண்டனம் செய்கிறேன். மாருதி சுசூகி தொழிலாளர்கள் வெற்றிபெறுவார்கள் என்று நான் நம்புகிறேன். உலகளாவிய நிறுவனங்கள் அவர்களது பணத்தைக்கொண்டு எதையும் சாதித்துவிட முடியும் என்று நினைக்கிறார்கள். ஆனால், சர்வதேச தொழிலாளர்களின் ஐக்கியம் அதனைக்காட்டிலும் மிகுந்த சக்திவாய்ந்தது. நாங்கள் தயங்கவில்லை. மேலும், எங்களது கருத்துகளும், புகைப்படங்களும் வெளியிடப்படவேண்டும் என்றே விரும்புகிறோம். இது தொழிலாளர்களின் சர்வதேச ஐக்கியத்தினை பிரதிபலிக்கும், மேலும் இளம் தொழிலாளர்களின் ஒன்றுபட்ட போராட்டங்கள் மூலமாக ஒரு மாற்றத்தினை உருவாக்க முடியும்.”
By a WSWS reporting team
24 March 2017

Saturday, 25 March 2017

மாருதி சுசூகி தொழிலாளர்களின் வழக்கு பற்றிய முக்கிய உண்மைகள்

The key facts of the Maruti Suzuki workers’ case

இந்திய தலைநகரமான தில்லியின் புறநகர் பகுதியிலுள்ள மாருதி சுசூகி கார் அசெம்பிளி ஆலையில் ஜுலை 2012 இல் நடந்த மோதலின் இருந்து உருவான ஜோடிக்கப்பட்ட கொலை குற்றச்சாட்டுக்கள் பதிவு செய்யப்பட்ட பின்னர் இந்தியாவில் பதின்மூன்று வாகனத்துறை தொழிலாளர்களுக்கு ஆயுள் தண்டனை விதிக்கப்பட்டது.
இந்தியாவின் கொடூரமான சிறைகளில் அடைக்கப்பட்டு வாடுவதற்கு தண்டனை பெற்றவர்களுள் ஹரியானாவின் மானேசர் மாருதி சுசூகி தொழிலாளர் சங்கத்தின் (MSWU) மொத்தம் 12 நிர்வாக அங்கத்தவர்களும் அடங்குவர். காங்கிரஸ் கட்சி மற்றும் இந்துமத மேலாதிக்கவாத பாரதீய ஜனதா கட்சி (BJP) போன்ற இந்தியாவின் பிரதான அரசியல் கட்சிகளின் முழு உடந்தையுடன் பெருநிறுவனம், பொலிஸ் மற்றும் நீதித்துறை அதிகாரிகள் மூலமாக தொடுக்கப்பட்ட ஈவிரக்கமற்ற சதி வேட்டையால்  இந்த அனைத்து தொழிலாளர்களும் பாதிக்கப்பட்டுள்ளனர்.
இந்த தொழிலாளர்கள் முற்றிலும் அப்பாவிகளாக உள்ளனர். ஒரு நிறுவனம் சார்பான ஒரு தலையாட்டி தொழிற்சங்கத்தின் உதவியுடன் ஜப்பானை தளமாக கொண்ட நாடுகடந்த பெருநிறுவனத்தின் மூலமாக சுமத்தப்பட்ட மலிவுகூலி உழைப்பு நிலைமைகளுக்கு சவால் விடுத்ததே அவர்கள் செய்த ஒரே "குற்றமாகும்".
நான்காம் அகிலத்தின் அனைத்துலகக் குழுவும் உலக சோசலிச வலைத் தளமும் ராம் மெஹர், சந்தீப் தில்லன், ராம் பிலாஸ், சரப்ஜீத் சிங், பவன் குமார், சோஹன் குமார், அஜ்மர் சிங், சுரேஷ் குமார், அமர்ஜீத், தன்ராஜ் பாம்பி, பிரதீப் குஜ்ஜார், யோகேஷ் மற்றும் ஜியாலால் ஆகியோரை உடனடியாக விடுவிப்பதற்கு கோரிக்கை விடுக்கும் பொருட்டு ஒரு சர்வதேச பாதுகாப்பு பிரச்சாரத்தை ஆரம்பித்துள்ளது.

இந்த வழக்கிற்கான பின்னணி

மார்ச் 2012ல், ஒரு நிறுவனத்தின் கட்டுப்பாட்டிற்குள் உள்ள தொழிற்சங்கத்தினை மீறி பல மாதகால வெளிநடப்புகள், உள்ளிருப்பு வேலைநிறுத்தங்கள் மற்றும் ஏனைய நடவடிக்கைகளை அதிகரித்த பின்னரே, மானேசர் மாருதி சுசூகி உற்பத்தி ஆலை தொழிலாளர்கள் அவர்களது கோரிக்கைகளை நடைமுறைப்படுத்தும் முதல் படியாக MSWU இனை அங்கீகரிப்பதற்கு நிறுவனத்தை வலியுறுத்தினர். ஆயிரக்கணக்கான தற்காலிக தொழிலாளர்களுக்கு மாதத்திற்கு 14,000 ரூபாய் (US $214) இனை அல்லது நிரந்தர தொழிலாளர்களின் ஊதியத்தில் பாதிக்கும் குறைவான ஊதியத்தினை வழங்கக்கூடிய வெறுக்கப்பட்ட ஒப்பந்த தொழிலாளர் முறையை ஒழிப்பதை இது உள்ளடக்கியது. நான்கு மாதங்களுக்கு பின்னர், 2012 ஜுலை 18 அன்று, நிர்வாகம் தொழிற்சாலை பிரிவில் ஒரு கைகலப்பினை தூண்டிவிட்டது. தொழிலாளர்கள் ஒரு தனியார் பாதுகாப்பு குண்டர்கள் படையினரிடமிருந்து தங்களை தற்காத்து கொண்டிருந்தபோது, மர்மமான முறையில் நெருப்பு பற்றிக்கொண்டது. அப்போது நெருப்பு புகையிலிருந்து தப்பிக்க முயன்றுகொண்டிருந்த நிறுவன மனிதவள மேலாளரான அவனிஷ் குமார் தேவ் இன் உயிரை நெருப்பு பறித்துக்கொண்டது.
ஜோடிப்பு வழக்கில் சிக்க வைக்கப்பட்ட தொழிலாளர்களுக்கும், நெருப்பு பற்றியதற்கும் அல்லது தேவ் உயிரிழப்பு ஏற்பட்டதற்கும் தொடர்புடைய எந்தவொரு சிறு ஆதார துணுக்கும் கூட அங்கு இல்லை. இதற்கும் மேலாக, ஆலையில் அவர் ஒருவர் மட்டுமே தொழிலாளர்களுக்கு ஆதரவான மேலாளராக இருந்திருக்கிறார், எனவே தொழிலாளர்களால் தீங்கிழைக்கப்பட விரும்பப்பட்டவரில் இறுதியானவராக அவர் இருந்திருக்கமுடியும். மேலும், ஹரியானா தொழிலாளர் துறையில் MSWU இனை பதிவு செய்வதற்கு கூட அவர்களுக்கு உதவி செய்துள்ளார்.
வாதி தரப்பு கொலை வழக்கின் முக்கிய அம்சமாக நெருப்பு பற்றியது இருந்தது. இன்னும் அந்த நெருப்பு, எங்கே, எப்போது அல்லது எவ்வாறு பற்றியது என்பது குறித்து வாதி தரப்பால் எதையும் நீரூபிக்க முடியவில்லை. நெருப்பு பற்றியது தொடர்பான ஆரம்ப விசாரணையின் போது கிடைக்காது இருந்த மற்றும் நெருப்பு ஜ்வாலையால் அழிக்கப்பட்ட ஒரு பகுதியில் நெருப்பில் சிக்காமல் இருந்ததாக கூறப்படும் ஒரு தீப்பெட்டியை கண்டெடுத்ததாக அதிகாரிகள் கூறினார்கள். இந்த தீப்பெட்டிக்கும் எந்தவொரு தொழிலாளிக்கும் தொடர்பு எதுவுமில்லை.

பொலிஸ் அடக்குமுறை

தொழிலாளர்கள் மீதான ஒரு பாரியளவிலான அடக்குமுறைக்கு ஒரு சாக்குப்போக்காக ஜுலை 18ம் நாளின் நிகழ்வுகள், நிறுவனம் மற்றும் இந்திய அதிகாரிகளால் பயன்படுத்தப்பட்டன. அடுத்த நாள் முதல், பொலிஸ் தொழிலாளர்களது வீடுகளை நொருக்கியதுடன், நூற்றுக்கணக்கான தொழிலாளர்களை காவலில்வைத்து அடித்தனர்.
சுசூகி நிறுவனம் பின்னர் மானேசர் தொழிலாளர் தொகுப்பிலிருந்து ஏராளமான தொழிலாளர்களை பணிநீக்கம் செய்ததுடன், அதற்கு பதிலாக 2,300 புதிய தொழிலாளர் நியமனங்களை மேற்கொண்டது.
கிட்டத்தட்ட 150 தொழிலாளர்களுக்கு எதிராக அரசு ஜோடித்த வழக்கின் பேரில் தொழிலாளர்களை பொலிஸ் பொதுவாக கைதுசெய்து காவலில் வைத்துள்ளனர் என்பதை பிரதிவாதி வழக்கறிஞர் விரைவில் வெளிக்கொண்டுவர தொடங்கினார். நிர்வாகத்தால் வழங்கப்பட்ட “சந்தேகத்துக்குரியவர்கள்” பட்டியலை அடிப்படையாகக்கொண்டு பொலிஸ் செயல்பட்டனர் என்று அவர்கள் எடுத்துக்காட்டினர், மேலும் நான்கு மாருதி சுசூகி ஒப்பந்தக்காரர்கள் மூலமாக அகரவரிசையில் ஒழுங்குபடுத்தப்பட்டு பொலிஸிடம் வழங்கப்பட்ட பெயர்களின் அடிப்படையில் 89 தொழிலாளர்கள் கைதுசெய்யப்பட்டுள்ளனர். இதனால் “கலகத்தில் ஈடுபட்ட தொழிலாளர்களை” ஒரே “நேரில் கண்ட சாட்சியின்படி” அவர் பார்த்தவர்களின் பெயர்கள் A முதல் G வரையிலான எழுத்துக்களில் ஒன்றை கொண்டு தொடங்கும், மற்றொருவர் பார்த்தவர்களின் பெயர்கள் G முதல் P வரம்பிற்குள்ளான எழுத்துக்களை மட்டும் முதல் எழுத்தாகக்கொண்டு மற்றொருவர் பார்த்தது மேலும் இப்படியே தொடர்ந்து இருக்கும். சோதனை விசாரணையின் போதே, இத்தகைய மற்றும் ஏனைய சாட்சிகளும் அதில் சம்பந்தப்பட்ட தொழிலாளர்களை முறையாக அடையாளம் காட்ட முடியவில்லை.
இவைகளும், இன்னும் வேறுபல குறைபாடுகளும், இட்டுக்கட்டல்களும் இருந்தபோதிலும், 148 தொழிலாளர்கள் மூன்று ஆண்டுகளுக்கும் மேலாக சிறையிலடைக்கப்பட்டுள்ளதுடன், உள்நாட்டு மனித உரிமைகள் குழுக்களை பொறுத்தவரையில் அங்கு அவர்கள் பொலிஸால் சித்திரவதைக்கு உட்படுத்தப்படுகின்றனர். அவர்களுக்கு பிணை மறுப்பதன் மூலம் அதிகாரிகள் உலக முதலீட்டாளர்களின் நம்பிக்கையை மீட்டதாகவும், மேலும் அவர்கள் இந்தியாவில் “தொழிலாளர் அமைதியின்மையை” எதிர்கொள்ளப் போவதில்லை என்பதையும் நிரூபிக்கவேண்டியிருந்தது என்று அதிகாரிகள் அறிவித்தனர்.
கொலை தொடர்பாக 13 தொழிலாளர்களையும், அதற்கு சற்று குறைந்த குற்றங்கள் தொடர்பாக ஏனைய 18 தொழிலாளர்களையும் குற்றவாளிகளாக்குவதில், குர்கான் மாவட்ட நீதிமன்றம் அதன் சொந்த கண்டுபிடிப்புகளையும் புறக்கணிக்கவேண்டியிருந்தது. அவர்களின் இந்த சொந்த கண்டுபிடிப்புக்கள் பொலிஸ், மாருதி சுசூகி நிர்வாகம் இணைந்து செயற்பட்டதையும் மற்றும் ஆதாரங்களை திரிபுபடுத்தியதையும் கண்டுகொண்டது.
உண்மையில் வாதி தரப்பின் ஆதாரங்கள் முழு அளவிலான ஓட்டைகளுடனும், சந்தேகத்திற்குரியவையாகவும் இருந்த நிலையில், 117 தொழிலாளர்களை மற்றவர்களை போலவே குற்றவாளிகள் என்றே இறுதிவரை அரசாங்க வழக்கறிஞர்கள் திட்டவட்டமாக கூறிவந்தபோதும், அவர்களை நீதிமன்றம் குற்றச்சாட்டுக்களிலிருந்து விடுவிக்கவேண்டியிருந்தது.  

ஏன் மாருதி சுசூகி தொழிலாளர்கள் இலக்கு வைக்கப்பட்டனர்

பாரிய கைதுகளுக்கும் மற்றும் ஜோடிக்கப்பட்ட வழக்குகளுக்கும் 14 மாதங்களுக்கு முன்னதாகவே, பிரம்மாண்டமான மானேசர்-குர்கான் தொழில்துறை மண்டலம் முழுமையிலுமான தொழிலாளர்கள் எதிர்ப்பின் ஒரு மையப்புள்ளியாக மானேசர் மாருதி சுசூகி தொழிலாளர்கள் மாறிவிட்டதுடன், பெருநிறுவன முதலாளிகள் மற்றும் அரசியல் ஸ்தாபகங்களின் ஆத்திரத்தையும் சம்பாதித்துள்ளனர். காங்கிரஸ் கட்சி தலைமையிலான ஹரியானா அரசாங்கமும் தொழிலாளர்களின் நடவடிக்கைகளை முறியடிக்க ஒட்டுமொத்தமாக திரும்ப திரும்ப பொலிஸை அணிதிரட்டியதுடன், MSWU “தீவிரவாதிகளுக்கும்,” மற்றும் நாட்டின் பொருளாதாரம் குறித்த “நாசவேலைக்கு” என்று தீர்மானிக்கப்பட்ட ஏனைய “வெளிநபர்களுடனும்” நெருக்கமாக இருந்தது என்று ஆலோசனையளித்தது.
வாதி தரப்பு அதன் விவாதத்தை நிறைவு செய்வதில், பா.ஜ.க. தேசிய அரசாங்கத்தின் “இந்தியாவில் உற்பத்திசெய்யுங்கள்” திட்டத்திற்கு ஒரு அச்சுறுத்தலாக மாருதி சுசூகி தொழிலாளர்களின் நடவடிக்கைகள் இருப்பதாக தெரிவித்து அவர்களுக்கு எதிராக மூர்க்கமான தண்டனையை கோரினர். அதாவது, சீனாவிற்கு குழிபறிக்கவும், மேலும் மலிவான மற்றும் இணக்கமான உழைப்புடன் கூடிய நாடுகடந்த பெருநிறுவனங்களை வழங்குவதன் மூலமாக உலகளவில் இந்தியாவை ஒரு மலிவு உழைப்பு புகலிடமாக மாற்றும் அதன் உந்துதலுக்கும் ஒரு அச்சுறுத்தலாக அவர்கள் இருந்தனர் எனக்குறிப்பிட்டனர்.
மாருதி சுசூகி தொழிலாளர்களின் பாதுகாப்பானது ஒரு சர்வதேச பிரச்சினையாக இருப்பதுடன், சர்வதேச தொழிலாளர் வர்க்கத்தின் ஒரு பொறுப்பாகவும் உள்ளது. சுசூகி போன்ற நாடுகடந்த பெருநிறுவனங்கள் மிக குறைந்த உற்பத்தி செலவுகளை கண்டுபிடிக்க உலகம் முழுவதிலும் துருவிதுருவி தேடுகின்றனர். இதற்கிடையில், அரசாங்கங்கள் தொழிலாளர் எதிர்ப்பை குற்றங்களாக்கிக்கொண்டிருக்கின்றன.
இழப்பதற்கு இனி நேரம் இல்லை! இந்த மோசமான நிலைமை பின்வாங்கப்படவில்லை என்றாலோ, மாருதி சுசூகி தொழிலாளர்கள் விடுவிக்கப்படவில்லை என்றாலோ, அது இந்திய ஆளும் உயரடுக்கினரை மட்டும் ஊக்குவிக்காது, ஒவ்வொரு நாட்டிலும் உள்ள பெருநிறுவனங்களையும், நிதிய பிரபுத்துவங்களையும் ஊக்கப்படுத்துவதாக அமையும்.
இந்திய சிறை அமைப்புமுறை என்பது ஒரு வாழும் நரகமாகவே உள்ளது. ஜோடிப்பு வழக்கில் சிக்க வைக்கப்பட்ட தொழிலாளர்களின் குடும்பங்களுள் பெரும்பாலானவை தங்களது ஒரே குடும்ப பராமரிப்பாளர் கம்பிக்கு பின்னால் சிறையில் வாடுகின்ற நிலையில் வறிய நிலைமையை எதிர்கொள்கின்றனர். இந்த நிலையில், மாருதி சுசூகி நிறுவனமும் ஆயுள் தண்டனை வழங்கப்படுவதை அதிக கருணை மிக்கதாகவே கருதுவதாக அறிவிப்பு விடுத்துள்ளது. மேலும், 13 பேர் தூக்கிலிடப்படவேண்டும் என்ற வாதி தரப்பு கோரிக்கையின்படி தண்டனையை வழங்கவேண்டுமென்று வலியுறுத்தும் வகையில் நிறுவன வழக்கறிஞர்களும் மார்ச் 18 தீர்ப்பின் மீது மேல்முறையீடு செய்யப்போவதாக சபதமிட்டுள்ளனர்.
உலகம் முழுவதிலும் தொழிலாள வர்க்கத்திற்கு எதிராக நடத்தப்பட்டுவரும் யுத்தத்தின் ஒரு பகுதியாகவே மாருதி சுசூகி தொழிலாளர்கள் மீதான தாக்குதல்கள் உள்ளன. இந்த தொழிலாளர்களுக்கு வழங்கப்பட்டுள்ள நீதி, இந்த ஸ்தாபகத்துடன் இணைந்ததான முதலாளித்துவ நீதிமன்றங்கள், இந்திய அரசியல் ஸ்தாபகம், அல்லது முக்கிய தொழிற்சங்கங்கள் போன்றவற்றின் மூலமாக முறையீடு செய்யப்பட்டு பெறப்படமுடியாது. அவை அனைத்தும் குற்றம்சாட்டப்பட்டுள்ள தொழிலாளர்களை திட்டமிட்டு தனிமைப்படுத்திவிட்டனர்.
உலகம் முழுவதிலும் உள்ள தொழிலாளர்கள் மற்றும் ஜனநாயக உரிமைகளை பாதுகாக்க விரும்பும் அனைவரும் தைரியமான மாருதி சுசூகி தொழிலாளர்களுக்கு உதவ முன்வரவேண்டும், மேலும் அவர்களது உடனடி விடுதலைக்கும் கோரிக்கை விடுக்கவேண்டும்.
22 March 2017
http://www.wsws.org/tamil/articles/2017/3-mar/suzu-m24.shtml

LinkWithin

Related Posts Plugin for WordPress, Blogger...

Popular Posts