Search This Blog

Saturday, 29 April 2017

மக்ரோனும் வேண்டாம் லு பென்னும் வேண்டாம்! பிரெஞ்சு தேர்தலை செயலூக்கத்துடன் புறக்கணி!

No to Macron and Le Pen! For an active boycott of the French election!

பிரெஞ்சு ஜனாதிபதி தேர்தலின் இரண்டாம் சுற்றை தொழிலாளர்களும் இளைஞர்களும் புறக்கணிக்க வேண்டும் என நான்காம் அகிலத்தின் அனைத்துலகக் குழுவின் பிரெஞ்சு பிரிவான சோசலிச சமத்துவக் கட்சி (Parti de l'égalité socialiste - PES) அழைப்பு விடுக்கிறது. நவ-பாசிச வேட்பாளரான மரின் லு பென்னுக்கு எதிராக முன்னாள் ரோத்ஸ்சைல்ட் வங்கியாளரும் சோசலிஸ்ட் கட்சியின் முன்னாள் பொருளாதார அமைச்சருமான மக்ரோனை தொழிலாளர்கள் ஆதரித்தாக வேண்டும் என்று கூறுவதை சோசலிச சமத்துவக் கட்சி நிராகரிக்கிறது.
பிரெஞ்சு மக்களை மக்ரோனுக்கு வாக்களிக்கச் செய்ய அச்சுறுத்தும் வகையில் முன்வைக்கப்படும் வாதங்கள், குதர்க்கங்களினதும் பொய்களினதும் ஒரு கலவையாக இருக்கின்றன. முதலாவதாய் மக்ரோனுக்கு அளிக்கப்படும் வாக்கு, சர்வாதிகாரத்தின் அச்சுறுத்தலுக்கு எதிராய், ஜனநாயகத்தை ஆதரித்துப் போடும் ஒரு வாக்காகும் என நம்மிடம் கூறுகிறார்கள். ஆனால் மக்ரோனும் பாகமாக இருந்த PS அரசாங்கம் ஒன்றினாலேயே பிரான்ஸ் அவசரகால நிலையின் கீழ் வைக்கப்பட்டுள்ளது. ஜனநாயக உரிமைகள் செயலலிழக்க செய்யப்பட்டுள்ளதோடு, ஜனாதிபதி பிரான்சுவா ஹாலண்ட் அவரது சொந்த அதிகாரத்தை பயன்படுத்தி, பிரெஞ்சு மக்களின் முதுகுக்குப் பின்னால், நீதித்துறை கடந்த கொலைக் கொள்கை ஒன்றை மீண்டும் அறிமுகம் செய்தார்.
அடுத்ததாக, லு பென்னின் தேசியவாதத்திற்கு எதிரான மக்ரோனின் எதிர்ப்பு மட்டுமே ஐரோப்பிய ஒன்றியத்தை ஒன்றாக வைத்திருப்பதற்கும் பிரான்சும் ஐரோப்பாவும் மீண்டும் தேசியவாதத்திற்குள்ளும் போருக்குள்ளும் விழுந்து விடாமல் பாதுகாப்பதற்கும் உள்ள ஒரேயொரு வழியாகும் என்று நம்மிடம் சொல்கிறார்கள். ஆனால், ஐரோப்பிய ஒன்றியத்தின் ஆதரவாளரான மக்ரோன் தான், கட்டாய இராணுவ சேவையை மீண்டும் கொண்டுவருவதற்கு ஆலோசனை அளித்துக் கொண்டிருக்கிறார் என்பதோடு சிரியா, ரஷ்யா மற்றும் வட கொரியாவுக்கு எதிராய் அமெரிக்கா மற்றும் ஜேர்மனியின் தலைமையிலான ஏகாதிபத்திய போர் முனைப்பையும் ஆதரித்துக் கொண்டிருக்கிறார்.
இறுதியாய், நவ-பாசிஸ்டுகள் தொழிலாள வர்க்கத்தின் கடுமையான எதிரிகள் என்பது நமக்கு நினைவூட்டப்படுகிறது. அது உண்மையே. ஆனால் நாஜி ஆக்கிரமிப்பு சமயத்தில் யூதர்களை மரண முகாம்களுக்கு திருப்பியனுப்புவதற்கான சட்ட அடிப்படையாக திகழ்ந்த, குடியுரிமை பறிப்புக் கோட்பாட்டை பிரெஞ்சு அரசியல்சட்டத்தில் பொறிப்பதற்கு முனைந்த PS அரசாங்கத்தின் பகுதியாக இருந்தவரே மக்ரோன் ஆவார். சமூக வெட்டுகளின் மூலமாக பத்து பில்லியன் கணக்கில் யூரோக்களை திரட்டுவதற்கும், இருபதாம் நூற்றாண்டின் பாதையில் பல தலைமுறைப் போராட்டங்களின் மூலமாக தொழிலாளர்கள் வென்றெடுத்திருந்த சமூக உரிமைகளை PS இன் பிற்போக்கான தொழிலாளர் சட்டத்தை பயன்படுத்தி கிழித்துவீசுவதற்கும் அவர் உறுதிபூண்டிருக்கிறார்.
ஒரு நச்சுத்தனமான பிற்போக்குவாதியான மரின் லு பென், புலம்பெயர்-விரோத மற்றும் இனவாத மனோநிலைகளுக்கு விண்ணப்பம் செய்து கொண்டிருக்கிறார். அவரது தேசிய முன்னணியானது (FN) இரண்டாம் உலகப் போரின் சமயத்தில் பிரான்சை ஆட்சிசெய்த நாஜி-ஒத்துழைப்புவாத ஆட்சியின் வழிவந்ததாகும். தொழிலாள வர்க்கத்தில் இடதின் பக்கத்தில் இருந்து மக்ரோன் மற்றும் லு பென் இருவருக்குமான எதிர்ப்பை அபிவிருத்தி செய்வதே இன்றியமையாத பிரச்சினையாகும். இல்லையேல், லு பென் தன்னுடைய ஜனரஞ்சகவாத மற்றும் பாதுகாப்புவாத வாய்வீச்சைப் பயன்படுத்தி பிரெஞ்சு உழைக்கும் மக்களின் Jeanne d'Arc (காவல் வீராங்கனையாக) ஆக தொடர்ந்தும் தன்னைக் காட்டிக் கொண்டிருப்பார்.
இரண்டாம் சுற்றில் எந்த பிற்போக்கான வேட்பாளர் ஜெயிக்கின்ற போதும், போராட்டத்திற்கு தொழிலாள வர்க்கத்தை தயாரிப்பு செய்வதே தேர்தலை செயலூக்கத்துடன் புறக்கணிப்பதன் நோக்கமாகும். செயலூக்கமான புறக்கணிப்புக்கான அழைப்பு என்பது நாடாளுமன்ற கணக்கீடுகளது நிலைப்பாட்டில் இருந்து செய்யப்படவில்லை, மாறாக வர்க்கப் போராட்டத்தின் இயக்கவியல் முறையை கணக்கிட்டு மேற்கொள்ளப்படுகிறது.
சோசலிஸ்ட் கட்சி (PS) மற்றும் குடியரசுக் கட்சியின் (LR) வேட்பாளர்கள் முதல் சுற்றில் வெளியேற்றப்பட்டதன் மூலம், நாட்டை 50 ஆண்டுகளாக ஆட்சி செய்து வந்த இரண்டு கட்சி ஆட்சிமுறையின் ஒரு வரலாற்றுப்பெரும் நிலைகுலைவின் வழியாக பிரான்ஸ் கடந்து சென்று கொண்டிருக்கிறது. வேலைவாய்ப்பின்மை, சிக்கன நடவடிக்கைகள் மற்றும் பெருகிச் செல்லும் பொருளாதார சமத்துவமின்மை ஆகியவை தொடர்பாக வெடிப்பான சமூக கோபம் நிலவுவதன் மத்தியில், மக்ரோனும் லு பென்னும் இரண்டாம் சுற்றுக்கு தேர்வாகியிருக்கிறார்கள் என்ற உண்மையானது, பதவிக்கு வரவிருக்கும் ஜனாதிபதிக்கும் தொழிலாள வர்க்கத்துக்கும் இடையில் ஒரு கடுமையான மோதல் தயாரிப்பு செய்யப்பட்டுக் கொண்டிருக்கிறது என்பதையே காட்டுகிறது.
ஒரு செயலூக்கமான புறக்கணிப்புக்கு சோசலிச சமத்துவக் கட்சி அழைப்பு விடுப்பதற்கும் அரசியல் செயற்பாட்டின்மைக்கும் அல்லது அக்கறையற்று இருப்பதற்கும் எந்தவொரு சம்பந்தமும் கிடையாது. இது இரண்டு பிற்போக்கான வேட்பாளர்களையும் எதிர்ப்பதற்கு, பொதுக் கூட்டங்கள் கொண்ட ஒரு பிரச்சாரம், ஆர்ப்பாட்டங்களுக்கான அழைப்புகள் மற்றும் தொழிலாளர்களது அரசியல் வேலைநிறுத்தங்கள் மற்றும் போராட்டங்களை ஊக்கப்படுத்தல் ஆகியவற்றை சூழ்ந்ததாகும். இது, தொழிலாள வர்க்கம் தேர்தலைக் கொண்டு அதன்மீது திணிக்கப்படும் தளைகளை முறிப்பதற்கும், பிரான்சிலும் மற்றும் சர்வதேச அளவிலும் சர்வாதிகாரம் மற்றும் போரின் ஒரு பாதையில் இறங்கியிருக்கின்ற முதலாளித்துவ வர்க்கத்திற்கு எதிரான ஒரு தீர்மானகரமான போராட்டத்திற்கு வலுவைத் திரட்டுவதற்கும் அதற்கிருக்கக்கூடிய ஒரே வழிவகையாகும்.
இந்த நெருக்கடிக்கு ஜோன்-லூக் மெலோன்சோனின் அடிபணியா பிரான்ஸ் இயக்கம் (UF, முன்னதாக இடது முன்னணி) வழங்கும் பதிலிறுப்பு, எந்த முன்னோக்கிய பாதையையும் காட்டவில்லை. சிரியா மீதான ஏப்ரல் 7 அமெரிக்கக் குண்டுவீச்சுக்குப் பின்னர் போர்-எதிர்ப்பு மனோநிலை அதிகரித்ததன் மத்தியில் மெலோன்சோன் கிட்டத்தட்ட 20 சதவீத வாக்குகளை வென்றிருந்தார். மார்சைய், துலூஸ், லீல் மற்றும் வடக்கு பாரிஸின் தொழிலாள வர்க்க புறநகர்ப் பகுதிகளில் அவர் வெற்றி கண்டிருந்தார். இப்போது PS இன் இந்த முன்னாள் அமைச்சர், UF இன் 440,000 இணைய அங்கத்தவர்களுக்கு, ஒரு வெற்று வாக்காகவோ அல்லது வாக்களிக்காது விடவோ, அல்லது மக்ரோனுக்கு ஆதரவாய் வாக்களிக்கும் ஒரு தெரிவை வழங்குகிறார்.
இது அரசியல் பொறுப்பை கோழைத்தனமாய் தட்டிக்கழிப்பதாகும், மக்ரோனுக்கு ஆதரவளிப்பது இல்லையேல் வாக்குச் சாவடியில் மட்டும் ஒரேயொரு முறை செய்து விட்டுப் போகக் கூடிய ஒருதடவைக்கான அடையாள சமிக்கையின் முட்டுச் சந்து என்ற தெரிவை அவர்களுக்கு வழங்குவதன் மூலமாக மெலோன்சோனின் 7 மில்லியன் வாக்காளர்களை மீண்டும் PSக்கு கீழ்ப்படியச் செய்வதற்கு நிகரானதாகும்.
மெலோன்சோனின் வாக்காளர்களில் லு பென் அடையாளப்படுத்தும் ஒவ்வொன்றையும் வெறுப்பவர்களாகவும், மக்ரோனையும் வெறுப்பவர்களாகவும், அத்துடன் தங்களுக்குக் கொடுக்கப்பட்டிருக்கும் தெரிவில் அவலட்சணமானதும் பயங்கரமானதுமான ஏதோவொன்று இருப்பதாக உள்ளுணர்வில் உணரக் கூடியவர்களாகவும் எண்ணற்ற தொழிலாளர்களும், இளைஞர்களும் மற்றும் மாணவர்களும் இருக்கிறார்கள் என்பதை சோசலிச சமத்துவக் கட்சி நன்கறியும். அவர்கள் ஒரு முன்னோக்கிய பாதையை எதிர்நோக்கியிருக்கின்றனர். 2002 இல் போல —கடைசியாக FN இரண்டாம் சுற்றுக்கு முன்னேறி கன்சர்வேடிவ் வேட்பாளரான ஜாக் சிராக்குடன் மோதிய சமயத்தில்— FN இன் முதலாளித்துவ எதிராளிக்கு ஆதரவாய் வாக்களிப்பது என்ற ஒரு முட்டுச்சந்திற்குள் PS மற்றும் அதன் அரசியல் கூட்டாளிகளால் அவர்கள் வழிநடத்தப்பட்டு விடக்கூடாது.
சந்தர்ப்பவாதம் மற்றும் புரட்சிகரக் கோட்பாடுகளின் நிராகரிப்பு ஆகியவற்றால் கொடுக்க நேர்ந்த கடுமையான விலைகள் தொடர்பாக தொழிலாள வர்க்கம் பிரம்மாண்டமான அரசியல் அனுபவங்களை கொண்டிருக்கிறது. PS மற்றும் அதன் கூட்டாளி அமைப்புகள் சோசலிச அமைப்புகளாக நிரூபணமாகவில்லை, மாறாக நிதி மூலதனத்தின் கருவிகளாகவும், அதனால் பல தசாப்தங்களாய் ஒடுக்கப்பட்டு வந்திருக்கும் தொழிலாளர்களின் எதிரிகளாகவுமே நிரூபணமாகி உள்ளன.
பிரான்சிலும் மற்றும் சர்வதேச அளவிலும் தொழிலாள வர்க்கமானது, 1917 இல் போல்ஷிவிக் கட்சியும் ரஷ்ய தொழிலாள வர்க்கமும் நடத்திய போராட்டங்களுடன் அது கொண்டிருந்த தொடர்புகளை புதுப்பிப்பதே முன்னோக்கியிருக்கும் ஒரே வழியாகும் என்று, அக்டோபர் புரட்சியின் இந்த நூறாவது ஆண்டில், சோசலிச சமத்துவக் கட்சி வலியுறுத்துகிறது. மக்ரோன் மற்றும் லு பென் இருவருமே, அடியில் இருந்து நுனிவரை இற்றுப் போய்க் கொண்டிருக்கும் முதலாளித்துவ அமைப்புமுறை என்ற ஒரே நோயின் வடிவங்களேயாகும்.
தேர்தலை செயலூக்கமாக புறக்கணிப்பது என்பது, போர், சிக்கன நடவடிக்கை மற்றும் சர்வாதிகாரத்திற்கு எதிராக தொழிலாள வர்க்கத்தின் ஒரு போராட்டத்திற்கு பாதையை தயாரித்துக் கொடுக்கும். தொழிலாள வர்க்கத்தின் ஜனநாயகக் கட்டுப்பாட்டின் கீழ் பெருநிறுவனங்கள் மற்றும் வங்கிகளை தேசியமயமாக்குவதன் மூலமாக, பொருளாதாரத்தின் மீதான முதலாளிகளின் இரும்புப்பிடியை உடைப்பதற்கும், பிரான்சிலும் ஐரோப்பாவிலும் மற்றும் சர்வதேச அளவிலும் சோசலிசத்தை வெற்றி காணச் செய்வதற்குமான போராட்டம் என்பதே இதன் பொருளாகும்.
பிரெஞ்சு ஜனாதிபதி தேர்தலின் முட்டுச் சந்திற்கு எதிராக தொழிலாளர்களும் இளைஞர்களும், தொழிலாள வர்க்கத்தில் தேர்தலின் ஒரு புறக்கணிப்புக்காக போராடுவதற்கும், சோசலிச சமத்துவக் கட்சியை ஆதரிப்பதற்கும், அதன் வேலைத்திட்டத்தை படிக்குமாறும், பிரான்சில் தொழிலாள வர்க்கத்தின் அரசியல் முன்னணிப் படையாக அதனைக் கட்டியெழுப்புகின்ற போராட்டத்தில் இணையுமாறும் சோசலிச சமத்துவக் கட்சி அழைப்பு விடுக்கிறது.
Political Committee of the Parti de l'égalité socialiste
27 April 2017

பென்ஸின் ஆசிய சுற்றுப்பயணம் வடகொரியா மீதான அமெரிக்க அச்சுறுத்தல்களுக்கு வலுவூட்டுகிறது

Pence’s Asian tour reinforces US threats to North Korea

Image source from Internet
டகொரியாவுக்கு எதிராக சாத்தியமான இராணுவ நடவடிக்கைகளை முன்னெடுக்க கூட்டணிகளை பலப்படுத்தும் பொருட்டு முக்கிய அமெரிக்க ஆசிய-பசிபிக் தலைநகரங்களுக்கு அமெரிக்க துணை ஜனாதிபதி மைக் பென்ஸ் மேற்கொண்ட 10 நாட்களுக்கான சுற்றுப்பயணத்தை கடந்த வாரம் இறுதியாக இரண்டு நாள் சிட்னி விஜயத்துடன் நிறைவுசெய்தார்.      
தென் கொரியா, ஜப்பான், இந்தோனேஷியா மற்றும் ஆஸ்திரேலியா ஆகிய நாடுகளுக்கு மேற்கொண்ட அவரது சுற்றுப்பயணம் முழுவதிலும் பென்ஸூம், ட்ரம்ப் நிர்வாகத்தின் ஏனைய உறுப்பினர்களும் வட கொரியாவிற்கு எதிரான அவர்களது அச்சுறுத்தல்களை மீண்டும் மீண்டும் வலியுறுத்தியதுடன், பெய்ஜிங்கின் அண்டை நாட்டு கூட்டாளிகளுக்கு எதிராக சீனா தலையீடு செய்யவேண்டுமென்ற அவர்களது கோரிக்கைகளை தீவிரப்படுத்தினர். 
பென்ஸ் தனது நடவடிக்கையில் கட்டவிழ்த்துவிட்டதைப்போல், ஞாயிறன்று CNN இன் “State of the Union” நிகழ்ச்சியில் ஒரு நேர்காணலின்போது அமெரிக்க உள்நாட்டு பாதுகாப்பு செயலரான ஜோன் கெல்லி பேசுகையில், அமெரிக்கா மீது தாக்குதல் நடத்தும் அளவிற்கு ஒரு வடகொரிய அணுஆயுத ஏவுகணை திறன்கொண்டிருப்பது என்பது “ஒரு நாடாக நாங்கள் கடுமையான அபாயத்தில் இருப்பதாகவே” அர்த்தமாகும் என கூறினார். ட்ரம்ப் தனது இரண்டாவது பதவிக்காலத்தை தொடங்குவதற்கு முன்பு வட கொரியா இந்த திறமையை அடைந்துவிடும் எனக் கூறினார்.  
உண்மையில், அமெரிக்காவின் பெரும் ஆயுத கட்டமைப்புடன் ஒப்பிடுகையில், வட கொரிய ஏவுகணையும், அணுஆயுத திறனும் இன்றளவும் பழமையானதாகவும், பலவீனமானதாகவும் உள்ளன. குறிப்பாக ஏனைய அணுஆயுதமேந்திய சக்திகளுடனும் மற்றும் வட கொரியாவுடன் எல்லைகளை கொண்டுள்ள சீனா மற்றும் ரஷ்யாவை மோதலுக்கு இட்டுச்செல்லும் வாய்ப்புள்ள போருக்கு இழுக்கக்கூடிய வகையில் ஒரு மோதலை தூண்டிவருவது வாஷிங்டனே தவிர பியோங்யாங் அல்ல.      
ஜப்பானின் இரண்டு கடற்படை அழிப்புக்கப்பல்களானது, “பல்வேறு தந்திரோபாயங்களை கையாளும்” வகையிலான பயிற்சிகளுக்காக அமெரிக்க விமானந்தாங்கி கப்பலான கார்ல் வின்சனின் தாக்குதல் குழுவை சந்திக்கவிருப்பதை ஞாயிறன்று ஜப்பானில் பிரதம மந்திரி ஷின்ஜோ அபேயின் அரசாங்கம் உறுதிசெய்தபோது ஆத்திரமூட்டல்கள் அதிகரித்தன. நாளை வட கொரிய இராணுவ ஸ்தாபித நாள் (North Korea’s Military Foundation Day) நினைவுகூரலின்போது, இந்த பயிற்சிகள் தென் சீனக் கடல்பகுதிகளில் ஆரம்பிக்கப்பட்டு, ஜப்பான் கடல் பகுதியிலும், கொரிய கடற்கரை பகுதிகளிலும் தொடர்ந்து மேற்கொள்ளப்படும்.       
வட கொரியாவின் அணுஆயுத மற்றும் ஏவுகணை திட்டங்களை முடிவுக்கு கொண்டுவரும் வகையில் போதுமானளவு சீன அரசாங்கம் செயலாற்றவில்லையென சென்ற வார இறுதியில் அமெரிக்க ஜனாதிபதி டொனால்ட் ட்ரம்பும் அவரது குற்றச்சாட்டுக்களுக்கு புத்துயிர் கொடுத்தார். “வட கொரியாவின் பொருளாதார உயிர்நாடியாக சீனா பெரும்பங்கு வகிக்கிறது” என டவீட் செய்துள்ளார். “எளிதானது இல்லை என்றாலும், வட கொரிய பிரச்சனைக்கு அவர்கள் தீர்வு காண விரும்பும் பட்சத்தில், அவர்கள் அதை செய்துவிடுவார்கள்.”  
பொது அறிக்கைகளின்படி, சியோல், டோக்கியோ, ஜகார்த்தா மற்றும் சிட்னியில் பென்ஸ் பேசுகையில், வட கொரியாவுடனான மோதல் என்பதே “முதல் திட்ட நிரலாக” இருந்தது. எனினும், மூடிய அறைக்குள் விவாதிக்கப்பட்டவை குறித்து சரியாக விபரங்கள் வெளிபடுத்தப்படவில்லை.
50 மில்லியனுக்கும் மேற்பட்ட மக்கள் எந்தவொரு போருக்கும் உடனடியாக முன் வரிசையில் முகம்கொடுக்கின்றதான தென் கொரியாவிலிருந்து தொடங்கப்பட்ட சுற்றுப்பயணம், 127 மில்லியன் கணக்கிலான மக்கள் நேரடியாகவே துப்பாக்கி சூடுகளை எதிர்நோக்கி நிற்கும் ஜப்பானை நோக்கி முன்னேறியது. சீனாவுடனான அதன் அடிப்படை மோதலுக்கு ஒரு முக்கிய மூலோபாய இடமாக வாஷிங்டன் கருதுகின்ற இந்தோனேஷியாவில் பின்னர் பென்ஸ் நிலைகொண்டார். ஜகார்த்தாவில் பென்ஸ் பேசுகையில், ஒபாமா நிர்வாகத்தின்போது, இந்தோனேஷியாவுடன் ஸ்தாபிக்கப்பட்டதான அதன் “மூலோபாய கூட்டாண்மை” மீது அமெரிக்கா கொண்டிருக்கும் “உயர் மதிப்பு” குறித்து சமிக்ஞை செய்வதே அவரது விஜயத்தின் பிரதான நோக்கம் என்றும் கூறினார். 
சனிக்கிழமையன்று சிட்னி துறைமுகத்தின் கடற்கரை பகுதியில், ஆஸ்திரேலிய பிரதம மந்திரி மால்கம் டர்ன்புல்லுடன் இணைந்து நடத்தப்பட்ட ஒரு கூட்டு ஊடக மாநாட்டில், வட கொரியாவிற்கு எதிராக “சகல வாய்ப்புகளும் தயாராகவுள்ளன” என்றும், மேலும் வட கொரியாவை சீனா “கையாளவில்லை” எனில், “அமெரிக்கா அதை செய்யும்” என்ற வகையில் ஒரு அப்பட்டமான இராணுவ அச்சுறுத்தலாக, வாஷிங்டனின் அச்சுறுத்தும் எச்சரிக்கைகளை பென்ஸ் மூன்று முறை திரும்ப திரும்ப வலியுறுத்தினார்.
ஆஸ்திரேலியாவுடனான அமெரிக்க கூட்டணி “புனிதமானது” என்றும், “மீறமுடியாதது” என்றும் பென்ஸ் விவரித்தார். கடந்த நூற்றாண்டின் ஒவ்வொரு முக்கிய யுத்தத்திலும் அமெரிக்காவுடன் இணைந்தே ஆஸ்திரேலியாவும் போராடிவந்ததாக குறிப்பிட்டார். மேலும், “கோரல் கடலிலிருந்து கந்தகார் நகர் வரையிலுமான எங்களது நட்பு தியாக தீயூடாக ஒன்றிணைக்கப்பட்டது,” எனவும் அறிவித்தார்.
பென்ஸின் வருகை மூலம் அவர் “கௌரவ” படுத்தப்பட்டதாக டர்ன்புல் பாசாங்குத்தனத்துடன் தனது கருத்தை பரிமாறினார். பசிபிக் மீதான அமெரிக்காவின் நீண்டகால நலனும், தலையீடும் வழங்கியுள்ள “சமாதான அமெரிக்கா” பற்றி டர்ன்புல் பாராட்டினார். மேலும், “ஆஸ்திரேலியாவை விட வலுவான, அதிக ஈடுபாடுகொண்ட, அதிக விசுவாசமுள்ள பங்குதாரரும், நட்பு நாடும் வேறெதுவுமில்லை என்பதை அமெரிக்கா புரிந்துகொண்டிருப்பதாகவும்” அவர் கூறினார்.  
பென்ஸை போலவே, டர்ன்புல்லும் போரை அடிப்படையாக வைத்தே உறவை வரையறுத்தார். “கிட்டத்தட்ட ஒரு நூற்றாண்டு காலத்திற்கு முன்பு ஆஸ்திரேலிய, அமெரிக்க துருப்புக்கள் முதல் உலக போரில் ஈடுபட்டபோதே ஆரம்பிக்கப்பட்டதான அமெரிக்க, ஆஸ்திரேலிய கூட்டணி பற்றி அவர் குறிப்பிட்டார். அப்போதிருந்து கடந்த 99 வருடங்களாக ஒவ்வொரு முக்கிய மோதலிலும் அமெரிக்காவுக்கு ஆஸ்திரேலியா தோளோடு தோள் கொடுத்து வருவதாகவும்” தெரிவித்தார். 
எதிர்கட்சியான தொழிற் கட்சியின் தலைவர் பில் ஷார்டெனும் இதேபோன்ற கூற்றுக்களையே சொன்னார். ஆஸ்திரேலிய வெளியுறவு கொள்கையின் ஒரு “அடித்தளம்” போன்று கூறப்படுகின்றதான “பாதுகாப்பு கவசம்” அமெரிக்காவினால் வழங்கப்பட்டிருப்பது குறித்து அவர் விவரித்ததுடன், தனது “நன்றியுணர்வையும்” காட்டினார்.
ஆஸ்திரேலிய மக்களுடனான எவ்வித ஆலோசனையுமின்றி, அரசியல் ஸ்தாபகம் ஒரு பேரழிவுகரமான அணுஆயுத போர் எனும் ஆபத்தில் மில்லியன் கணக்கிலான மக்களை சிக்கவைத்துகொண்டிருக்கிறது. பென்ஸ் உடனான ஊடக மாநாட்டின்போது, வட கொரியாவிற்கு எதிரான அமெரிக்காவின் இராணுவ நடவடிக்கைகள் எதிலும் ஆஸ்திரேலிய இணைந்து செயலாற்றுமா என்பது குறித்த ஒரு நிருபரின் கேள்விக்கு டர்ன்புல் விடையிறுக்க மறுத்துவிட்டார். மாறாக, ஆஸ்திரேலியா அமெரிக்காவிற்கு இராஜதந்திர ஆதரவினை வழங்கிவந்ததாகவும், மேலும் சீனா விடையிறுக்குமென அவர் “நம்பிக்கை” கொண்டிருந்ததாகவும் தெரிவித்தார்.   
கொரிய தீபகற்பத்தின் மீதான எந்தவொரு அமெரிக்க போரும் ஆஸ்திரேலியாவை தானாகவே அதில் ஈடுபடுத்தும் என்பதே உண்மையாகும். “Pine Gap” இல் அமைந்துள்ள அமெரிக்க செயற்கைகோள் தகவல்தொடர்பு தளமானது எந்தவொரு இராணுவ நடவடிக்கைகளுக்கும் முக்கியத்துவம் வாய்ந்ததாக இருக்கின்ற நிலையில், அமெரிக்க தலைமையிலான “Five Eyes” எனும் உலகளாவிய உளவுத்துறை வலைப்பின்னலில் ஆஸ்திரேலியா உறுப்பினராக இருப்பது பற்றியோ, ஆஸ்திரேலிய அதிகாரிகள் அமெரிக்க இராணுவ கட்டளையகங்கள் மற்றும் வடக்கு ஆஸ்திரேலியாவை தளமாக கொண்ட அமெரிக்க கடற்படை மற்றும் போர் விமானங்களுடன் ஒருங்கிணைப்பது பற்றியோ கூறவேண்டியதில்லை.      
1,250 க்கும் மேற்பட்ட கடற்படையினருடன் இராணுவ விமானந்தாங்கி கப்பலும் இணைந்ததான சமீபத்திய சுழற்சியாக, கடந்த வாரம் வட கொரியாவிற்கு எதிராக “போராட தயார்” என்று டார்வினை தொட்டதாக அவர்களது கட்டளை அதிகாரியான லெப்டினென்ட் கர்னல் பிரையன் மிடில்டன் நிருபர்களிடம் கூறினார்.  
பென்ஸின் வருகையை முன்னிட்டு, வட கொரிய நிலைமையை பற்றி பாதுகாப்பு அதிகாரிகளுடன் விவாதிப்பதற்காக அமைச்சரவை தேசிய பாதுகாப்பு குழு கூட்டத்தை டர்ன்புல் நடத்தியதாக Rupert Murdoch’s இன் ஆஸ்திரேலியன் பத்திரிகை கருத்து தெரிவித்துள்ளது. அமெரிக்காவிற்கும், ஆஸ்திரேலியாவிற்கும் இடையே இராணுவ பயிற்சிகளை முடுக்கிவிடுவது, வட கொரியாவிற்கு எதிரான கூடுதல் பொருளாதார தடைகளை விதிப்பது, மோதல் ஏற்பட்டால் தற்செயல் திட்டங்களை வகுப்பது உட்பட அனைத்து வாய்ப்புகளுக்கும் ஆதரவுதிரட்டப்பட்டது.  
பென்ஸ் விஜயத்தின்போது, டர்ன்புல் மற்றும் ஆஸ்திரேலிய வெளியுறவு அமைச்சர் ஜூலி பிஷப் இருவரும் வேண்டுமென்றே சூழ்நிலைக்கு தீயூட்டினர். வட கொரியா ஆஸ்திரேலியாவிற்கு ஒரு உடனடி அபாயமாக இருப்பதாக சித்தரிப்பதன் மூலமாக ஊடகங்களுக்கு பரபரப்பான தலைப்பு செய்திகளை தந்தனர். எவ்வித ஆதாரத்தையும் வெளியிடாமல், ஆஸ்திரேலியாவிற்கான ஒரு “தீவிர அச்சுறுத்தல்” என பிஷப் முத்திரை குத்தியதுடன், அது விரைவில் “அதன் ஏவுகணை ஸ்தாபிதங்களை அடைந்துவிடும்” என்றும் தெரிவித்தார்.       
அவரது கருத்துக்கள் ஒரு இராணுவவாத விடையிறுப்பை தூண்டியது. “அமெரிக்க தலைமையில் ஒரு அதிர்ச்சி படைப்பிரிவில்” ஆஸ்திரேலியா தொடர்ந்து நீடிப்பதானது, வட கொரியாவிலிருந்து ஏவப்படுவதான “ஒரு அணுஆயுத தாக்குதலுக்கு உட்பட்ட எல்லைக்குள் வருகின்ற ஒரு தற்கொலை நடவடிக்கையாகவே” அது இருக்குமென வட கொரிய வெளியுறவு அமைச்சர் தெரிவித்தார்.
சமீபத்திய நாட்களில் வெளிவரும் இதுபோன்ற அறிக்கைகளை போல இந்த வெடிப்பும் அமெரிக்க தாக்குதலால் ஒரு அரசாங்கத்தை உருவாக்கும் எச்சரிக்கைமிக்க முயற்சிகளை சுட்டிக்காட்டுகிறது. ஆனால், இது வாஷிங்டனின் கைகளுக்கு தட்டும் சாதகமாக இருக்கவில்லை மாறாக,  தற்போது உலகத்தையே ஒரு அணுஆயுத போரின் விளிம்பிற்கு இட்டுச்செல்லும் அரசாங்கங்களை கவிழ்ப்பதில் ஒரு பொதுவான நலன்களை கொண்டுள்ள சர்வதேசரீதியான அவர்களது சக தொழிலாளர்களுக்கும் இடையே ஒரு பிணைப்பை ஏற்படுத்துகின்றது.     
ஆசிய-பசிபிக் பிராந்தியத்திற்கு ட்ரம்ப் நிர்வாகம் வழங்கும் பங்களிப்பை ஆஸ்திரேலியர்களுக்கு மீண்டும் உறுதிப்படுத்தும் விதமாகவே பென்ஸின் விஜயம் வடிவமைக்கப்பட்டதென ஆஸ்திரேலியாவிலுள்ள பெருநிறுவன ஊடக நிலையங்கள் சித்தரித்தன. இன்றைய ஆஸ்திரேலிய தலையங்கம், “வாஷிங்டன் உடனான எங்கள் கூட்டணியின் நீடித்த மதிப்பு தொடர்பாக ஒரு வரவேற்கும் நினைவூட்டலாக அமைந்ததான இது எங்களது பாதுகாப்பிற்கான மைல்கல்” என தலையங்கமிட்டது. 
உத்தரவாதம் அளிப்பது என்பதை தாண்டி, மில்லியன் கணக்கிலான ஆஸ்திரேலியர்கள் ட்ரம்ப் நிர்வாகத்தையும், அமெரிக்க கூட்டணியையும் மிகப்பெரிய ஆபத்தாக எதிர்கொள்வதாகவே அவர்கள் கருதுவதாக சமீபத்திய கருத்து கணிப்புகள் சுட்டிக்காட்டுகின்றன.
பென்ஸ் விஜயத்திற்கு எதிராக பெரும் எதிர்ப்புகள் எதுவும் அங்கு உருவாகவில்லை என்றாலும் பாதுகாப்பு பலப்படுத்தப்பட்டிருந்தது. வீட்டுகூரைகளிலும், தாழப்பறந்த ஹெலிகாப்டர்களிலும் மறைந்திருந்து சுடும் இராணுவ வீரர்கள் காணப்பட்டனர், அமெரிக்க இரகசிய சேவை முகவர்கள் அதிகமாக தென்பட்டனர், பென்ஸின் மோட்டார் வாகன பவனியை முன்னிட்டு சாலைகள் மூடப்பட்டிருந்தன, மேலும் பெரும் எண்ணிக்கையில் பொலிஸ்கள் தெருக்களிலும், பூங்காக்களிலும், வணிகப்பகுதிகளிலும் வரிசையாக நிறுத்தப்பட்டிருந்தனர்.  
By Mike Head
24 April 2017

Thursday, 27 April 2017

சர்வதேச நாணய நிதியத்தின் கூட்டம் உலகளாவிய வர்த்தக போருக்குள் இறங்குவதை சமிக்ஞை செய்கிறது

IMF meeting signals descent into global trade war

உலகளாவிய வர்த்தக போரை நோக்கிய மற்றொரு படியாக, இவ்வாரயிறுதி வாக்கில் சர்வதேச நாணய நிதியம், "பாதுகாப்புவாதத்தின் எந்தவொரு வடிவத்தையும் எதிர்ப்பதற்கான" கடமைப்பாட்டிலிருந்து பின்வாங்கிய இரண்டாவது பிரதான உலகளாவிய பொருளாதார அமைப்பாக மாறியது.
கடந்த மாத ஜி 20 நிதி அமைச்சர்கள் கூட்டத்தின் கூட்டறிக்கையிலிருந்து அந்த வார்த்தையை நீக்குவதென முடிவெடுக்கப்பட்டிருந்த நிலையில், சர்வதேச நாணய நிதியமும் வாஷிங்டனில் அதன் வசந்தகால கூட்டத்தில் அதே போக்கை ஏற்றது. இவ்விரு விடயங்களிலுமே, வெள்ளை மாளிகையின் "அமெரிக்கா முதலில்" திட்டநிரலுக்கு இணங்க, ட்ரம்ப் நிர்வாகத்திடம் இருந்து வந்த அழுத்தத்தின் காரணமாக "சுதந்திர வர்த்தக" கடமைப்பாடு நீக்கப்பட்டது.
சர்வதேச நாணய நிதியம் மற்றும் நிதியியல் கமிட்டி (IMFC) வெளியிட்ட அறிக்கை, முந்தைய வார்த்தைகளை கைவிட்டு, அது “சர்வதேச வர்த்தகத்தின் சமநிலைப்பட்ட களத்தை ஊக்குவிக்க" விரும்புவதாக குறிப்பிட்டது.
கமிட்டியின் தற்போதைய தலைவரும், பேங்க் ஆஃப் மெக்சிகோவின் ஆளுநருமான அகஸ்டின் கார்ஸ்டன்ஸ், “பாதுகாப்புவாதம் என்ற வார்த்தை பிரயோகம் மிகவும் தெளிவின்றி" இருப்பதால் முந்தைய வார்த்தைகள் நீக்கப்பட்டிருப்பதாக கூறி, அந்த முடிவின் முக்கியத்துவத்தை மூடிமறைக்க முயன்றார்.
யதார்த்தத்தில், பாதுகாப்புவாதம் என்ற சொல்லை எந்தவிதத்திலும் உதறிவிடுவதானது, அனைத்திற்கும் மேலாக ட்ரம்ப் நிர்வாகத்தால் எரியூட்டப்பட்டு, தவறுக்கிடமின்றி, அதிகரித்து வரும் வர்த்தக பதட்டங்களின் ஒரு வெளிப்பாடாகும்.
இந்த முரண்பாடுகளைக் கூட்டத்தில் முழுமையாக ஒடுக்கிவிட முடியவில்லை. IMFC இன் அறிக்கையில், ஜேர்மன் நிதி அமைச்சர் வொல்ஃப்காங் முன்சௌவ் கூறுகையில் ஜேர்மனி "உலகளாவிய பொருளாதாரத்தை திறந்து வைக்கவும், பாதுகாப்புவாதத்தை எதிர்க்கவும், உலகளாவிய பொருளாதார மற்றும் நிதியியல் கூட்டுறவை அதன் பாதையில் பயணிக்க செய்யவும் பொறுப்பேற்கிறது,” என்றார்.
இந்த அறிக்கை அமெரிக்க நிதித்துறை செயலர் ஸ்டீவன் மினுசின் கருத்துக்களுடன் கூர்மையாக முரண்படுகின்றன. அவர் கூறுகையில் அமெரிக்கா "சந்தை அடிப்படையிலான போட்டிக்கு பொறுப்பேற்கும் பங்காளிகளுடன் வர்த்தக விரிவாக்கத்தை ஊக்குவிக்கும், அதேவேளையில் நேர்மையற்ற வர்த்தக நடைமுறைகளுக்கு எதிராக மிகக் கடுமையாக எங்களை பாதுகாக்க முயலும்,” என்றார்.
அவர் கருத்துக்கள் குறிப்பாக இரண்டு பிரதான நாடுகளுக்கு எதிராக, அதாவது அமெரிக்காவுடன் மிகப் பெரியளவில் வர்த்தக உபரியைக் கொண்டுள்ள சீனா மற்றும் ஜேர்மனிக்கு எதிராக இருந்தன. சீனப் பொருளாதாரம் சந்தை அடிப்படையிலானது கிடையாது என்று வாஷிங்டன் வலியுறுத்துகின்ற அதேவேளையில், ஜேர்மனியின் முந்தைய நாணயம் டோச்சமார்க் (deutschmark) இன் மதிப்பை விட யூரோ மதிப்பு குறைவாக இருப்பதால் ஜேர்மனி நேர்மையின்றி ஆதாயங்களை அனுபவித்து வருவதாக ட்ரம்ப் நிர்வாக அங்கத்தவர்கள் வலியுறுத்துகின்றனர்.
கடந்த ஆண்டும் சாதனையளவிற்கு வர்த்தக உபரியைப் பதிவு செய்துள்ள ஜேர்மனியை நேரடியாக பெயரிடாமல், மினுசின் கூறுகையில் "வெளிநாடுகளில் மிகப்பெரியளவில் உபரிகளைக் கொண்டுள்ள மற்றும் பலமான அரசு நிதிகளைக் கொண்டுள்ள நாடுகள், மிக பலமான உலகளாவிய பொருளாதார பங்களிப்பில் குறிப்பிடத்தக்க பொறுப்புகளைக் கொண்டுள்ளன,” என்றார்.
எஃகு இறக்குமதிகள் மீது அதிகளவிலான கட்டுப்பாடுகளைத் திணிக்கும் நோக்கில் ட்ரம்ப் நிர்வாகம் ஒரு மிகப் பெரிய நடவடிக்கையை அறிவித்து வெறும் ஒரு சில நாட்களில், அமெரிக்க அழுத்தத்திற்கு வளைந்து கொடுக்கும் விதத்தில் சர்வதேச நாணய நிதியத்தின் இம்முடிவு வந்தது. ட்ரம்ப் நடவடிக்கைகள் நடைமுறைப்படுத்தப்பட்டால், உலகளாவிய சந்தையில் அந்த அத்தியாவசிய பண்டத்தின் மீது நீண்டகால தாக்கங்கள் ஏற்படும்.
எஃகு இறக்குமதிகள் அமெரிக்க தேசிய பாதுகாப்பு மீது ஏற்படுத்தும் தாக்கங்களைக் குறித்து ஒரு விசாரணை தொடங்குவதற்காக, 1962 இல் இருந்து மிகக் குறைந்தளவே பயன்பாட்டில் இருந்துள்ள ஒரு சட்டத்தின் கீழ், ட்ரம்ப் ஒரு நிர்வாக ஆணையில் கையெழுத்திட்டார். அந்த முடிவை "அமெரிக்காவிற்கான வரலாற்று தினமாக" அறிவித்து, அவர் அறிவிக்கையில், எஃகு "நமது பொருளாதாரம் மற்றும் இராணுவம் இரண்டுக்கும் முக்கியமானது" என்றும், “இந்த விடயத்தில் நாம் வெளிநாடுகளைச் சார்ந்திருக்க முடியாது" என்றும் அறிவித்தார்.
“தேசிய பாதுகாப்பைத்" துணைக்கு இழுப்பது தெளிவாக நிர்வாகத்தின் இராணுவவாத முனைவுடன் தொடர்புபடுகிறது. ஆனால் இந்த சட்டத்தை பிரயோகிப்பதே கூட, இந்தாண்டின் தொடக்கத்தில் வர்த்தகத்துறை செயலர் வில்பர் ரோஸூம் மற்றும் ட்ரம்பின் தேசிய வர்த்தக கவுன்சில் தலைவர் பீட்டர் நவார்ரோவும் காங்கிரஸிடம் சமர்பிப்பதற்காக வகுத்தளித்த ஒரு பரந்த பாதுகாப்புவாத மூலோபாயத்தின் பாகமாக உள்ளது.
அமெரிக்கா விலக்கீட்டுரிமையோடு பாதுகாப்புவாத நடைமுறைகளைத் திணிக்க உதவும் வகையில், உலக வர்த்தக அமைப்பு (WTO) நடைமுறைபடுத்திய தந்திரமான சர்வதேச வர்த்தக சட்டங்களுக்கேற்ப முந்தைய அமெரிக்க சட்டமசோதாக்களை பயன்படுத்துவதன் அடிப்படையில் அது அமைந்துள்ளது. அவர்களின் ஆவணத்தில், ரோஸ் மற்றும் நவார்ரோ, இரண்டாம் உலக போர் வெடிப்பதற்குப் பங்களிப்பு செய்த 1930 களின் வர்த்தக மோதல்களுக்கு பரவலாக பெறுப்பாக்கப்பட்ட இழிவார்ந்த 1930 ஸ்மூட்-ஹாவ்லே சட்டத்தைப் (Smoot-Hawley Act of 1930) பயன்படுத்தி இருந்தனர் என்பது குறிப்பிடத்தக்கதாகும்.
சமீபத்திய ட்ரம்ப் நகர்வைக் குறித்து பீட்டர்சன் பயிலகத்தின் மூத்த ஆய்வாளரும் ஜனாதிபதி ஒபாமாவிற்கான ஒரு முன்னாள் பொருளாதார ஆலோசகருமான சாட் பிரௌன் பைனான்சியல் டைம்ஸில் கருத்துரையில், எஃகு இறக்குமதிகள் மீதான கட்டுப்பாடுகளை நியாயப்படுத்த "தேசிய பாதுகாப்பை" மேற்கோளிடுவது வர்த்தகத்தின் மீது "அணுசக்தி வாய்ப்பை" பயன்படுத்துவதற்கு ஒப்பானதாகும் என்றார்.
"வர்த்தகத்தை நிறுத்த அமெரிக்க சட்டங்களின் கீழ் இருக்கும் ஒவ்வொரு கருவியையும் பயன்படுத்தி ட்ரம்ப் ஒவ்வொரு கல்லையும் நகர்த்தி வருவதாக தெரிகிறது என்பது இந்த கவலைக்குரிய போக்கிற்கான மற்றொரு ஆதார துணுக்காக உள்ளது,” என்றார்.
சந்தையில் எஃகு குவிப்பதற்கு எதிராக சமீபத்திய ஆண்டுகளில் அமெரிக்கா 152 வழக்குகளைத் தொடுத்துள்ளதுடன், இன்னும் 25 வரிசையில் உள்ளன. இருப்பினும் இந்த சமீபத்திய நகர்வானது ஒரு மிகப்பெரிய தீவிரப்பாட்டைப் பிரதிநிதித்துவம் செய்கிறது. வர்த்தகத்துறை செயலர் ரோஸ் கருத்தின்படி, தற்போதைய அமைப்புமுறை மிகவும் "நுண்மையாக" இருப்பதுடன், குறைப்பிட்ட நாடுகளுக்கு எதிரான குறிப்பிட்ட குறைகளை மட்டுமே அனுமதிக்கிறது என்பதால் அவற்றை மிக எளிதாக ஒதுக்கி சென்றுவிடலாம் என்கிறார்.
“மிக பரந்தளவில் பல்வேறு எஃகு பண்டங்கள் மற்றும் பல்வேறு நாடுகளுடன் ஒரு மிகவும் பரந்த தீர்வை" கொண்டு வருவதே இந்த புதிய நடவடிக்கையின் உத்தேசமாகும், இது “அனுமானித்தக்க வகையில், எல்லா எஃகு இறக்குமதியாளர் மீதும் நடவடிக்கை எடுக்கும் ஒரு பரிந்துரையில் போய் முடியக்கூடும்."
எஃகு ஏற்றுமதியாளர்கள் அவர்களின் உற்பத்தியை ஏனைய சந்தைகளுக்கு திருப்ப முயல்வார்கள் என்பதால், இது சர்வதேச சந்தையில் குழப்பங்களை உருவாக்கி, சந்தையில் குவிக்கப்படுவதாக குறைகூறுவதற்கும், இறக்குமதி வரி விதிப்புகளுக்கும் மற்றும் ஏனைய கட்டுப்பாடுகளுக்கும் இட்டுச் சென்று—பின்னர் விரைவிலேயே ஒரு முழு அளவிலான வர்த்தக போருக்கு இட்டுச் செல்லும்.
அமெரிக்க அரசாங்கத்தின் நடவடிக்கைகளுக்குப் பின்னால் இரண்டு இன்றியமையா உந்துசக்திகள் உள்ளன: முதலாவது, தொடர்ந்து கொண்டிருக்கும் அமெரிக்காவின் பொருளாதார வீழ்ச்சி, இதை இப்போது அது அரசியல் மற்றும் இராணுவ வழிவகைகளைக் கொண்டு தீர்க்க முயன்று வருகிறது—2008 நிதியியல் நெருக்கடி மற்றும் அதை தொடர்ந்து உலக பொருளாதார வளர்ச்சியில் ஏற்பட்ட வீழ்ச்சி மற்றும் உலக சந்தைகளின் சுருக்கம் ஆகியவற்றை அடுத்து இந்த நிகழ்வுபோக்கு தீவிரமடைந்துள்ளது.
இரண்டாவதாக, குறைந்த கூலிகள் மற்றும் அதிகரித்து வரும் பொருளாதார கஷ்டங்களால் அதிகரித்து வரும் சமூக பதட்டங்களைத் தணிக்க மற்றும் பிற்போக்குத்தனமான பொருளாதார தேசியவாத போக்குகளுக்குள் அவற்றை திசைதிருப்ப ட்ரம்ப் நிர்வாகம் போராடி வருகிறது. இதில், ட்ரம்ப் தொழிற்சங்க அதிகாரத்துவத்தின் முழு ஒத்துழைப்பைப் பெற்றுள்ளார், எஃகு சம்பந்தமான நிர்வாக ஆணையில் அவர் கையெழுத்திடுகையில் முக்கிய தொழிற்சங்க தலைவர்கள் அவருக்கு அருகில் நின்றிருந்தனர். இது ஜனநாயகக் கட்சியின் பொருளாதார தேசியவாதிகளாலும் ஆதரிக்கப்படுகிறது, இதில் மிகவும் பிரபல பிரதிநிதியாக சுயபாணியிலான "சோசலிஸ்ட்" பேர்னி சாண்டர்ஸ் இருக்கிறார்.
இத்தகைய நிகழ்வுபோக்குகளின் உள்ளார்ந்த புறநிலை தர்க்கம், பொருளாதார மற்றும் இராணுவ போராகும். இதற்கு முதலாளித்துவ அரசியல்வாதிகளிடம் எந்த முற்போக்கான மாற்றீடும் கிடையாது, அதேவேளையில் சர்வதேச நாணய நிதியம் எதை அது மிகப் பெரிய அபாயமாக ஏற்றுக் கொண்டுள்ளதோ அதன் முன்னால் அது திராணியற்று இருக்கும் காட்சி மீண்டுமொருமுறை எடுத்துக்காட்டப்பட்டுள்ளது. இது ஏனென்றால் பொருளாதார தேசியவாதம் மற்றும் பாதுகாப்புவாதத்தின் வளர்ச்சியானது, தனியார் இலாபம் மற்றும் எதிர்விரோத தேசிய அரசுகளாக உலகம் பிளவுபட்டிருப்பதன் அடிப்படையில் அமைந்துள்ள இந்த சமூக-பொருளாதார அமைப்புமுறையின் அடித்தளத்திலேயே வேரூன்றி உள்ளது.
ஒரு நூறு ஆண்டுகளுக்கு முன்னர், உலகம் முதலாம் உலக போரின் மனிதயின படுகொலைகளில் சிக்கி இருந்தது. அது "சகல போர்களையும் முடித்து வைக்கும் போராக" இருக்கவில்லை, மாறாக அது ஏகாதிபத்திய சக்திகளில் எது உலக மேலாதிக்கத்தைப் பெறும் என்பதை முடிவு செய்வதற்காக மூன்று தசாப்தங்களுக்கும் அதிகமாக நீண்ட நெடிய சண்டைகளின் ஒரு தொடக்கமாக மட்டுமே இருந்தது. யூத இனப்படுகொலை மற்றும் ஜப்பான் மீது இரண்டு அணுகுண்டு வீசப்பட்டமை உட்பட கூறவியலாத கொடூரங்கள் மற்றும் பத்து மில்லியன் கணக்கானவர்களின் படுகொலைக்குப் பின்னர், தவிர்க்கவியலாமல், அமெரிக்கா ஒப்புயர்வற்ற உலகளாவிய சக்தியாக எழுந்தது.
இப்போது உலகம், அமெரிக்காவின் பொருளாதார வீழ்ச்சியினது முன்பினும் அதிக வெடிப்பார்ந்த விளைவுகளுக்கு முன்னால் நேருக்கு நேராக கொண்டு வரப்பட்டுள்ளது.
ஆனால் இந்தாண்டு 20 ஆம் நூற்றாண்டின் மகத்தான சம்பவமான ரஷ்ய புரட்சியின் நூற்றாண்டையும் மற்றும் உலக சோசலிச புரட்சி வேலைத்திட்டத்தின் அடிப்படையில் லெனின், ட்ரொட்ஸ்கி மற்றும் போல்ஷிவிக் கட்சியால் தலைமை கொடுக்கப்பட்டு தொழிலாள வர்க்கம் வெற்றிகரமாக அரசியல் அதிகாரத்தைக் கைப்பற்றிய நூற்றாண்டையும் குறிக்கிறது. சர்வதேச தொழிலாள வர்க்கம் இப்போது நேரடியாக எதை எதிர்கொண்டுள்ளதோ அந்த போராட்டங்களுக்கு உயிரூட்டும் முன்னோக்காக இதுவே இருக்க வேண்டும்.
Nick Beams
24 April 2017
http://www.wsws.org/tamil/articles/2017/4-Apr/trad-a26.shtml

Wednesday, 26 April 2017

பிரெஞ்சு ஜனாதிபதித் தேர்தலில் மக்ரோனும் நவ-பாசிச லு பென்னும் அடுத்த சுற்றுக்கு முன்னேறுகின்றனர்

Macron and neo-fascist Le Pen advance to run-off in French presidential elections

Image source from Internet
1968 மே-ஜுன் பொது வேலைநிறுத்தம் முதலாக பிரான்சை ஆட்சி செய்து வந்திருக்கும் இரண்டு கட்சி ஆட்சிமுறையின் ஒரு வரலாற்றுப் பொறிவாக, சோசலிஸ்ட் கட்சி மற்றும் குடியரசுக் கட்சியின் வேட்பாளர்கள் பிரெஞ்சு ஜனாதிபதித் தேர்தலின் முதல் சுற்றிலேயே வெளியேற்றப்பட்டனர். மே 7 அன்று நடைபெறவிருக்கும் இறுதிச் சுற்றில் PS இன் முன்னாள் பொருளாதார அமைச்சரான இமானுவல் மக்ரோனும் நவ-பாசிச தேசிய முன்னணியின் மரின் லு பென்னும் மோதவிருக்கின்றனர்.
உள்துறை அமைச்சகத்தின் உத்தியோகபூர்வ புள்ளிவிவரங்களின் படி, மக்ரோன் 23.55 சதவீத வாக்குகளையும் லு பென் 22.32 சதவீத வாக்குகளையும் பெற்றனர். LR வேட்பாளரான பிரான்சுவா ஃபிய்யோன் 19.88 சதவீத வாக்குகளையும் ஸ்ராலினிச பிரெஞ்சு கம்யூனிஸ்ட் கட்சியின் (PCF) ஆதரவுடன் போட்டியிட்ட அடிபணியா பிரான்ஸ் இயக்கத்தின் ஜோன் லூக் மெலோன்சோன் 19.01 சதவீத வாக்குகளையும் பெற்றனர்.
PS வேட்பாளரான பெனுவா அமோன் வெறும் 6.12 சதவீத வாக்குகளையே பெற்றிருந்தார். இது வரலாற்றில் ஐரோப்பாவின் எந்தவொரு ஒரு முன்னணி சமூக-ஜனநாயகக் கட்சியும் கண்டிராத மாபெரும் வீழ்ச்சியாகும், இதனுடன் ஒப்பிடுவதென்றால் 2008 வோல் ஸ்ட்ரீட் பொறிவை அடுத்து பொருளாதாரரீதியான தற்கொலைக்கு சமமான ஐரோப்பிய ஒன்றியத்தின் சிக்கன நடவடிக்கைகளை திணித்த காரணத்தால் கிரீசின் Pasok கட்சி சிதறிப் போனதுடன் தான் ஒப்பிட முடியும். PS அரசாங்கத்தின் ஆழமான சிக்கன நடவடிக்கைகள், அடிப்படை ஜனநாயக உரிமைகளை நிறுத்திவைத்த ஒரு அவசரகால நிலையை அது திணித்தமை, மற்றும் ஜனாதிபதி பிரான்சுவா ஹாலண்டின் கீழ் FNக்கு அதன் வளைந்துகொடுப்புகள் ஆகியவை கட்சியை மதிப்பிழக்கச் செய்து விட்டிருக்கின்றன.
ஃபிய்யோன் மற்றும் அமோன் இருவருமே மக்ரோனை வழிமொழிந்திருக்கின்றனர்; லு பென் ஜனாதிபதி பதவியைக் கைப்பற்ற விடாமல் தடுக்க வாக்காளர்கள் மக்ரோனை தேர்ந்தெடுக்க அவர்கள் அழைப்பு விடுத்துள்ளனர். அமோன் தனது தோல்வியை ஒரு “ஆழமான காயம்” என்றும், ஒரு “தார்மீகத் தோல்வி” என்றும் 15 ஆண்டுகளுக்குள் இரண்டாம் முறையாக வாக்காளர்கள் PS க்கு அளித்திருந்த “வரலாற்றுப்பெரும் தண்டனை” என்றும் அழைத்தார். முன்பு 2002 இல், வலது-சாரி வேட்பாளரான ஜாக் சிராக் மற்றும் மரினின் தந்தையான FN இன் ஜோன்-மரி லு பென் ஆகியோரால் PS வேட்பாளரான லியோனல் ஜோஸ்பன் வெளியேற்றப்பட்டிருந்தார்.
ஃபிய்யோன் LR க்குள் கட்சியின் ஒற்றுமைக்கு அழைப்பு விடுத்தார், அவர் அறிவித்தார், “இந்த தோல்வி என்னுடையது. அதற்கான பொறுப்பு எனக்குண்டு, எனக்கு மட்டுமே உண்டு”. FN ஆட்சிக்கு வந்தால் நேரக் கூடிய “குழப்பநிலை”, “திவால்நிலை” மற்றும் “யூரோ நாணய மதிப்பில் இருந்தான வெளியேற்றம்” ஆகியவை குறித்து எச்சரித்த அவர், “நான் இமானுவல் மக்ரோனுக்கு ஆதரவாகவே வாக்களிப்பேன்” என்று கூறினார்.
மக்ரானோ லு பென்னோ இரண்டாம் சுற்றில் எவர் வென்றாலுமே, இத்தேர்தல் எந்தவொரு பிரச்சினையையும் தீர்க்கப் போவதில்லை, இது வெடிப்பான சமூக மோதலுக்கு மட்டுமே மேடையமைத்து கொடுக்கும். ஒரு நவ-பாசிஸ்டுக்கும், ஹாலண்டின் கசப்புமிக்கதும் மக்கள் வெறுப்பைச் சம்பாதித்ததுமான பொருளாதாரக் கொள்கையை வடிவமைத்த முன்னாள் Rothschild வங்கியாளரும் பெரும் போர்களது ஒரு “சகாப்த”த்திற்கு தயாரிப்பு செய்யும் பொருட்டு கட்டாய இராணுவ சேவையை மீண்டும் கொண்டுவருவதற்கு அழைப்பு விடுத்திருப்பவருமான மக்ரோனுக்கும் இடையில் தான் தெரிவுசெய்ய இயலும் ஒரு நிலைக்கு வாக்காளர்கள் முகம்கொடுத்து நிற்கின்றனர். PS முன்மொழிந்த, அடிப்படை ஜனநாயக உரிமைகளை நிறுத்தி வைத்திருக்கக் கூடிய அவசரநிலையையும், அத்துடன் ஆழமான சிக்கன நடவடிக்கைகளையும் மற்றும் போர்த் திட்டமிடலையும் வழிமொழிந்திருப்பவரான மக்ரோன் உழைக்கும் மக்களை பொறுத்தவரை லு பென்னுக்கு எந்த மாற்றையும் வழங்கக் கூடியவராக இல்லை.
லு பென்னுக்கு எதிரான மக்கள் ஆதரவை அணிதிரட்ட நேற்றிரவு மக்ரோன் செய்த முயற்சி முரண்பாடுகள் நிரம்பியதாய் இருந்தது. வலது-சாரி மற்றும் இடது-சாரி அரசியலுக்கு இடையிலான பிரிப்புக்கோட்டை அழிப்பவராக, பிரான்சை முற்றிலும் புதுப்பிப்பவராக தன்னைக் காட்டிக் கொள்ள அவர் முயற்சி செய்கின்ற போதிலும், அவர் PS இன் முன்னாள் பொருளாதார அமைச்சர் என்பதோடு கிட்டத்தட்ட ஒட்டுமொத்தமான அரசியல் ஸ்தாபகத்தின் ஆதரவுடன் போட்டியிடுகின்றவராவார்.
பிரெஞ்சு அரசியலை மறு-நோக்குநிலை கொள்ளச்செய்யும் ஒன்றாக இருக்கக் கூடிய ஒன்றில் வெற்றி பெற்றதன் மூலம் தான் பணிவானவனாக இருக்கச் செய்யப்பட்டிருப்பதாக 39 வயதான மக்ரோன் அறிவித்தார். “இது குறித்துநிற்கின்ற மிகப்பெரும் கவுரவத்தையும் மாபெரும் பொறுப்பையும் நான் அறிவேன்” என்று கூறிய அவர் பெருமையடித்துக் கொண்டார்: “ஒரு ஆண்டில், நாங்கள் பிரெஞ்சு அரசியலின் முகத்தையே மாற்றியிருக்கிறோம்.”
மெலோன்சோன் மட்டுமல்லாது தொழிலாளர் போராட்ட (LO) வேட்பாளர் நத்தலி ஆர்த்தோ மற்றும் புதிய முதலாளித்துவ-எதிர்ப்புக் கட்சி வேட்பாளரான பிலிப் புட்டு ஆகியோர் உட்பட லு பென்னை தவிர்த்து மற்ற அத்தனை ஜனாதிபதி வேட்பாளர்களுக்கும் அவர் நன்றி தெரிவித்துக் கொண்டார். அதன்பின் அவர் FNக்கு எதிரான ஒரு பிரச்சாரத்திற்கு ஒரு தேசியவாத விண்ணப்பத்தை செய்தார். “தேசியவாதத்தின் அபாயத்திற்கு எதிரான வகையில் தேசப்பற்றாளர்களின் ஜனாதிபதியாக” ஆவதே தனது இலட்சியம் என்று அறிவித்த அவர் கூறினார்: “இன்றிரவு முதலாய், முன்னேறிச் சென்று அத்தனை பிரெஞ்சு மக்களையும் ஒன்றிணைப்பது எனது பொறுப்பாகும்”.
இது வெறுமையான அரசியல் நடிப்பு ஆகும். மக்ரோனின் பேரணியில் முன்செல்வோம் (En Marche) இயக்கம், ஹாலண்ட் மற்றும் பாதுகாப்பு அமைச்சர் ஜோன்-ஈவ் லு திரியோன் இல் ஆரம்பித்து PS அரசாங்கத்தின் உயர் நிர்வாகிகளின் ஆதரவை நம்பியிருக்கும் செல்வாக்கான இளம் தொழிலதிபர்கள் மற்றும் அரசியல் செயல்பாட்டாளர்களின் ஒரு சிறிய அடுக்கைக் கொண்டதாகும்.
பிரான்சின் பிரதான கட்சிகள் ஆழமான மக்கள் வெறுப்பை சம்பாதித்துள்ளன என்பதைக் கணக்கிலெடுத்துப் பார்த்தால், மக்ரோனின் மூலோபாயமானது, பிரான்சின் வெறுப்புக்குரிய அரசியல் ஸ்தாபகத்தை சவால் செய்யும் ஒரே வேட்பாளராக லு பென் தன்னை முன்நிறுத்திக் கொள்வதற்கான வாய்ப்பை அவருக்கு வழங்குகிறது. உண்மையில் இந்த முறையிலேயே நேற்றிரவு அவர் எதிர்வினையாற்றினார்.
லு பென் Hénin-Beaumont இல் உள்ள தனது பிரச்சாரத் தலைமையகத்தில் இருந்து அவர் பேசினார், வடக்கு பிரான்சில் சமூகரீதியாக சீரழிக்கப்பட்டிருந்த நிலக்கரி வயல்களில் இருக்கின்ற ஒரு நகரமான இதில், ஒரு ஊழல் மோசடியில் சிக்கி PS இன் மேயரான Gérard Dallongeville பதவி விலகிய பின்னர் FN இன் Steeve Briois மேயராகத் தேர்ந்தெடுக்கப்பட்டுள்ளார். ஐரோப்பிய ஒன்றியத்திற்கான ஒரு தேசியவாத எதிர்ப்பு மற்றும் வன்முறையான புலம்பெயர்-விரோதக் கொள்கைகள் ஆகியவற்றின் அடிப்படையில் போட்டியிட்டிருந்த அவர், தேர்தலை EU மற்றும் PS இன் சிக்கன நடவடிக்கை கொள்கைகளுக்கும் தனது பிரான்சை தேசியரீதியாக பாதுகாக்கின்ற கொள்கைக்கும் இடையிலான ஒரு தெரிவாக ஆக்குவதற்கு வாக்குறுதியளித்தார்.
“அந்த மகத்தான அரசியல் விவாதம் இறுதியாய் நடந்தேற இருக்கிறது. நமது நாகரிகத்தையே அச்சுறுத்திக் கொண்டிருக்கும் கட்டுப்பாடில்லாத உலகமயமாக்கம் தான் இந்த தேர்தலில் மாபெரும் பிரச்சினையாகும்” என்றார் அவர். “ஒன்று மொத்தத்தையும் கட்டுப்பாடகற்றி விட்டு மூலதன ராஜாவின் ஆட்சியை நோக்கி நாம் தொடர்ந்து கொண்டிருப்போம்... இல்லையேல் நமது தேசிய அடையாளத்தைப் பாதுகாக்கின்ற எல்லைகளை கொண்ட ஒரு பிரான்சை நோக்கி நாம் நகருவோம்.”
குறிப்பிடத்தக்கதாக, நேற்று தேர்தல் முடிவுகளை விவாதம் செய்த தொலைக்காட்சி வருணனையாளர்கள், 15 ஆண்டுகளில் இரண்டாம் முறையாக ஜனாதிபதித் தேர்தலின் இரண்டாம் சுற்றுக்கு FN முன்னேறியிருக்கிறது என்ற உண்மையின் முக்கியத்துவத்தை பெரும்பாலும் கண்டுகொள்ளாமல் கடந்து சென்றனர். 2002 இல், இது அதிர்ச்சியையும் FN ஆட்சிக்கு வந்து விடக் கூடிய சாத்தியத்தால் திகிலடைந்த மில்லியன் கணக்கான மக்களின் வெகுஜன ஆர்ப்பாட்டங்களையும் உருவாக்கியது. ஆனால், இன்றோ, இரண்டாம் சுற்றுக்கு லு பென் முன்னேறியிருப்பது துரதிர்ஷ்டவசமானது என்றாலும் கூட அதிர்ச்சியடைவதற்கு ஒன்றுமில்லை என்பதைப் போல அரசியல் மற்றும் ஊடக ஸ்தாபகங்கள் நடந்து கொள்கின்றன.
எல்லாவற்றுக்கும் மேலாக இது, PS உம் பல தசாப்த காலமாய் அதனைச் சுற்றி வரும் LO மற்றும் NPA போன்ற பல்வேறு நடுத்தர வர்க்கக் கட்சிகளின் தடையற்ற சந்தர்ப்பவாதம் மற்றும் பிற்போக்குத்தனமான கொள்கைகளின் விளைபொருளாகும். 2002 இல், LO வும் NPA இன் முன்னோடியான புரட்சிகர கம்யூனிஸ்ட் கழகமும் (LCR), சிராக்-லு பென் போட்டியை செயலூக்கத்துடன் புறக்கணிப்பதற்கு நான்காம் அகிலத்தின் அனைத்துலகக் குழு (ICFI) விடுத்த அழைப்பை நிராகரித்தன. சிராக்கும் ஒட்டுமொத்த ஐரோப்பிய ஆளும் வர்க்கமும் அதன்பின் முன்நிறுத்த தயாரித்துக் கொண்டிருந்த போர்கள் மற்றும் சமூகத் தாக்குதல்களுக்கு வலிமையான எதிர்ப்பை முன்நிறுத்துவதற்கு தொழிலாள வர்க்கத்தை தயாரிப்பு செய்வதே அதன் இலட்சியமாய் இருந்தது.
மாறாக, LO வும் LCR உம் சிராக்கிற்கு வாக்களிக்க PS செய்த பிரச்சாரத்தின் பின்னால் தங்களை அணிநிறுத்திக் கொண்டன. எதிர்ப்பு வாக்களித்திருந்த மில்லியன் கணக்கான மக்கள் தங்களுடைய நேரத்தை வீணடிக்காமல் வீட்டிலேயே இருந்திருக்கலாம் அல்லது நேராகவே சிராக்கிற்கு வாக்களித்திருக்கலாம் என்பதைப் போன்றதொரு சமிக்கையை இது வாக்காளர்களுக்கு அளித்தது. அத்தோடு இத்தகைய ஒரு வலது-சாரி வேட்பாளரை ஆதரித்ததன் மூலமாக, இவை முதலாளித்துவ அரசியல் ஸ்தாபகத்துடன் முழுமையாக ஒருங்கிணைந்திருந்ததையும் ஆளும் உயரடுக்கிற்கு எந்த மாற்றினையும் வழங்கப் போவதில்லை என்பதையும் அவை தெளிவாக்கி விட்டிருந்தன. உண்மையில், 2012 இல் அவை இறுதியில் ஹாலண்டுக்கு ஆதரவளித்தன. இதுவே FN பிரான்சின் ஒரே எதிர்க்கட்சியாக தன்னை முன்நிறுத்திக் கொள்வதற்கு அனுமதித்து, அதன் துரிதமான ஒரு வளர்ச்சிக்கு மேடையமைத்து கொடுத்தது.
இப்போது, PS உம் மற்றும் பிரான்சின் பிற்போக்கு ஸ்தாபகமும் ஒரு வரலாற்றுப் பொறிவுக்குள் சென்று கொண்டிருக்கும் நிலையில், ICFI இன் புதிதாக ஸ்தாபிக்கப்பட்டிருக்கும் சோசலிச சமத்துவக் கட்சியை (Parti de l’égalité socialiste - PES) ஒரு உண்மையான ட்ரொட்ஸ்கிசக் கட்சியாக கட்டியெழுப்புவதற்கு அழைப்பு விடுப்பதற்காக தலையீடு செய்கிறது. மெலோன்சோனின் அடிபணியா பிரான்ஸ் (France insoumise) இயக்கம் தொடங்கி பல்வேறு நடுத்தர வர்க்க “இடது” போக்குகளும், மக்ரோனுக்கு முட்டுக் கொடுத்து தொழிலாள வர்க்கத்தில் பெருகிச் செல்லும் சமூக கோபத்திற்கு முட்டுக்கட்டை போடுவதற்காக தலையீடு செய்கின்றன.
மெலன்சோனின் ஆதரவாளர்கள் லு பென்னுக்கு எதிராக மக்ரோனுக்கு வாக்களிக்க அழைக்கும் வசனங்களை ஐயத்திற்கிடமின்றி வழிமொழிந்து கொண்டிருக்கின்றனர். PCF தலைவரும் மெலன்சோனின் ஆதரவாளருமான பியர் லோரன், வாக்காளர்கள் “மற்ற வாக்குத்தெரிவை” பயன்படுத்தி லு பென்னை “தோற்கடிக்க” வேண்டும் என்று அழைப்பு விடுத்ததன் மூலமாக கிட்டத்தட்ட எந்த மறைப்புமின்றி மக்ரோனுக்கு வாக்களிக்க விண்ணப்பம் செய்திருந்தார். இதேபோல், மெலன்சோன் ஆலோசகர் Clémentine Autain உம் "அதி-வலதை தோற்கடிக்க" முறையீடு செய்தார்.
மெலோன்சோன் சுருக்கமாய் பேசிய ஒரு கோபமான மற்றும் வெளிப்படையாய் ஏமாற்றம்மிகுந்த உரையில், உள்துறை அமைச்சகம் வெளியிட்ட தேர்தல் முடிவுகளை முறையானவையாக தான் ஏற்றுக்கொண்டிருப்பதை அவர் சுட்டிக்காட்டினார். அவரது அமைப்பு மக்ரோனை வழிமொழிந்து கொண்டிருந்ததற்கு பொறுப்பேற்க சிடுமூஞ்சித்தனத்துடன் அவர் மறுத்தார். அதற்குப் பதிலாய், தனது அடிபணியா பிரான்ஸ் இயக்கத்திற்கு இணையவழி மூலம் கையெழுத்திட்டிருந்த 450,000 பேருக்கு லு பென்னை ஆதரிப்பதா அல்லது மெலன்சோனை ஆதரிப்பதா என்ற முடிவெடுப்பதற்காக வாக்களிக்கும் உரிமை உண்டு என்று அவர் அறிவித்தார்.
ஆயினும், மக்ரோன் மற்றும் லு பென்னுக்கான எதிர்ப்பை இத்தகைய சக்திகள் ஒடுக்கி விட இயலுகின்ற மட்டத்திற்கு, அது இன்னும் அதிக பிற்போக்கான அரசாங்கங்கள் ஆட்சிக்கு வருவதற்கும் தொழிலாள வர்க்கத்துடனான வெடிப்பான மோதல்களுக்குமே களம் அமைப்பதாக இருக்கிறது.
By Alex Lantier
24 April 2017
http://www.wsws.org/tamil/articles/2017/4-Apr/macr-a25.shtml

வட கொரியாவிற்கு எதிராக அமெரிக்காவின் போர் அச்சுறுத்தல்கள் தொடர்கிறது

US threats of war against North Korea continue

Image source from Internet
ஞாயிறன்று காலையில் நடத்தப்பட்ட வட கொரிய ஏவுகணை சோதனை தோல்வியடைந்தும், மேலும் இது குறித்து வாஷிங்டன் ஒப்பீட்டளவில் மௌனமாக விடையிறுத்தும் உள்ள நிலையில் வடகிழக்கு ஆசிய பகுதியில் பதட்ட நிலைமைகள் இன்னும் உச்சக்கட்டத்தில் இருக்கிறது. பியோங்யாங் மேற்கொள்ளும் எந்தவொரு அணுஆயுத அல்லது ஏவுகணை சோதனைக்கும் விடையிறுப்பாக இராணுவ சக்தியை பயன்படுத்த முடியும் என ட்ரம்ப் நிர்வாகம் தொடர்ந்து எச்சரித்துவருகிறது.
ட்ரம்ப் இன் தேசிய பாதுகாப்பு செயலரான H.R. McMaster, வட கொரியா தொடர்பாக “நடைபெற்றுவருகின்ற முன்னிலும் அதிக மேம்படுத்தலுக்கும், மேலதிக அபிவிருத்திக்கும் எங்களது அனைத்து தேர்வுகளும் தயாராக உள்ளன” என்று வலியுறுத்தினார். மேலும் அவர், “இந்த பிராந்தியத்தில் அமெரிக்காவும், மற்றும் அதன் கூட்டணி நாடுகளும், பங்காளிகளும், அணுஆயுதங்களுடனான இந்த விரோதப்போக்கு உடைய ஆட்சியின் அச்சுறுத்தலின் கீழ் இருப்பதை ஜனாதிபதி ஏற்றுக்கொள்ள மாட்டார் என்பதை அவர் தெளிவுபடுத்தியுள்ளதாகவும்” கூறினார்.
ABC இன் “This Week” நிகழ்ச்சியில் நேற்று McMaster பேசுகையில், முதல் நிகழ்வாக பியோங்யாங் அதன் அணுஆயுத மற்றும் கண்டம் விட்டு கண்டம் பாயும் ஏவுகணை திட்டங்களை முடிவுக்கு கொண்டுவர அமெரிக்க விடுக்கும் கோரிக்கைகளுக்கு அதனை தலைவணங்க செய்ய பெய்ஜிங் பெரும் அழுத்தம் கொடுக்குமென வாஷிங்டன் நம்புவதாக தெரிவித்தார். மேலும், “சீனாவின் அழுத்தத்தை பொறுத்தவரையில் வட கொரியா மிகவும் பலவீனமானதாக உள்ளது. 80 சதவிகித வட கொரிய வர்த்தகம் சீனாவிலிருந்து தான் வருகிறது. மேலும் அவர்களது அனைத்து எரிசக்தி தேவைகளும் சீனாவின் மூலமாக தான் நிறைவேற்றப்படுகிறது” என்று அவர் கூறினார்.
“இந்த பிரச்சனை பெரிதாகிக் கொண்டேயிருக்கிறது” என்பதை தேசிய பாதுகாப்பு ஆலோசகர் தெளிவுபடுத்தினார். “இதனை அமைதியாக தீர்வுக்கு கொண்டுவர முனைவதில், குறுகிய இராணுவ வழிமுறையில், எங்களால் முடிந்த அனைத்து நடவடிக்கைகளையும் எடுப்பதற்கு” இதுவே சரியான நேரமாக இருந்தது எனும் நிலையில், எதுவும் நடக்காதென கூறவும் முடியாது என்றும் அவர் தெரிவித்தார். ட்ரம்ப் நிர்வாகம், “வரவிருக்கும் வாரங்களில், அல்லது மாதங்களில்”, குறுகிய இராணுவ படை பிரயோகத்தை தேர்வுசெய்து ஆராயும் என்பதான McMaster இன் கருத்தின் மீது எந்தவித நம்பகத்தன்மையும் கொடுக்கப்படமுடியாது.
இதுபோன்ற குறிப்பிட்ட சூழ்நிலைகளில் ட்ரம்ப் நிர்வாகம் எவ்வாறு விடையிறுக்கும் என்பது பற்றி தந்தி செய்தி எதையும் அனுப்பாது என்று McMaster தானே அறிவித்தார். சிரியா மீதான பேரழிவுகரமான நடுத்தர கப்பல் ஏவுகணை தாக்குதல்கள் நிகழ்த்தப்பட்டதை மேற்கோள்காட்டி, “கடுமையான முடிவுகளை எடுப்பதில் ட்ரம்ப் தெளிவான திருப்தியுடன் இருந்தார்” எனவும் அவர் வலியுறுத்தினார்.
கடந்த வாரம் ட்ரம்ப், அமெரிக்க கடற்படை கப்பலான கார்ல் வின்சன் மூலமாக வழிநடாத்தப்படும் வான்வழி விமானந்தாங்கி கப்பல் தாக்குதல் குழுவை கொரிய தீபகற்பத்தின் கடல் பகுதிக்கு மீண்டும் திரும்ப உத்தரவிட்டதுடன், அந்த பகுதிக்கு அணுஆயுத நீர்மூழ்கி கப்பல்கள் உட்பட “போர் கப்பல்களின் தொகுப்பு” ஒன்றை அவர் அனுப்பிவைத்துள்ளதாகவும் பெருமையடித்து கொண்டார். ஜப்பான் மற்றும் குவாம் இல் நிலைநிறுத்தப்பட்டிருக்கும் உயர்தர போர் விமானங்களையும், மூலோபாய வெடிகுண்டுவீசிகளையும் பென்டகன் அதன் வசம் கொண்டிருக்கிறது.
தென் கொரியாவில், 28,500 துருப்புகளையும், அத்துடன் இராணுவ வானூர்திகள், மற்றும் ஏனைய வன்பொருள்களையும் “இன்றிரவு போராடவும்” தயாராக இருக்கும் விதத்தில் உயர் நிலை விழிப்பில் அமெரிக்கா வைத்துள்ளது. வட கொரியாவுடன் போர் ஏற்பட்டால், சுமார் 625,000 படையினரையும், அத்துடன் அதிநவீன கடற்படை, வான்வழி மற்றும் ஏவுகணை எதிர்ப்பு அமைப்புகளையும் கொண்டதான நன்கு ஆயுதமயப்படுத்தப்பட்ட தென் கொரிய இராணுவத்தின் மீது செயல்பாட்டு கட்டுப்பாட்டை வைத்துக்கொள்ள அமெரிக்க இராணுவம் அனுமானிக்கிறது.
தோல்வியுற்ற ஏவுகணை சோதனை குறித்து தென் கொரிய அரசாங்கம் உடனடியாக கண்டனம் செய்ததானது அமெரிக்க இராணுவ அச்சுறுத்தல்களை முழுமையான ஆதரவளிப்பதையே தெளிவுபடுத்துகிறது. “கொரிய தீபகற்பம் மற்றும் சர்வதேச சமூகத்தின் அமைதி மற்றும் பாதுகாப்பிற்கு இது தெளிவான அச்சுறுத்தலாகவுள்ளது என்று அரசாங்கம் கண்டனம் செய்கிறது” என்று ஞாயிறன்று ஒரு அறிக்கையில் பாதுகாப்பு அமைச்சகம் தெரிவித்துள்ளது.
வட கொரியா உடனான வாஷிங்டனின் போர் தயாரிப்புக்கள் தொடர்பான தங்களது பிரிட்டிஷ் சமதரப்பினர் பற்றி அமெரிக்க அதிகாரிகள், லண்டனை தளமாக கொண்ட Sunday Times பத்திரிகைக்கு சுருக்கமாக விளக்கியுள்ளனர். “அது எடுக்கின்ற முடிவை பொறுத்து, அவர்கள் எதையும் செய்வார்கள்” என ஒரு மூத்த பிரிட்டிஷ் செய்தியாளர் பத்திரிகைக்கு தெரிவித்தார். “எதுவும் ஒதுக்கப்படவில்லை. குறிப்பிட்ட விடயங்கள் மீது இலக்கு வைக்கவும், அவற்றை அடியோடு அழிக்கவும் செயல்திறன் பெற்றுவிட்டதாகவே அவர்கள் நினைக்கின்றனர்” என்றும் கூறினார்.
போர் திட்டங்கள் பற்றி நன்கறிந்த ஒரு முன்னாள் அமெரிக்க அதிகாரி Sunday Times பத்திரிகைக்கு பின்வருமாறு தெரிவித்தார்: “ட்ரம்ப் சீனாவுக்கு கடினமாக அழுத்தம் கொடுத்துவருகிறார், என்றாலும் அவர் தானே தான் வலுவான நடவடிக்கை ஒன்றை எடுக்கவேண்டுமென இறுதியில் உணர்கிறார். ஏவுகணை தளங்களை அழிக்கும் திட்டங்கள் இருப்பதுடன், இராணுவம் இப்பொழுது தனக்கு தெரிந்தவற்றின் மீது வலுவான நம்பிக்கையும் கொண்டுள்ளது.”
ஒரு அமெரிக்க வெளியுறவு கொள்கை ஆலோசகர் துணை ஜனாதிபதி மைக் பென்ஸ் உடனான தனது தற்போதைய ஆசிய சுற்றுப்பயணத்தின் போது McMaster விடுத்த அச்சுறுத்தல்களை பற்றி மீண்டும் வலியுறுத்தினார். வட கொரியா ஒரு மத்திய-தூர கண்டம் விட்டு கண்டம் பாயும் ஏவுகணை சோதனையை தான் செயல்படுத்தியிருக்குமென தோன்றுகிறது, அது ஒரு ICBM அல்ல, ஆனால் சில விநாடிகளுக்குள் அது தோல்வியுற்றுப்போனதாகவும் அவர் குறிப்பிட்டார்.
எந்தவொரு அமெரிக்க நடவடிக்கையையும் நிராகரிக்கும் போதும், “நாங்கள் தேர்வுகளை கொண்டிருக்கிறோம். இராணுவ, இராஜதந்திர மற்றும் ஏனைய, ஆகிய இரண்டு வகை தேர்வுகளை நாங்கள் வைத்திருக்கிறோம். இவ்வாறு ஜனாதிபதி தேர்ந்தெடுக்க கூடிய கருவிகளின் பரந்த ஒழுங்குமுறையினையே (எங்களது) நாங்கள் கொண்டிருக்கும் நிலையில், அவர் அவற்றை தேர்வு செய்து பயன்படுத்தலாம்” என ஆலோசகர் வலியுறுத்தினார். வட கொரியா ஒரு ஏவுகணை சோதனையை நடத்தி முடித்திருக்குமானால், அமெரிக்காவினால் வேறுமாதிரி நடவடிக்கைகள் எடுக்கவேண்டியதாக இருந்திருக்கும்” என்பதையும் அவர் தெளிவுபடுத்தினார்.
அதே சமயத்தில், ட்ரம்ப் நிர்வாகம், அமெரிக்க மற்றும் சர்வதேச ஊடகங்களுடன் இணைந்து, அமெரிக்கா மற்றும் உலகத்தின் பாதுகாப்பு குறித்து அச்சுறுத்துகின்ற “ஒரு போக்கிரி நாடாக” வட கொரியா உள்ளதென அரக்கதனமாக சித்தரிப்பதை தொடர்ந்துவருகிறது. இதே வகையில், கடந்த 25 ஆண்டுகளுக்கும் மேலாக மத்திய கிழக்கிலிருந்து பால்கன், வட ஆப்பிரிக்கா மற்றும் மத்திய ஆசியா வரையிலும் அமெரிக்க ஏகாதிபத்தியத்தின் மூலமாக மேற்கொள்ளப்பட்ட ஒவ்வொரு சட்டவிரோத தலையீட்டையும், நடத்தப்பட்ட போரையும் இந்த பரப்புரை பிரச்சாரம் முன்னிலைப்படுத்தியுள்ளது.
கிம் ஜோங்-உன் தலைமையிலான பியோங்யாங் ஆட்சியின் மிருகத்தனத்தை தேசிய பாதுகாப்பு ஆலோசகரான McMaster கண்டனம் செய்தார். மேலும், “இது யாரோ ஒருவர் தனது சொந்த சகோதரனையும், அவரது குடும்பத்திலுள்ள ஏனையோரையும் கொல்வதன் மூலமாகவும், எவ்வித காரணமுமின்றி, அரசியல் காரணங்களை முன்னிட்டு கொடூரமான சூழ்நிலையில் பெரும் எண்ணிக்கையிலான மக்களை சிறையில் அடைத்ததன் மூலமாகவும் அவரது மிருகத்தனத்தை நிரூபணம் செய்துள்ளார்,” எனவும் கூறினார்.
ஒரு கொடூரமான பொலிஸ்-அரசு ஆட்சி மற்றும் அதன் பிற்போக்குதனத்தின் கீழ் அமெரிக்க அச்சுறுத்தல்கள் குறித்த இராணுவவாத விடையிறுப்பின் கீழ் இருக்கும் வட கொரியா நிச்சயமாக போர் அபாயத்தை மட்டுமே அதிகரிக்கிறது. இருப்பினும், ஈராக், ஆப்கானிஸ்தான் மற்றும் மத்திய கிழக்கில் அமெரிக்காவின் தற்போதைய மிருகத்தனமான போர்கள், அத்துடன் ஏனைய தலையீடுகள் மற்றும் ஆத்திரமூட்டல்கள் போன்றவற்றின் மீது ஸ்திரத்தன்மையுடன் உள்ள நிலையில், அமைதி குறித்து தன்னை ஒரு பாதுகாவலனாக அமெரிக்கா காட்டிக்கொள்வது முற்றிலும் பாசாங்குத்தனமானதாக உள்ளது.
“மனித உரிமைகளை” பாதுகாக்க என்பது வாஷிங்டனின் கூற்றுக்களை பொறுத்தவரையில், அமெரிக்க ஏகாதிபத்தியத்துடன் ஒரு குறிப்பிட்ட நாட்டை இசைந்துபோவதற்கான இது ஒரு சுலோகமாகவே மாற்றப்பட்டு உள்ளது.
கடந்த வாரம் அல்லது அதற்கு முந்தைய நிகழ்வுகளான சிரியா மீதான ஏவுகணை தாக்குதல்கள், பாரிய வெடிமருந்து வான் வெடி குண்டு வெடிப்பை (Massive Ordnance Air Blast-MOAB) நிகழச் செய்தது, மற்றும் வட கொரியா மீதான தவிர்க்க முடியாத தாக்குலுடன்கூடிய அச்சுறுத்தல்கள், இவையனைத்தும் சர்வதேச ஸ்திரமற்ற நிலைமைக்கும், போர் அபாயத்திற்குமான மிகப்பெரிய மூலமாக அமெரிக்க ஏகாதிபத்தியம் உள்ளது என்பதையே அடிக்கோடிட்டுக் காட்டுகின்றன.
இந்த மாதம் தேசிய பாதுகாப்பு ஆலோசகரான McMaster உடன் பேசியவரும், பிரிட்டிஷ் இராணுவ நபர் ஒருவர், Sunday Times பத்திரிகைக்கு பேசுகையில், வட கொரியா மீதான அமெரிக்காவின் எந்தவொரு தாக்குதலும் பதிலடியை தூண்டக்கூடிய வகையில் “பயங்கர விளைவு கொண்டதாகவே இருக்கும்,” என்பதில் அவர் விழிப்புடன் இருந்ததாக கூறினார்.
அந்த கட்டுரை பின்விளைவுகளை பற்றி விவரித்து கூறாதபோதும், கொரிய தீபகற்பத்தின் மீது தொடுக்கப்படும் எந்தவொரு புதிய போரும் மில்லியன் கணக்கான உயிரிழப்புகளை ஏற்படுத்தலாம், ஆனால் அதுவே சீனா மற்றும் ஏனைய சக்திகளுடனான மோதலுக்குள் தள்ளப்பட்டால் அதற்கும் அதிகமான உயிரிழப்புகளை ஏற்படுத்தக்கூடும் என்பதை தெரிவிக்கிறது. இருப்பினும், அமெரிக்கா பூகோள மேலாதிக்கத்துக்கான அதன் விடாப்பிடியான முயற்சியில், பொறுப்பற்ற முறையில் இது போன்ற பேரழிவுக்குள் உலகத்தை வீழ்த்துவதற்கும் தயாராகிக்கொண்டிருக்கிறது.
By Peter Symonds
17 April 2017

Monday, 24 April 2017

துப்பாக்கி முனையில் பிரான்சின் தேர்தல்

France’s election at gunpoint

Image source from internet
ISIS இன் சார்பாக செயல்பட்டதாக சொல்லப்படுகின்ற ஒரு துப்பாக்கிதாரியால் நடத்தப்பட்ட Champs Elysées வன்முறை சம்பவத்தை, அரசும் ஊடகங்களும், அரசியல் வெறிமிக்கதொரு சூழலை உருவாக்குவதற்காய் பயன்படுத்திக் கொள்ள முயற்சி செய்கின்றதொரு பின்புலத்தில் பிரான்சில் ஜனாதிபதித் தேர்தலின் முதல் சுற்று நடைபெறவிருக்கிறது.
நாளை தேர்தல் நிலையங்களில் 50,000க்கும் அதிகமான படைவீரர்களும் போலிஸ்காரர்களும் நிறுத்தப்படவிருக்கும் நிலையில், இத்தேர்தலானது துப்பாக்கிமுனையில் நடைபெற இருக்கிறது.
கூறப்படும் அந்த துப்பாக்கிதாரியின் பின்புலம் குறித்த உண்மைகள் வெளிவந்து கொண்டிருக்கிற நிலையில், பாதுகாப்புப் படையைச் சேர்ந்த கூறுகள் -இவர்களில் பாதிக்கும் அதிகமானோர் மரின் லு பென்னின் நவ-பாசிச தேசிய முன்னணிக்கே வாக்களிக்க திட்டமிடுகின்றனர்- சம்பந்தப்பட்ட ஒரு ஆத்திரமூட்டலே இந்த துப்பாக்கிசூடு என்பதான முடிவுக்கு வராமலிருப்பது என்பது கிட்டத்தட்ட சாத்தியமில்லாததாகும்.
ஒரு பிரெஞ்சு குடிமகனும் தொழில்முறை குற்றவாளியுமான கரீம் செயுர்ஃபி என்ற, 2003 இல் இரண்டு போலிஸ்காரர்களை கிட்டத்தட்ட சாகடிக்கும் நிலைக்கு இட்டுச்சென்ற துப்பாக்கிசூட்டிற்காக 15 ஆண்டுகள் சிறைத்தண்டனை விதிக்கப்பட்டு பின் மேல்முறையீட்டில் விடுதலை செய்யப்பட்டிருந்த ஒருவர், சமீபத்தில் பிப்ரவரி மாதத்தில், ஆயுதங்களைக் கேட்டதற்காகவும் போலிஸ்காரர்களை கொல்ல விரும்பியதாக கூறியதற்காகவும் கடைசியாக கைது செய்யப்பட்டிருந்தார். அவர் முன்நிறுத்திய “அபாயமட்டம்” முன்னுரிமையான மட்டத்திற்கு இல்லை என்பதாய் சொல்லி அவர் விடுவிக்கப்பட்டார். அவர் இஸ்லாமிக் ஸ்டேட்டின் (IS) ஒரு அனுதாபியாக இருந்ததில் குறைந்தபட்சம் மார்ச் மாதத்தில் இருந்தேனும் பிரான்சின் உள்நாட்டு உளவுத்துறையால் அவர் பின்தொடரப்பட்டு வந்திருந்தார் என்றநிலையிலும், அவரது வழக்கு ஒரு பொதுவான சட்டப் பிரச்சினை வழக்காக பார்க்கப்பட்டதே தவிர, ஒரு பயங்கரவாத வழக்காய் பார்க்கப்படவில்லை.
பிரான்சின் கடுமையான துப்பாக்கிக் கட்டுப்பாட்டுச் சட்டங்களையும் தாண்டி, செயுர்ஃபி, ஒரு தானியங்கி துப்பாக்கி, ஒரு வேட்டை துப்பாக்கி மற்றும் பல கத்திகளை சேகரித்து விட முடிந்திருந்தது, இவற்றை தாக்குதலின் போது அவர் தன்னுடன் கொண்டிருந்தார்.
துப்பாக்கிச்சூடு சம்பவத்திற்கு முந்தைய நாளில், வலது சாரி ஊடகமான Le Figaro இஸ்லாமிய பயங்கரவாதமே “தேர்தல் பிரச்சார நிறைவின் மையத்தானமாக இருக்க வேண்டும்” என்று கோரியது. “இது ஒரு இன்றியமையாத பிரச்சினை, ஆனால் மிகக் குறைவாகவே பேசப்பட்டிருக்கிறது.” இந்தத் துப்பாக்கிச்சூடு ஒரு ஒருங்கிணைந்த அரசியல் தாக்குதலுக்கான சமிக்கையாக இருந்தது. பாரிஸின் மையப்பகுதியின் பெரும்பகுதியை பாதுகாப்புப் படைகள் முடக்கி விட்ட நிலையில், வியாழக்கிழை இரவில் நடந்த ஜனாதிபதித் தேர்தல் வேட்பாளர்களது விவாதத்தில் பேசிய வலது-சாரி வேட்பாளர்கள் சட்டம் ஒழுங்குக் கொள்கைகளை தீவிரப்படுத்துவதற்கும், தேர்தல் பிரச்சாரத்தையே முடித்துவிடுவதற்கும் கூட கோரிக்கை வைத்தனர்.
கன்சர்வேடிவ் வேட்பாளரான பிரான்சுவா ஃபிய்யோன் “இஸ்லாமிய சர்வாதிபத்திய”த்தை ஒழிப்பதற்கு கோரிக்கை வைத்தார், பிரச்சாரத்தை “நிறுத்தி வைக்க” அழைப்பு விடுத்தார்; லு பென் “நீதிமன்றங்களின் நம்பமுடியாத அளவுக்கான மெத்தன”த்தை கண்டனம் செய்ததோடு உளவுத்துறை கோப்புகளைக் கொண்ட அத்தனை வெளிநாட்டினரையும் வெளியேற்ற வேண்டும் என்று கோரினார். ஃபிய்யோன், லு பென் மற்றும் இமானுவல் மக்ரோன் -பிரான்சின் சோசலிஸ்ட் கட்சி அரசாங்கத்தின் ஆதரவு பெற்ற பேரணி திரள்வோம் (On the March) இயக்கத்தின் வேட்பாளர்- அனைவருமே நேற்றைய பிரச்சார நிகழ்ச்சிகளை இரத்து செய்து விட்டனர்.
விவாதத்தில் ஒரு குறிப்பிடத்தக்க சம்பவம் பிரான்சில் எழுந்து வருகின்ற அரசியல் சூழலை சுட்டிக்காட்டுவதாக இருந்தது, அது என்னவென்றால் போலிஸ் ஆயுதபாணியற்று இருக்க வேண்டும் என்று விண்ணப்பம் செய்த புதிய முதலாளித்துவ கட்சி வேட்பாளரான பிலிப் புட்டுவுக்கு போலிஸ் ஆவேசமாக எதிர்வினையாற்றியது. அவரை “அசிங்கம் பிடித்தவர்” (enculé) என்று அழைத்த அவர்கள் ஆயுதங்களை தொடர்ந்தும் வைத்திருப்போம் என்று தெரிவித்தனர்.
பிரச்சாரத்தை இழுத்து மூடுவதற்கும், முஸ்லீம்-விரோதப் பிரச்சாரத்தைக் கொண்டு காற்றலைகளை நிரப்புவதற்குமான இந்த முயற்சியானது ஒரு ஆழமான அரசியல் நெருக்கடியால் செலுத்தப்படுவதாகும். PS, அதன் சிக்கன நடவடிக்கைகளாலும் அடிப்படை ஜனநாயக உரிமைகளை நிறுத்தி வைத்திருக்கும் அவசரகாலநிலையாலும் மதிப்பிழந்து, ஒரு வரலாற்று நிலைகுலைவுக்கு முகம்கொடுத்திருக்கிறது. ஏப்ரல் 7 அன்று சிரியாவுக்கு எதிராக ஆத்திரமூட்டல் இல்லாமல் நடத்தப்பட்ட அமெரிக்க தாக்குதல்கள் போர் எதிர்ப்பு மனோநிலையை அதிகரித்திருப்பதில் அது மிரட்சி கண்டிருக்கிறது, போர் எதிர்ப்பு மனோநிலையின் அதிகரிப்பானது அடிபணியா பிரான்ஸ் இயக்கத்தின் ஜோன் லுக் மெலோன்சோனுக்கே ஆதாயமளித்திருக்கிறது. மக்ரோன், லு பென், மெலோன்சோன் ஆகியோர் கிட்டத்தட்ட ஒரு இணையான நிலையிலேயே இருக்கின்றனர், வாக்காளர்களில் மூன்றில் ஒரு பங்கிற்கும் அதிகமானோர் இன்னும் முடிவெடுக்கவில்லை.
பிரான்ஸ் மற்றும் ஐரோப்பாவெங்கிலும் நிலவுகின்ற வெடிப்பான வர்க்கப் பதட்டங்கள் குறித்து ஆளும் உயரடுக்கு நன்கு அறிந்துவைத்திருக்கிறது. வர்க்கப் போராட்டம் வாழ்க்கையின் அன்றாட யதார்த்தமாய் ஆகியிருப்பதாக பிரெஞ்சு மக்களில் மூன்றில் இரண்டு பங்கினர் தெரிவிக்கின்றனர். அதேநேரத்தில், தங்களது பிரதான கவலை பயங்கரவாதம் அல்ல, மாறாக வேலைகள், ஊதியங்கள் மற்றும் சமூக நிலைமைகள் ஆகிய சமூகப் பிரச்சினைகளே என்று வாக்காளர்கள் தெரிவிக்கின்றனர்.
ஆளும் வர்க்கம் இந்தக் கோரிக்கைகளுக்கு முழு எதிர்ப்பாக இருக்கிறது என்பதையே பிரதான வேட்பாளர்களது வேலைத்திட்டங்கள் —பாரிய வேலைவெட்டுக்கள், பத்து பில்லியன் கணக்கான யூரோக்களில் சிக்கன நடவடிக்கைகள், இராணுவச் செலவின அதிகரிப்புகள், மற்றும் கட்டாய இராணுவச் சேவைக்குத் திரும்புதல் ஆகியவற்றுக்கான அழைப்புகளும் இதில் அடங்கும்— தெளிவாக்குகின்றன. எதிர்பாராத ஒரு தேர்தல் முடிவுக்கு நிதியச் சந்தைகள் டிரில்லியன் டாலர் கணக்கான காகிதச் சொத்துக்கள் துடைத்தழிக்கப்படுவதைக் கொண்டு எதிர்வினையாற்றக் கூடும் என்பதான அச்சங்களும் நிலவுகின்றன.
தேர்தல் முடிவு இன்னும் தொங்குநிலையிலேயே இருக்கின்ற சமயத்தில், பிரச்சாரத்தின் இறுதி மணித்தியாலங்களில் சூழலை சட்டம் ஒழுங்கு மற்றும் முஸ்லீம்-விரோத பரப்புரையைக் கொண்டு நிரப்புவதற்காய் பிரான்சின் நிதியப் பிரபுத்துவம் நோக்கம் கொண்டிருக்கிறது.
இது அதிமுக்கியமாய் பிரான்சில் “இடது” என்று சொல்லி கடந்து செல்லும் பிரிவின் கோழைத்தனத்தை நம்பியிருக்கிறது, இப்பிரிவு, Champs-Elysées தாக்குதல் போலிஸின் வரிசையான தவறுகளின் —அந்த ஒவ்வொரு தவறும் நம்பமுடியாத அளவுக்கு விகாரமாக இருக்கின்ற நிலையிலும் கூட— ஒரு விளைபொருள் மட்டுமே என்பதான உத்தியோகபூர்வ கூற்றுகளை ஏற்றுக் கொள்கிறது. மெலன்சோனே கூட ட்விட்டரில் லு பென், ஃபிய்யோன் மற்றும் மக்ரோன் ஆகியோருடன் தனது “தனிப்பட்ட ஐக்கிய”த்தை அறிவித்து எதிர்வினையாற்றியிருந்தார்.
பிரான்சில் இன்று காணுகின்ற சூழலுக்கு முன்நிழலாக இருந்த ஒன்றைக் கூறுவதானால் 1970கள் மற்றும் 1980களிலான இத்தாலியின் “தலைமையின் வருடங்கள்” (Years of Lead) ஐ குறிப்பிடலாம், அச்சமயத்தில் பரந்த மக்களின் தீவிரப்படலுக்கும் பாரிய வர்க்கப் போராட்டங்களுக்கும் அரசு எவ்வாறு பதிலளித்தது என்றால் இத்தாலியின் உளவுத்துறையுடன் தொடர்புடைய அதி-வலது பயங்கரவாதிகளை தாக்குதல்களை நடத்தச் செய்து அதன் பழியை இடது-சாரிக் குழுக்கள் மீது போட்டது. 1972 இல் Peteano கார் குண்டுவெடிப்பில் Carabinieri போலிசார் மூன்று பேர் கொல்லப்பட்டமை, மற்றும் 1980 இல் போலோக்னாவில் மத்திய நிலையத்தின் மீது குண்டுவீச்சு ஆகியவை இந்தத் தாக்குதல்களில் இடம்பெற்றவையாகும்.
இந்த “பதட்ட மூலோபாய”த்தில் சம்பந்தப்பட்ட அதி-வலது தீவிரவாதிகள் பலரும் பிடிபட்டனர். அவர்கள் “நாட்டில் பதட்டத்தை உருவாக்குவதன் மூலமாக பழமைவாத, பிற்போக்குவாத சமூக மற்றும் அரசியல் போக்குகளை ஊக்குவிக்கின்ற நோக்கத்தை” கொண்டிருந்தனர் என நீதிபதி ஃபெலிஸ் காசன் (Felice Casson) பிபிசியிடம் விளக்கினார். குற்றவாளியாக உறுதிசெய்யப்பட்ட வின்சென்ஸோ வின்சிகுவெரா (Vincenzo Vinciguerra) என்ற ஒரு பயங்கரவாதி அப்சர்வர் பத்திரிகையிடம் கூறினார்: “குடிமக்களை அப்பாவிகளை, பெண்களை, குழந்தைகளை, நிரபராதிகளை, எந்த அரசியல் விளையாட்டில் இருந்தும் வெகுதூரம் அகற்றப்பட்டவர்களாய் இருக்கக் கூடிய முகம் தெரியாதவர்களை நாங்கள் கொல்ல வேண்டியிருந்தது. காரணம் மிக எளிது. அவை இந்த மக்களை, இத்தாலியின் பொதுஜனங்களை, கூடுதல் பாதுகாப்பு கோரி அரசை நோக்கித் திரும்புவதற்குத் தள்ளும் என்பதாய் கருதப்பட்டது.”
நிதியப் பிரபுத்துவம் தொழிலாளர்களின் வாழ்க்கைத் தரங்களை வெட்டி, தன்னை போருக்காய் ஆயுதபாணியாக்கிக் கொள்ள முனைகின்ற நிலையில், அதற்கு ஆழமான மக்கள் எதிர்ப்பு எழுவதை அது நன்கு அறிந்து வைத்திருக்கிறது. தனது ஆட்சியை கட்டிக்காப்பாற்றும் முயற்சியில் அது எதன்பொருட்டும் தயங்கி நிற்கப் போவதில்லை.
Alex Lantier
22 April 2017

Sunday, 23 April 2017

வாஷிங்டன் உலகை அணுஆயுத போர் விளிம்பிற்கு தள்ளுகிறது

Washington pushes world to brink of nuclear war

அமெரிக்க துணை ஜனாதிபதி மைக் பென்ஸூம் ஏனைய ட்ரம்ப் நிர்வாக அதிகாரிகளும் மீண்டும் மீண்டும் வட கொரியா உடனான "மூலோபாய பொறுமைக் காலம்" முடிந்துவிட்டதாகவும், “சகல வாய்ப்புகளும் மேசையில் இருப்பதாகவும்" திங்களன்று வெளியிட்ட அறிக்கைகள், அணுஆயுத பிரயோகத்துடன் மில்லியன் கணக்கானவர்களின் உயிரிழப்புகளோடு கொரிய தீபகற்பத்தில் வாஷிங்டன் ஒரு போரைத் தூண்டுவிடும் என்ற அதிகரித்துவரும் அச்சுறுத்தலை அப்பட்டமாக வெளிப்படுத்தி உள்ளது.
“கடந்த வெறும் இரண்டு வாரங்களில், சிரியா மற்றும் ஆப்கானிஸ்தானில் நமது புதிய ஜனாதிபதி எடுத்த நடவடிக்கைகளில் இருந்து அவரின் பலத்தையும் உறுதிப்பாட்டையும் உலகம் கண்டுள்ளது,” என்று ஆத்திரமூட்டும் தென் கொரிய விஜயத்தில் பென்ஸ் அறிவித்தார், அந்த வேளையில் அவர் வட கொரிய எல்லையோரம் உள்ள தென் கொரிய இராணுவமயப்படாத பகுதிக்கும் சென்றிருந்தார். “இப்பிராந்தியத்தில் அமெரிக்காவின் ஆயுத படைகளின் பலத்தையோ அல்லது அவரது உறுதிப்பாட்டையோ வட கொரியா சோதிக்க முயற்சிக்காமல் இருப்பதே நல்லது,” என்று பென்ஸ் தெரிவித்தார்.
முதலாவதாக ஏப்ரல் 7 இல் சிரியா மீதான விமானந்தாங்கி போர்க்கப்பல் தாக்குதல் மற்றும் பின்னர், ஒரு வாரம் கழித்து, ஹிரோஷிமா மற்றும் நாகசாகியை அமெரிக்கா சாம்பலாக்கியதற்குப் பின்னர் வேறெந்த இடத்திலும் பயன்படுத்தியிராத மிகவும் அழிவுகரமான ஆயுதமான MOAB எனும் பாரிய வெடிமருந்து குண்டை வானிலிருந்து ஆப்கானிஸ்தான் மீது வீசியமை ஆகிய ஈவிரக்கமற்ற இராணுவ ஆக்ரோஷ நடவடிக்கை குறித்த இந்த பெருமைபீற்றலை, அமெரிக்க கோரிக்கைகளை ஏற்பதற்கான வட கொரியாவிற்கான ஓர் இறுதி எச்சரிக்கை என்பதாக அல்லாமல் வேறொன்றுமாக அது புரிந்து கொள்ள முடியாது அல்லது அது இன்னும் அதிக வன்முறை இருக்கும் என்பதை எதிர்பார்க்கலாம்.
அணுஆயுதம் தாங்கிய விமானந்தாங்கி போர்க்கப்பல் USS கார்ல் வின்சன் தலைமையில் கடற்படையின் தாக்கும் பிரிவு கொரிய தீபகற்பத்திற்கு அருகில் நிலைநிறுத்தப்பட இருப்பதுடன், வன்முறையை சுமத்துவதற்கான அதுபோன்ற வழிவகைகள் செயல்பாட்டிற்குக் கொண்டு வரப்பட்டு வருகின்றன. வின்சன் படைப்பிரிவுக்கு பின்னாலேயே ரஷ்யாவும் சீனாவும் இரண்டும் உளவுபார்ப்பு கப்பல்களை அனுப்பியதாக வந்த செய்திகளோடு, இந்த ஆயத்தப்படுத்தலின் உலகளாவிய தாக்கங்கள் திங்களன்று அடிக்கோடிடப்பட்டன. அவ்விரு அணுஆயுதமேந்திய நாடுகளைப் பொறுத்த வரையில், வட கொரியாவுக்கு எதிராக வாஷிங்டன் ஒரு போர் தொடங்குவது mtw;wpd; உயிர்பிழைப்பிற்கே அச்சுறுத்தலை முன்னிறுத்துகிறது.
அணுஆயுத மூன்றாம் உலக போருக்கு இட்டுச் செல்லக்கூடிய ஓர் ஆசிய இராணுவ மோதலை நோக்கிய உந்துதல், பெரிதும், அமெரிக்க மக்களின் மற்றும் ஒட்டுமொத்த உலக மக்களின் முதுகுக்குப் பின்னால் கட்டவிழ்த்து விடப்பட்டுள்ளது. அமெரிக்காவில் உள்ள இரண்டு பெருவணிக கட்சிகளின் அரசியல்வாதிகள் ஆகட்டும் அல்லது பெருநிறுவன கட்டுப்பாட்டிலான ஊடகங்கள் ஆகட்டும் கொரிய தீபகற்பத்தில் ஒரு "மட்டுப்படுத்தப்பட்ட" அணுஆயுத பரிமாற்றமே கூட படுபயங்கரமான விளைவுகளை ஏற்படுத்தும் என்றோ, அல்லது அனேகமாக அதுபோன்றவொரு பேரழிவானது பிரதான அணுஆயுத சக்திகள் அனைத்தையுமே ஓர் உலகளாவிய மோதலுக்குள் இழுத்துவரும் என்பதையோ ஒரு சிறிதும் கோடிட்டுக் காட்டவில்லை.
வாஷிங்டன் பின்பற்றி வரும் பாதையின் பொறுப்பற்றத்தன்மை மலைப்பூட்டி வருகிறது. ஏன் "மூலோபாய பொறுமைக் காலம்" நிறைவு செய்யப்பட்டுள்ளது என்பது விளங்கப்படுத்தப்படவே இல்லை, அல்லது இந்த பிரகடனத்திலிருந்து பெறப்படும் தீர்மானங்களும் கூட சவால் செய்யப்படவில்லை. இப்போது நிறைய நாடுகள் அணுஆயுதங்கள் வைத்துள்ளன. அதுபோன்ற ஆயுதங்களில் வட கொரியா நாட்டம்கொள்வது, அமெரிக்காவிற்கு ஒரு நம்பத்தகுந்த அச்சுறுத்தலை பிரதிநிதித்துவம் செய்யவில்லை.
“சகல வாய்ப்புகளும் மேசையில் இருக்கின்றன" என்பது வட கொரியாவிற்கு எதிராக ஒரு தூண்டுதலற்ற முதல் தாக்குதலை தொடங்குவதற்கு வாஷிங்டன் தயாரிப்பு செய்கிறது என்பதை மட்டுமே அர்த்தப்படுத்தும். இவ்வாறு இருக்கின்ற போதினும், இதுபோன்றவொரு போக்கு அணுஆயுத போர் அச்சுறுத்தலை உள்ளடக்கி உள்ளது என்தை ஊடகங்கள் அரிதாகவே குறிப்பிடுகின்றன. அல்லது மில்லியன் கணக்கானவர்களுக்கு பாதிப்பேற்படுத்தக் கூடிய ஒரு தாக்குதலை அங்கீகரிக்கலாமா வேண்டாமா என்பதன் மீது வாக்களிப்பதற்காக அமெரிக்க காங்கிரஸ் கூட்டப்பட வேண்டும் என்பதற்கும் கூட அங்கே ஒரு சிறிய அறிவுறுத்தலும் கிடையாது. தாக்குதல் நடத்தப்பட்ட பின்னர் வரையில் டொனால்ட் ட்ரம்ப் என்ன இராணுவ நடவடிக்கை எடுப்பார் என்பதை யாருக்கும் அவர் கூற வேண்டியதில்லை என்பதே ஏற்றுக்கொள்ளப்பட்ட புரிதலாக உள்ளது. திங்களன்று ஈஸ்டர் தினத்தின் முட்டை-உருட்டும் நிகழ்வின் போது வெள்ளை மாளிகை புல்வெளியில் ட்ரம்ப் அவரின் உள்நோக்கங்களை சிறு குறிப்பாக மட்டுமே வழங்கினார், அங்கே அவர் பேசுகையில் வட கொரியா "அடக்கத்தோடு நடந்து கொள்ளவேண்டும்" என்று அறிவித்தார்.      
வாஷிங்டன் பின்பற்றி வரும் கொள்கையின் உண்மையான தன்மை, புஷ் நிர்வாகத்தில் ஐக்கிய நாடுகள் சபைக்கான தூதராக இருந்த ஜோன் போல்டனால் சுட்டிக் காட்டப்பட்டது. அவர் Fox News க்குத் தெரிவிக்கையில் "வட கொரியாவுக்கு முடிவு கட்டுவது தான் வட கொரியாவின் அணு ஆயுத திட்டங்களை முடிவுக்குக் கொண்டு வருவதற்கான வழி" என்றார்.
வாஷிங்டனின் பொறுப்பற்ற கொள்கை முன்னிறுத்தும் அதிகரித்து வரும் நிஜமான அபாயம், வெறும் மிதமான வடிவத்தில் தான், பதிவாக ஆரம்பித்துள்ளது.
ஏப்ரல் 7 இல் கப்பற்படை ஏவுகணை தாக்குதல் "உணர்வுபூர்வமாக திருப்தியாக இருப்பதாகவும் மற்றும் நீதி வழங்கப்பட்டிருப்பதாகவும்" அறிவித்து, முன்னதாக சிரியா மற்றும் ரஷ்யாவிற்கு எதிராக இராணுவவாதத்தை அதிகரிப்பதை நோக்கி ட்ரம்ப் நிர்வாகம் திரும்பியதை கொண்டாடி இருந்த நியூ யோர்க் டைம்ஸ், விடயங்கள் கட்டுப்பாட்டை மீறிச் செல்வதைக் கண்டு சற்றே பதட்டமாகி உள்ளது.
சிஐஏ இன் குடும்ப அங்கமாக அதிகரித்தளவில் செயல்பட்டு வரும் அப்பத்திரிகை திங்களன்று, ட்ரம்பின் "தான்தோன்றித்தனமான பேச்சு பிராந்திய பதட்டங்களை அதிகரித்து வருகிறது, கூட்டாளிகளை பதட்டப்படுத்தி வருகிறது, அமெரிக்காவால் ஒரு நாள் தாக்கப்படலாம் என்ற வட கொரியாவின் நீண்டநாள் அச்சத்தை அனேகமாக உறுதிப்படுத்தி வருகிறது—இந்த காரணத்தை முன்னிறுத்தித்தான் வட கொரியா அணுஆயுத தளவாடங்களுக்கு முதலிடத்தில் முதலீடு செய்தது,” என்று கவலைகளை வெளியிட்டது. அமெரிக்க ஜனாதிபதியின் போர்வெறியூட்டும் அச்சுறுத்தல்கள் "அவர் ஏதோவொரு வித பலப்பரீட்சை நடத்த செல்வதற்கே" சேவையாற்றுவதாகவும், “நாசகரமான தவறான கணக்கீடுகளுக்கு" வழி வகுத்திருப்பதாகவும் அது எச்சரித்தது.
பைனான்சியல் டைம்ஸின் வெளியுறவு விவகாரங்களுக்கான தலைமை கட்டுரையாளர் கீடியன் ராஹ்மன் திங்களன்று வெளியான ஒரு கட்டுரையில், “அமெரிக்கா உண்மையில் அதன் ஆட்சியைத் தாக்க உள்ளதாக" வட கொரிய தலைவர் கிம் ஜொங்-உன் "முடிவு செய்தால், அவரே முதலில் தாக்க விருப்பமுறுவார். அமெரிக்காவின் போர் திட்டங்கள் வட கொரிய தலைமையைப் படுகொலை செய்வதற்கு முதல் முயற்சியில் ஈடுபட்டுள்ளது என்ற ஊடக கதைகள் அவர் இன்னும் வேகமாக செயல்பட மட்டுமே ஊக்கமளிக்கின்றன,” என்று எழுதினார். உண்மையில் 2011 இல் ஒசாமா பின் லேடனைக் கொன்ற அதே அமெரிக்க சிறப்புப்படை பிரிவு தென் கொரியாவில் பயற்சிகளில் ஈடுபட்டு வருவதாக செய்திகள் தெரிவிக்கின்றன.
ட்ரம்பின் மிரட்டல் மற்றும் அச்சுறுத்தல்கள் பியொங்யாங்கை மண்டியிடச் செய்வதற்காக இருக்கலாம் என்றாலும், ராஹ்மன் தொடர்ந்து குறிப்பிடுகையில், “… அனேகமாக பெரும்பாலும் வட கொரியா பின்வாங்காது—மேலும் அவ்விதத்தில் ட்ரம்ப் மூலோபாயம் தோல்வியுறும். அப்போது, அமெரிக்க ஜனாதிபதி ஒரு தடுமாற்றத்தை முகங்கொடுப்பார். திரு. ட்ரம்பின் 'மிகவும் சக்தி வாய்ந்த போர்க்கப்பல்களின்" அணி, அதன் திட்டத்தை நிறைவேற்றாமலேயே கொரிய தீபகற்பத்திலிருந்து பின்வாங்குமா?  
கேள்வி எழுப்புவது அதற்கு பதலளிப்பதற்காகவே ஆகும். ட்ரம்புக்கும் சரி, அவர் வெளியுறவு கொள்கைக்காக உட்கார்ந்திருக்கும் பதவியிலிருக்கும் தளபதிகள் மற்றும் ஓய்வூபெற்ற தளபதிகளின் கூட்டத்திற்கும் சரி சண்டையிடப்படும் அதுபோன்றவொரு போரில் அவர்களது நோக்கங்களை அடையாமல் —அதாவது வட கொரியாவை முழுமையாக அடிபணிய செய்து நிராயுதபாணியாக்காமல்— போர் விளிம்பிலிருந்து பின்வாங்க நாட்டம் இல்லை.
பெரும்பாலும் ஆயுதமற்ற ஒடுக்கப்பட்ட நாடுகளுக்கு எதிராக தொடர்ந்து போர் நடத்தி மில்லியன் கணக்கானவர்களை கொன்று 25 ஆண்டுகளுக்குப் பின்னர், ஒப்பீட்டளவில் அமெரிக்க ஏகாதிபத்தியம் ஒப்பீட்டளவில் ஒருசில பலாபலன்களை மட்டுமே அனுபவித்துள்ள நிலையில், அது இப்போது இராணுவ மோதலின் முற்றிலும் ஒரு வேறுபட்ட மட்டத்தில் அதன் சொந்த உள் நெருக்கடி மற்றும் முரண்பாடுகளால் உந்தப்பட்டு வருகிறது.
நிலைமை மேலும் மேலும் அதிகமாக இரண்டாம் உலக போருக்கு முன்னர் 1930 களின் இறுதியில் மேலோங்கிய நிலைமைகளை ஒத்திருக்கின்றன. அடால்ஃப் ஹிட்லருக்கு ஒரு ட்வீட்டர் கணக்கு இருந்திருந்தால், அமெரிக்க ஜனாதிபதி தனது கணக்கை பயன்படுத்துவதில் இருந்து அவர் எவ்விதத்தில் மிகவும் வித்தியாசமாக பயன்படுத்தி இருப்பார் என்று கற்பனை செய்வது சிரமமாக உள்ளது.
“நமது இராணுவம் ஆயத்தப்படுத்தப்பட்டு வருகிறது, மிக வேகமாக முன்னொருபோதும் இல்லாதளவில் மிகவும் பலமாக மாறி வருகிறது. வெளிப்படையாக கூறுவதானால், நமக்கு வேறு வாய்ப்பில்லை!” என்று ட்ரம்ப் ஞாயிறன்று ட்வீட் செய்தார்.
மூன்று நாட்களுக்கு முன்னதாக அவர் குறிப்பிடுகையில்: “சீனா அனேகமாக வட கொரியாவைக் கையாளுமென எனக்கு மிகவும் நம்பிக்கை உள்ளது. அவர்களால் அதை செய்ய முடியவில்லை என்றால், அமெரிக்கா, அதன் கூட்டாளிகளோடு சேர்ந்து, அதை செய்யும்! USA” என்று எழுதினார்.
ட்ரம்பின் வாய்சவடால், செக்கோலோவேஸ்கியா மற்றும் போலாந்திற்குள் ஜேர்மனி அணிவகுப்பு நடத்துவதற்கு முன்னதாக ஹிட்லர் பயன்படுத்திய மொழிகளை எதிரொலிக்கின்றன. செக்கோலோவேஸ்கியா "பிரச்சினை" “தீர்க்கப்பட வேண்டும்" என்று நாஜி தலைவர் பிரகடனப்படுத்தினார். பின்னர் போலாந்து "பிரச்சினை" “தீர்க்கப்பட வேண்டும்" என்றார். அவர் இராணுவ நடவடிக்கைக்கான சாக்குபோக்குகளாக நெருக்கடிகளை வேண்டுமென்றே உருவாக்கினார்.
ட்ரம்பும், வட கொரியாவை, அந்த ஒட்டுமொத்த நாட்டையும், ஒரு "பிரச்சினையாக" விவரித்து, அதேபோன்ற வாய்சவடால்களைப் பயன்படுத்துகிறார், பின்னர் "அது கவனிக்கப்படும்" என்று அச்சுறுத்தும் விதத்தில் எச்சரிக்கிறார். இந்த பிரச்சினை ஏன் இப்போது இந்தளவிற்கு அவசியமாகிறது, இதை யாரும் விவரிப்பதில்லை, ஊடகங்களை பொறுத்த வரையில், நடைமுறையளவில் யாரும் கேள்வி எழுப்புவதே இல்லை.
வாஷிங்டனை திருப்திப்படுத்த பியொங்யாங் சாத்தியமானளவிற்கு என்ன செய்ய முடியும்? அது அதன் அணுஆயுத திட்டத்தைக் கைவிட்டு, ஈராக்கின் சதாம் ஹூசைன் மற்றும் லிபியாவின் மௌம்மர் கடாபியின் நாடுகள் சீரழிக்கப்பட்டு அவர்களே வன்முறையில் கொல்லப்படுவதற்கு சென்ற அதே பாதையில் செல்லும் வகையில், அதன் ஆட்சியை சோதனை நடவடிக்கைகளுக்கு வேண்டுமானால் திறந்துவிடலாம்.
வட கொரியா சம்பந்தமாக வாஷிங்டனின் கட்டளையை திணிப்பதில் சீனாவிற்கு அழுத்தமளிக்கலாமென கருதுவது அடித்தளமற்றது. 1950 இல் அமெரிக்க துருப்புகள் யாலு (Yalu) ஆற்றை அடைந்த போது சீனா போருக்குள் இறங்க நிர்பந்திக்கப்பட்டது, அமெரிக்க இராணுவத்தைத் திருப்பி அனுப்பும் அந்த முயற்சியில் நூறாயிரக் கணக்கானவர்கள் கொல்லப்பட்டார்கள். ஒரு அரை நூற்றாண்டுக்கு முன்னர் அமெரிக்கா மற்றும் தென் கொரியாவினால் போரைக் கொண்டு எதை சாதிக்க முடியவில்லையோ அதை இப்போது அவர்களிடம் ஒப்படைக்க, சீனா தலையிட வேண்டுமென வாஷிங்டன் விரும்புகிறது. இந்த கோரிக்கைகளுக்கு பெய்ஜிங் இணங்கினால், அது சீனா மீது ஆழ்ந்த மூலோபாய தாக்கங்களை அத்துடன் மிகப்பெரும் உள்அரசியல் விளைவுகளையும் ஏற்படுத்தும்.
வட கொரியா ஏவுகணைகளுக்கு எதிராக தற்காப்புக்காக வடிவமைக்கப்பட்டதாக அமெரிக்க வாதிடுகின்றதும், ஆனால் அமெரிக்கா அதன் முதல் அணுஆயுத தாக்குதல் தகைமையை உறுதிப்படுத்துவதற்கான வழிவகையாக சீனா கருதுகின்றதுமான அமெரிக்காவின் Terminal High Altitude Area Defense system அல்லது THAAD அமைப்பை சியோல் விரைவாக நிறுவ விரும்புகிறது என்ற அதன் அறிவிப்புக்குப் பின்னர், பெய்ஜிங் மற்றும் வாஷிங்டனுக்கு இடையே ஏற்கனவே அங்கே பதட்டங்கள் தீவிரமடைந்து வருவதற்கான அறிகுறிகள் உள்ளன.
உலக முதலாளித்துவ நெருக்கடியானது, 20 ஆம் நூற்றாண்டில் இரண்டு முறை, முதலாளித்துவ அரசு தலைவர்களையும் மற்றும் அவர்களின் தளபதிகளையும் போர் மூலமாக ஒரு வழி காண உந்தியது, அதில் பத்து மில்லியன் கணக்கானவர்கள் கொல்லப்பட்டனர். இன்றோ, அதேபோன்ற அழுத்தங்கள் பூமியின் உயிரினங்களையே அழிக்கும் அளவிற்கு ஓர் அணுஆயுத மோதலை நோக்கிய முனைவைக் கட்டவிழ்த்து விட்டு வருகின்றன.
அணுஆயுத போர் உட்பட அமெரிக்க அரசாங்கம் செய்துவரும் ஒவ்வொன்றும் மலைப்பூட்டும் அபாயத்தைக் கொண்டுள்ளன. வட கொரியாவுடன் உடனடியான ஒரு மோதல் நிகழுமா நிகழாதா என்று அனுமானிக்க இயலாது, ஆனால் உலகெங்கிலும் இந்த போக்கை பின்தொடர்வதற்காக வாஷிங்டன் தயாரிப்பு செய்து வருகிறது என்பதை மறுக்கவியலாது.
இன்றைய முதலாளித்துவ அரசாங்கங்கள், அணுசக்தியால் நிர்மூலமாகி விடக்கூடிய அச்சுறுத்தல் காரணமாக, 1914 மற்றும் 1939 ஐ போல, போரில் இறங்காது என்று யாரும் பிரமையில் இருக்க முடியாது. எந்தவொன்றாக இருந்தாலும், அவை அவற்றிற்கு முன்பு நடந்திருந்ததை காட்டிலும் மிகவும் ஈவிரக்கமின்றி இருக்கும். ஆழமடைந்து வரும் பொருளாதார மற்றும் சமூக நெருக்கடிகளை முகங்கொடுத்து, அந்நெருக்கடிகளுக்கு அவற்றிடம் எந்த முற்போக்கான தீர்வும் இல்லாமல், அவை முன்பினும் அதிகமாக மனிதயினத்தைப் பேரழிவின் விளிம்பிற்கு இழுத்து சென்று கொண்டிருக்கின்றன.
தற்போதைய நெருக்கடியானது, போர் அபாய அளவுக்கும் மற்றும் அதற்கு எதிராக எந்தவொரு இயக்கமும் ஒழுங்கமைக்கப்படாமல் இருப்பதற்கும் இடையிலான படுபயங்கர இடைவெளியால் குணாம்சப்பட்டுள்ளது. அமெரிக்காவிலும் சர்வதேச அளவிலும் தொழிலாள வர்க்கத்தின் அரசியல்ரீதியிலான நனவுபூர்வமான தலையீடு இல்லாமல் போர் உந்துதலை நிறுத்துவதற்கு அங்கே எந்த வழியும் கிடையாது.
சோசலிச சமத்துவக் கட்சியும் (SEP) நான்காம் அகிலத்தின் அனைத்துலகக் குழுவும் (ICFI) சோசலிச கொள்கைகளின் அடிப்படையில் தொழிலாள வர்க்கத்தின் ஒரு புதிய சர்வதேச போர்-எதிர்ப்பு, ஏகாதிபத்திய-எதிர்ப்பு மற்றும் முதலாளித்துவ-எதிர்ப்பு இயக்கத்தை கட்டமைக்க போராடி வருகின்றன. வேலையிடங்கள், பல்கலைக்கழகங்கள் மற்றும் தொழிலாள வர்க்க அண்டைப்பகுதிகளில் போருக்கு எதிராக ஆர்ப்பாட்டங்களை ஒழுங்கமைப்பதும் இந்த இயக்கத்தை வளர்த்தெடுப்பதற்கான போராடுவதில் உள்ளடங்கும்.
ICFI ஏப்ரல் 30 இல் அதன் வருடாந்தர சர்வதேச இணையவழி மே தின கூட்டம் நடத்த உள்ளது, ஏகாதிபத்திய போருக்கு எதிராக தொழிலாள வர்க்கத்தை அணிதிரட்ட போராடுவதே அதன் மைய நோக்கமாகும். நமது வாசகர்கள் மற்றும் ஆதரவாளர்கள் இதில் பங்கெடுக்குமாறும், சாத்தியமான அளவிற்கு இளைஞர்கள் மற்றும் தொழிலாளர்களின் பரந்த அடுக்குகளிடையே இந்த பேரணியைக் கொண்டு செல்லுமாறும் நாம் அழைப்பு விடுக்கிறோம்.
Bill Van Auken
18 April 2017

LinkWithin

Related Posts Plugin for WordPress, Blogger...

Popular Posts