Search This Blog

Friday, 30 September 2016

இந்தியா, பாகிஸ்தானுக்கு எதிராக இராணுவ தாக்குதல்களைத் தொடங்கியது

India launches military attacks against Pakistan

image source from internet
புதனன்று இரவு ஐந்து மணி நேரத்திற்கு அதிகமாக பாகிஸ்தானுக்குள் இந்தியா பல்வேறு "அதிநுட்பமான" இராணுவ தாக்குதல்களை நடத்தியமை, தெற்காசியாவை சாத்தியமான அளவிற்கு பேரழிவுரமான விளைவுகளுடன் முற்றுமுதலான போருக்கு நெருக்கத்தில் கொண்டு வந்துள்ளது.
இந்தியா மற்றும் பாகிஸ்தானுக்கு இடையிலான ஒரு போர் முன்பில்லாத வகையில் அணுஆயுதமேந்திய நாடுகளுக்கிடையிலான முதல் போர் என்பது மட்டுமல்ல; இது விரைவாக அமெரிக்கா மற்றும் சீனாவை எதிரெதிர் பக்கங்களுக்கு இழுத்து வரக்கூடியதாகும்.
பாகிஸ்தானிய எதிர்தாக்குதலை அனுமானித்து (அல்லது இந்திய போர் தயாரிப்புகளுக்கு மூடிமறைப்பை வழங்குவதற்காக), வியாழனன்று இந்திய மாநிலங்களான பஞ்சாப் மற்றும் ஜம்மு & காஷ்மீரின் பாகிஸ்தானிய எல்லையோரம் 10 கிலோமீட்டருக்குள் வசிப்பவர்களை இந்திய அதிகாரிகள் வெளியேற உத்தரவிட்டனர்.
பாகிஸ்தான் பிரதம மந்திரி நவாஸ் ஷெரீப் அந்த புதன்கிழமை இரவு தாக்குதலை "தூண்டுதலற்ற அப்பட்டமான" இந்திய "ஆக்கிரமிப்பு தாக்குதல்" என்று கண்டித்ததுடன், இஸ்லாமாபாத்தின் விடையிறுப்பைக் குறித்து விவாதிக்க இன்று அவசரமாக மந்திரிசபை கூட்டுவதற்கு அழைப்பு விடுத்துள்ளார்.
இந்தியா மற்றும் பாகிஸ்தான்-வசமிருக்கும் காஷ்மீரை பிரிக்கும் எல்லைக் கட்டுப்பாட்டு கோட்டின் அருகே பாகிஸ்தான் பகுதியில் இருந்த ஏழு "பயங்கரவாத குண்டு செலுத்தும் இடங்களை" (terrorist launching pads) தாக்கியதாகவும்; பாகிஸ்தானிய பகுதிக்குள் 3 கிலோமீட்டர் வரையில் அதன் படைகள் ஊடுருவியதாகவும்; "பயங்கரவாதிகள் மற்றும் அவர்களுக்கு பாதுகாப்பு வழங்க முயன்றவர்கள்" மீது அவர்கள் "கணிசமான பாதிப்புகளை" ஏற்படுத்தியதாகவும் இந்தியா கூறுகிறது.
அந்நடவடிக்கை குறித்து இராணுவம் வாய் திறக்கவில்லை. ஆனால் உத்தியோகபூர்வ ஆதாரங்களின் அடிப்படையில் இந்திய ஊடக செய்திகள் குறிப்பிடுகையில், தரை வழியாகவும் மற்றும் துப்பாக்கி தாங்கிய ஹெலிகாப்டர்கள் மூலமாகவும் இரண்டு விதமாகவும் இந்திய கமாண்டோக்கள் ஆசாத் காஷ்மீர் அல்லது பாகிஸ்தான்-ஆக்கிரமிப்பு காஷ்மீருக்குள் ஊடுருவியதாகவும், அவர்களால் "கொல்லப்பட்டவர்களின்" எண்ணிக்கை “இரட்டை-இலக்கம்" என்றும் குறிப்பிட்டன.
இந்தியாவும் பாகிஸ்தானும் கடந்த கால்-நூற்றாண்டுக்கும் அதிகமாக மீண்டும் மீண்டும் போர் நெருக்கடிகளினூடாக வந்துள்ளன, மற்றும் 1999 இல் இந்தியா-வசமிருக்கும் காஷ்மீரின் தொலைதூர கார்கில் பகுதியில் ஓர் அறிவிக்கப்படாத போரை நடத்தின. ஆனால் பாகிஸ்தானுக்குள் இராணுவ நடவடிக்கை மேற்கொள்வது துரிதமாக ஒரு போராக, அணுஆயுத போராக கூட, தீவிரமடையக்கூடும் என்ற அச்சத்தில் புது டெல்லி தசாப்தங்களாக இதை பகிரங்கமாக ஒப்புக் கொள்ளாமல் இருந்து வந்துள்ளது.
இமயமலை ஒட்டிய ஜம்மு & காஷ்மீர் மாநில இந்திய இராணுவ தளத்தை இந்திய-விரோத இஸ்லாமிய போராளிகள் தாக்கியதில் பதினெட்டு இந்திய சிப்பாய்கள் கொல்லப்பட்ட சம்பவத்திற்குப் பத்து நாட்களுக்கு பின்னர், நேற்றைய தாக்குதல் நடந்தது. ஒரு அவசர விசாரணை கூட இல்லாமல், இந்தியாவின் இந்து மேலாதிக்க பாரதீய ஜனதா கட்சி (பிஜேபி) அரசாங்கம் அத்தாக்குதலுக்கு இஸ்லாமாபாத்தை பொறுப்பாக்கியதுடன், பாகிஸ்தானை தண்டிக்கவும் சூளுரைத்தது.
இந்திய ஊடகங்கள், எதிர்கட்சிகள், மற்றும் ஓய்வு பெற்ற இராணுவ அதிகாரிகளின் ஒரு நீண்ட பட்டியலில் இருக்கும் அனைவரும் பாகிஸ்தானுக்கு எதிரான இந்தியாவின் இரத்த வெறி கூச்சலில் இணைந்தனர்.
வெற்றிக் களிப்பான நேற்றைய பத்திரிகையாளர் கூட்டத்தில், இராணுவ நடவடிக்கைகளுக்கான இந்திய தரைப்படையின் இயக்குனர் ஜெனரல் லெப்டினண்ட் ஜெனரல் ரன்பீர் சிங் கூறுகையில், இந்தியாவுக்குள் "தாக்குதல் தொடங்க" எல்லைக் கட்டுப்பாட்டு பகுதியை ஒட்டி நிலைநின்றிருந்த “பயங்கரவாத குழுக்களை" இலக்கில் வைத்து அந்த “அதிநுட்பமான இராணுவ தாக்குதல்கள்" நடத்தப்பட்டதாக தெரிவித்தார்.
மேற்கொண்டு எல்லை-தாண்டிய நடவடிக்கைகள் நடத்தும் திட்டங்கள் எதுவும் இல்லை என்று சிங் குறிப்பிட்டார். “ஆனால்", அவர் தொடர்ந்து அச்சுறுத்தும் விதத்தில் கூறுகையில், “எந்தவித திடீர் நடவடிக்கை வந்தாலும், அவற்றை கையாள இந்திய இராணுவப் படைகள் முழுமையாக தயாராக உள்ளன,” என்றார்.
இதற்கிடையே பாகிஸ்தானிய இராணுவம், எந்தவிதமான "நுட்பமான" எல்லை கடந்த தாக்குதலையும் இந்தியா நடத்தவில்லை என்று பலமாக மறுத்துள்ளதுடன், அக்கூற்றுகள் “பொய்யாக நன்மதிப்புகளை உருவாக்க" இந்தியா உருவாக்கிய "ஒரு பிரமை" என்றும், "உண்மை போல காட்டுவதற்கான இட்டுக்கட்டல்கள்" என்றும் குறிப்பிட்டுள்ளது.
பாகிஸ்தானிய இராணுவம் புதனன்று இரவு அதன் இரண்டு சிப்பாய்கள் கொல்லப்பட்டதாகவும், ஏனைய ஒன்பது பேர் காயமடைந்துள்ளதாகவும் ஒப்புக் கொள்கிறது, ஆனால் எல்லைக் கட்டுப்பாட்டு கோட்டில் (LoC) வழமையாக நடக்கும் எல்லை தாண்டிய பீரங்கி குண்டு தாக்குதல் மற்றும் துப்பாக்கிச் சூட்டில் அவர்கள் இறந்ததாக அதை சாட்டுகிறது. இந்தியாவின் வாதங்களைச் சவால்விடுத்த அதன் அறிக்கையில், இராணுவம் குறிப்பிடுகையில் "பாகிஸ்தானிய மண்ணில் நுட்பமான ஒரு தாக்குதல் நடத்தப்பட்டால்,” அதுவும் "பலமாக விடையிறுக்கும் என்பதை பாகிஸ்தான் தெளிவுபடுத்தி இருப்பதாக" தெரிவித்தது.
நிலைமை எவ்வளவு அபாயகரமாக உள்ளது என்பதற்கு கூடுதல் அறிகுறியாக, இரண்டு தரப்புகளுமே தெளிவாக பொய் தகவல்களைப் பரப்பி வருகின்றன.
இந்தியாவிற்குள் உடனடியாக வரவிருந்த பயங்கரவாத படைகளை தடுக்கும் நோக்கில் நேற்றைய தாக்குதல் நடத்தப்பட்டதாக புது டெல்லியின் வாதத்தை எடுத்துப்பார்த்தால், அது ஆக்ரோஷமான பொறுப்பற்ற ஒரு நடவடிக்கைக்கு வெளிப்படையான, ஜோடிக்கப்பட்ட சாக்குபோக்காக உள்ளது.
பாகிஸ்தானிய மக்களின் ஜனநாயக உரிமைகளை மீண்டும் மீண்டும் ஒவ்வொரு சந்தர்ப்பத்திலும் மிதித்து நசுக்கி உள்ள, அமெரிக்க ஏகாதிபத்தியத்தின் உதவியாளராக சேவையாற்றி உள்ள பாகிஸ்தானின் பிற்போக்குத்தனமான, வகுப்புவாத ஆளும் உயரடுக்கையோ மற்றும் அதன் இராணுவத்தையோ உலக சோசலிச வலைத் தளம்ஆதரிக்கவில்லை. ஆப்கானிஸ்தானில் சோவியத் ஒன்றியத்திற்கு எதிரான அதன் இரகசிய போரில் இளைய பங்காளியாக இஸ்லாமாபாத்தை உடனிறுத்தி இருந்த சிஐஏ இன் தந்திரங்களில் இருந்து படித்து வந்துள்ள பாகிஸ்தான், இந்தியாவிற்கு எதிரான அதன் இராணுவ-மூலோபாய விரோதங்களைப் பின்தொடர்வதில், குறிப்பாக காஷ்மீரின் இந்திய ஆட்சிக்கு எதிரான மக்கள் எதிர்ப்பை வகுப்புவாத திசையில் திசைதிருப்ப மற்றும் அரசியல்ரீதியில் ஒடுக்குவதற்காக, இஸ்லாமிய பயங்கரவாதிகளைப் பயன்படுத்தி உள்ளது.
ஆனால் பாகிஸ்தானை விட ஆறு மடங்கு அதிகமான மக்கள்தொகை கொண்ட மற்றும் ஏழு மடங்கு பெரிய பொருளாதாரத்தைக் கொண்ட ஒரு நாடான இந்தியாவிற்கும் அதற்கும் இடையிலான இராணுவ-மூலோபாய இடைவெளி குறித்து தொடர்ந்து அபாயக் குரலை எழுப்பியுள்ள பாகிஸ்தான், ஏற்கனவே புது டெல்லி போர் முனைப்பில் இருக்கையில் எதற்காக அதை தாக்குவதற்காக பயங்கரவாதிகளை ஒன்றுதிரட்டும்?
2010 க்குப் பின்னர் இருந்து வளர்ச்சி விகித வீழ்ச்சியால் கதிகலங்கி போயுள்ள இந்திய முதலாளித்துவ வர்க்கம், தொழிலாள வர்க்கம் மீதான சுரண்டலை தீவிரப்படுத்தவும் மற்றும் உலக அரங்கில் அதன் வல்லரசாகும் அபிலாஷைகளை வலியுறுத்தவும் நரேந்திர மோடி மற்றும் அவரது தீவிரமான வலதுசாரி பிஜேபி ஐ அதிகாரத்திற்குக் கொண்டு வந்தது. இரண்டாவது நோக்கத்தைப் பின்தொடர்வதற்காக, இந்தியா வாஷிங்டனின் சீனாவிற்கு எதிரான போர் உந்துதலில் முன்பினும் அதிகமாக முழுமையாக ஒருங்கிணைந்துள்ளதுடன், அமெரிக்க ஆதரவினால் பலம் பெற்று, தன்னைத்தானே பிராந்திய மேலாதிக்க சக்தியாக காட்ட முனைந்துள்ளது.
இந்திய உயரடுக்கு, பாகிஸ்தானிய "பயங்கரவாதத்தால்" பாதிக்கப்பட்ட அப்பாவி நாடாக அதை காட்டிக்கொள்கின்ற அதேவேளையில், பிஜேபி அரசாங்கமோ பாகிஸ்தானுடன் மோதலை நடத்துகிறது. அது பதவியேற்ற பின்னர் உடனடியாக, எல்லைக் கட்டுப்பாட்டு பகுதியில் அதிக ஆக்ரோஷமான நிலைப்பாட்டை ஏற்க இராணுவத்திற்கு அறிவுறுத்தியதால், 2015 இல் ஒரு தசாப்தத்தில் மிகவும் நீண்ட நாட்கள் நீடித்த எல்லை தாண்டிய குண்டுவீச்சு நடந்தது. ஊரி தாக்குதலுக்கு ஒரு மாதத்திற்கும் அதிகமான காலத்திற்கு முன்னர், பாகிஸ்தானை நடைமுறையளவில் துண்டாட அச்சுறுத்தி மோடி அறிவிக்கையில், இஸ்லாமாபாத்திற்கு எதிராக பாகிஸ்தானின் தென்மேற்கு மாகாணமான பலுசிஸ்தானில் இன-தேசியவாத கிளர்ச்சியை இந்தியா ஊக்குவிக்கும் என்று அறிவித்தார்.
நேற்றைய தாக்குதல், புது டெல்லி அதன் மூலோபாய நலன்களை முன்னெடுப்பதில் இன்னும் அதிக அபாயங்களை எடுக்க தயாராக உள்ளது என்பதையும் மற்றும் பாகிஸ்தானைப் பொறுத்த வரையில் அது இனியும் "மூலோபாய கட்டுப்பாட்டு" கொள்கை என்பதில் கட்டுப்பட்டு இருக்காது என்பதையும் எடுத்துக்காட்டுவதாக இருந்தது.
எல்லை கடந்து தாக்குதல்கள் நடக்கவில்லை எனும் பாகிஸ்தானின் கூற்றுகளைப் பொறுத்த வரையில், அவை மேலோட்டமாக கூட நம்பத்தகுந்தவையாக இல்லை. பல்வேறு பாகிஸ்தானிய அரசு அதிகாரிகளும் அரசியல் தலைவர்களும் அளித்த அறிக்கைகள் வெளிப்படையாகவோ, மறைமுகமாகவோ சம்பவங்களைக் குறித்த இராணுவத்தின் விபரங்களுடன் முரண்படுகின்றன. அவற்றில் பாதுகாப்பு அமைச்சர் கவாஜா முஹம்மத் ஆசிப் இன் அறிக்கையும் உள்ளடங்கும், “இந்தியா மீண்டும் இதை செய்ய முயன்றால், நாங்கள் மிகவும் பலமாக விடையிறுப்போம்,” என்றவர் அறிவித்தார்.
இந்தியா பாகிஸ்தானுக்குள் ஓர் இராணுவ தாக்குதலை நடத்தியதை மறுப்பதன் மூலமாக, இந்தியாவின் எந்தவொரு எல்லை தாண்டிய வேட்கைக்கும் அதன் சொந்த இராணுவ தாக்குதலைக் கொண்டு பதிலளிக்கப்படும் என்று மீண்டும் மீண்டும் அது அச்சுறுத்துவது வெற்றியளிக்காது என்று அவமானகரமாக ஒப்புக்கொண்டு, அதை பகிரங்கப்படுத்தாமல், பிற்போக்குத்தனமான முதலாளித்துவ புவிசார் அரசியல் நிலைப்பாட்டில் இருந்து இஸ்லாமாபாத் கூடுதல் தீவிரப்பாட்டைத் தவிர்க்க முயல்கிறது.
எவ்வாறிருப்பினும் இந்த நிலைப்பாடு, பாகிஸ்தான் எந்தளவிற்கு பலவீனமாக உள்ளது என்பதற்கு ஆதாரமாக அதை தூக்கிப்பிடிக்க மட்டுமே மோடி அரசாங்கத்தையும் மற்றும் இந்திய உயரடுக்கின் மிகவும் போர்வெறி கொண்ட பிரிவுகளையும் ஊக்குவிக்கும். நேற்று, காங்கிரஸ் கட்சி மற்றும் ஸ்ராலினிச இந்திய மார்க்சிஸ்ட் கம்யூனிஸ்ட் கட்சி உள்ளடங்கலாக பிஜேபி கூட்டிய அனைத்து கட்சி கூட்டத்தில் ஒட்டுமொத்த அரசியல் ஸ்தாபகமும் பாகிஸ்தானுக்கு எதிரான ஆக்ரோஷ தாக்குதலைக் கொண்டாட ஒன்று சேர்ந்தன. இதற்கிடையே அத்தாக்குதல்கள் ஒரு தைரியமான, மிகவும் பலமான இந்தியாவிற்கான ஆதாரங்களாகும் என்ற அரசாங்கத்தின் கூற்றுகளை ஊதிப்பெரிதாக்கி, இராணுவத்தை உண்மையான மாவீரர்கள் என்று தம்பட்டமடித்து, அந்த இராணுவத் தாக்குதல்களை பாராட்டுவதற்கு ஊடகங்கள் களைப்படையும் அளவிற்கு வேலை செய்தன.
இன்று தெற்காசிய மக்களை ஒரு அணுசக்தி பேரழிவைக் கொண்டு அச்சுறுத்துகின்ற இந்தியா மற்றும் பாகிஸ்தானுக்கு இடையிலான மூலோபாய போட்டி, முதலாளித்துவ ஆட்சியின் தோல்விக்கு சான்றாகும். இது, 1947 இல் பிரிட்டிஷ் காலனித்துவ எஜமானர்கள் துணைக்கண்டத்திலிருந்து வெளியேறுகையில், தெற்காசிய முதலாளித்துவ வர்க்கத்தின் எதிர்விரோத கட்சிகளான காங்கிரஸ் கட்சி மற்றும் முஸ்லீம் லீக் ஆல் மிக பகிரங்கமாக கருத்தொருமித்து நடத்தப்பட்ட முஸ்லீம் பாகிஸ்தான் மற்றும் இந்து மேலாதிக்க இந்தியா என்ற வகுப்புவாத தெற்காசிய பிரிவினையில் வேரூன்றியுள்ளது.
இன்னும் கூறுவதென்றால், சீனாவைத் தனிமைப்படுத்தி, சுற்றி வளைத்து, அதற்கு எதிராக போருக்கு தயாரிப்பு செய்யும் வாஷிங்டனின் மூலோபாய தாக்குதலில் ஒரு முன்னணி நாடாக இந்தியாவை மாற்றுவதற்காக, வாஷிங்டனின் தசாப்தத்திற்கு அதிகமான காலத்திய உந்துதலே, இந்த போர் அபாயத்தைத் தூண்டுவதில் ஒரு முகப்பெரிய காரணியாக உள்ளது. மோடியின் கீழ், இந்தியா, தென் சீனக் கடல் பிரச்சினையில் அமெரிக்காவுடன் அணி சேர்ந்துள்ளதுடன், அமெரிக்காவின் முக்கிய ஆசிய-பசிபிக் கூட்டாளிகளான ஜப்பான் மற்றும் ஆஸ்திரேலியாவுடன் நெருக்கமான மூலோபாய இருதரப்பு மற்றும் முத்தரப்பு உறவுகளை அபிவிருத்தி செய்துள்ளது. அமெரிக்க போர்விமானங்களும் போர்க்கப்பல்களும் இந்திய இராணுவ தளங்களை வழமையாக பயன்படுத்துவதை அனுமதிக்க கடந்த மாதம் மோடி உடன்பட்டார்.
ஜோர்ஜ் டபிள்யூ புஷ் மற்றும் ஒபாமாவின் கீழ், அமெரிக்கா இந்தியாவிற்கு "மூலோபாய பரிசுகளை" வாரி வழங்கியுள்ளது, அது அதிநவீன ஆயுத தளவாடங்களை இந்தியா பெறுவதற்கு அனுமதி அளித்துள்ளதுடன், புது டெல்லி அதன் அணுஆயுத அபிவிருத்தி மீதான உள்நாட்டு அணுசக்தி திட்டங்களுக்கு மூலவளங்களைத் ஒன்றுதிரட்டுவதற்கு நடைமுறையளவில் அதை அனுமதிக்கும் விதத்தில், உலக அணுசக்தி ஒழுங்கமைப்பு முறையில் அதற்கு சிறப்பு அந்தஸ்தை உருவாக்கி அளித்துள்ளது.
ஒவ்வொரு சந்தர்ப்பத்திலும் இந்தோ-அமெரிக்க கூட்டணியை பலப்படுத்துதல் என்பது, பனிப்போர் முழுவதிலும் தெற்காசியாவில் பிரதான அமெரிக்க கூட்டாளியாக இருந்துள்ள பாகிஸ்தான் உடனான வாஷிங்டனின் உறவுகளைக் கீழறுப்பதுடன் தொடர்புபட்டுள்ளது.
வாஷிங்டன் தெற்காசியாவில் அதிகார சமநிலையை மாற்றிவிட்டதாகவும், புது டெல்லி உடனான அதன் முன்பினும் நெருக்கமான மூலோபாய பங்காண்மை இந்தியாவைப் பலப்படுத்தி வருவதாகவும், ஆயுத போட்டி மற்றும் அணுஆயுத போட்டிக்கு எரியூட்டி இருப்பதாகவும் இஸ்லாமாபாத் எச்சரித்துள்ள போதினும், ஏறத்தாழ முழுமையாக நடைமுறையில் ஒன்றும் மாற்றமில்லை.
மூலோபாயரீதியில் தனிமைப்படுவதைக் குறித்து அஞ்சி, பாகிஸ்தான் அதன் நீண்ட-கால கூட்டாளியான சீனாவுடன் நெருக்கத்தை உண்டாக்கி கொண்டுள்ளது. ஆனால் இது வாஷிங்டன் உடனான அதன் கருத்துவேறுபாடுகளை அதிகரித்து, இந்தியாவுடனான அதன் விரோதத்தை எரியூட்ட மட்டுமே செய்துள்ளது.
புது டெல்லியை சாந்தப்படுத்தும் விருப்பத்தில், வாஷிங்டன் பாகிஸ்தானை "தண்டிக்க" அதற்கு பச்சைக் கொடி காட்டியிருக்கலாம், இருந்தாலும் ஆப்கானிஸ்தானில் அமெரிக்க ஆக்கிரமிப்பு படைகளுக்கு முக்கிய படைத்தளவாடங்களை வழங்க இன்னமும் பாகிஸ்தானையே சார்ந்துள்ளதால், ஒபாமா நிர்வாகம் அதை மறுக்கிறது.
ஒபாமாவின் தேசிய பாதுகாப்பு ஆலோசகர் சூசன் ரைஸ், இந்தியாவின் "நுட்பமான இராணுவ தாக்குதலுக்கு" சில மணி நேரங்களுக்கு முன்னதாக அவரது இந்திய சமதரப்பான அஜித் தோவல் ஐ புதனன்று மாலை அழைத்து, ஊரி தாக்குதலுக்கு உள்நோக்கம் கொண்ட வருத்தத்தை தெரிவித்திருந்தார் மற்றும் இந்தியாவின் பயங்கரவாதத்திற்கு எதிரான சண்டைக்கு ஆதரவை வெளிப்படுத்தி இருந்தார். ஊரி தாக்குதலுக்கு பாகிஸ்தானை பொறுப்பாக்கி முத்திரை இடத் தவறியமை உட்பட வாஷிங்டன் போதுமானளவிற்கு ஆதரவாக இல்லை என இந்தியாவில் அதிகரித்துவரும் குற்றச்சாட்டுகள் மீதான கவலைகளால் ரைஸ் இன் அழைப்பு உந்தப்பட்டிருந்ததாக பத்திரிகை செய்திகள் குறிப்பிட்டன.
சர்ச்சைக்கு இடமின்றி இருப்பது என்னவென்றால், நேற்றைய "நுட்பமான தாக்குதல்கள்" அப்பட்டமாக சட்டபூர்வமற்றவை என்பதுடன் அதிகளவில் ஆத்திரமூட்டுபவை என்றபோதினும், அமெரிக்க அரசு அதிகாரிகள் பாகிஸ்தான் மீதான நேற்றைய அந்த "நுட்பமான தாக்குதல்களைக்" கண்டிக்க மறுத்துள்ளனர். அதற்கு மாறாக அவர்கள் இரண்டு தரப்பும் நிதானத்தைக் கடைபிடிக்குமாறும், பேச்சுவார்த்தையை நோக்கி நகருமாறும் சம்பிரதாயமான அழைப்புகளை விடுத்துள்ளனர்.
அமெரிக்கா மிகவும் அபாயகரமான மற்றும் கேடுவிளைவிக்கும் விளையாட்டை விளையாடிக் கொண்டிருக்கிறது. புது டெல்லியுடன் சேர்ந்து அதன் சீன-விரோத கூட்டணியை முன்னெடுப்பதில், பாகிஸ்தானுக்கு எதிராக ஆக்ரோஷமாக, ஆனால் "திறமையான நடவடிக்கை" என்று கருதப்படும் இராஜாங்க, பொருளாதார மற்றும் இராணுவ கொள்கையைப் பின்பற்ற இப்போது அது வகுப்புவாத நஞ்சு நிறைந்த பிஜேபி தலைமையிலான இந்திய அரசாங்கத்தை ஊக்குவித்து கொண்டிருக்கிறது. நான்கு போர்களை நடத்தியுள்ள ஒரு நாடான பாகிஸ்தானோ, சமீபத்தில் அது நிலைநிறுத்திய "போர்க்கள" அல்லது தந்திரோபாய அணுஆயுதங்களை துரிதமாக பிரயோகித்தாவது எந்தவொரு பெரியளவிலான இந்திய தாக்குதலையும் எதிர்கொள்ள அச்சுறுத்திக் கொண்டிருக்கிறது.
By Keith Jones
30 September 2016
http://www.wsws.org/tamil/articles/2016/10-oct/inde-o01.shtml

சென்னையில் பொதுக்கூட்டம் : ஏகாதிபத்திய போர் உந்துதலை எதிர்ப்போம்! சோசலிச வேலைத்திட்டத்திற்கு போராடுவோம்!

Public meeting in Chennai, India: 

Oppose the imperialist war drive! Fight for socialist program!


நான்காம் அகிலத்தின் அனைத்துலகக் குழுவின் (ICFI) இந்திய ஆதரவாளர்கள் அக்டோபர் 2-ம் தேதி சென்னையில் ஒரு பொதுக் கூட்டமொன்றை நடத்துகின்றனர், அது நான்காம் அகிலத்தின் அனைத்துலகக் குழுவின் சோசலிசமும் போருக்கு எதிரான போராட்டமும் என்ற அறிக்கை பற்றி விவாதிக்கவும் ஏகாதிபத்திய போர் உந்துதலில் இந்திய அரசாங்கத்தின் பங்கெடுப்பை எதிர்ப்பதற்குமாகும்.
"பயங்கரவாதத்தின் மீதான போர்" என்று அமெரிக்கா தொடங்கி பதினைந்து ஆண்டுகளுக்கு பின்னர் உலகம் முழுவதும் ஏகாதிபத்திய வன்முறைகள் பெருகும் சூழலுக்குள் இழுக்கப்பட்டுள்ளது. அது ஆப்கானிஸ்தான், ஈராக், சிரியா மற்றும் லிபியா உட்பட அனைத்து நாடுகளிலும் இராணுவ பேரழிவை ஏற்படுத்தியுள்ளது.
அமெரிக்க மற்றும் பெரிய ஐரோப்பிய சக்திகள் இப்போது ரஷ்யாவுக்கு எதிரான போர் தயாரிப்பில் ஈடுபட்டுள்ளன. அதே சமயம் இந்தோ-பசிபிக் பிராந்தியத்தில், வாஷிங்டன் அதன் சீனாவிற்கு எதிரான மோதல் போக்கு கொண்ட "ஆசியாவை நோக்கிய முன்னெடுப்பில்" கூட்டாளிகளை பட்டியலிட்டு வருகின்றது.
உலக முதலாளித்துவத்தின் ஆழ்ந்த நெருக்கடியினால் உந்தப்படும் இத்தகைய அபிவிருத்திகள், மனித குலம் இன்னுமொரு பேரழிவான, அணு ஆயுதங்களை கொண்டு போராடப்படும் உலகப் போருக்குள் இழுத்துச் செல்லப்படும் ஆபத்தை அடிக்கோடிட்டுக் காட்டுகின்றன.
சீனாவிற்கு எதிரான ஒரு "முன்னணி களத்தில்" இருக்கும் நாடாக இந்தியாவை ஆக்க வேண்டும் என்று அமெரிக்க தீவிரமாக தள்ளுகிறது. 2014 ல் ஆட்சிக்கு வந்ததில் இருந்து, பிரதமர் நரேந்திர மோடி ஆசியாவில் அமெரிக்காவின் இராணுவத்தை பலமாக கட்டியெழுப்புவதில் இந்தியாவை மேலும் இணைத்துள்ளார்.
பாகிஸ்தான் தொடர்பாக இந்தியாவின் அதிகரித்து வரும் போர் மிரட்டல் அணுகுமுறை, அமெரிக்க ஏகாதிபத்தியத்திடம் இருந்து அது பெற்று வரும் ஆதரவினால் பலப்படுத்தப்பட்டுள்ளது.
சீனாவிற்கு எதிரான அமெரிக்க போர் உந்துதலில், மோடி அரசாங்கத்தின் பங்கெடுப்பு இந்திய தொழிலாள வர்க்கம் மற்றும் ஏழைகளின் முதுகுக்குப் பின்னால் நிகழ்கிறது. இந்திய மார்க்சிச கம்யூனிஸ்ட் கட்சி உட்பட இந்தியாவில் "இடது" என்று அழைக்கப்படுபவை, பூகோள மேலாதிக்கத்திற்கான வாஷிங்டனின் பொறுப்பற்ற உந்துதலினால் எழும் பிரமாண்டமான ஆபத்துக்கள் பற்றி மூடிமறைக்கின்றன.
சர்வதேச மற்றும் சோசலிச கொள்கைகளின் அடிப்படையில் ஒரு பூகோள போர் எதிர்ப்பு இயக்கத்தை கட்டுவதன் மூலம் ஏகாதிபத்திய போர் உந்துதலை எதிர்க்குமாறு தொழிலாள வர்க்கத்துக்கு நான்காம் அகிலத்தின் அனைத்துலகக் குழு அழைப்பு விடுத்துள்ளது.
இராணுவவாதம் மற்றும் போர் அலைகள் எழுச்சி கண்டு வருவதற்கான காரணங்கள் மற்றும் விளைவுகள் பற்றி அக்டோபர் 2 ம் தேதி சென்னை பொதுக் கூட்டத்தில் பேச்சாளர்கள் பகுப்பாய்வு செய்வார்கள் மற்றும் சர்வதேச தொழிலாள வர்க்கம் போராட வேண்டிய அரசியல் மாற்றையும் முன்வைப்பார்கள். இந்த கூட்டத்திற்கு வருகை தந்து இந்த முக்கியமான கலந்துரையாடலில் பங்குபற்றுமாறு தொழிலாளர்கள், இளைஞர்கள், மாணவர்கள் மற்றும் சோசலிச எண்ணம் கொண்ட புத்திஜீவிகளுக்கும் நாம் அழைப்பு விடுக்கின்றோம்.
தேதி: ஞாயிறு, அக்டோபர் 2, 2016, காலை 10.30 மணி
இடம்: முதல் தளம், பெரியார் ஈ.வே.ராமசாமி நாகம்மை கல்வி ஆராய்ச்சி அறக்கட்டளை, 277/2 சென்னை-திருவள்ளுவர் நெடுஞ்சாலை, 
அம்பத்தூர், சென்னை.
[அம்பத்தூர் தொலைபேசி தொடர்பகம் அருகில், HPM கல்யாண மண்டபம் எதிரில்]
Date: Sunday, 2 October 2016, 10.30 a.m.
Venue: First floor, Periyar EV Ramasamy Nagammai Education Research Trust,
277/2 Chennai–Thiruvallur High Road,
Ambattur, Chennai 600053
[Near the Ambattur Telephone Exchange]
http://www.wsws.org/tamil/articles/2016/9-Sept/meet-s24.shtml

Thursday, 29 September 2016

காஷ்மீர் தாக்குதலுக்குப் பின்னர், அமெரிக்க ஊடகங்கள் பாகிஸ்தான் உடனான போரில் இந்தியாவை ஆதரிக்க அச்சுறுத்துகின்றன

After Kashmir attack, US media threaten to support India in war with Pakistan

Image source from internet
பிரச்சினைக்குரிய காஷ்மீர் பிராந்தியத்தில் ஊரி இந்திய இராணுவ தளம் மீது இஸ்லாமிய போராளிகள் நடத்திய தாக்குதலுக்காக இந்தியா பாகிஸ்தானை "தண்டிக்க" சூளுரைத்துள்ளதுடன் சேர்ந்து, பாகிஸ்தானுக்கு எதிரான ஆக்ரோஷ இந்திய நடவடிக்கைக்கு ஆதரவளிக்கும் வகையில் அமெரிக்க ஊடங்கங்களும் ஒருமித்த பிரச்சாரம் ஒன்றை தொடங்கி உள்ளன. அணுஆயுதமேந்திய நாடுகளான இந்தியா மற்றும் பாகிஸ்தான் அவற்றிற்கு இடையே நான்கு இரத்தந்தோய்ந்த போர்களை நடத்தியுள்ள நிலையில், இப்பிரச்சாரம் அசாதாரணமான ரீதியில் பொறுப்பற்றதாக உள்ளது.
"பாகிஸ்தானை நோக்கிய மோடியின் நிதானம்" என்று தலைப்பிட்டு, இந்திய பிரதம மந்திரி நரேந்திர மோடியின் கொள்கை குறித்து வோல் ஸ்ட்ரீட் ஜேர்னல் புதனன்று ஒரு கட்டுரை வெளியிட்டது. “மோடி இப்போதைக்கு நிதானத்தைக் கடைபிடித்து வருகிறார், ஆனால் இஸ்லாமாபாத் தொடர்ந்து அதை எதிர்பார்க்க முடியாது. கூட்டுறவுக்கான மோடியின் முன்வரல் நிராகரிக்கப்பட்டால், பாகிஸ்தான் ஏற்கனவே இருப்பதை விட இன்னும் அதிகமாக ஒதுக்கப்படுவதற்குரிய விடயத்தின் பாகமாக மாறும்,” என்றது குறிப்பிட்டது.
“[பாகிஸ்தான்] இராணுவம் தொடர்ந்து ஆயுதங்கள் மற்றும் போராளிகளை எல்லை கடந்து அனுப்பினால், இந்திய பிரதம மந்திரிக்கு நடவடிக்கை எடுப்பதற்கான பலமான நியாயப்பாடு கிடைக்கும்,” என்று ஜேர்னல் எச்சரித்தது.
இதேபோல, "இந்தியா உலகின் மிகப்பெரிய இராணுவங்களில் ஒன்றைக் கொண்டுள்ளது, அது ஏன் அதை பிரயோகிக்கக் கூடாது?” என்று தலைப்பிட்ட ஒரு கட்டுரையை லாஸ் ஏஞ்சல்ஸ் டைம்ஸ் தாங்கி வந்தது. "வல்லரசாகும் அபிலாஷைகளுடன், இப்போது உலகின் மிக வேகமாக வளர்ந்து வரும் மிகப்பெரிய பொருளாதாரமான இந்தியாவிற்குள், அதன் பலத்தைக் காட்ட அழைப்புகள் அதிகரித்து வருகின்றன" என்று அக்கட்டுரை குறிப்பிட்டது. “பாகிஸ்தான் அமெரிக்காவின் நீண்டகால கூட்டாளி என்றாலும், அதன் சர்வதேச அந்தஸ்து மங்கி வருகிறது,” என்பதையும் அது சேர்த்துக் கொண்டது.
பாகிஸ்தானை நோக்கி "நிதானமாக" இருக்கும் நடப்பு கொள்கை குறித்து முன்னாள் இந்திய உளவுத்துறை அதிகாரி விக்ரம் சூத் இன் விமர்சனங்களையும் டைம்ஸ் மேற்கோளிட்டது: “நிறைய உயிரிழப்புகள் மற்றும் நிறைய படுகொலைகளுக்கு அப்பாற்பட்டு, இந்த கொள்கையிலிருந்து நமக்கு என்ன கிடைத்தது? … இந்தியர்களாகிய நாம், போர் ஒரு முன்னுரிமையல்ல என்று தொடர்ந்து கூறி வருகிறோம். போர் முன்னுரிமையில் உள்ளது என்பது எவ்வளவு அருவருப்பாக இருந்தாலும், அதை நாம் கூறியே ஆக வேண்டும்,” என்றவர் தெரிவித்திருந்தார்.
பதினெட்டு இந்திய சிப்பாய்கள் கொல்லப்பட்ட செப்டம்பர் 18 ஊரி தாக்குதலுக்கு பின்னர் இந்தியாவின் அரசியல்வாதிகளும், தேசிய-பாதுகாப்பு ஸ்தாபகம் மற்றும் ஊடகங்களும் முடுக்கிவிட்டுள்ள மிரட்சியூட்டும் சூழலுக்கு இடையே, இத்தகைய கட்டுரைகள் போர் வேட்கையை அதிகரித்தளவில் ஏற்றுக் கொள்வதாக இருக்கின்றன.
நவம்பரில் பாகிஸ்தானில் நடத்தப்பட இருக்கின்ற, எட்டு தெற்காசிய நாடுகளுக்கு இடையிலான ஒரு பிராந்திய மாநாடான சார்க் (தெற்காசிய பிராந்திய கூட்டுறவுக்கான கூட்டமைப்பு) உச்சி மாநாட்டில், மோடி கலந்து கொள்ள போவதில்லையென செவ்வாயன்று இந்தியா அறிவித்தது. பஞ்சம் மற்றும் மின்சார பற்றாக்குறையால் பாகிஸ்தான் பாதிக்கப்பட்டுள்ள நிலையில், அதை இன்னும் பிழியும் விதத்தில், 1960 சிந்து நதி நீர் உடன்படிக்கையின் சட்டபூர்வ அளவுகளை விட அதிகமான நீரை தடுக்க இருப்பதாக இந்தியா அறிவித்தது. முற்றிலுமாக அந்த உடன்படிக்கையை அது முறித்துக் கொள்ளக்கூடும் என்பதையும் சமிக்ஞை செய்தது. அதையடுத்து பாகிஸ்தான், நதி நீர் உடன்பாட்டை முறிப்பதை ஒரு "போர் நடவடிக்கையாக" பார்க்குமென அது எச்சரித்தது.
ஞாயிறன்று மோடி, ஊரி தாக்குதலை 1965 இந்தோ-பாகிஸ்தான் போருடன் ஒப்பிட்டதுடன், தேசியவாத போர் காய்ச்சல் இந்தியாவில் கட்டமைந்து வருவதாக குறிப்பிட்டு அதை புகழ்ந்துரைத்தார். “நாட்டு மக்களிடையே மதிப்புடைய கோபம் நிலவுகிறது. இது நாடு விழிப்படைந்து வருவதற்கான அடையாளம்,” என்றார். “இந்த கோபம் 'ஏதாவது செய்யுங்கள்' என்பதற்குரியது … [பாகிஸ்தானுடன்] 1965 இல் போர் தொடங்கிய போது, லால் பஹதூர் சாஸ்திரி நாட்டை வழிநடத்தி வந்தார், அப்போதும் இதேபோன்ற உணர்வு, கோபம் நாட்டில் இருந்தது. தேசியவாத காய்ச்சல் இருந்தது. ஒவ்வொருவரும் ஏதாவது செய்ய விரும்பினார்கள்,” என்றார்.
இதேபோல ஓய்வுபெற்ற இந்திய மேஜர் ஜெனரல் G. D. பக்ஷி, அணுஆயுதங்கள் மூலமாக பாகிஸ்தானிய பஞ்சாபை அழிக்க இந்தியாவிற்கு வெளிப்படையாக அழைப்புவிடுத்து, ஒரு மிரட்சியூட்டும் வெளிப்பாட்டை அளித்தார். பக்ஷி ஒரு இந்திய தொலைக்காட்சி ஒளிபரப்பில் கூறுகையில், “நமது அணுஆயுதங்களில் ஒரு பகுதியை நாம் பயன்படுத்தினால் கூட, அதில் பெரும்பாலானவை பாகிஸ்தானிய இராணுவம் எங்கிருந்து வருகிறதோ அந்த பாகிஸ்தான் பஞ்சாப் மீது பிரயோகித்தால்: 800 ஆண்டுகளுக்கு அங்கே ஒரு புல் பூண்டு கூட வளராது! … ஆகவே நம்மைநாமே சுயமாக தடுத்துக் கொள்வோம்!” என்றார்.
வாஷிங்டனில் இராணுவ-பாதுகாப்பு ஸ்தாபகம் உட்பட, பாகிஸ்தானை இந்தியா சுதந்திரமாக கையாள விட வேண்டுமென விரும்பும் கன்னைகள் அதிகரித்து வருகின்றன என்பதையே, சமீபத்திய இந்தோ-பாகிஸ்தானிய போர் நெருக்கடியைக் குறித்த அமெரிக்க ஊடக செய்திகள் எடுத்துக்காட்டுகின்றன.
இது இந்தோ-பாகிஸ்தானிய மோதலில் அச்சுறுத்தலான தாக்கங்களைக் கொண்டிருப்பதுடன், ஆசியாவில் ஏகாதிபத்திய போர் உந்துதலின் மிகவும் அபாயகரமான தீவிரப்பாட்டையும் பிரதிநிதித்துவம் செய்கிறது.
ஒரு தசாப்தத்திற்கும் அதிகமாக, வாஷிங்டன் இந்தியாவை சீனாவிற்கு எதிர்பலமாக கட்டமைக்கவும் மற்றும் 2011 இல் அதன் சீன-விரோத "ஆசிய முன்னிலையைத்" தொடங்கியதில் இருந்து சீனாவை மூலோபாயரீதியில் தனிமைப்படுத்தி, சுற்றி வளைத்து, போருக்கு தயாரிப்பு செய்வதற்கான அதன் உந்துதலில் அதையொரு "முன்னணி நாடாக" ஆக்கவும் வேலை செய்துள்ளது.
இது பெய்ஜிங் மற்றும் புது டெல்லிக்கு இடையே மட்டும் பதட்டங்களை அதிகரிக்கவில்லை, மாறாக இந்தியாவிற்கும் மற்றும் சீனாவின் பிரதான தெற்காசிய கூட்டாளியான பாகிஸ்தானுக்கு இடையிலும் மூலோபாய போட்டித்தன்மையை அதிகரித்துள்ளது. இந்த போட்டித்தன்மை, 1947-48 உத்தியோகபூர்வ சுதந்திரத்தில், முஸ்லீம் பாகிஸ்தான் மற்றும் ஒரு இந்து பெரும்பான்மை இந்தியா என பிரிட்டிஷ் இந்தியாவின் பிற்போக்குத்தனமான பிரிவினையில் வெளிப்படையாக வேரூன்றியுள்ளது. ஏழு தசாப்தங்கள் ஆகிவிட்ட போதும், இந்த போட்டித்தன்மை இந்தியா மற்றும் பாகிஸ்தானுக்கு இடையே சாத்தியமான அணுஆயுத போர் உட்பட முழுமையான ஒரு போரைத் தூண்டிவிட அச்சுறுத்துவதுடன், அதில் துரிதமாக அமெரிக்கா மற்றும் சீனாவும் உள்ளிழுக்கப்படக்கூடும்.
இந்நூற்றாண்டு திருப்பத்தில் இருந்து, வாஷிங்டன், சீனாவிற்கு எதிராக இந்தியாவுடனான அதன் இராணுவ-மூலோபாய உறவுகளை அதிகரிக்க முயன்றுள்ளது. 2005 இல், புது டெல்லியும் வாஷிங்டனும் பாதுகாப்பு கட்டமைப்பு உடன்படிக்கை ஒன்றில் கையெழுத்திட்டன மற்றும் 2008 இந்தோ-அமெரிக்க அணுசக்தி உடன்படிக்கையின் கீழ், இந்தியா படைத்துறைசாரா நவீன அணுசக்தி தொழில்நுட்பம் மற்றும் எரிபொருள்களை பெற முடிந்தது, இது அணுஆயுத அபிவிருத்தி மீதான அதன் சுயமான அணுசக்தி திட்டங்களில் ஒருமுனைப்பட அதை அனுமதிக்கிறது. இந்தியா அதிநவீன அமெரிக்க ஆயுத-தளவாட அமைப்புகளை வாங்கி வருவதுடன், அமெரிக்க இராணுவம் வழமையாக இந்திய தளங்களை அணுகுவதற்கும் மற்றும் அவற்றில் பண்டங்களை "முன்னோக்கி நிலைநிறுத்துவதற்கும்" அனுமதிக்கும் விதத்தில் தளவாட பரிவர்த்தனை புரிந்துணர்வு ஒப்பந்தம் (LEMOA) என்பதில் கடந்த மாதம் வாஷிங்டனும் புது டெல்லியும் கையெழுத்திட்டன.
வளர்ந்து வரும் சீன-பாகிஸ்தானிய மூலோபாய உறவுகள், வேகமாக அபிவிருத்தி அடைந்து வரும் அமெரிக்க-இந்திய கூட்டணியின் பிரதான இலக்குகளில் ஒன்றாகும்.
யுரேஷிய பெருநிலம் மீதான அமெரிக்க மேலாதிக்கத்திற்கு சவால் விடுக்கும் வகையில், மத்திய ஆசியா, மத்திய கிழக்கு மற்றும் நீண்டகால ஓட்டத்தில் ஐரோப்பாவையும் சீனாவுடன் இணைக்கும் நோக்கில் சீனாவின் இலட்சிய திட்டமான "ஒரே இணைப்பு, ஒரே பாதை" (OBOR) திட்டத்தை அது முன்னெடுத்து வருவதில் சீனா பாகிஸ்தானை ஒரு முக்கிய கூட்டாளியாக பார்க்கிறது. வாஷிங்டன் அதன் ஆப்கான் ஆக்கிரமிப்பு படைகளைத் திரும்ப பெறுவதாக அறிவித்த பின்னர் சிறிது காலத்திலேயே, பெய்ஜிங் 2013 இல் அதன் OBOR திட்டத்தை அறிவித்தது.
OBOR இன் முக்கிய கூறுபாடாக இருப்பது, சீன-பாகிஸ்தான் பொருளாதார மண்டலம் (CPEC) ஆகும். பாகிஸ்தானின் தென்மேற்கு பலுசிஸ்தான் பிராந்தியத்தின் குவாடார் நகரை சீனாவின் வடமேற்கு பிராந்தியமான ஜின்ஜியாங் உடன் இணைக்கும் பல்வேறு எண்ணெய் உள்கட்டமைப்பு திட்டங்கள், சாலை மற்றும் இரயில் உள்கட்டமைப்பு திட்டங்களை CPEC உள்ளடக்கி உள்ளது. குவாடார் துறைமுகத்தில் செயல்படுவதற்கான ஒப்பந்தத்தை பாகிஸ்தான் பெப்ரவரி 2013 இல் சீனாவிற்கு வழங்கியது. இந்திய பெருங்கடல் மற்றும் தென் சீனக் கடலின் "திணறடிக்கும் முனைகளைக்" கைப்பற்றுவதன் மூலமாக சீனா மீது ஒரு பொருளாதார முற்றுகையைத் திணிக்கும் பெண்டகனின் திட்டங்களை பகுதியளவில் தந்திரமாக ஜெயிக்க இது பெய்ஜிங்கிற்கு உதவும் என்பதால் CPEC சீனாவிற்கு மிகவும் மூலோபாய முக்கியத்துவம் கொண்டதாகும்.
வாஷிங்டனை போலவே, புது டெல்லியும் ஆசியாவில் அதன் மூலோபாய செல்வாக்கைப் பலவீனப்படுத்தும் பிரதான அச்சுறுத்தல்களாக OBOR மற்றும் CPEC திட்டங்களைப் பார்க்கிறது. The Diplomat குறிப்பிடுகையில், “முன்மொழியப்பட்ட CPEC பாதையை மற்றும் குவாடார் துறைமுக அபிவிருத்தியை பிரதானமாக இரண்டு காரணங்களுக்காக இந்தியா பெரிதும் எதிர்க்கிறது. முதலாவதாக, திட்டமிடப்பட்ட அந்த பாதை இந்திய-சீன மற்றும் இந்திய-பாகிஸ்தான் இடையே முறையே சர்ச்சைக்குரிய கில்ஜிட்-பல்திஸ்தான் மற்றும் காஷ்மீர் பகுதிகள் வழியாக செல்கிறது. இரண்டாவதாக, குவாடார் ஒரு சீன கடற்படை தளமாக இரட்டிப்பாகுமென இந்தியா அஞ்சுகிறது,” என்று எழுதியது.
சீனா மற்றும் பாகிஸ்தான் இரண்டிலும் இனவாத பிரிவினையைத் தூண்டும் ஒரு பொறுப்பற்ற கொள்கையை இந்தியா, கூடுதலாகவோ குறைவாகவோ அமெரிக்க ஆதரவுடன், கையாண்டு வருகிறது. திபெத் மற்றும் ஜின்ஜியாங் இரண்டிலும் பிரிவினைவாதத்திற்கு அமெரிக்கா மற்றும் இந்தியாவின் ஒத்துழைப்பை சமிக்ஞை காட்டும் விதத்தில், இந்தியாவின் தர்மஸ்தலாவில் அமெரிக்க நிதியுதவி பெறும் சீன பிரிவினைவாத அமைப்புகளது ஒரு மாநாட்டில் ஏப்ரல் மாதம் அமெரிக்க அதிகாரிகள் கலந்து கொண்டனர்.
காஷ்மீரில் பாகிஸ்தானிய போராளிகள் குழுவான ஜய்ஷ்-ஈ-மொஹம்மத் (JeM) ஐ பாகிஸ்தான் ஆதரிக்கிறது என்று இந்தியா குற்றஞ்சாட்டுகின்ற அதேவேளையில், இந்தியா அதன் ஆப்கானிஸ்தானிய தூதரகங்கள் மூலமாக பலுசிஸ்தானில் கிளர்ச்சிகள் மற்றும் பயங்கரவாதத்தை ஆதரிப்பதாக பாகிஸ்தான் பகிரங்கமாக குற்றஞ்சாட்டுகிறது.
பலுசிஸ்தானில் பாகிஸ்தானின் மனித உரிமை மீறல்களைக் கண்டித்து மோடி அரசாங்கம் ஒரு சர்வதேச பிரச்சாரத்தை ஆகஸ்ட் மத்தியில் அதிகரித்தது, இதை இந்திய ஊடகங்கள் ஒரு மூலோபாய தந்திரமாக புகழ்கின்றன, மேலும் பாகிஸ்தானைத் துண்டாடும் வேலையைச் செய்ய அது தயாராக இருப்பதற்கு சமிக்ஞை அளிக்கும் விதத்தில், அது பலூச்சி பிரிவினைவாதிகள் இந்தியாவில் இருந்து செயல்பட அதிக "அரசியல் இடம்" வழங்கும் என்றும் இந்தியா தெரிவித்துள்ளது.
ஆசியாவில் பாரம்பரிய கூட்டணியின் கட்டமைப்புகள் வேகமாக உடைந்து வருகின்றன. ஆப்கானிஸ்தானில் சுமார் 10,000 அமெரிக்க ஆக்கிரமிப்பு துருப்புகளை ஜனவரி 2017 வரையில் விட்டு வைத்து, அங்கிருந்து பெருமளவிலான அமெரிக்க துருப்புகளைத் திரும்ப எடுக்க அமெரிக்கா முடிவெடுத்ததில் இருந்து வாஷிங்டன் மற்றும் இஸ்லாமாபாத்திற்கு இடையிலான உறவுகள் வேகமாக பலவீனமடைந்துள்ளன.
அமெரிக்க தலைமையிலான நேட்டோ ஆக்கிரமிப்பு படைகளுடனும் மற்றும் ஆப்கானிஸ்தானின் கைப்பாவை அரசாங்கத்துடனும் சண்டையிட்டு வரும் தாலிபான் பிரிவுகள் மற்றும் ஹக்கானி வலையமைப்பு ஆகியவற்றுடனான இஸ்லாமாபாத்தின் இராணுவ உறவுகளை முறிக்க, வாஷிங்டன், பாகிஸ்தான் மீது தொடர்ந்து இராஜாங்க அழுத்தத்தைச் செலுத்துகிறது. கடந்த வாரம், இரண்டு குடியரசு கட்சி சட்ட வல்லுனர்கள் அமெரிக்க காங்கிரஸில் சட்ட மசோதா ஒன்றை அறிமுகப்படுத்தினர். இது இப்போதைக்கு நிறைவேறாது என்று கருதினாலும், பாகிஸ்தானை அது பயங்கரவாதத்தை ஊக்குவிக்கும் அரசாக முத்திரை குத்த நோக்கம் கொண்டிருந்தது.
வாஷிங்டன் மற்றும் இஸ்லாமாபாத் க்கு இடையிலான உறவுகள் மோசமடைந்து வருகையில், வரலாற்றுரீதியில் முன்னொருபோதும் இல்லாத விதத்தில் பாகிஸ்தான் ரஷ்யாவுடன் மூலோபாய உறவுகளை அபிவிருத்தி செய்யவும் பரிசீலித்து வருகிறது. பனிப்போர் காலத்தின் போது, பாகிஸ்தான் மரபார்ந்து வாஷிங்டனால் ஆதரிக்கப்பட்டது, அதேவேளையில் அதன் போட்டியாளர் இந்தியா சோவியத் ஒன்றியத்துடனான கூட்டணியில் இருந்தது.
எவ்வாறிருப்பினும் சனிக்கிழமையன்று பாகிஸ்தானின் கிழக்கு பஞ்சாப் மாகாணத்தின் மலைப்பகுதிகளில் ரஷ்யா இரண்டு வாரகால இராணுவ ஒத்திகையைத் தொடங்கியது. இதில் 70 ரஷ்யர்களும், 130 பாகிஸ்தான் துருப்புகளும் என 200 துருப்புகள் ஈடுபட்டனர். அவ்விரு நாடுகளும் ஒரு கூட்டு இராணுவ ஒத்திகையில் பங்கெடுப்பது இதுவே முதல்முறையாகும், இது இஸ்லாமாபாத்திற்கு மாஸ்கோ சமீபத்தில் இராணுவ ஹெலிகாப்டர்களை விற்பனை செய்திருப்பதை பின்தொடர்ந்து நடந்துள்ளது.
By Kumaran Ira
29 September 2016
http://www.wsws.org/tamil/articles/2016/9-Sept/uska-s29.shtml

சென்னையில் பொதுக்கூட்டம் : ஏகாதிபத்திய போர் உந்துதலை எதிர்ப்போம்! சோசலிச வேலைத்திட்டத்திற்கு போராடுவோம்!

Public meeting in Chennai, India: 

Oppose the imperialist war drive! Fight for socialist program!


நான்காம் அகிலத்தின் அனைத்துலகக் குழுவின் (ICFI) இந்திய ஆதரவாளர்கள் அக்டோபர் 2-ம் தேதி சென்னையில் ஒரு பொதுக் கூட்டமொன்றை நடத்துகின்றனர், அது நான்காம் அகிலத்தின் அனைத்துலகக் குழுவின் சோசலிசமும் போருக்கு எதிரான போராட்டமும் என்ற அறிக்கை பற்றி விவாதிக்கவும் ஏகாதிபத்திய போர் உந்துதலில் இந்திய அரசாங்கத்தின் பங்கெடுப்பை எதிர்ப்பதற்குமாகும்.
"பயங்கரவாதத்தின் மீதான போர்" என்று அமெரிக்கா தொடங்கி பதினைந்து ஆண்டுகளுக்கு பின்னர் உலகம் முழுவதும் ஏகாதிபத்திய வன்முறைகள் பெருகும் சூழலுக்குள் இழுக்கப்பட்டுள்ளது. அது ஆப்கானிஸ்தான், ஈராக், சிரியா மற்றும் லிபியா உட்பட அனைத்து நாடுகளிலும் இராணுவ பேரழிவை ஏற்படுத்தியுள்ளது.
அமெரிக்க மற்றும் பெரிய ஐரோப்பிய சக்திகள் இப்போது ரஷ்யாவுக்கு எதிரான போர் தயாரிப்பில் ஈடுபட்டுள்ளன. அதே சமயம் இந்தோ-பசிபிக் பிராந்தியத்தில், வாஷிங்டன் அதன் சீனாவிற்கு எதிரான மோதல் போக்கு கொண்ட "ஆசியாவை நோக்கிய முன்னெடுப்பில்" கூட்டாளிகளை பட்டியலிட்டு வருகின்றது.
உலக முதலாளித்துவத்தின் ஆழ்ந்த நெருக்கடியினால் உந்தப்படும் இத்தகைய அபிவிருத்திகள், மனித குலம் இன்னுமொரு பேரழிவான, அணு ஆயுதங்களை கொண்டு போராடப்படும் உலகப் போருக்குள் இழுத்துச் செல்லப்படும் ஆபத்தை அடிக்கோடிட்டுக் காட்டுகின்றன.
சீனாவிற்கு எதிரான ஒரு "முன்னணி களத்தில்" இருக்கும் நாடாக இந்தியாவை ஆக்க வேண்டும் என்று அமெரிக்க தீவிரமாக தள்ளுகிறது. 2014 ல் ஆட்சிக்கு வந்ததில் இருந்து, பிரதமர் நரேந்திர மோடி ஆசியாவில் அமெரிக்காவின் இராணுவத்தை பலமாக கட்டியெழுப்புவதில் இந்தியாவை மேலும் இணைத்துள்ளார்.
பாகிஸ்தான் தொடர்பாக இந்தியாவின் அதிகரித்து வரும் போர் மிரட்டல் அணுகுமுறை, அமெரிக்க ஏகாதிபத்தியத்திடம் இருந்து அது பெற்று வரும் ஆதரவினால் பலப்படுத்தப்பட்டுள்ளது.
சீனாவிற்கு எதிரான அமெரிக்க போர் உந்துதலில், மோடி அரசாங்கத்தின் பங்கெடுப்பு இந்திய தொழிலாள வர்க்கம் மற்றும் ஏழைகளின் முதுகுக்குப் பின்னால் நிகழ்கிறது. இந்திய மார்க்சிச கம்யூனிஸ்ட் கட்சி உட்பட இந்தியாவில் "இடது" என்று அழைக்கப்படுபவை, பூகோள மேலாதிக்கத்திற்கான வாஷிங்டனின் பொறுப்பற்ற உந்துதலினால் எழும் பிரமாண்டமான ஆபத்துக்கள் பற்றி மூடிமறைக்கின்றன.
சர்வதேச மற்றும் சோசலிச கொள்கைகளின் அடிப்படையில் ஒரு பூகோள போர் எதிர்ப்பு இயக்கத்தை கட்டுவதன் மூலம் ஏகாதிபத்திய போர் உந்துதலை எதிர்க்குமாறு தொழிலாள வர்க்கத்துக்கு நான்காம் அகிலத்தின் அனைத்துலகக் குழு அழைப்பு விடுத்துள்ளது.
இராணுவவாதம் மற்றும் போர் அலைகள் எழுச்சி கண்டு வருவதற்கான காரணங்கள் மற்றும் விளைவுகள் பற்றி அக்டோபர் 2 ம் தேதி சென்னை பொதுக் கூட்டத்தில் பேச்சாளர்கள் பகுப்பாய்வு செய்வார்கள் மற்றும் சர்வதேச தொழிலாள வர்க்கம் போராட வேண்டிய அரசியல் மாற்றையும் முன்வைப்பார்கள். இந்த கூட்டத்திற்கு வருகை தந்து இந்த முக்கியமான கலந்துரையாடலில் பங்குபற்றுமாறு தொழிலாளர்கள், இளைஞர்கள், மாணவர்கள் மற்றும் சோசலிச எண்ணம் கொண்ட புத்திஜீவிகளுக்கும் நாம் அழைப்பு விடுக்கின்றோம்.
தேதி: ஞாயிறு, அக்டோபர் 2, 2016, காலை 10.30 மணி
இடம்: முதல் தளம், பெரியார் ஈ.வே.ராமசாமி நாகம்மை கல்வி ஆராய்ச்சி அறக்கட்டளை, 277/2 சென்னை-திருவள்ளுவர் நெடுஞ்சாலை, 
அம்பத்தூர், சென்னை.
[அம்பத்தூர் தொலைபேசி தொடர்பகம் அருகில், HPM கல்யாண மண்டபம் எதிரில்]
Date: Sunday, 2 October 2016, 10.30 a.m.
Venue: First floor, Periyar EV Ramasamy Nagammai Education Research Trust,
277/2 Chennai–Thiruvallur High Road,
Ambattur, Chennai 600053
[Near the Ambattur Telephone Exchange]
http://www.wsws.org/tamil/articles/2016/9-Sept/meet-s24.shtml

Tuesday, 27 September 2016

யாழ்ப்பாண ஆர்ப்பாட்டத்தில் தொழிலாளர்களும் இளைஞர்களும் அமெரிக்க-ஆதரவு இலங்கை அரசாங்கத்திற்கு எதிராகப் பேசினர்

Workers and youth at Jaffna protest speak out against US-backed Sri Lankan regime

சனிக்கிழமை ஆயிரக்கணக்கான தொழிலாளர்களும் இளைஞர்களும் இலங்கை ஜனாதிபதி மைத்திரிபால சிறிசேனவின் அமெரிக்க-ஆதரவு ஆட்சியின் கொள்கைகளையும் இரா.சம்பந்தனின் தமிழ் தேசியவாத கூட்டமைப்பு (TNA) சிறிசேனவுக்கு ஆதரவு வழங்குவதையும் எதிர்த்து யாழ்ப்பாணத்தில் ஊர்வலம் சென்றனர்.
சோசலிச சமத்துவக் கட்சி (சோ.ச.க.) உறுப்பினர்கள், "இலங்கையின் சிறிசேன-விக்கிரமசிங்க-சம்பந்தன் ஆட்சிக்கு எதிராய் தொழிலாளர்களை அணிதிரட்டுவோம்!"என்ற துண்டுப் பிரசுரத்தின் ஆயிரக்கணக்கான பிரதிகளை விநியோகித்ததோடு பேரணியில் கலந்து கொண்டவர்களை பேட்டி கண்டனர். அவர்கள் பல தொழிலாளர்களுடனும், இளைஞர்களுடனும் பேசினார். பேரணியில் சென்ற அனைவருமே சிறிசேன ஆட்சி மீதும் தமிழ் தேசியக் கூட்டமைப்பு மீதும் தங்கள் கோபத்தை வெளிப்படுத்தினர். அதேபோல், இந்த ஆர்ப்பாட்டத்துக்கு அழைப்பு விடுத்த தமிழ் மக்கள் பேரவையை (TPC) பிரதிநிதித்துவம் செய்யும் தமிழ் தேசியவாத கன்னைகளின் மீதும் தங்கள் நம்பிக்கையின்மையை தெரிவித்தனர்.
இலங்கை அரசாங்கம், இலங்கை உள்நாட்டு யுத்தத்தின் முடிவில் தமிழீழ விடுதலைப் புலி போராளிகள் மீது இரத்தக்களரியான பாரிய படுகொலையை மேற்கொண்டு ஏழு ஆண்டுகளின் பின்னர், யுத்தம் ஏற்படுத்திய பேரழிவுகளில் எதுவும் தீர்க்கப்படவில்லை. ஆர்ப்பாட்டக்காரர்கள், காணாமல் போயுள்ள உறவினர்கள் பற்றிய கவலையையும் எதிர்பார்ப்பையும் பற்றி பேசினர், இன்னமும் இலங்கை இராணுவம் ஆக்கிரமித்துள்ள நிலங்களை திருப்பித் தரவேண்டும் என்று கோரினர், மற்றும் அரசியல் கைதிகளை விடுவிக்குமாறு கோரினர்.
தனது பிள்ளைகளின் துணையுடன் அரசுக்கெதிரான எதிர்ப்பை வெளிப்படுத்தும் முதியோர்களில் ஒருவர்
சயந்தன், யாழ் பல்கலைக்கழக மாணவர் கூறியதாவது: "ஏனையவர்களைப் போலவே, நானும் இங்கு சிறிசேன-ரணில் விக்ரமசிங்க அரசாங்கத்திற்கு என் எதிர்ப்பை தெரிவிக்க வந்தேன். ஆட்சிக்கு வந்தபோது, அது 100 நாள் வேலைத் திட்டத்தில் தமிழ் மக்களின் பிரச்சினைகளைத் தீர்க்க வாக்குறுதியளித்தது. ஆனால் கடந்த 21 மாதங்களில் எதுவும் செய்யப்படவில்லை. தமிழ் வாக்காளர்கள் தமது பிரதிநிதிகளாக தமிழ் தேசியக் கூட்டமைப்பை தேர்ந்தெடுத்தனர், ஆனால் அவர்கள் அரசியல் கைதிகளை விடுதலை செய்வதற்கோ அல்லது தமிழ் மக்களைப் பாதிக்கும் வேறு எந்த பிரச்சினைகளையோ தீர்க்க எதையும் செய்யவில்லை. அவர்கள் அரசாங்கத்திற்கு நட்பான எதிர் கட்சியாக மாறிவிட்டனர்."
சயந்தன், தமிழ் மக்கள் பேரவை மீதான தனது அவநம்பிக்கையையும் சுட்டிக்காட்டினார். "இதுவரை நான் பார்த்ததில், இந்த பேரணியின் அமைப்பாளர்களுக்கும் தமிழ் தேசியக் கூட்டமைப்பும் இடையே எந்த வேறுபாடுகளையும் காணமுடியவில்லை," என்ற அவர், "இந்த பேரணியை ஏற்பாடு செய்தவர்கள், தங்கள் அரசியல் தேவைகளுக்காக தமிழ் மக்களின் பிரச்சினைகளைக் கையாள உத்தேசித்துள்ளனர். நாம் போராட்டத்தை நம் கையில் எடுக்க வேண்டும்," என மேலும் கூறினார்.
காணாமல் போன தமது உறவினர்களின் படங்களுடன்
ஒரு கணக்கியல் ஆசிரியை, உலக சோசலிச வலைத் தள நிருபரிடம் தெரிவித்ததாவது: "நான் இந்த பேரணியில் கலந்து கொள்ள குருநகர் பகுதியில் இருந்து வந்தேன். எம்முடைய உரிமைகளுக்காக நாம் பல தசாப்தங்களாக போராடி வந்துள்ளோம் என்பது உலகத்துக்கு தெரியும், ஆனால் படுகொலைகளையும் அழிவுகளையும் தவிர வேறு எதுவும் கிடையாது. புதிய அரசாங்கம் பல வாக்குறுதிகளை அளித்தது. இது நல்லாட்சி மற்றும் மாற்றத்துக்கான அரசாங்கம் என்று எம்மிடம் கூறினர், ஆனால் எதுவும் மாறவில்லை. முந்தைய அரசாங்கம் சீன-சார்பானது, தற்போதைய அரசாங்கம் அமெரிக்கா சார்பானது."
அப்பெண்மணி, அமெரிக்க வெளியுறவுக் கொள்கைக்கு தமிழ் தேசிய கூட்டமைப்பு ஒத்துழைப்பதை விமர்சித்தார்: "அமெரிக்காவும் ஏனைய நாடுகளும் போரில் எமது மக்களை கொன்றபோது அமைதியாக இருந்துவிட்டு, இப்போது தங்கள் நலன்களுக்காக யாழ்ப்பாணத்துக்கு படையெடுக்கின்றன. கடந்த மாதம், அமெரிக்க மற்றும் இலங்கை கடற்படைகள், சம்பந்தனின் ஆதரவுடன் எமது கடற்பரப்பில் ஒரு கூட்டு பயிற்சியை நடத்தின. அவருக்கு அரசியல் கைதிகளை விடுதலை செய்வதில் ஆர்வம் இல்லை, அவரது நோக்கம் அரசாங்கத்துக்கும் அமெரிக்காவுக்கும் சேவை செய்வதே. தமிழ் தேசிய கூட்டமைப்பு எங்களை அரசியல் அனாதைகளாக்கியுள்ளது. இந்த கொள்கையை எதிர்க்கவே நாம் இங்கே வந்துள்ளோம் என நான் நினைக்கிறேன்."
ஆர்ப்பாட்டமானது, தமிழ் தேசிய கூட்டமைப்பின் வாஷிங்டன்-சார்பு மற்றும் கொழும்பு-சார்பு கொள்கைகள் பற்றி மட்டுமன்றி, தமிழ் மக்கள் பேரவையின் அமைப்பாளர்களது கொள்கைகள் மீதான எதிர்ப்பினாலும் குணாம்சப்படுத்தப்பட்டிருந்தது. சிங்கள மற்றும் தமிழ் தொழிலாளர்களுக்கு இடையே பெருகிவரும் ஐக்கிய உணர்வை பிளவுபடுத்துவதற்கு வழி தேடும் முயற்சியாக, இராணுவம் கைப்பற்றிக்கொண்டுள்ள, முன்னர் தமிழர்களுக்கு சொந்தமான நிலத்தில், பெரும்பான்மை சிங்கள இன உறுப்பினர்கள் பௌத்த கோயில்களை கட்டுவிப்பதை எதிர்ப்பது சம்பந்தமாக, பேரணியின் கவனத்தைக் குவிக்க தமிழ் மக்கள் பேரவை முயற்சித்தது.
ஆர்ப்பாட்டத்தில் பங்குபற்றியோர் சோசலிச சமத்துவக் கட்சியின் பிரசுரத்தை ஆர்வமாக படிக்கின்றனர்
ராஜமனோகரன், தமிழ் தேசிய கூட்டமைப்பு மற்றும் தமிழ் மக்கள் பேரவை பற்றி கூறுகையில், "இரு கோஷ்டிகளுக்கும் இடையே எந்த வித்தியாசமும் இல்லை. இரு தரப்பினரும் அரசாங்கத்துடனேயே இருக்கின்றனர். அப்படியெனில் ஏன் அவர்களால் அரசியல் கைதிகள் விடுதலை செய்ய முடியாது? ஏன் அவர்களால் காணாமல் போனவர்கள் பற்றிய உண்மைகளை கண்டுபிடிக்க முடியவில்லை? ஏனெனில், அவர்கள் அதைச் செய்ய விரும்பவில்லை," என்றார்.
"தமிழ் தேசிய கூட்டமைப்பு உட்பட எந்த அரசியல் கட்சியும், மற்ற நாடுகளின் மீதான அமெரிக்காவின் பேரழிவு அரசியல் பற்றி பேசவில்லை, இலங்கையிலான அதன் தலையீடு, அதனது நலன்களுக்கானதாகும் மற்றும் மற்ற நாடுகளை ஒத்த அழிவு இங்கும் உருவாகக் கூடும். மக்கள் இந்த அபிவிருத்திகளைப் பற்றி அந்தளவு விழிப்புடன் இல்லை," என்று அவர் மேலும் கூறினார்.
பஸ் ஓட்டுனர் ஒருவர், சோசலிச சமத்துவக் கட்சி உறுப்பினர்களுடன் தமிழ் தேசியவாதத்தின் வரலாற்று பாத்திரம் பற்றி பேசுகையில், பாராளுமன்ற அரசியலாலோ அல்லது புலிகளின் ஆயுதப் போராட்ட அரசியலாலோ இறுதியில் தமிழ் மக்களின் ஜனநாயக அபிலாஷைகளை நிறைவேற்ற எதுவும் செய்ய முடியவில்லை என்பதில் உடன்பட்டார். தமிழ் மக்கள் பேரவை பற்றி பேசும் போது, இந்த பேரணி எங்களது கோரிக்கைகளை வென்றெடுக்கும் என்ற நம்பிக்கையில் நான் இந்த ஆர்ப்பாட்டத்தில் கலந்துகொண்டேன். நீங்கள் அவர்களைப் பற்றி கூறியது சரியானதே என்று தோன்றுகிறது. அவர்களும் எம்மை ஏமாற்றுகிறார்கள்," என்றார்.
சோசலிச சமத்துவக் கட்சி பிரச்சாரகர்கள் ஆர்ப்பாட்டக்காரர்களுடன் கலந்துரையாடுகின்றனர்
பேரணியில் சோசலிச சமத்துவக் கட்சி உறுப்பினர்களின் தலையீட்டை தமிழ் மக்கள் பேரவை ஏற்பாட்டாளர்கள் கடுமையாக எதிர்த்தனர். துண்டுப் பிரசுரத்தை தமிழ் மக்கள் பேரவை விநியோகிக்கவில்லை எனக் கூறி சோசலிச சமத்துவக் கட்சியின் பிரசுரத்தை வாங்க வேண்டாம் என அழைப்பு விட்னர். அதை கேட்ட தொழிலாளர்களும், இளைஞர்களும் சோசலிச சமத்துவக் கட்சி உறுப்பினர்களைச் சூழ்ந்துகொண்டு மேலும் பிரதிகளை மற்றவர்களுக்காகவும் வாங்கிக்கொண்டனர்.
பேரணியில் ஆற்றிய உரையில், தமிழ் மக்கள் பேரவையின் இணை தலைவர் விக்னேஸ்வரன், சீனாவுடன் போருக்கான ஒரு களமாக இலங்கையை மாற்ற முயலும் அமெரிக்க ஏகாதிபத்தியத்திற்கு தானும் தமிழ்த் தேசிய கூட்டமைப்பபும் வழங்கும் அடிமைத்தனமான ஆதரவை மூடிமறைத்தார். "எமது நல்லாட்சி அரசாங்கம்" தனது வாக்குறுதிகளை நிறைவேற்றவில்லை என வஞ்சகத்தனமாக முறைப்பாடு செய்த அவர், தமிழ் மக்கள் மீதான தொடர்ச்சியான அடக்குமுறைகளுக்கு சம பொறுப்பை கொண்டுள்ள தமிழ் தேசியக் கூட்டமைப்புக்கும் அரசாங்கத்துக்கும் இடையேயான நெருக்கமான உறவுகள் குறித்து பேசுவதை முழுமையாக தவிர்த்துக்கொண்டார்.
விக்னேஸ்வரன் யாழ்ப்பாணத்தில் இருந்துகொண்டு "சர்வதேச சமூகத்துக்கு" வேண்டுகோள் விடுத்த அதே சமயம், சிறிசேன நியூ யோர்க்கில் உள்ள ஐ.நா. பொது சபையின் அமர்வில் பங்கு கொண்டிருந்தார். சிறிசேன இலங்கையில் "சாதகமான மாற்றங்கள்" செய்தமைக்காக ஐ.நா. பொதுச் செயலாளர் பான் கி-மூன் மற்றும் ஐ.நா. மனித உரிமைகள் உயர் ஸ்தானிகர் இளவரசர் செய்ட் ராட் அல்-ஹுசைனாலும் பாராட்டப்பட்டார். ஒபாமாவை சந்தித்த பின்னர், "இலங்கை மற்றவர்களுக்கு ஒரு எடுத்துக்காட்டாக உள்ளது, உதவி தேவைப்படும்போதெல்லாம் அமெரிக்கா எம்மோடு இருக்கும் என்று ஜனாதிபதி ஒபாமா கூறினார்." என சிறிசேன ஊடகங்களுக்கு தெரிவித்தார்.
By Subash Somachandran and K. Nesan
27 September 2016
http://www.wsws.org/tamil/articles/2016/9-Sept/jaff-s27.shtml

சென்னையில் பொதுக்கூட்டம்

ஏகாதிபத்திய போர் உந்துதலை எதிர்ப்போம்!

சோசலிச வேலைத்திட்டத்திற்கு போராடுவோம்!


Public meeting in Chennai, India: 

Oppose the imperialist war drive! Fight for socialist program!


நான்காம் அகிலத்தின் அனைத்துலகக் குழுவின் (ICFI) இந்திய ஆதரவாளர்கள் அக்டோபர் 2-ம் தேதி சென்னையில் ஒரு பொதுக் கூட்டமொன்றை நடத்துகின்றனர், அது நான்காம் அகிலத்தின் அனைத்துலகக் குழுவின் சோசலிசமும் போருக்கு எதிரான போராட்டமும் என்ற அறிக்கை பற்றி விவாதிக்கவும் ஏகாதிபத்திய போர் உந்துதலில் இந்திய அரசாங்கத்தின் பங்கெடுப்பை எதிர்ப்பதற்குமாகும்.
"பயங்கரவாதத்தின் மீதான போர்" என்று அமெரிக்கா தொடங்கி பதினைந்து ஆண்டுகளுக்கு பின்னர் உலகம் முழுவதும் ஏகாதிபத்திய வன்முறைகள் பெருகும் சூழலுக்குள் இழுக்கப்பட்டுள்ளது. அது ஆப்கானிஸ்தான், ஈராக், சிரியா மற்றும் லிபியா உட்பட அனைத்து நாடுகளிலும் இராணுவ பேரழிவை ஏற்படுத்தியுள்ளது.
அமெரிக்க மற்றும் பெரிய ஐரோப்பிய சக்திகள் இப்போது ரஷ்யாவுக்கு எதிரான போர் தயாரிப்பில் ஈடுபட்டுள்ளன. அதே சமயம் இந்தோ-பசிபிக் பிராந்தியத்தில், வாஷிங்டன் அதன் சீனாவிற்கு எதிரான மோதல் போக்கு கொண்ட "ஆசியாவை நோக்கிய முன்னெடுப்பில்" கூட்டாளிகளை பட்டியலிட்டு வருகின்றது.
உலக முதலாளித்துவத்தின் ஆழ்ந்த நெருக்கடியினால் உந்தப்படும் இத்தகைய அபிவிருத்திகள், மனித குலம் இன்னுமொரு பேரழிவான, அணு ஆயுதங்களை கொண்டு போராடப்படும் உலகப் போருக்குள் இழுத்துச் செல்லப்படும் ஆபத்தை அடிக்கோடிட்டுக் காட்டுகின்றன.
சீனாவிற்கு எதிரான ஒரு "முன்னணி களத்தில்" இருக்கும் நாடாக இந்தியாவை ஆக்க வேண்டும் என்று அமெரிக்க தீவிரமாக தள்ளுகிறது. 2014 ல் ஆட்சிக்கு வந்ததில் இருந்து, பிரதமர் நரேந்திர மோடி ஆசியாவில் அமெரிக்காவின் இராணுவத்தை பலமாக கட்டியெழுப்புவதில் இந்தியாவை மேலும் இணைத்துள்ளார்.
பாகிஸ்தான் தொடர்பாக இந்தியாவின் அதிகரித்து வரும் போர் மிரட்டல் அணுகுமுறை, அமெரிக்க ஏகாதிபத்தியத்திடம் இருந்து அது பெற்று வரும் ஆதரவினால் பலப்படுத்தப்பட்டுள்ளது.
சீனாவிற்கு எதிரான அமெரிக்க போர் உந்துதலில், மோடி அரசாங்கத்தின் பங்கெடுப்பு இந்திய தொழிலாள வர்க்கம் மற்றும் ஏழைகளின் முதுகுக்குப் பின்னால் நிகழ்கிறது. இந்திய மார்க்சிச கம்யூனிஸ்ட் கட்சி உட்பட இந்தியாவில் "இடது" என்று அழைக்கப்படுபவை, பூகோள மேலாதிக்கத்திற்கான வாஷிங்டனின் பொறுப்பற்ற உந்துதலினால் எழும் பிரமாண்டமான ஆபத்துக்கள் பற்றி மூடிமறைக்கின்றன.
சர்வதேச மற்றும் சோசலிச கொள்கைகளின் அடிப்படையில் ஒரு பூகோள போர் எதிர்ப்பு இயக்கத்தை கட்டுவதன் மூலம் ஏகாதிபத்திய போர் உந்துதலை எதிர்க்குமாறு தொழிலாள வர்க்கத்துக்கு நான்காம் அகிலத்தின் அனைத்துலகக் குழு அழைப்பு விடுத்துள்ளது.
இராணுவவாதம் மற்றும் போர் அலைகள் எழுச்சி கண்டு வருவதற்கான காரணங்கள் மற்றும் விளைவுகள் பற்றி அக்டோபர் 2 ம் தேதி சென்னை பொதுக் கூட்டத்தில் பேச்சாளர்கள் பகுப்பாய்வு செய்வார்கள் மற்றும் சர்வதேச தொழிலாள வர்க்கம் போராட வேண்டிய அரசியல் மாற்றையும் முன்வைப்பார்கள். இந்த கூட்டத்திற்கு வருகை தந்து இந்த முக்கியமான கலந்துரையாடலில் பங்குபற்றுமாறு தொழிலாளர்கள், இளைஞர்கள், மாணவர்கள் மற்றும் சோசலிச எண்ணம் கொண்ட புத்திஜீவிகளுக்கும் நாம் அழைப்பு விடுக்கின்றோம்.
தேதி: ஞாயிறு, அக்டோபர் 2, 2016, காலை 10.30 மணி
இடம்: முதல் தளம், பெரியார் ஈ.வே.ராமசாமி நாகம்மை கல்வி ஆராய்ச்சி அறக்கட்டளை, 277/2 சென்னை-திருவள்ளுவர் நெடுஞ்சாலை, 
அம்பத்தூர், சென்னை.
[அம்பத்தூர் தொலைபேசி தொடர்பகம் அருகில், HPM கல்யாண மண்டபம் எதிரில்]
Date: Sunday, 2 October 2016, 10.30 a.m.
Venue: First floor, Periyar EV Ramasamy Nagammai Education Research Trust,
277/2 Chennai–Thiruvallur High Road,
Ambattur, Chennai 600053
[Near the Ambattur Telephone Exchange]
http://www.wsws.org/tamil/articles/2016/9-Sept/meet-s24.shtml

Monday, 26 September 2016

சென்னையில் பொதுக்கூட்டம், ஏகாதிபத்திய போர் உந்துதலை எதிர்ப்போம்! சோசலிச வேலைத்திட்டத்திற்கு போராடுவோம்!

Public meeting in Chennai, India: 

Oppose the imperialist war drive! Fight for socialist program!


நான்காம் அகிலத்தின் அனைத்துலகக் குழுவின் (ICFI) இந்திய ஆதரவாளர்கள் அக்டோபர் 2-ம் தேதி சென்னையில் ஒரு பொதுக் கூட்டமொன்றை நடத்துகின்றனர், அது நான்காம் அகிலத்தின் அனைத்துலகக் குழுவின் சோசலிசமும் போருக்கு எதிரான போராட்டமும் என்ற அறிக்கை பற்றி விவாதிக்கவும் ஏகாதிபத்திய போர் உந்துதலில் இந்திய அரசாங்கத்தின் பங்கெடுப்பை எதிர்ப்பதற்குமாகும்.
"பயங்கரவாதத்தின் மீதான போர்" என்று அமெரிக்கா தொடங்கி பதினைந்து ஆண்டுகளுக்கு பின்னர் உலகம் முழுவதும் ஏகாதிபத்திய வன்முறைகள் பெருகும் சூழலுக்குள் இழுக்கப்பட்டுள்ளது. அது ஆப்கானிஸ்தான், ஈராக், சிரியா மற்றும் லிபியா உட்பட அனைத்து நாடுகளிலும் இராணுவ பேரழிவை ஏற்படுத்தியுள்ளது.
அமெரிக்க மற்றும் பெரிய ஐரோப்பிய சக்திகள் இப்போது ரஷ்யாவுக்கு எதிரான போர் தயாரிப்பில் ஈடுபட்டுள்ளன. அதே சமயம் இந்தோ-பசிபிக் பிராந்தியத்தில், வாஷிங்டன் அதன் சீனாவிற்கு எதிரான மோதல் போக்கு கொண்ட "ஆசியாவை நோக்கிய முன்னெடுப்பில்" கூட்டாளிகளை பட்டியலிட்டு வருகின்றது.
உலக முதலாளித்துவத்தின் ஆழ்ந்த நெருக்கடியினால் உந்தப்படும் இத்தகைய அபிவிருத்திகள், மனித குலம் இன்னுமொரு பேரழிவான, அணு ஆயுதங்களை கொண்டு போராடப்படும் உலகப் போருக்குள் இழுத்துச் செல்லப்படும் ஆபத்தை அடிக்கோடிட்டுக் காட்டுகின்றன.
சீனாவிற்கு எதிரான ஒரு "முன்னணி களத்தில்" இருக்கும் நாடாக இந்தியாவை ஆக்க வேண்டும் என்று அமெரிக்க தீவிரமாக தள்ளுகிறது. 2014 ல் ஆட்சிக்கு வந்ததில் இருந்து, பிரதமர் நரேந்திர மோடி ஆசியாவில் அமெரிக்காவின் இராணுவத்தை பலமாக கட்டியெழுப்புவதில் இந்தியாவை மேலும் இணைத்துள்ளார்.
பாகிஸ்தான் தொடர்பாக இந்தியாவின் அதிகரித்து வரும் போர் மிரட்டல் அணுகுமுறை, அமெரிக்க ஏகாதிபத்தியத்திடம் இருந்து அது பெற்று வரும் ஆதரவினால் பலப்படுத்தப்பட்டுள்ளது.
சீனாவிற்கு எதிரான அமெரிக்க போர் உந்துதலில், மோடி அரசாங்கத்தின் பங்கெடுப்பு இந்திய தொழிலாள வர்க்கம் மற்றும் ஏழைகளின் முதுகுக்குப் பின்னால் நிகழ்கிறது. இந்திய மார்க்சிச கம்யூனிஸ்ட் கட்சி உட்பட இந்தியாவில் "இடது" என்று அழைக்கப்படுபவை, பூகோள மேலாதிக்கத்திற்கான வாஷிங்டனின் பொறுப்பற்ற உந்துதலினால் எழும் பிரமாண்டமான ஆபத்துக்கள் பற்றி மூடிமறைக்கின்றன.
சர்வதேச மற்றும் சோசலிச கொள்கைகளின் அடிப்படையில் ஒரு பூகோள போர் எதிர்ப்பு இயக்கத்தை கட்டுவதன் மூலம் ஏகாதிபத்திய போர் உந்துதலை எதிர்க்குமாறு தொழிலாள வர்க்கத்துக்கு நான்காம் அகிலத்தின் அனைத்துலகக் குழு அழைப்பு விடுத்துள்ளது.
இராணுவவாதம் மற்றும் போர் அலைகள் எழுச்சி கண்டு வருவதற்கான காரணங்கள் மற்றும் விளைவுகள் பற்றி அக்டோபர் 2 ம் தேதி சென்னை பொதுக் கூட்டத்தில் பேச்சாளர்கள் பகுப்பாய்வு செய்வார்கள் மற்றும் சர்வதேச தொழிலாள வர்க்கம் போராட வேண்டிய அரசியல் மாற்றையும் முன்வைப்பார்கள். இந்த கூட்டத்திற்கு வருகை தந்து இந்த முக்கியமான கலந்துரையாடலில் பங்குபற்றுமாறு தொழிலாளர்கள், இளைஞர்கள், மாணவர்கள் மற்றும் சோசலிச எண்ணம் கொண்ட புத்திஜீவிகளுக்கும் நாம் அழைப்பு விடுக்கின்றோம்.

தேதி: ஞாயிறு, அக்டோபர் 2, 2016, காலை 10.30 மணி
இடம்: முதல் தளம், பெரியார் ஈ.வே.ராமசாமி நாகம்மை கல்வி ஆராய்ச்சி அறக்கட்டளை, 277/2 சென்னை-திருவள்ளுவர் நெடுஞ்சாலை, 
அம்பத்தூர், சென்னை.
[அம்பத்தூர் தொலைபேசி தொடர்பகம் அருகில், HPM கல்யாண மண்டபம் எதிரில்]

Date: Sunday, 2 October 2016, 10.30 a.m.
Venue: First floor, Periyar EV Ramasamy Nagammai Education Research Trust,
277/2 Chennai–Thiruvallur High Road,
Ambattur, Chennai 600053
[Near the Ambattur Telephone Exchange]
http://www.wsws.org/tamil/articles/2016/9-Sept/meet-s24.shtml

இலங்கையின் சிறிசேன-விக்கிரமசிங்க-சம்பந்தன் ஆட்சிக்கு எதிராய் தொழிலாளர்களை அணிதிரட்டுவோம்!

Mobilise the workers against Sri Lanka's Sirisena-Wickremesinghe-Sampanthan regime!

அமெரிக்க ஆதரவு ஆட்சிமாற்ற நடவடிக்கை ஒன்றில் இலங்கையின் ஜனாதிபதி மைத்ரிபால சிறிசேன மற்றும் பிரதமர் ரணில் விக்கிரமசிங்கவின் “நல்லாட்சி” என்று சொல்லப்பட்ட ஒன்று அமர்த்தப்பட்டு 18 மாதங்களுக்கும் மேல் கடந்து விட்டன. எனினும், தமிழ் தேசியக் கூட்டமைப்பினதும் அதன் தலைவர் சம்பந்தனினதும் ஆதரவை அனுபவித்து வரும் இந்த ஆட்சியின் கீழ், தொழிலாளர்கள், விவசாயிகள், மீனவர்கள், பட்டதாரிகள் மற்றும் மாணவர்கள் முகம்கொடுக்கும் சுமைகள் அதிகரிக்க மட்டுமே செய்துள்ளன.
யாழ்ப்பாணத்தின் இன்றைய ஆர்ப்பாட்டம், சிறிசேன மற்றும் தமிழ் தேசியக் கூட்டமைப்புக்கு எதிரான ஆழமான கோபத்தை பிரதிபலிக்கிறது. இலங்கையின் உள்நாட்டு யுத்தம் முடிந்து ஏழு ஆண்டுகளுக்கும் பின்னர், 1 மில்லியன் மக்கள் தொகையினை கொண்ட வட மாகாணத்தில் 1 இலட்சம் படையினர்கள் இன்னும் நிலைகொண்டுள்ளனர். காணாமல் போன ஆயிரக்கணக்கானோரின் நிலை இன்னமும் தெரியாதுள்ளது, போரில் இடம்பெயர்ந்த ஆயிரக்கணக்கானோர், மனிதர் வாழவொண்ணாத நிலைமைகளில் முகாம்களில் இன்னும் வாழ்ந்து வருகின்றனர். அரசியல் கைதிகள் சிறைகளில் அடைந்து கிடக்கின்றனர், யுத்தத்தால் பாதிக்கப்பட்டவர்களுக்கு எந்த உதவியும் கிட்டாமல் சமூக வலைத் தளங்களினூடாக உதவி வேண்டி எதிர்பார்த்து காத்திருக்கின்றனர். போரில் பாதிக்கப்பட்டவர்களின் எந்த அடிப்படைப் பிரச்சினைகளும் தீர்க்கப்பட்டிருக்கவில்லை என்பது மட்டுமல்ல, ஊதியங்கள் மற்றும் சமூக நலதிட்டங்கள் மீது தாக்குதல் நடத்துகின்ற சிக்கன நடவடிக்கைகளும் தீவிரமடைகின்றன.
சிறிசேனவை அமர்த்திய ஆட்சி மாற்ற நடவடிக்கைக்கும், உழைக்கும் மக்களை சிங்களவர்கள், தமிழர்கள், முஸ்லீம்களாக பிளவுபடுத்தும் தமிழ் தேசியவாத அரசியலுக்கும், இலங்கையின் சோசலிச சமத்துவக் கட்சி காட்டிய எதிர்ப்பு மிகவும் சரியென்பதையே நிகழ்வுகள் நிரூபணம் செய்துள்ளன.
இருந்தபோதிலும் தமிழ் தேசிய கூட்டமைப்பினதும், கொழும்பு ஆட்சியினதும் கொள்கைகளை எதிர்க்கின்ற தொழிலாளர்கள், உழைப்பாளிகள், இளைஞர்கள், இந்த ஆர்ப்பாட்டத்திற்கு அழைப்பு விடுத்திருக்கும் அரசியல் அமைப்புகளுக்கும், தமிழ் தேசிய கூட்டமைப்புக்கும், இடையில் அடிப்படையான வித்தியாசங்கள் ஏதும் கிடையாது என்பதில் எச்சரிக்கையாக இருக்க வேண்டும்.
உள்நாட்டுப் போரின் காலத்தில் விடுதலைப் புலிகள் பயன்படுத்திய வாய்வீச்சை மீண்டும் பிரதியெடுத்தவிதமாக, வட மாகாண சபை முதலமைச்சரான விக்னேஸ்வரனின் தமிழ் மக்கள் பேரவை, இந்த பேரணியை வகுப்புவாத அடித்தளத்தில் “எழுக தமிழ்” என்று அழைத்தது. தமிழ் தேசிய மக்கள் முன்னணி, யாழ் பல்கலைக்கழக சமூகம், சிவில் சமூகம், தொழிற்சங்கவாதிகள் மற்றும் போரின் சமயத்தில் இலங்கை அல்லது இந்திய இராணுவத்தின் துணை இராணுவப் பினாமிகளாக சேவை செய்த குழுக்களான தேவானந்தாவின் ஈழ மக்கள் ஜனநாயகக் கட்சி, பிரேமச்சந்திரனின் ஈழ மக்கள் புரட்சிகர விடுதலை முன்னணி, சித்தார்த்தனின் ஜனநாயக மக்கள் விடுதலை முன்னணி ஆகியவையும் தமிழ் மக்கள் பேரவையுடன் கரம்கோர்த்திருகின்றனர். தமது பங்கிற்கு தென்னிந்திய தமிழ் தேசியவாதிகளும் தமது நல்வாழ்த்துக்களை அனுப்பியுள்ளனர்.
இந்தப் பேரணிக்கு அழைப்பு விடுகையில், தமிழ் தேசியவாதிகள் மூன்று இலக்குகளை மையமாக கொண்டிருக்கின்றனர்.
முதலாவது, அமெரிக்க ஏகாதிபத்தியத்திடம் இருந்தும் இந்திய முதலாளித்துவத்திடம் இருந்தும் ஆதரவுகோரி கூக்குரலிட்டுக் கொண்டிருந்த ஒரு முதலாளித்துவ தேசிய பிரிவினைவாத இயக்கமான விடுதலைப் புலிகளின் சுலோகங்களை சிடுமூஞ்சித்தனமாய் சுரண்டிக் கொள்ளும் தற்போதைய ஒட்டுமொத்த தமிழ் தேசியவாதிகளும், உள்நாட்டுப் போரின் முடிவில் போராளிகள் இராணுவத்தினால் படுகொலை செய்யப்பட்டதில், முன்னிலைப் பாத்திரங்கள் வகித்த அமெரிக்கா, கொழும்பு ஆட்சியுடன் உடன்பாடுகளை எட்டுகின்ற அதே அடிப்படை மூலோபாயத்தையே கொண்டிருக்கின்றனர்.
இரண்டாவது, விடுதலைப் புலிகளின் தேசியவாத சுலோகங்களை ஊக்குவிப்பதன் மூலம், தமிழ் தொழிலாளர்களை சிங்கள, முஸ்லீம் தொழிலாளர்கள் முகம்கொடுக்கின்ற அதே சமூக, பொருளாதார பிரச்சினைகளுக்கே தாமும் முகம்கொடுத்திருக்கிறோம் என்ற அதிகரித்துவரும் விழிப்புணர்வில் இருந்து துண்டிக்க முயல்கின்றனர். இது தொழிலாள வர்க்கத்தை இனவாத, மதவாத ரீதியாக பிளவுபடுத்துவதற்கும், சிறிசேன-விக்கிரமசிங்க-சம்பந்தன் ஆட்சிக்கு, அனைத்து சமூக, மத பின்னணியையும் கொண்ட தொழிலாளர்கள் மத்தியில் அபிவிருத்தி அடைந்து வரும் எதிர்ப்பை தடம்புரளச் செய்வதன் மூலமாக முதலாளித்துவ ஆட்சியை ஸ்திரப்படுத்துவதற்கும் மட்டுமே உதவுகிறது.
மூன்றாவது, இலங்கைக்கு விஜயம் செய்கின்ற அமெரிக்க தூதரக அதிகாரிகள், இராணுவ அதிகாரிகளுடனான தனது சந்திப்புகளை விக்னேஸ்வரன் பெருமிதத்துடன் காட்சிப்படுத்துகின்ற நிலைமைகளின் கீழ், சீனாவுக்கு எதிரான அமெரிக்காவின் “ஆசியாவை நோக்கிய முன்னிலை”யால் தயாரிப்பு செய்யப்படுகின்ற ஒரு உலகப் போரின் அபாயம் பெருகிச் செல்வதை மறைக்க தமிழ் மக்கள் பேரவை முயற்சி செய்கின்றது. அமெரிக்க அதிகாரிகள் யாழ்ப்பாணத்துக்கு வருகை தருவதை வழக்கமாக்கியிருப்பது தங்களது தாராள மனத்தையும் மனிதாபிமான அக்கறையையும் தமிழ் மக்களுக்கு வெளிப்படுத்துவதற்காக அல்ல. போர் ஒன்று உருவாகும் சந்தர்ப்பத்தில், சீனா மீது பொருளாதார முற்றுகையை திணிக்க, ஆசியா, ஐரோப்பா, ஆபிரிக்காவை இணைக்கின்ற பொருளாதாரரீதியாய் இன்றியமையாத இந்திய பெருங்கடலின் வணிகப் பாதைகளின் மீது தமது மேலாதிக்கத்தை பாதுகாத்துக் கொள்வதற்காகவே அவர்கள் முனைப்பு காட்டி வருகின்றனர்.
தமிழ் தேசியவாதிகள் அமெரிக்காவின் போர் முனைப்பின் ஆதரவாளர்களாக பரிணாம வளர்ச்சி கண்டிருப்பதானது, பல தசாப்தங்களாக ஒவ்வொரு இனத்தின் தேசியவாத சக்திகளுக்கு எதிராகவும் சோசலிச சமத்துவக் கட்சி போராடி வந்த ட்ரொட்ஸ்கிச அடித்தளத்திலான எதிர்ப்பை சரியென நிரூபணம் செய்கிறது. இனம், மதம் மற்றும் மொழியின் தடையெல்லைகளைக் கடந்து இந்திய துணைக்கண்டத்திற்கான ஒரு சர்வதேச சோசலிச முன்னோக்கின் அடிப்படையில் தொழிலாள வர்க்கத்தை ஐக்கியப்படுத்துவதற்காக சமரசமற்றுப் போராடி வரும் ஒரே கட்சி சோசலிச சமத்துவ கட்சி மட்டுமே. தெற்காசிய சோசலிச அரசுகளின் பாகமாக ஸ்ரீலங்கா-ஈழம் சோசலிச அரசுகள் என்ற முன்னோக்கின் அடிப்படையிலேயே சோசலிச சமத்துவக் கட்சி இலங்கையின் உள்நாட்டுப் போரை எதிர்த்திருந்தது.
தீவில் இருக்கும் ஒடுக்கப்பட்ட தமிழ் மக்களின் கூட்டாளிகள் சிறிசேன, மோடி அல்லது ஒபாமாவோ அல்ல, மாறாக சிங்கள தொழிலாளர்களும் இந்திய துணைக் கண்டம் உட்பட்ட ஒட்டுமொத்த உலகத்தைச் சேர்ந்த தொழிலாள வர்க்கமுமே ஆகும். இந்த சக்திகளை நோக்கித் திரும்புவதும், தமிழ் தேசியவாதிகள் அமெரிக்க ஆதரவு சிறிசேன ஆட்சியுடன் பேச்சுவார்த்தை நடத்திக் கொண்டிருக்கின்ற புதிய அரசியலமைப்பு சட்டத்தின் மீது ஏற்படுத்த முயலுகின்ற பிரமைகளை நிராகரிப்பதுமே, முன்னோக்கி செல்லும் ஒரே பாதை ஆகும்.
சிறிசேனவுடனான ஒரு “நீண்ட பயண”த்திற்கான தமது திட்டங்களைக் காட்டி யாழ்ப்பாண பேரணிக்கான அதனது எதிர்ப்பை தமிழ் தேசிய கூட்டமைப்பு நியாயப்படுத்தியது. “புதிய அரசியலமைப்புச் சட்டம் தமிழ் மக்களுக்கு ஒரு முழுமையான தீர்வைக் கொண்டுவரும்” என்று கூட்டமைப்பின் இரண்டாமிட தலைவரான எம்.ஏ.சுமந்திரன் வாக்குறுதியளித்தார். “ஏற்கனவே அறுபது வருடங்களாக நாங்கள் எத்தனையோ தடவைகள் ஏமாற்றப்பட்டிருக்கிறோம். இன்னுமொரு தடவை கூடுதலாக நாங்கள் ஏமாற்றப்பட்டாலும் பரவாயில்லை.” என்று சிடுசிடுப்புடன் அவர் சேர்த்துக்கொண்டார்.
யாழ்ப்பாண ஆர்ப்பாட்டத்திற்கு அழைப்புவிடுகின்ற அமைப்புகள், இதே அரசியலமைப்பு சட்டம் மற்றும் ஆட்சியின் மீதான பிரமைகளையே ஊக்குவித்துக் கொண்டிருக்கின்றன. தமிழ் தேசிய மக்கள் முன்னணியின் தலைவர் கஜேந்திரகுமார் பொன்னம்பலம் அறிவித்தார்: “அரசாங்கம் இரண்டு மாதங்களில் அரசியலமைப்பு சட்டத்தை முன்வைக்கவிருக்கிறது. தமிழ் மக்கள் பேரவையின் ஆலோசனைகள் அதில் இடம்பெற்றாக வேண்டும். அம்முறையில் மட்டுமே அத்தனை சமூகப் பிரச்சினைகளும் தீரும். அரசியலமைப்பு சட்டத்தில் நமது நலன்களையும் இடம்பெறச் செய்வதற்கு சிங்கள தேசத்திற்கு நாம் பாரிய அழுத்தத்தைக் கொடுத்தாக வேண்டும்.”
உண்மையில், சமூகப் பிரச்சினைகளை தீர்ப்பதற்கோ, ஜனநாயகத்தை கட்டியெழுப்புவதற்கோ அல்லது இன, மத எல்லைகள் கடந்து உழைக்கும் மக்களை ஐக்கியப்படுத்துவதற்கோ முதலாளித்துவ வர்க்கம் இலாயக்கற்றதாக இருக்கிறது என்பதையே இரண்டாம் உலகப் போருக்குப் பின்னர் இந்திய துணைக்கண்டத்தில் ஸ்தாபிக்கப்பட்ட “சுதந்திர அரசுகளின்” சுமார் 70 ஆண்டு கால வரலாறும் எடுத்துக்காட்டியிருக்கிறது. புதிய அரசியலமைப்பு சட்டமானது பரந்த உழைக்கும் மக்களை பொறுத்தவரை ஒரு முட்டுச்சந்தாகவே இருக்கும். வர்க்க மோதலும் பூகோளப் பதட்டங்களும் பெருகிச் செல்வதன் மத்தியில், சிக்கன நடவடிக்கைகளை திணிக்கின்றதும் ஒரு புதிய ஏகாதிபத்திய போருக்குத் தயாரிப்பு செய்கின்றதுமான ஒரு போலிஸ் அரசு ஆட்சிக்கும், மோசமான அடக்குமுறைக்குமே வழிதிறக்கும்.
சர்வதேச தொழிலாள வர்க்கத்தை நோக்கித் திரும்புவதன் இன்றியமையாத பணி, அதன் புரட்சிகரத் தலைமையைக் கட்டியெழுப்புவதாகும். உலக சோசலிச வலைத் தளத்தை வாசிப்பதற்கும் ஆதரிப்பதற்கும் மற்றும் சோசலிச சமத்துவக் கட்சியில் இணைவதற்கும் தொழிலாளர்கள், இளைஞர்கள் மற்றும் சோசலிச சிந்தனை கொண்ட புத்திஜீவிகளுக்கு நாங்கள் அழைப்பு விடுக்கின்றோம்.'
By V. Gnana
24/09/2016
http://www.wsws.org/tamil/articles/2016/9-Sept/jafn-s24.shtml

LinkWithin

Related Posts Plugin for WordPress, Blogger...

Popular Posts