Search This Blog

Friday, 25 December 2015

2015 இல் "பூமியில் சமாதானம் இல்லை"

No “peace on Earth” in 2015

ந்த விடுமுறை காலத்தில், உலகெங்கிலுமான மக்கள் சகிப்புத்தன்மை மற்றும் சகோதரத்துவ உணர்வுகளை வெளிப்படுத்தி கிறிஸ்துமஸ் பண்டிகையைக் கொண்டாடுவார்கள். அவர்களது தனிப்பட்ட நல்லெண்ணம், ஏதோவிதத்தில், குறைந்தபட்சம் கொஞ்சமாவது, உலகைப் பீடித்துள்ளக் களங்கங்களிலிருந்து அதை தூய்மைப்படுத்தும் என்ற தொலைதூர நம்பிக்கையில், அவர்களுக்குள் பரிசுகளையும் மற்றும் வாழ்த்து அட்டைகளையும் பரிமாறிக் கொண்டு, இன்னும் கொஞ்சம் அதிகமாக சிரிக்க முயல்வார்கள்.
இந்த உள்ளார்ந்த உணர்வுகள், நிச்சயமாக, பாரிய உத்தியோகபூர்வ ஊக்குவிப்பு நடவடிக்கைகளால் சீண்டிவிடப்படுகின்றன. உலகின் பெரும்பகுதிகளில் விடுமுறை காலத்தில் ஒரு வணிக அங்காடிக்கோ அல்லது விமான நிலையத்திற்கோ விஜயம் செய்யும் எவரொருவரும், ஒலிபெருக்கிகளில் "பூமியில் சமாதானம், மனிதர்களுக்குள் நல்லெண்ணம்" என்று ஒலிக்கும், அவற்றைக் கூறுவதற்காகவே கிறிஸ்துமஸ் நல்வாழ்த்துக்களை" ஒலிக்கும் கிறிஸ்துமஸ் உபதேசப் பாடல்களைக் கேட்கலாம்.
இந்த விடுமுறை காலம் எப்போதுமே அரசியல் ஸ்பாதகத்தின் சேவைக்கு அழுத்தமளிப்பதற்குரிய ஒரு காலமாக இருக்கிறது, மதம் மற்றும் வெறித்தனமான வியாபார சந்தைப்படுத்தலுக்கு இடையிலான போட்டிகளிலிருந்து ஒரு "கிறிஸ்துமஸ் உற்சாகம்" உருவாக்கப்படுகிறது. ஆனால் நிறைய ஜனங்களுக்கு இது மிகவும் மகிழ்ச்சியற்ற விடுமுறை காலமாகவும் இருக்கிறது. அதில், "கிறிஸ்துமஸ் உற்சாகம்" என்று முன்வைக்கப்படும் சகிப்புத்தன்மை மற்றும் நல்லெண்ண உத்வேகம் மிக வெளிப்படையாக யதார்த்தத்துடன் மோதுகிறது.
எழுபது ஆண்டுகளுக்கு முன்னர் இரண்டாம் உலக போர் முடிந்ததில் இருந்து, "உலகில் சமாதானம்" இன்மை இந்தளவிற்கு கூர்மையாக இருந்ததில்லை, அல்லது "மனிதர்களின் நல்லெண்ணம்" இந்தளவிற்கு இல்லாமல் போனதும் இல்லை. போப் தொடங்கி ஜோர்டன் இளவரசர் வரையில் நியூ யோர்க் டைம்ஸ்தலையங்க பக்கம் வரையில், எண்ணிறைந்த பொது பிரபலங்கள், மூன்றாம் உலக போர் ஏற்கனவே தொடங்கிவிட்டதாக அறிவிக்கின்றனர்.
அமெரிக்க போர்விமானங்கள் மற்றும் டிரோன்கள் மத்தியக் கிழக்கு மற்றும் வட ஆபிரிக்காவை மொய்க்கின்றன, அவை மில்லியன் கணக்கான மக்கள் மீது குண்டுவீசி, படுகொலை செய்து, கண்மூடித்தனமாக காயப்படுத்தி, அவர்களது வீடுகளிலிருந்து அவர்களை விரட்டி வருகின்றன. பத்திரிகை செய்திகளின்படி, ஜனாதிபதி ஒபாமா சிரியாவில் மக்கள் நிறைந்த பகுதிகளில் குண்டுவீசுவதை இன்னும் அதிகளவில் விரிவாக்கும் திட்டங்களைக் குறித்து யோசிக்க அவரது விடுமுறையைச் செலவிட இருக்கிறாராம், இது பொதுமக்கள் பாதிக்கப்படுவதை இன்னும் துரிதமாக அதிகரிக்கும்.
முதல் இரண்டு உலக போர்களின் சண்டையிட்ட ஒவ்வொரு பிரதான தேசமும், மீண்டும் போர்பாதையில் இறங்கியுள்ளது. ஜேர்மனி மற்றும் ஜப்பான், முறையே ஐரோப்பிய கண்டத்தில் மற்றும் கிழக்கு ஆசியாவில் அவற்றின் செல்வாக்கை மீளஸ்தாபிதம் செய்ய துடிப்போடு மீள்இராணுவமயமாகி வருகின்றன.
போர் மற்றும் வறுமையால் இடம்பெயர்த்தப்பட்ட மில்லியன் கணக்கான மனிதயினம் ஒவ்வொரு இடத்திலும், முறுக்கிய கம்பிகள் மற்றும் துப்பாக்கிகளுடன் நாடுகளால் வரவேற்கப்படுகின்றன. இந்த ஆண்டில் குறைந்தபட்சம் ஐந்து மில்லியன் பேர் அவர்களது வீடுகளை விட்டு தப்பியோட நிர்பந்திக்கப்பட்டனர், இத்துடன் மேற்கத்திய சக்திகளால் தூண்டிவிடப்பட்ட மத்திய கிழக்கு போர்களின் விளைவாக ஐரோப்பாவில் ஒரு மில்லியன் பேர் தஞ்சம் கோரியுள்ளனர்.
சகிப்புத்தன்மை மற்றும் மனித உரிமைகளுக்குச் சுய-பாணியிலான அரண்களாக நிற்கும் இந்த இதே சக்திகள், உதவி கோரி வெள்ளமென வந்த இந்த நிராயுதபாணியான மக்களுக்குத் தங்களின் வெளி எல்லைகளை மூடியும் மற்றும் நூறு ஆயிரக் கணக்கானவர்கள் ஏகியன் கடல் வழியாக அவர்கள் பாதையைக் காண நிர்பந்தித்தும் விடையிறுப்பு காட்டுகின்றன. இப்பாதையில் ஐரோப்பாவிற்குள் கடந்து வர முயன்ற 3,000 க்கும் அதிகமானவர்கள் இந்தாண்டில் மரணமடைந்துள்ளனர், இதில் 1,000 க்கும் மேலானவர்கள் குழந்தைகளாவர்.
பாரிய பெருந்திரளான மனிதயினத்தைப் பொறுத்த வரையில், இந்த கிறிஸ்துமஸ் "மகிழ்ச்சியானதாக" இருக்காது. உண்மையில், சமீபத்திய தசாப்தங்களிலேயே எந்தவொரு கிறிஸ்துமஸூம் இந்தளவிற்கான மக்களுக்கு இந்தளவிலான வறுமையோடு இருந்திருக்குமென கற்பனை செய்வதும் கடினம் தான்.
அமெரிக்காவிலும் மற்றும் உலகெங்கிலும் மில்லியன் கணக்கானவர்களைப் பொறுத்த வரையில், அவர்களது நண்பர்களுக்கும் மற்றும் விருப்பத்திற்குரியவர்களுக்கும் விடுமுறை அன்பளிப்புகளை வாங்கிக் கொடுக்கும் சந்தோஷம் கூட வறுமையால் தடுக்கப்பட்டிருக்கும் இன்னுமொரு ஆண்டாக இருக்கும்.
உலக நிதியியல் மையமான அமெரிக்காவை விட இது வேறெங்கும் இந்தளவிற்கு உண்மையாக இருக்காது, இங்கே ஐந்தில் ஒரு அமெரிக்கர் உணவு-பாதுகாப்பில்லா குடும்பங்களில் வாழ்கிறார் மற்றும் மில்லியன் கணக்கானவர்கள் ஒரு விடுமுறைகால உணவுக்குப் போதிய பணமின்றி அத்தனையையும் துடைத்தெடுக்க போராடுவார்கள். ஊடகங்கள் பெருமைபீற்றும் மொத்த அறநெறி "கருணையைப்" பொறுத்த வரையில், டெக்கன்சிய மட்டத்திலான கொடூர வறுயை மேலோங்கிய சமகாலத்திய அமெரிக்காவை விட அதிக இரக்கமற்ற சமூகத்தை ஒருவர் அரிய விதத்தில் கற்பனை செய்து பார்க்கலாம்.
அமெரிக்க கிறிஸ்துமஸின் ஒரு பொருத்தமான அடையாளமாக, Idaho நடுநிலை பள்ளியின் ஒரு உணவுவிடுதி தொழிலாளர், பசியால் வாடிய ஒரு குழந்தைக்கு இலவசமாக உணவு வழங்கினார் என்பதற்காக "திருட்டு" என்று கூறி வேலையிலிருந்து நீக்கப்பட்டார். அவர் உள்ளூர் செய்தி நிலையத்திற்குக் கூறுகையில், “எனது இதயம் வலிக்கிறது" என்றார். நான் உண்மையிலேயே எனது வேலையை நேசித்தேன், நான் மீண்டும் அதை செய்ய மாட்டேன் என்று என்னால் கூறவியலாது,” என்றார்.
உலகெங்கிலும், அரசாங்கங்களும் ஊடகங்களும் தேசியவாதம், வெளிநாட்டவர் விரோத உணர்வு, வகுப்புவாத வெறுப்பு மற்றும் பீதியுணர்வைத் தூண்டிவிடுவதன் மூலமாக இரக்க உணர்வை எதிர்கொள்ள முனைந்துள்ளன. அமெரிக்காவில், முன்னணி குடியரசு கட்சி ஜனாதிபதி வேட்பாளர் ஒரு பகிரங்கமான வெறியில் உள்ளார். மெக்சிகர்கள் கற்பழிப்பாளர்கள் என்றும், அந்நாட்டிற்குள் முஸ்லீம்கள் நுழைவதற்குத் தடைவிதிக்க வேண்டுமென்றும் அறிவிக்கிறார். ஒரு பிரிட்டிஷ் முஸ்லீம் குடும்பம் டிஸ்னி வோல்டைக் காண விமானத்தில் வந்திறங்கியதும் இம்மாதம் வெளியுறவுத்துறையால் எந்தவித விளக்கமும் இல்லாமல் அவர்கள் தடுக்கப்பட்ட போது, டோனால்ட் ட்ரம்ப் இன் வீராவேசம் நடவடிக்கையில் வெளிப்பட்டது.
ஜேர்மனியில், “வரவேற்கும் கலாச்சாரத்தை" ஊக்குவிப்பவர் என்று கருதப்படும் அங்கேலா மேர்க்கெல், “பன்முக கலாச்சாரம் ஒரு மோசடி" என்று அறிவிக்கிறார். பிரான்சில், அரசியலமைப்பிற்குள் ஒரு நிரந்தர அவசரகால நெருக்கடி நிலையைக் கொண்டு வர முனைந்துவரும் ஆளும் சோசலிஸ்ட் கட்சி, அவர்களது குடியுரிமையிலிருந்து இரட்டை குடியுரிமை முறையை நீக்கும் அதிகாரத்தைப் பெறுவதற்கு உறுதிபூண்டுள்ளது, இந்த நடவடிக்கை கடைசியாக இனப்படுகொலையின் போது விச்சி ஆட்சியின் கீழ் பாரியளவில் யூதர்களை வெளியேற்றுவதற்காக பிரான்சில் பயன்படுத்தப்பட்டது.
2015 இல் உலகைக் கண்டுற்ற எவரொருவரும், 2016 ஆம் ஆண்டு முன்னொருபோதும இல்லாதளவிற்கு வன்முறை மற்றும் சமூக வறுமையின் ஓர் ஆண்டாக இருக்குமென்று எதிர்நோக்குவார். ஆனால் உலக போரின் விளிம்பிற்கு உலகை உந்திவரும் அதே நிகழ்வுபோக்குகள், தொழிலாள வர்க்கத்தின் சமூக போராட்டங்களுக்கும் உயர்வளித்தே ஆக வேண்டும்.

நிதியியல் உயரடுக்கு மற்றும் அதன் அரசியல் பிரதிநிதிகளின் கருத்து-பிரச்சாரகர்கள் மற்றும் தொழில்ரீதியிலான பொய்யர்களைப் போலில்லாமல், மனிதயினத்தின் பெருந்திரளான உழைக்கும் மக்கள் உலகெங்கிலுமான சமாதானம் மற்றும் சகோதரத்துவ கருத்துக்களைத் தீவிரமாக கருதுகின்றனர். அவர்கள் ஒரு நல்லுலகின் மீது நிஜமான நம்பிக்கை வைத்து போராடுகின்றனர்; அதற்காக போராடுவார்களும் கூட. வரவிருக்கும் காலத்தில், மில்லியன் கணக்கானவர்கள், முதலாளித்துவத்தைத் தூக்கியெறிந்து ஒரு சர்வதேச அடித்தளத்தில் சமூகத்தை மறுஒழுங்குபடுத்தும் ஒரு சோசலிச முன்னோக்குடன் ஆயுதபாணியாக்கப்பட்ட தொழிலாள வர்க்கத்தின் ஒரு சுயாதீனமான அரசியல் போராட்டம் மட்டுமே "பூமியில் சமாதானத்தை" எட்ட ஒரே வழி என்பதை முடிவு செய்வர்.
Andre Damon
24 December 2015

http://www.wsws.org/tamil/articles/2015/dec/151225_nope.shtml

Sunday, 25 January 2015

2015ஆம் ஆண்டும், அதிகரித்துவரும் போர் அலையும்

2015 and the rising tide of war
the above image is taken from Internet
செவ்வாயன்று இரவு அவரது நாட்டின் நிலைமை தொடர்பான உரையில் ஜனாதிபதி பராக் ஒபாமா, புதிய நூற்றாண்டின் ஒன்றரை தசாப்தத்தில் குறுக்கீடில்லா போரின் 13க்கும் அதிகமான ஆண்டுகளில் அமெரிக்கா "புதிய பக்கத்தைத் திறந்துள்ளதாகவும்", ஈராக் மற்றும் ஆப்கானிஸ்தானின் அதன் தலையீடுகளில் இருந்து "விலையுயர்ந்த படிப்பினைகளைப்" பெற்றுள்ளதாகவும் தெரிவித்தார்
அமெரிக்க பொருளாதாரத்தின் மீதிருந்த "நெருக்கடி நிழல் அகன்றுவிட்டதாகவும், அதற்காக அதன் "ஆர்ப்பரிக்கும் தொழில்துறைக்கு" நன்றி கூற வேண்டுமென்றும், “மீட்சி" “அதிகளவிலான மக்களின் வாழ்வைத்" தொட்டுவிட்டதுடன், ஊதியங்கள் "இறுதியில் மீண்டும் உயரத் தொடங்கியுள்ளதுடன்" சேர்ந்து, அமெரிக்கா "பின்னடைவிலிருந்து எழுச்சி பெற்றுள்ளதாகவும்ஏமாற்றுத்தனமானதும் பொய்யானதுமான ஜனாதிபதியின்   இந்த வலியுறுத்தல்  எதார்த்தநிலையை போன்றே உள்ளது.
யுத்த போக்கிலிருந்து பின்வாங்குவது பற்றிய ஒபாமாவின் பழகி சலித்துபோன வாதங்கள், அவரது அந்த சொந்த உரையிலேயே பின்தொடர்ந்து வந்த கூற்றுகளால் பொய்யாக்கப்பட்டது. அதில் ஈராக் மற்றும் சிரியாவில் வெள்ளை மாளிகை ஐந்து மாதங்களுக்கு முன்னர் தொடங்கிய புதிய போரை உள்ளடக்கிய, முடிவில்லாமல் இராணுவ படைகளைப் பிரயோகிப்பதற்கு அங்கீகாரம் (AUMF) வழங்குவதை நிறைவேற்றுமாறு காங்கிரஸிற்கு விடுத்த அழைப்பு உள்ளடங்கி இருந்தது.  
தண்டனையிலிருந்து முழு விலக்கீட்டு உரிமையுடன் தங்களைத்தாங்களே பாதுகாத்துக் கொண்டுள்ள புஷ் நிர்வாகத்தின் போது சித்திரவதை திட்டங்களைச் செயல்படுத்தி வந்த அமெரிக்க உளவுத்துறை முகமைகள் இனி சித்தரவதையில் ஈடுபடாது என்று அமெரிக்க ஜனாதிபதி போலியான வாதத்தை அளித்தார். சில மூச்சு அவகாசத்திலேயே, அவர் "பயங்கரவாத செவ்வாய்கிழமைகள்" என்றறியப்படும் வெள்ளை மாளிகை அமர்வுகளில் "படுகொலை பட்டியல்களின்" மூலமாக ஒழுங்கமைக்கப்பட்ட டிரோன் ஏவுகணை தாக்குதல்களை "முறையான கட்டுப்பாடுடன்" பிரயோகிப்பதை முன் கொண்டு வந்தார். இத்தகைய இலக்கில் வைக்கப்பட்ட படுகொலைகள் மீதான ஒரு சமீபத்திய ஆய்வு, பாகிஸ்தானில் 41 தனிநபர்களைப் படுகொலை செய்யும் முயற்சியின் போக்கில், அமெரிக்க டிரோன்கள் 1,147 மக்களைக் கொன்றதை எடுத்துக்காட்டி இருந்தது.
அவருக்கு முன்னர் இருந்த ஜோர்ஜ் டபிள்யு. புஷ்ஷின் வார்த்தை ஜாலங்களையே எதிரொலித்து, “நம்பிக்கை மற்றும் மாற்றத்திற்கானமுன்னாள் பாதுகாவலர் அறிவித்தார்: “அமெரிக்காவிற்கும் மற்றும் நமது கூட்டாளிகளுக்கும் நேரடியான அச்சுறுத்தலை முன்வைக்கும் பயங்கரவாதிகளை அழிக்க, நான் பதவியேற்றதிலிருந்து நாம் சளைக்காமல் செய்துள்ளதைப் போல, நாம் பயங்கரவாதிகளை வேட்டையாடுவதைத் தொடர்வோம், அவர்களது வலையமைப்புகளை அழிப்போம், ஏகமனதாக செயல்படுவதற்குரிய உரிமையை நாம் கொண்டிருக்கிறோம்.” வேறு வார்த்தைகளில் கூறுவதானால், அமெரிக்க ஏகாதிபத்தியம் இந்த பூமியில்சர்வதேச சட்டத்தை தூக்கிவீசிவிட்டு, எந்தவொரு இடத்திலும், யார் மீதும் தாக்குதல்களைத் தொடுக்கும் உரிமையை, தொடர்ந்து வலியுறுத்துகிறது
"9/11க்குப் பின்னர் முதல் முறையாக, ஆப்கானிஸ்தானில் நமது போர் நடவடிக்கை முடிந்துவிட்டது" என்ற  ஒவ்வொருவரிடமிருந்தும் கரகோசம் பெற்ற ஒபாமாவின் ஆரம்ப வரிகளே ஒரு அப்பட்டமான பொய்யாகும். அந்நாட்டில் இன்னமும் சுமார் 15,000 துருப்புகள் இருக்கின்ற நிலையில், சிறப்பு நடவடிக்கை படைகள் காபூலில் அமெரிக்க ஆதரவிலான ஆட்சியின் எதிர்ப்பாளர்களுக்கு எதிராக தேடல் மற்றும் அழித்தல் நடவடிக்கைகளைத் தொடர்ந்து நடத்தி வருகின்றன. அதேவேளையில் ஆப்கானிஸ்தானில் உள்ள மூத்த அமெரிக்க தளபதி, அவர் அமெரிக்க ஆக்கிரமிப்பு படைப்புகளின் "நடவடிக்கையை நீடிப்பதைத்" தேர்ந்தெடுக்கும் அதிகாரத்தைக் கொண்டிருப்பதாக அறிவித்தார்.
கட்டவிழ்ந்துவரும் உலக நிலைமையின் உள்ளடக்கத்தில், புதிய பக்கத்தைத் திறந்திருப்பதைக் குறித்த ஒபாமாவின் வாதம் ஒரு புதிய சமாதான காலக்கட்டத்தை நோக்கி திறந்திருப்பதை அறிவுறுத்தவில்லை, மாறாக ஒரு நூற்றாண்டுக்கு முன்னர் ஒரு பிரளயகரமான உலக போருக்குள் மனிதயினத்தை மூழ்கடித்த அதேவிதமான ஆழமடைந்துவரும் உலகளாவிய பதட்டங்களை நோக்கிய பின்னணியை  அறிவுறுத்துகிறது.
உண்மையில் ஒவ்வொரு கண்டத்திலும், அமெரிக்க ஏகாதிபத்தியம் ஒரு புதிய உலக போரைத் தூண்டிவிட அச்சுறுத்துகிற பொறுப்பற்ற இராணுவவாத தலையீடுகளில் ஈடுபட்டுள்ளது. 2015இன் முதல் மூன்று வாரங்கள் இத்தகைய அச்சுறுத்தல்களின் ஒரு தீவிரப்பாட்டை மட்டுமே கண்டுள்ளது.
அமெரிக்க ஆதரவுடனான கியேவ் ஆட்சியின் படைகளுக்கும் உக்ரேனின் கிழக்கில் உள்ள அதன் எதிர்ப்பாளர்களுக்கும் இடையே மரணகதியிலான சண்டை மீண்டும் தொடங்கியுள்ள நிலைமைகளின் கீழ், பெண்டகன் பாசிய போராளிகள் குழுக்கள் மேலாளுமை செலுத்தும் ஒரு படையான புதிய தேசிய பாதுகாப்புப்படைக்கு ஆலோசனை வழங்கவும், பயிற்சிகள் வழங்கவும் அந்நாட்டிற்கு அமெரிக்க துருப்புகளை அனுப்ப இருப்பதாக அறிவித்துள்ளது. ஏப்ரலில் இருந்து சுமார் 5,000 உயிர்களைப் பறித்துள்ள அந்த மோதலுக்கு ஒரு சமாதானமான தீர்வைப் பரிந்துரைத்த ரஷ்யாவின் பரிந்துரையை, ஒரு "ரஷ்ய ஆக்கிரமிப்பு திட்டம்" என்று கூறி அதை ஒபாமா நிர்வாகம் நிராகரித்துள்ளது.
ரஷ்யா தனிமைப்படுத்தப்பட்டு, அதன் பொருளாதாரம் சீரழிந்து போய்விட்டது" என்று பெருமையடித்துக் கொண்டே, அமெரிக்கா, ஐரோப்பிய ஒன்றியம் மற்றும் நேட்டோவினால் ரஷ்யா மீது திணிக்கப்பட்ட தடையாணைகளால் உண்டாக்கப்பட்ட பேரழிவுகள் மீது அவர் குரூர திருப்திப்பட்டுக் கொண்டார்.
ரஷ்யா மீது ஒரு முடிவான புவிசார் அரசியல் தோல்வியைச் சுமத்துவதற்காக உக்ரேனில் தொடர்ந்து சண்டை நடந்து கொண்டே இருக்குமாறு வைத்திருக்க வாஷிங்டன் தீர்மானகரமாக உள்ளது. அணுஆயுத போர் அபாயம் ஏற்பட்டாலும் கூட, இதை அது யுரேஷிய பெருநிலத்தின் மீது அதன் மேலாதிக்கத்தைப் பலப்படுத்துவதற்கு ஒரு முக்கிய படியாக பார்க்கிறது.
ஆசியாவில், சோனி நிறுவனத்தின்  மீது வடகொரியா இணைய ஊடுறுவல் செய்ததென்ற அதன் ஆதாரமற்ற குற்றச்சாட்டுக்களுடன் அமெரிக்க ஏகாதிபத்தியம் வட கொரியாவுடன், அதேவேளையில் சீனாவுடனான ஒரு மோதல் முயற்சியில், வேண்டுமென்றே பதட்டங்களைத் தூண்டிவிட்டு வருகிறது. பேச்சுவார்த்தைக்கு வந்த வட கொரியாவின் அழைப்பை அமெரிக்க அரசுத்துறை மறுத்தளித்து, இந்த இளவேனிற்காலத்தில் தென் கொரியாவுடன் கூட்டு இராணுவ ஒத்திகைகளுடன் முன்னோக்கி செல்வதன் மூலமாக, கொரிய தீபகற்பத்தில் பதட்டங்களை அதிகரித்து வருகிறது
போர் முனைவுக்கு தலையேற்று வருகின்ற அதேவேளையில், அமெரிக்க ஏகாதிபத்தியம் தனித்து இல்லை. சிறிய ஏகாதிபத்திய சக்திகளும் அவற்றின் சொந்த நலன்களை வலியுறுத்தி வருகின்றன. ஜேர்மனி மற்றும் ஜப்பான் இரண்டுமே பகிரங்கமாக இராணுவவாதத்தைப் புதுப்பிப்பதற்கு ஆதரவாக அவற்றின் இரண்டாம் உலக போருக்குப் பிந்தைய சமரசவாத பாசாங்குத்தனங்களைத் துறந்து வருகின்றன. பிரான்ஸோ மத்திய கிழக்கு, ஆபிரிக்கா மற்றும் அதைக் கடந்தும் ஏகாதிபத்திய தலையீடுகளைத் தீவிரப்படுத்துவதை நியாயப்படுத்த பாரீசில் நடந்த சமீபத்திய பயங்கரவாத தாக்குதல்களைக் கைப்பற்றி வருகிறது. கனடிய துருப்புகள் ஈராக்கில் துப்பாக்கி சண்டைகளில் ஈடுபட்டுள்ளன, அதேவேளையில் ஆஸ்திரேலியாவோ தன்னைத்தானே வாஷிங்டனின் "ஆசியாவை நோக்கிய முன்னெடுப்பில்" ஒரு ஆக்ரோஷமான கூட்டாளியாக அர்பணித்துள்ளது
சிரியா மற்றும் ஈராக்கில் "பயங்கரவாதத்திற்கு" எதிரான ஒரு போராட்டத்தை நடத்தி வருவதாக ஒபாமா கூறிக் கொள்கின்ற அதேவேளையில், மத்திய கிழக்கில் பிரதான அமெரிக்க கூட்டாளியான இஸ்ரேல்முன்னர் வாஷிங்டனே செய்ததைப் போலசிரியாவில் அல் கொய்தாவுடன் இணைப்பு கொண்ட அமைப்புக்கு உதவியும், ஆயுதபாணியாக்கியும் வருகிறது, அதனோடு ஒரு பிராந்தியம் தழுவிய போரைத் தூண்டிவிடும் நோக்கில் ஆத்திரமூட்டும் தாக்குதல்களையும் நடத்தி வருகிறது.
1914 மற்றும் 1939 போலவே, இந்த உலகந்தழுவிய இராணுவவாத எழுச்சியை உந்துச் சென்று கொண்டிருப்பது உலக முதலாளித்துவத்தின் ஆழ்ந்த, நீடித்த மற்றும் முறைப்பட்ட நெருக்கடியாகும், இந்த உலக முதலாளித்துவ அமைப்புமுறையில் ஒவ்வொரு ஏகாதிபத்திய சக்தியும் அதன் போட்டியாளர்களது விலையில் தன்னைத்தானே காப்பாற்றிக் கொள்ள உந்தப்படுகிறது.
ரஷ்ய புரட்சியின் இணை-தலைவர் லியோன் டிரொட்ஸ்கி, போரும் அகிலமும் என்ற அவரது காலத்தால் அழியா அறிக்கையில், ஒரு நூற்றாண்டுக்கு முன்னர், விவரித்ததைப் போல, போருக்கான அடிப்படை காரணம் உலகளாவிய முதலாளித்துவ அமைப்புமுறையின் முரண்பாடுகளில் தங்கியுள்ளது, அனைத்திற்கும் மேலாக முதலாளித்துவ உற்பத்தியின் பூகோளமயப்பட்ட இயல்பிற்கும் மற்றும் முதலாளித்துவமும் உற்பத்திசாதனங்களிகளின் மீதான தனியார் சொத்துடைமையும் அது வேரூன்றியுள்ள தேசிய-அரசு அமைப்புமுறைக்கும் இடையிலான முரண்பாடுகளில் தங்கியுள்ளது.
டிரொட்ஸ்கி எழுதினார், 1914இல் வெடித்த உலக போரானது "அதன் சொந்த உள்ளார்ந்த முரண்பாடுகளால் அழிக்கப்பட்ட ஒரு பொருளாதார அமைப்புமுறையின் வரலாற்றில் மிகவும் பிரமாண்டமான நிலைமுறிவாகும். “தான் முதலாளித்துவ சமூகத்தை வழிநடத்தவும், அதன் பெயரைகூறிக்கொள்வதற்கும் மற்றும் அந்த  சமூகத்தை சுரண்டுவதையும் தனது கடமை எனக்கூறிக்கொண்டதன்", "வரலாற்று திவால்நிலைமையை" அது எடுத்துக்காட்டியது.  
முதலாளித்துவம், அதன் அபிவிருத்தியின் உச்சக்கட்டத்தில், அதன் தீர்க்கவியலாத முரண்பாடுகளைத் தீர்க்க முயலும் அணுகுமுறையே" போர் ஆகும் என்றபோதினும், டிரொட்ஸ்கி தொடர்ந்து கூறுகையில், தொழிலாளர் வர்க்கம் "அதன் சொந்த அணுகுமுறையை, சோசலிச புரட்சியெனும் அணுகுமுறையைக்" கொண்டு அதை எதிர்க்க வேண்டியுள்ளது என்றார்.
இந்த வரிகள் எழுதப்பட்டு ஒரு நூறு ஆண்டுகள் ஆன பின்னர், முதலாளித்துவ அமைப்புமுறை ஒரு அணுஆயுத மூன்றாம் உலக போர் எனும் இன்னும் பெரும் பேரழிவுகரமான அச்சுறுத்தலுடன் மனிதயினத்தை எதிர்கொள்கிறது, இது 1914இல் டிரொட்ஸ்கியால் வரையப்பட்ட மாற்றீட்டை இன்னும் அதிக சக்தியோடும், அவசரத்துடனும் பிரயோகிக்க வேண்டியுள்ளது. பூகோளமயப்பட்ட முதலாளித்துவத்தால் தயாரிக்கப்பட்டு வருகின்ற பேரழிவிலிருந்து வெளியே வருவதற்கு, சர்வதேச சோசலிச வேலைத்திட்டத்தின்  அடிப்படையில் ஒரு பாரிய போர்-எதிர்ப்பு இயக்கத்தைக் கட்டியெழுப்புவதே சர்வதேச தொழிலாளர் வர்க்கத்திற்கு ஒரே வழியாக உள்ளது
Bill Van Auken
23 January 2015
http://www.wsws.org/tamil/articles/2015/jan/150125_and.shtml

Monday, 19 January 2015

பிரான்ஸ் பயங்கரவாதத் தாக்குதல்களுக்கு யார் பொறுப்பு?

image taken from Internet
சென்ற வாரத்தில் பாரிஸில் சார்லி ஹெப்டோ அலுவகங்களின் மீது நடந்த பயங்கரவாதத் தாக்குதல்கள் பிரான்சினால் மட்டுமல்லாது, அமெரிக்கா மற்றும் அதன் கூட்டாளிகளாலும், ஒரு முற்றிலும் பிற்போக்குத்தனமான நிகழ்ச்சிநிரலை முன்னெடுப்பதற்காய் சிடுமூஞ்சித்தனமாக சுரண்டப்படுகின்றது. அடிப்படை ஜனநாயக உரிமைகள் மீதான தாக்குதல்களுடன்  (பிரெஞ்சு போலிஸின் மற்றும் இப்போது துருப்புகளின் பெருந்திரள் குவிப்பால் ஏற்கனவே இது வெளிப்படையாகியிருக்கிறது)  வெளிநாடுகளில்  (முதல் முன்னுரிமையாக மத்திய கிழக்கு மற்றும் வடக்கு ஆபிரிக்காவில்)  போரை அதிகரிப்பதற்கான தயாரிப்புகளும் கைகோர்த்துச் செல்கின்றன.

துப்பாக்கிச் சூடுகள் குறித்த பொதுமக்களது அதிர்ச்சி மற்றும் அச்சத்தை சூழ்ச்சியுடன் கையாளுவதற்கும், எந்த விமர்சனரீதியான கேள்விகளையும் ஒடுக்குவதற்குமான இந்த ஒத்திசைந்த ஏற்பாட்டு பிரச்சாரத்தில் பிரான்ஸ் மற்றும் உலகெங்கிலும் இருக்கும் அடிமைத்தனமிக்க ஸ்தாபக ஊடகங்கள் அத்தியாவசியமான உடந்தையாளர்களாய் இருக்கின்றன. முஸ்லீம்-விரோத மனோநிலையை தூண்டிவிடுவதற்கான குரூரமான முயற்சிகள் தொடங்கி பயங்கரச் செயல் புரிந்தோரை “மேற்கத்திய சுதந்திரங்களின்” எதிரிகளாக சித்தரிப்பதற்கான சிடுமூஞ்சித்தனமான முயற்சிகள் வரையிலும் (காணவும்: சார்லி ஹெப்டோ தாக்குதலுக்குப் பின்னர் கருத்து சுதந்திரம் என்னும் பாசாங்குத்தனம்), இந்த வெளிப்பாடுகள், அனைத்துக்கும் மேல், இந்த துப்பாக்கிச் சூடுகளுக்கான பிரதான அரசியல் பொறுப்பு யாருக்குரியது என்பதான எந்த ஆராய்ச்சியும் நடந்து விடாமல் தடுக்கின்ற நோக்கத்துடன் வடிவமைக்கப்பட்டவையாக இருக்கின்றன.

முக்கிய கயவர்கள் பலரையும் ஞாயிறன்று பிரான்சில் நடந்த உத்தியோகபூர்வ பேரணிக்குத் தலைமை கொடுத்த “உலகத் தலைவர்கள்” இடையேதான் காணக்கூடியதாக இருந்தது. இவர்கள் பங்குபெற்றிருந்த அமெரிக்க தலைமையிலான “பயங்கரவாதத்தின் மீதான போரும்” பெரும்பாலும் முஸ்லீம் நாடுகளிலான அட்டூழியங்களும் தான், மத்திய கிழக்கிலும், ஆபிரிக்காவிலும் மற்றும் ஆசியாவிலும் இளைஞர்களது ஒரு தலைமுறையை அந்நியப்படுத்தி ஆவேசத்துக்குள்ளாகியிருந்தது.

பிரான்ஸ்க்கு உள்ளேயே கூட, ஜனாதிபதி பிரான்சுவா ஹாலண்ட் மற்றும் அவருக்கு முன்பிருந்த ஜனாதிபதி நிக்கோலோ சார்க்கோசி ஆகியோரது கொள்கைகள் புலம்பெயர் சமூகங்களில் அதீத மட்டங்களுக்கு வேலைவாய்ப்பின்மையையும் ஏழ்மையையும் உருவாக்கி விட்டிருக்கிறது. இதனுடன் பர்கா மற்றும் முஸ்லீம் முக்காடுகள் மீதான தடை உள்ளிட்ட இஸ்லாமிய-அச்ச நடவடிக்கைகளும் சேர்ந்து வலது-சாரி இஸ்லாமிய அமைப்புகளுக்கு ஆட்சேர்க்க வளமான ஒரு களத்தை உருவாக்கி விட்டிருக்கின்றன.

இருப்பினும் கூட, சென்ற வாரத் தாக்குதல்களுக்கு பிரான்சின் அரசு எந்திரம் குறைகூறத்தக்கது என்பதான ஒரு மிக உடனடியான உணர்வு நிலவவே செய்கிறது. சார்லி ஹெப்டோ மற்றும் ஒரு கோஷர் மளிகைக் கடை மீதான தாக்குதலை நடத்திய சதிகாரர்கள், அவர்களுக்கு விரித்திருந்த வலையில் இருந்து எப்படியோ தப்பி விட்டார்கள் என்று போலிஸ் மற்றும் உளவுத்துறை முகமைகள் அளிக்கும் விளக்கங்கள் ஒருவரும் ஏற்றுக் கொள்ளத்தக்கதாக இல்லை.

சார்லி ஹெப்டோ அலுவலகங்களின் மீது தாக்குதல் நடத்திய செரிஃப் மற்றும் சாய்த் கௌச்சி சகோதரர்கள் இருவருமே பிரெஞ்சு அதிகாரிகளுக்கு ஒரு தசாப்தத்திற்கும் அதிகமாய் அறியப்பட்டிருந்தவர்களே ஆவர். அவர்கள் அமெரிக்கா மற்றும் பிரிட்டனாலும் கூட பின்தொடரப்பட்டவர்களாக இருந்திருக்கின்றனர்.

இருவரும் துப்பாக்கிச் சூடு சம்பவத்திற்கு முன்பாக “அநேகமாக பின்தொடரப்பட்டிருந்தார்கள்” என்று சென்ற வாரத்தில் ஒப்புக் கொண்ட பிரெஞ்சு உள்துறை அமைச்சர் பேர்னார்ட் கசெனேவ், ஆனாலும் அவர்கள் ஒரு தாக்குதல் நடத்தவிருந்ததற்கான எந்த அறிகுறிகளும் இருந்திருக்கவில்லை என்பதாகக் கூறிக் கொண்டார். செரிஃப் 2005 இல் கைது செய்யப்பட்டு, இஸ்லாமிய அடிப்படைவாதக் குழுவில் சேர்வதற்காக அவர் ஈராக்கிற்கு பயணம் செல்ல சதித்திட்டம் தீட்டிய குற்றம் உறுதி செய்யப்பட்டது. சாய்த் 2011 இல் ஏமன் பயணம் மேற்கொண்டு அரேபியத் தீபகற்பத்தில் அல்கெய்தாவிடம் இருந்து ஆயுதப் பயிற்சி பெற்றதாக பெயர் கூற விரும்பாத அமெரிக்க அதிகாரிகளிடம் இருந்தான தகவல்கள் கூறுகின்றன.

கோஷர் மளிகைக்கடையை கட்டுப்பாட்டில் கொண்டுவந்த அஹமெட் குலிபாலி, ஆயுதங்களைக் கொண்டு வழிப்பறி செய்த குற்றம் உறுதி செய்யப்பட்டவராக இருந்தார் என்பதுடன் பாரிஸில் தீவிர இஸ்லாமிய வட்டங்களில் சேர்ந்து விட்டிருந்தவராகவும் அறியப்பட்டிருந்தார். 2009 இல், சப்வே குண்டுவெடிப்புக் குற்றம் உறுதிசெய்யப்பட்டிருந்த ஸ்மெயின் எய்த் அலி பெல்காசெம்மை - இவர் அல்ஜீரிய ஆயுத இஸ்லாமியக் குழுவின் ஒரு உறுப்பினர் - தப்புவிக்க சதிசெய்ததாய் குற்றம்சாட்டப்பட்டு இவர் கைது செய்யப்பட்டார். இதே வழக்கில் செரிஃப் கௌச்சியும் கூட விசாரிக்கப்பட்டார், ஆனாலும் கூண்டிலேற்றப்படவில்லை. 2014 மார்ச் மாதத்தில் தான் குலிபாலி விடுதலை செய்யப்பட்டிருந்தார்.  

“பயங்கரவாதத்தின் மீதான போரில்” வழக்கமாய் காணக்கூடிய ஒரு நிகழ்வுவரிசையே சென்ற வார பாரிஸ் துப்பாக்கிசூடுகளது விடயத்திலும் தொடர்கிறது. 9/11 தாக்குதல்கள், போஸ்டன் நெடுந்தூர ஓட்ட குண்டுவெடிப்புகள் தொடங்கி இலண்டன் சுரங்கப்பாதை இரயில் மற்றும் மாட்ரிட் இரயில் நிலைய குண்டுவெடிப்புகள், சென்ற மாதத்தில் சிட்னியில் நடந்த காப்பி சிற்றுண்டி விடுதி முற்றுகை வரையிலும் முக்கிய ஏகாதிபத்திய மையங்களில் நடந்திருக்கும் பயங்கரவாத தாக்குதல்களில் சம்பந்தப்பட்ட அல்லது அவற்றுடன் தொடர்புடைய ஏறக்குறைய எல்லோருமே அந்தந்த நாடுகளது பாதுகாப்பு முகமைகளுடன் விளக்கப்படாத மற்றும் சந்தேகத்துக்குரிய உறவுகளை கொண்டிருந்தவர்களாய் இருந்திருக்கின்றனர்.

"சார்லி ஹெப்டோ படுகொலைகளை சுற்றிய முக்கிய கேள்விகள் பதிலளிக்கப்படாமல் போகின்றன” என்ற தலைப்பிலான யூரோநியூஸ் கட்டுரை ஒன்று பிரெஞ்சு பாதுகாப்பு முகமைகள் சதிகாரர்களை நெருக்கமாய் கண்காணித்து வந்ததைத் தவறவிட்டது எப்படி என்று வினவுகிறது. “அதற்கு என்ன காரணமாய் இருக்கலாம் என்றால்” என்று அதுவே சொல்கிறது, “கடந்த காலத்தில் பலமுறை கண்டிருப்பதைப் போல, பிரெஞ்சுக்காரர்கள் பயங்கரவாதிகளை அவர்கள் முயற்சி செய்வதன் பக்கம் ‘திரும்ப’ச் செய்வதற்கு விரும்புகிறார்கள். கௌச்சி சகோதரர்களும் கூட இத்தகையதொரு அணுகுமுறையை பெற்ற நபர்களாக இருந்திருக்கலாம், ஆனாலும் கூட பாரிஸில் எவரொருவரும் இதனை ஒருபோதும் ஒப்புக் கொள்ளத் தயாராய் இருப்பதாகத் தெரியவில்லை, இத்தனைக்கும் இது ஒற்றுவேலையை எதிர்கொள்வதன் ஒரு ஏற்புடைய வடிவமாகவே இருக்கின்றபோதிலும். இப்போதில்லை.”

அரசு எந்திரத்திலான கூறுகளது செயலூக்கமான பங்கேற்பில்லை என்றாலும் கூட, அவை ஓசையெழுப்பாமல் உடந்தையாகவேனும் இல்லாமல் இந்த மூன்று பேர் மட்டும் தானியங்கி ஆயுதங்கள் மற்றும் வெடிபொருட்கள் எல்லாம் கொண்டான ஒரு மிகப்பெரும் சதித்திட்டத்தை தீட்டி நடத்தியிருக்க முடியும் என்பது கொஞ்சமும் நம்பும்படியாக இல்லை. குலிபாலியின் நண்பியான ஹயாத் பூமேடியன் - இவரும் இந்தத் தாக்குதல்கள் தொடர்பான விசாரணையில் தேடப்படுபவர் - தப்பித்தது இன்னும் விசித்திரமாய் இருக்கிறது. விவரங்கள் தெளிவின்றி இருக்கின்ற அதேநேரத்தில், அவர் பிரான்ஸில் இருந்து ஸ்பெயினுக்குத் தப்பி ஓடி, அங்கேயிருந்து துருக்கிக்கு விமானத்தைப் பிடித்து, பின் அங்கிருந்து எல்லை கடந்து சிரியாவுக்குள் சென்றுசேரும் வரைக்கும் கண்டுபிடிக்கப்படாமல் தப்ப முடிந்திருக்க வேண்டும்.

இஸ்லாமிய தீவிரவாத அமைப்புகளுடன் உளவுத்துறை மற்றும் பாதுகாப்பு முகமைகள் வெளிப்படையாகவும் இரகசியமாகவும் சேர்ந்து வேலை செய்வதென்பது ஒரு நெடிய வரலாறைக் கொண்டதாகும். இதில் மிகப் பயங்கரமானதென்றால் 1980களில் ஆப்கானிஸ்தானில் சோவியத் ஒன்றியத்தின் ஆதரவிலான ஆட்சிக்கு எதிராக ஒசாமா பின் லாடன் மற்றும் அல்கெய்தாவின் முன்னோடிகள் உள்ளிட்ட ஜிகாதிஸ்டுகளுக்கு நிதியும், ஆயுதங்களும் மற்றும் பயிற்சியும் அளித்த சிஐஏ இன் மிகப்பெரும் நடவடிக்கையைக் குறிப்பிடலாம். நன்கறியப்பட்ட அல்கெய்தா ஆட்கள் நாட்டிற்குள் நுழைந்து, பயிற்சியெடுத்து 9/11 தாக்குதலை நடத்தி முடிக்க முடிந்ததான சூழ்நிலைமைகள் இன்றைய நாள் வரையிலும் முழு விளக்கமில்லாமலேயே தான் இருந்து கொண்டிருக்கின்றன.

வட ஆபிரிக்காவிலும் மற்றும் மத்திய கிழக்கிலுமான தனது காலனியாட்சி அபிலாஷைகளை பின்தொடரும்விதமாக, பிரெஞ்சு ஏகாதிபத்தியமானது 2011 முதலாக லிபியாவிலும் பின் சிரியாவிலும் அமெரிக்காவின் தலைமையிலான ஆட்சிகளை-மாற்றுகின்ற நடவடிக்கைகளில் முன்வரிசையில் இருந்து வந்திருக்கிறது. அல்கெய்தா தொடர்புடைய இஸ்லாமியப் போராளிகள் தான், நேட்டோ வான் படையின் ஆதரவுடன், லிபியத் தலைவர் மும்மார் கடாபியை பதவியை விட்டு அகற்றி படுகொலை செய்த தரைப் படைகளின் மையமாக இருந்தவர்கள், அவர்கள் தான் இப்போது சூழ்ந்திருக்கும் குழப்பத்தில் மேலாதிக்கத்திற்காகச் சண்டையிட்டுக் கொண்டிருப்பவர்களும்.

சிரியாவில் ஜனாதிபதி பஷார் அல்-அசாத்தை அகற்றப் போர் புரிந்து கொண்டிருக்கும் “போராளிகள்” என்பதாகச் சொல்லப்படுபவர்களுக்கு -இவர்களில் மிகப் பெருவாரியானோர் இஸ்லாமிய அமைப்புகளுடன் தொடர்புபட்டவர்கள்- நிதி, ஆயுதம் மற்றும் பயிற்சியளிக்கும் அமெரிக்க தலைமையிலான பிரச்சாரத்தில் பிரான்ஸ் செயலூக்கத்துடன் பங்குபற்றி வந்திருக்கிறது. “பயங்கரவாதத்தின் மீதான போரில்” சமீபத்திய அத்தியாயத்தின் இலக்காயிருந்த ISIS (ஈராக் மற்றும் சிரியாவின் இஸ்லாமிய அரசு) சிரியாவில் ஒரு பினாமிப் போருக்கான உருவாக்கமே ஆகும்.

லிபியா மற்றும் சிரியாவிலான பிரெஞ்சு நடவடிக்கைகளானவை, காலனி நாடுகளில் தனது அசிங்கமான வேலைகளை செய்யும் பொருட்டு வெளிநாட்டுக்கான படையில் (Foreign Legion) மிகவும் பிறழத்தக்க மனநிலையும் மற்றும் வன்முறையும் கொண்டதான கூறுகளைச் சேர்க்கக் கூடிய பிரெஞ்சு ஏகாதிபத்தியத்தின் நெடிய, குற்றவியல் பாரம்பரியத்தின் வரிசையில் வருபவையாகும். சென்ற வார துப்பாக்கி சூடுகளில் அரசு எந்திரத்தின் பொறுப்பு எந்த மட்டத்திற்கு இருந்தது, ஏன், செயலூக்கத்துடனா அல்லது செயல்படாமல் இருந்ததன் மூலமா என்பதெல்லாம் நிச்சயமாக மூடி மறைக்கப்பட்டு விடும். தாக்குதல்கள் குறித்த எந்த உருப்படியான விசாரணையும் இருக்காது, ஏனென்றால் ஜனநாயக உரிமைகளைப் பறிப்பதற்கும் இராணுவ-உளவு எந்திரத்தைக் கட்டியெழுப்புவதற்கும் மற்றும் புதிய போர்களுக்காய் தயாரிப்பு செய்வதற்குமாய் இத்தாக்குதல்கள் எவ்வாறு சுரண்டப்படுகின்றன என்பதையே அப்படியானதொரு விசாரணை தெள்ளத் தெளிவாக அம்பலப்படுத்துவதாக இருக்கும்.

Peter Symonds
13 January 2015

http://www.wsws.org/tamil/articles/2015/jan/150114_who.shtml

LinkWithin

Related Posts Plugin for WordPress, Blogger...

Popular Posts