w e l c o m e - ரஷ்யப் புரட்சியின் நூற்றாண்டு (1917-2017) - சர்வதேச இணையவழி தொடர் - மார்ச் 11, மார்ச் 25, ஏப்பிரல் 22 மற்றும் மே 6 - இன்றே பதிவு செய்யுங்கள்

Search This Blog

The Struggle of Maruti Suzuki Auto Workers

The Struggle of Maruti Suzuki Auto Workers
Thirteen sentenced to life imprisonment in India Free the framed-up Maruti Suzuki workers!

Tuesday, 29 July 2014

காசாவில் இஸ்ரேலிய போர் குற்றங்களை இந்தியா மூடி மறைக்கிறது

India covers up Israeli war crimes in Gaza

காசாவில் பாலஸ்தீன மக்களுக்கு எதிரான இஸ்ரேலிய இராணுவ தாக்குதலுக்கு இந்தியாவின் புதிய அரசாங்கத்தின் விடையிறுப்பானது, இந்து மேலாதிக்க பாரதிய ஜனதா கட்சி இஸ்ரேலுடன் ஒரு நெருக்கமான கூட்டணியை ஏற்படுத்த பார்த்து வருவதைக் குறித்துக் காட்டுகிறது. இரண்டு வாரங்களாக காசா மீது இஸ்ரேல் ஒரு மரணகதியிலான வான்வழி போர் நடத்திய பின்னர் பாலஸ்தீன பிராந்தியத்தின் மீது அதன் தரைவழி தாக்குதலைத் தொடங்கிய இருந்த நிலையிலும், இந்திய அரசாங்கம் தோற்றப்பாட்டளவிற்கு மவுனமாக இருந்தது.

ஜூலை 10இல், வெளியுறவுத்துறை அமைச்சகத்தின் ஒரு அறிக்கை அரசாங்கத்தின் நிலைப்பாட்டில் ஒரு மாற்றம் இருப்பதற்கு அறிகுறியைக் காட்டியது. "இஸ்ரேல் மற்றும் பாலஸ்தீனத்திற்கு இடையே தீவிரமாக அதிகரித்திருக்கும் வன்முறை குறித்து, குறிப்பாக அப்பாவி மக்களைப் பரிதாபகரமாக கொன்றிருக்கும் மற்றும் பலத்த பொருட்சேதங்களை ஏற்படுத்தி இருக்கும் காசா மீதான பலமான வான்வழி தாக்குதல்கள் குறித்து" இந்தியாவின் ஆழ்ந்த கவலைகளை அது வெளியிட்டது. இருந்த போதினும், “இஸ்ரேல் தரப்பின் இலக்குகளுக்கு எதிரான ராக்கெட் தாக்குதல்களால் எல்லை தாண்டிய ஆத்திரமூட்டல்கள் ஏற்பட்டிருந்ததற்கு" அதன் அதிர்ச்சியை வெளிப்படுத்தி, அது இஸ்ரேலின் தரப்பில் சாய்ந்தது. வேறு வார்த்தைகளில் கூறுவதானால், நடுநிலைமை என்ற போர்வையில் அந்த அரசாங்கம், இஸ்ரேல் காசாவில் அதன் குற்றகரமான நடவடிக்கைகளுக்கு வழங்கும் நியாயப்பாட்டை ஆதரித்தது.

இஸ்ரேலின் படுகொலைகளுக்கு மக்களிடையே எதிர்ப்பு இருந்த போதினும், பிரதம மந்திரி நரேந்திர மோடியும் அவரது அரசாங்கமும் இஸ்ரேலின் நடவடிக்கைகளுக்குக் கண்டனம் தெரிவிக்க மறுத்ததோடு, இந்திய நாடாளுமன்றத்தின் கீழ்சபை மற்றும் மேல்சபையான முறையே லோக்சபா மற்றும் ராஜ்ய சபாவில் கடந்த வாரம் விவாதத்தையும் தடுத்தனர். காங்கிரஸ், ஸ்ராலினிச இந்திய கம்யூனிஸ்ட் கட்சி (சிபிஐ) மற்றும் இந்திய மார்க்சிச கம்யூனிஸ்ட் கட்சி (சிபிஎம்) உட்பட உத்தியோகபூர்வ எதிர்கட்சிகள், இஸ்ரேலின் நடவடிக்கைகளுக்கு அரசாங்கம் உடனடியாக கண்டனம் தெரிவிக்க வேண்டுமென கோரிக்கை விடுத்தன.

ஆனால் இந்த கட்சிகளின் நிலைப்பாடு முற்றிலும் போலித்தனமானதாகும். காங்கிரஸ் கட்சி அந்த யூத-பாதுகாப்புவாத அரசுடன் மிக நெருக்கமாக இராஜாங்க மற்றும் இராணுவ உறவுகளை ஏற்படுத்திக் கொண்டே, அது பாரம்பரியமாக பாலஸ்தீன மக்களின் ஒரு நண்பனாக காட்டிக் கொண்டதோடு, இஸ்ரேலிய நடவடிக்கைகளுக்கு வெற்று விமர்சனங்களை வெளியிட்டது. 1992இல், சோவியத் ஒன்றியத்தின் பொறிவுக்குப் பின்னர், பிரதம மந்திரி நரசிம்ம ராவின் காங்கிரஸ் அரசாங்கம் தான், இஸ்ரேலுடன் ராஜாங்கரீதியிலான உறவுகளை ஸ்தாபித்தது.

இஸ்ரேலுக்கு எதிரான எதிர்ப்பு போராட்டங்கள் ஒப்பீட்டளவில் சிறியதாக இருந்தாலும், புது டெல்லி, மும்பை, பெங்களூர், ஹைதராபாத் மற்றும் காஷ்மீர் உட்பட, இந்தியாவெங்கிலும் பரந்தளவில் நடந்திருந்ததற்கு இடையே, அந்த நாடாளுமன்ற விவாதத்திற்கு அழுத்தம் அளிக்கப்பட்டிருந்தது. காஷ்மீரில் நடந்த போராட்டங்களை ஒடுக்குவதில், மத்திய ரிசர்வ் பொலிஸ் படை (CRPF) கடந்த சனியன்று குல்காம் மாவட்டத்தில் ஒரு இளைஞரைச் சுட்டுக் கொன்றது.

வெளியுறவு விவகாரங்களுக்கான மந்திரி சுஷ்மா சுவராஜ் எந்தவொரு விவாதத்தையும் தடுக்க வழங்கிய பரிந்துரையை ராஜ்ய சபா அவைத்தலைவர் நிராகரித்த பின்னர், இறுதியாக திங்களன்று ராஜ்ய சபாவில் காசா மீதான ஒரு விவாதத்தை எதிர்கட்சிகளால் கொண்டு வர முடிந்தது. "நாம் அவ்விரு தேசங்களோடும் இராஜாங்கரீதியிலான உறவுகளைக் கொண்டிருக்கிறோம். ஆகவே எந்தவொரு நட்பு நாட்டையும் தாழ்வுபடுத்தி குறிப்பிடுவது அவர்களுடனான நமது உறவுகளைப் பாதிக்கும்," என்று கூறி சுவராஜ் அவருடைய நிலைப்பாட்டை நியாயப்படுத்தினார்.

சுவாராஜின் கருத்துக்கள் கடந்த இரண்டு தசாப்தங்களாக இந்தியா ஈடுபட்டு வரும் அந்த சமநிலைப்படுத்தும் நடவடிக்கையைப் பிரதிபலிக்கிறது. 1992இல் இருந்து, அடுத்தடுத்து வந்த காங்கிரஸ் மற்றும் பிஜேபி-தலைமையிலான அரசாங்கங்கள் இஸ்ரேலுடன் மிக நெருக்கமான உறவுகளை ஸ்தாபித்துள்ளன, அது இப்போது ரஷ்யாவிற்கு அடுத்தபடியாக இந்தியாவின் மிகப் பெரிய ஆயுத வினியோகஸ்தராக உள்ளது. இஸ்ரேலினது ஆயுத ஏற்றுமதிகளில் 40 சதவீதத்தை இந்தியா விலைக்கு வாங்கி வருவதாக ஒரு இஸ்ரேலிய நாடாளுமன்ற (Knesset) ஆய்வறிக்கை குறிப்பிட்டது. “இஸ்லாமிய பயங்கரவாதத்திற்கு எதிராக" போராடுகிறோம் என்ற பெயரில் இந்தியாவும் இஸ்ரேலும் அவற்றின் இராணுவங்கள் மற்றும் உளவுத்துறை எந்திரங்களுக்கு இடையிலான ஆழமான தொடர்புகளையும் அபிவிருத்தி செய்துள்ளன.

வெளியேறவிருந்த காங்கிரஸ் தலைமையிலான அரசாங்கத்தின் இறுதி நடவடிக்கைகளுக்கு இடையே, இஸ்ரேல் உடன் ஒரு தாயக பாதுகாப்பு உடன்படிக்கையில் கையெழுத்திட்டதும் ஒன்றாக இருந்தது. பாகிஸ்தான் மற்றும் சீனாவின் அருகில் உள்ள இந்தியாவின் எல்லைகளை ஒட்டி நிறுவுவதற்காக, கடந்த டிசம்பரில் இஸ்ரேலிடம் இருந்து இந்தியா 15 ஆளில்லா டிரோன் விமானங்களை விலைக்கு வாங்கியது. 2009இல், காங்கிரஸ் தலைமையிலான அரசாங்கம் தந்திரமாக வேவு பார்க்கும் ப்ஹால்கான் உபகரண அமைப்புமுறையை இஸ்ரேலிடம் இருந்து விலைக்கு வாங்கியது.

அதே நேரத்தில், எரிபொருள் இறக்குமதிகளுக்காக இந்தியா மத்திய கிழக்கை பலமாக சார்ந்திருப்பதால், இஸ்ரேலின் தரப்பில் மிக பகிரங்கமாக சாய்வதன் மூலமாகவோ அல்லது பாலஸ்தீன மக்களுக்கு எதிரான அதன் போர் குற்றங்களை பகிரங்கமாக ஆதரிப்பதன் மூலமோ அப்பிராந்தியத்தின் அரபு முதலாளிகளிடமிருந்து அது அன்னியப்படவும் முடியாது.

ராஜ்ய சபாவில் நடந்த விவாதத்தின் போது, காங்கிரஸைச் சேர்ந்த எதிர்கட்சி தலைவர் குலாம் நபி ஆஜாத் பேசுகையில், இந்தியாவின் வெளியுறவுக் கொள்கை மாறிவிட்டதா என கேள்வி எழுப்பி, வெளியுறவுத்துறை மந்திரிக்கு சவால் விடுத்தார். சுவராஜ் பதிலளிக்கையில், “பாலஸ்தீனத்தை நோக்கிய இந்தியாவின் கொள்கையில் முற்றிலும் அங்கே எந்த மாற்றமும் இல்லை. அது முழுவதுமாக பாலஸ்தீன தரப்பை ஆதரிக்கிறது, அதேவேளையில் இஸ்ரேலுடனும் நல்லுறவுகளைப் பேணுகிறது," என்றார்.

இந்த பாரபட்சமற்ற அணுகுமுறை என்று அழைக்கப்படுவதற்குப் பின்னால், அந்த அரசாங்கம் இந்தியாவின் வெளியுறவு கொள்கையில் ஒரு மாற்றத்தைக் கொண்டிருக்கிறது. காசாவின் நிராதரவான மக்கள் மீதான இஸ்ரேலிய யுத்த எந்திரத்தின் தாக்குதலுக்கு ஒரு பெயரளவிலான கண்டனத்தையும் கூட அது வெளியிட மறுத்தது, அல்லது அதை பாலஸ்தீன போராளிகளால் இஸ்ரேல் மீது நடத்தப்பட்ட வரம்புக்குட்பட்ட ராக்கெட் தாக்குதல்களோடு சமாந்தரப்படுத்தி காட்டியது, இந்த ஒரு நடவடிக்கை, இஸ்ரேலில் மற்றும் சர்வதேச அளவில் குறிப்பெடுத்துக் கொள்ளப்படும்.

முஸ்லீம்-விரோத இந்து மேலாதிக்கவாதத்தின் அடிப்படையில் அமைந்த பிஜேபி, சந்தேகத்திற்கு இடமின்றி அந்த யூத-பாதுகாப்புவாத ஆட்சியோடு ஒரு அரசியல் உறவைப் பேணுகிறது என்பதோடு, "இஸ்லாமிய பயங்கரவாதத்தின்" மீதான அதன் போரில் அதை ஒரு கூட்டாளியாகவும் கருதுகிறது. இந்த ஆண்டின் தேர்தல்களை வெல்வதற்கு முன்னதாக குஜராத் மாநிலத்தின் முதலமைச்சராக இருக்கையில், மோடி இஸ்ரேலுடன் நெருக்கமான உறவுகளை ஏற்படுத்தி கொண்டிருந்தார்.

மே மாத மத்தியில் வெளியான இன்டர்நேஷனல் பிசினஸ் டைம்ஸின் ஒரு கட்டுரை மோடியை "இஸ்ரேலினது தெற்காசியாவின் சிறந்த நண்பராக" பாராட்டி இருந்தது. அது குறிப்பிடுகையில், “மோடியின் தலைமை மற்றும் ஊக்கத்தின் கீழ் ... இஸ்ரேல் பில்லியன் கணக்கான டாலர்களை முதலீடாக குஜராத்திற்குள் பாய்ச்சி உள்ளது. குஜராத் மற்றும் இஸ்ரேல் இருதரப்பில் இருந்தும் அதிகாரிகள் வர்த்தக மற்றும் பொருளாதார தொடர்புகளை ஆழப்படுத்துவதற்காக கடந்த சில ஆண்டுகளில் ஒருவரையொருவர் சந்திக்க விஜயம் செய்துள்ளனர்," என்று குறிப்பிட்டது.

அதே நேரத்தில், மோடி அரசாங்கத்தால் மத்திய கிழக்கின் அரபு ஆட்சிகளோடு ஒரு பகிரங்கமான முறிவையும் ஏற்றுக் கொள்ள முடியாது. பாலஸ்தீன மக்களை நோக்கிய அரபு முதலாளிமார்களின் போலித்தனமான பாத்திரத்தை நன்கறிந்துள்ள நிலையில், சுவராஜ் விவாதத்தின் போது, "அவ்விரு நாடுகளுக்கும்—இஸ்ரேல் மற்றும் பாலஸ்தீனம்—இடையே பேச்சுவார்த்தைக்கான எகிப்தின் ஏற்பாட்டை ஏற்குமாறு நாம் அவற்றுக்கு கூற வேண்டும்," என்று கூறி, மத்தியஸ்தம் செய்வதற்கான எகிப்தின் ஏற்பாட்டை பிடித்துக் கொண்டார்.

இஸ்ரேலிய இராணுவ நடவடிக்கைகளில் இருந்து தப்பிக்கும் பாலஸ்தீனியர்கள் எகிப்தில் அடைக்கலம் காண்பதைத் தடுப்பதற்காக காசாவை ஒட்டியுள்ள அதன் எல்லைகளை மூடிமுத்திரையிட்டது உட்பட, ஒரு அமெரிக்க வாடிக்கையாளர் ஆட்சியாக விளங்கும் எகிப்திய இராணுவம் பகிரங்கமாக இஸ்ரேலுடன் ஒத்துழைத்துள்ளது. எகிப்திய இராணுவம் தரகு பேச்சுவார்த்தைகளை வழங்கி வருகிறதென்றால், அது இஸ்ரேலிய போர் குற்றங்களால் மத்திய கிழக்கு முழுவதிலும் ஒரு கிளர்ச்சிப் பேரலை உருவாக்கப்படுமோ என்ற அச்சத்தினால் மட்டுமே ஆகும்.

ராஜ்ய சபாவில் அந்த விவாதம் நடப்பதற்கு அனுமதித்திருந்த போதினும், பிஜேபி-தலைமையிலான அரசாங்கம் காசா மீதான இஸ்ரேலிய தாக்குதல்களைக் கண்டித்து ஒரு தீர்மானத்தை கொண்டு வர எதிர்க் கட்சிகளை அனுமதிக்கவில்லை. அதற்கான விடையிறுப்பில், காங்கிரஸூம் ஏனைய எதிர்கட்சி நாடாளுமன்ற பிரதிநிதிகளும் போலியான ஒரு போராட்டக் காட்சியை அரங்கேற்றுவதற்காக வெளிநடப்பு செய்தனர்.

புதனன்று வெளிப்படையாக அதன் உண்மை-ஸ்வரூபத்தைக் காட்டும் விதத்தில், ஒரு பாலஸ்தீன தீர்மானத்திற்கு ஆதரவாக வாக்களிக்க மோடி அரசாங்கம் ஜெனிவாவில் ஐ.நா மனித உரிமைகள் கழகத்தில் உள்ள அதன் பிரதிநிதிகளுக்கு குறிப்புகளை அனுப்பியது. அந்த தீர்மானமோ, இருதரப்பிலிருக்கும் அப்பாவி மக்கள் மீதான தாக்குதல்களைக் கண்டித்திருந்ததோடு, ஆக்கிரமிப்பு பாலஸ்தீன பிராந்தியத்தில், அதுவும் குறிப்பாக காசாவில், மனித உரிமை மீறல்களின் மீது ஒரு சுதந்திரமான விசாரணைக்கு அழைப்பு விடுத்திருந்தது.

அந்த வாக்கெடுப்பு ஒரு ஸ்தாபிக்கப்பட்ட வடிவத்திலேயே நடந்தேறியது. அமெரிக்காவிடம் இருந்து மட்டுமே எதிர்ப்பு ஓட்டு வந்திருந்தது என்ற போதினும், அதன் ஐரோப்பிய மற்றும் ஆசிய கூட்டாளிகள் அந்த வாக்கெடுப்பைத் தவிர்த்திருந்தனர். ஆபிரிக்கா, மத்திய கிழக்கத்திய மற்றும் இந்தியா உட்பட ஆசிய நாடுகளின் வாக்குகளோடு அந்த தீர்மானம் நிறைவேறியது.

இந்தியாவின் வெளியுறவு கொள்கையை அரசாங்கம் மாற்றவில்லை என்பதற்கு ஆதாரமாக, அந்த வாக்கெடுப்பை இந்திய வெளியுறவுத்துறை விவகாரங்களுக்கான மந்திரி சுவராஜ் குறிப்பிட்டுக் காட்டினார். அந்த வாக்கெடுப்பில் எதிராக வாக்களித்திருந்தாலோ அல்லது அதை தவிர்த்திருந்தாலோ சந்தேகத்திற்கு இடமின்றி அது மத்திய கிழக்கிலிருந்து விமர்சனத்தைத் தூண்டிவிட்டிருக்கும். அதுபோன்றவொரு நடவடிக்கையை உடனடியாக எடுக்க அது தயாராக இல்லை என்ற அதேவேளையில், பிஜேபி அரசாங்கம் இஸ்ரேல் உடனான நெருக்கமான உறவுகளின் அடித்தளத்திற்கு தெளிவாக தயாரிப்பு செய்து வருகிறது.

By Deepal Jayasekera 
26 July 2014
http://www.wsws.org/tamil/articles/2014/july/140729_indi.shtml

Sunday, 27 July 2014

காசா மற்றும் உக்ரேன் மீதான அமெரிக்காவின் பொய்களும், போலித்தனமும்

US lies and hypocrisy on Gaza and Ukraine



ண்கள், பெண்கள், குழந்தைகள், மழலைகள் என சுமார் 300 அப்பாவி மக்கள் கொல்லப்பட்டு இருக்கிறார்கள்—அவர்களுக்கும் உக்ரேனிய நெருக்கடிக்கும் எந்த சம்பந்தமும் கிடையாது. அவர்களின் உயிரிழப்பு சொற்களில் விவரிக்க முடியாத ஒரு குமுறலாக இருக்கிறது." —இது உக்ரேனிய விமான வெடிப்புக் குறித்து ஜனாதிபதி பராக் ஒபாமா கூறியது.

"யுத்தம் கடுமையானது, அதை நான் பகிரங்கமாக கூறி இருந்தேன், மீண்டும் அதை நான் கூறுவேன். இஸ்ரேல் என்ன செய்து கொண்டிருக்கிறதோ அதை செய்வதற்கான அதன் உரிமையை நாங்கள் பாதுகாக்கிறோம் ..." —இது காசாவில் பல நூறு மக்கள் கொல்லப்பட்டது குறித்து கேட்கப்பட்ட போது, அமெரிக்க வெளியுறவுத்துறை செயலர் ஜோன் கெர்ரி கூறியது.

"இதுநாள்வரையிலான சமூகங்கள் வர்க்கப் பகமைகளால் நகர்ந்துள்ளமையால், அறநெறி என்பது எப்போதுமே வர்க்க அறநெறியாக இருந்துள்ளது ..." —இது டூரிங்கிற்கு-மறுப்பில் பிரெட்ரிக் ஏங்கெல்ஸ் குறிப்பிட்டதாகும்.

கடந்த வாரத்தில், மேற்கத்திய அரசாங்கங்கள் மற்றும் ஊடகங்களில் இருந்து பெரும் எண்ணிக்கையிலான போலித்தனமும், பொய்களும் உலக மக்களின் கருத்துகள் மீது வீசப்பட்டிருக்கின்றன, அவை சமீபத்திய வரலாறில் சில முன்னுதாரணங்களையும் கொண்டிருக்கின்றன.

இது எப்போது பிரகாசமாக முன்னால் வருகிறதென்றால், உக்ரேனில் மலேசிய பயணிகள் ஜெட் விமான வெடிப்பில் 298 பயணிகள் மற்றும் விமானக்குழு உறுப்பினர்களின் உயிரிழப்புகளுக்குக் காட்டப்படும் எதிர்வினையோடும், இஸ்ரேலிய இராணுவத்தால் நடத்தப்பட்டு வரும் காசா தாக்குதலில் அதைவிட இரண்டு மடங்கு அதிகமாக உள்ள உயிரிழப்புகளுக்குக் காட்டப்படும் விடையிறுப்போடும் ஒருவர் முரண்படும் போது, இது பிரகாசமாக தெரிய வரும்.

உக்ரேனிய விமான விபத்து சம்பவத்தில், நிரூபித்துக் காட்டுவதற்கு ஒரு ஆதார துணுக்கும் கூட இல்லாமல், ரஷ்யாவும் மற்றும் உக்ரேனின் கிழக்கில் சண்டையிட்டு வரும் கியேவ் விரோத படைகளும் பாரிய படுகொலையாளர்களாக குற்றஞ்சாட்டப்பட்டு இருக்கின்றன. தோற்றப்பாட்டளவில் ஜூலை 17இல் அந்த போயிங் 777 சுட்டு வீழ்த்தப்பட்டதன் முதல் செய்தி வந்ததில் இருந்து, ஒபாமா நிர்வாகத்தால் இந்த போக்குத்தான் எடுக்கப்பட்டு இருந்தது — உத்தியோகபூர்வ செய்திகளோடு அதே அணிவகுப்பில் நடைபோட்ட ஊடகங்களாலும் அது எதிரொலிக்கப்பட்டது.

வெள்ளை மாளிகையில் இருந்து வெளியிட்ட அவரது முதல் அறிக்கையில், அந்த விமான வெடிப்பின் மரணங்களை "இதயத்தை பிளப்பதாக," ஒரு "கொடூர இழப்பாக" மற்றும் "சொற்களில் விவரிக்க முடியாத ஒரு குமுறலாக" ஒபாமா வர்ணித்தார். ஊடங்களும் அதே தொனியை, அதில் உயிரிழந்தவர்களின் விபரங்களோடும் மற்றும் உலகெங்கிலும் இருந்து வந்த இரங்கல் செய்திகளோடும் பின்தொடர்ந்தன.

காரணம் என்னவாக இருந்தாலும், அந்த 298 அப்பாவி மக்களின் உயிரிழப்பு ஒரு கொடூரமான துயரமாகும். ஆனால், காசாவில் கொல்லப்பட்டு வரும் பாலஸ்தீனியர்களின் எண்ணிக்கை 700ஐ எட்டி வருகின்ற நிலையில், அமெரிக்க-நிதியுதவி அளிக்கப்பட்ட அந்த தாக்குதலுக்கு வாஷிங்டன் மற்றும் ஊடகங்களின் மூச்சடைக்கும் இரக்கமற்ற விடையிறுப்போடு அது எந்தளவிற்கு முரண்படுகிறது பாருங்கள். அவர்களில் பெரும்பாலானவர்கள் எதிர்த்து போராட முடியாத அப்பாவி பொதுமக்கள், அவர்கள் குறித்த அடையாளங்கள் கூட பெரிதும் பதிவு செய்யப்படவில்லை, அத்தோடு அவர்களது அன்புக்குரியவர்களின் மரண வேதனைகள் கூட பொதுவாக புறக்கணிக்கப்பட்டிருந்தன.

ABC செய்தி நிகழ்ச்சியான "This Week"இன் ஒரு நேர்காணலில், அமெரிக்க வெளியுறவுத்துறை செயலர் கெர்ரி, காசாவில் நடக்கும் பாரிய கொலைகள் ஒரு இனப்படுகொலையாகும் மற்றும் யுத்த குற்றமாகும் என்ற குற்றச்சாட்டுக்களை உதறித் தள்ளியதோடு, “அந்த புலம்பல்களை நாம் பல பலமுறை கேட்டிருக்கிறோம்," என்று இழிவாக அறிவித்தார். “யுத்தம் அருவருப்பானது, மேலும் மோசமான விடயங்கள் நடக்க உள்ளன," என்பதையும் அவர் சேர்த்துக் கொண்டார்.

இவ்விதத்தில், உக்ரேனில் விமான உயிரிழப்புகளின் மீது தனது கரங்களைப் பிசைந்து கொண்டு, ரஷ்யாவிற்கு எதிராக அறநெறி கடப்பாடுகளின் மீது மிகவும் ஆத்திரமூட்டும் குற்றச்சாட்டுக்களை சுமத்தி வருகின்ற அதே அரசாங்கம், காசாவில் மக்கள் கொல்லப்படுவதில் முற்றிலும் உடந்தையாய் இருக்கிறது. அந்த சம்பவத்திற்கு நேரடியாக பொறுப்பான இரத்தவெறி கொண்ட இஸ்ரேல் அரசுக்கு அதன் அரசியல் ஒப்புதலை மட்டுமல்ல, மாறாக மேற்கொண்டும் தாக்குவதற்கு ஒரு நிபந்தனையற்ற ஆதரவையும் அது வழங்குகிறது.

இத்தகைய கொடூரமான சம்பவங்கள் கட்டவிழ்ந்து வருகின்ற நிலையில், இந்த இரண்டு மனித துயரங்களுக்கும் அவை காட்டிய முற்றிலும் வெவ்வெறான விடையிறுப்புகளில் இருந்த விசித்திரமான முரண்பாடுகளோடு கூடிய பிரச்சார முயற்சியிலிருந்து, வாஷிங்டனோ அல்லது மேற்கத்திய ஊடகங்களோ பின்வாங்கவில்லை.

சட்ட நெறிமுறைகளில் “அசுத்தமான கரங்களின்" தத்துவங்கள் தங்கியிருக்கின்றன, அது நீதிமன்றத்தின் உதவி கோரும் எவரொருவரும் அவரவரின் வாதத்திற்குரிய விடயத்தில் தவறு செய்யாத அப்பாவியாக இருக்க வேண்டும் என்பதை தாங்கிப் பிடிக்கிறது. அதுபோன்றவொரு தத்துவத்தை உலக அரசியலின் நிஜத்தோடு பொருத்திப் பார்த்தால், அது அமெரிக்க அரசாங்கத்திற்கு தான் பொருந்துகிறது.

அறநெறி விடயம் மீது ஏதாவதொரு சொற்பொழிவை வழங்க, உலகில் உள்ள எல்லா அரசாங்கங்களையும் நிறுத்தினால், வாஷிங்டனே அடிமட்டத்தில் கடைசியாக நின்று கொண்டிருக்கும். இடைவிடாது குண்டுவீசுவதில் ஆகட்டும் அல்லது காசாவில் வீடுகள், மருத்துவமனைகள், மசூதிகள் மற்றும் மனித உயிர்களை அழிப்பதில் ஆகட்டும் ஒபாமா நிர்வாகம் இவற்றில் நேரடியாக உடந்தையாய் இருக்கிறது என்பது மட்டுமல்ல, அமெரிக்க அரசாங்கம் கடந்த தசாப்தத்தில் மத்திய கிழக்கில் ஏறக்குறைய 500,000 மற்றும் ஒரு மில்லியனுக்கு இடையிலான மக்களின் உயிர்களைப் பறித்துள்ள இராணுவ நடவடிக்கைகளை அதுவே நடத்தியுள்ளது, இதில் பாரிய பெரும்பான்மையினர் அப்பாவி பொதுமக்களாவார்கள்.

அமெரிக்காவினதும் மற்றும் அந்த மலேசிய விமான பேரிடருக்காக மாஸ்கோவைக் குற்றஞ்சாட்டுவதில் வாஷிங்டனின் பிரதான பங்காளியான உக்ரேனினதும் கடந்தகால வரலாற்றுச் சுவடுகளைப் பார்க்கையில், அந்த குற்றஞ்சாட்டுபவர்கள் மீதே நேரடியாக சந்தேகங்களைத் திருப்புவதற்கு அங்கே எல்லா காரணங்களும் இருக்கின்றன.

முதல் சான்றாக, அந்த இரண்டு அரசாங்கங்களுமே பயணிகள் விமானங்களைச் சுட்டு வீழ்த்துவதில் புதியவை அல்ல. மிக சமீபத்திய முந்தைய சம்பவம் அக்டோபர் 2001இல் நடந்தது, அப்போது இஸ்ரேலுடன் பிணைப்புக்கொண்டிருந்த ஒரு சேர்பிய ஏர்வேஸ் விமானத்தை உக்ரேன் இராணுவம் ஒரு ஏவுகணைக் கொண்டு தாக்கியதில், அந்த விமானத்தில் இருந்த 78 பேரும் கொல்லப்பட்டார்கள்.

வாஷிங்டன் அதன் பங்கிற்கு, அதேபோன்ற சம்பவத்தில் முந்தைய மிகப் பெரிய உயிரிழப்புகளில் ஒன்றுக்கு பொறுப்பாக இருந்தது. 1988இல், அதிநவீன அமெரிக்க யுத்தக்கப்பலான வின்சென், ஈரானிய கடல்பகுதிக்குள் சென்று, ஈரானிய ஏர்லைன்ஸ் விமானத்தைச் சுட்டு வீழ்த்தியது, அதில் இருந்த 290 பேரும் மொத்தமாக கொல்லப்பட்டார்கள். இந்த அட்டூழியத்திற்கு வாஷிங்டன் ஒருபோதும் மன்னிப்பு கோரவில்லை என்பது மட்டுமல்ல, ஏவுகணையை ஏவிய அந்த கப்பலின் முதன்மை அதிகாரிக்கு ஒரு விருதையும் வழங்கி கவுரவித்தது.

மலேசிய ஏர்லைன்ஸ் பேரிடரைக் குறித்து குமுறிய ஊடக செய்திகள் எதிலுமே, இத்தகைய அதிர்ச்சியூட்டிய வரலாற்று முன்னுதாரணங்கள் குறிப்பிடப்படவே இல்லை என்பதைக் குறிப்பிடுவதும் மதிப்புடையதாக இருக்கும்.

அமெரிக்காவும் கியேவில் உள்ள ஆட்சியும் மாஸ்கோவைக் குற்றஞ்சாட்டியுள்ளதோடு, கிழக்கு உக்ரேனில் உள்ள கியேவ்-விரோத கிளர்ச்சியாளர்களுக்கு சட்டவிரோதமாக ஆயுதமளித்துள்ளது என்ற அடித்தளத்தில் மற்றும் அந்த விமானத்தைச் சுட்டு வீழ்த்த உபயோகப்படுத்தப்பட்டதாக கருதப்படும் விமானந்தாக்கும் ஆயுதங்களைப் பயன்படுத்துவதில் அவர்களுக்கு அது ஆயுதப்பயிற்சி அளித்தது என்ற அடித்தளத்திலும், மலேசிய ஏர்லைன்ஸ் விபத்துக்கான முழு பொறுப்பையும் சுமத்தி ரஷ்ய ஜனாதிபதி விளாடிமீர் புட்டினை அசுரத்தனமாக சித்தரித்தன.

இதுவரையில், யாருடைய முந்தைய வெறித்தனமான ரஷ்ய-விரோத குற்றச்சாட்டுக்கள் பொய்கள் என அம்பலமாகி உள்ளதோ, அதே உக்ரேனிய உளவுத்துறை அமைப்பால் யூ-டியூப்பில் வெளியிடப்பட்ட பதிவுகள் மற்றும் காணொளிகளை இந்த குற்றச்சாட்டுக்கள் முற்றிலுமாக அடிப்படையாகக் கொண்டிருக்கின்றன.

அந்த புள்ளிக்கு கூடுதலாக, புட்டினுக்கு எதிரான குற்றச்சாட்டின் அரசியல் சாரம்—அதாவது கிழக்கு உக்ரேனின் மேலெழுச்சிகளை அடக்க அவர் தவறியதால் அந்த பேரிடருக்கு அவரே பொறுப்பாகிறார் என்பது—வாஷிங்டனின் நடவடிக்கைகளுக்கு இன்னும் மேலதிகமாக பொருந்துவதாக இருக்கிறது. அதற்கும் மேலாக, 100,000க்கும் மேற்பட்ட சிரிய மக்களின் மரணங்களோடு அந்நாட்டைச் சின்னாபின்னமாக ஆக்கி, ஒரு மிக பரந்த அளவிலான மனித துயரத்தை உருவாக்கியுள்ள ஒரு உள்நாட்டு யுத்தத்தை தூண்டுவதில், ஒபாமா நிர்வாகம் சிரியாவில் உள்ள இஸ்லாமிய கிளர்ச்சியாளர்களுக்கு அரசியல்ரீதியாக ஆதரவளித்தது, நிதியுதவி அளித்தது மற்றும் ஆயுத உதவியும் அளித்தது. லிபியாவில் ஒரு ஆட்சி மாற்றத்திற்காக, 50,000 லிபிய மக்களைக் கொன்ற, அதேயளவிற்கு பேரழிவுகரமான விளைவுகளை ஏற்படுத்திய, நேட்டோ குண்டுவீச்சோடு ஆதரிக்கப்பட்ட, இதே போன்றவொரு யுத்தத்தை அது நடத்தியது.

அதுவே இஸ்ரேலியர்கள் நடத்தும் பாலஸ்தீனியர்கள் மீதான படுகொலைகள் என்று வரும்போது, ஒவ்வொரு ஆண்டும் இராணுவ உதவியாக பில்லியன் கணக்கான டாலர்களை இஸ்ரேலுக்கு வழங்கி வருகின்ற அமெரிக்காவிற்கு அந்தமாதிரியான அறநெறி தரமுறைகள் பொருந்துவதில்லை.

உக்ரேன் விவகாரத்திலேயே கூட, தற்போதைய நெருக்கடிக்கான முதன்மை பொறுப்பு அமெரிக்கா மற்றும் ஜேர்மனி மீதே விழுகிறது, கடந்த பெப்ரவரியில் மக்களால் தேர்ந்தெடுக்கப்பட்ட ஒரு அரசாங்கத்தை தூக்கியெறிவதற்காக கியேவில் பாசிசவாதிகள்-முன்னிலை வகித்த ஆட்சிக்கவிழ்ப்பு சதியை அவை ஆதரித்ததோடு, அதற்கு ஒத்து ஊதியிருந்தன, அதுவே மொத்த இரத்தந்தோய்ந்த நிகழ்வுப்போக்கையும் இயக்கத்திற்கு கொண்டு வந்திருக்கிறது.

வாஷிங்டன், அப்போதும் சரி இப்போதும் சரி, யுரேஷியா மற்றும் பூகோளம் தழுவிய மேலாதிக்கத்திற்கான அதன் வேட்கைக்கு ரஷ்யாவை ஒரு தடையாக கருதி அதை நீக்கும் நோக்கில் ஒரு ஆத்திரமூட்டும் கொள்கையைப் பின்தொடர்ந்துள்ளது. மலேசிய ஏர்லைன்ஸ் விமானம் குறித்த என்ன உண்மைகள் வெளியானாலும், கிழக்கு ஐரோப்பா மற்றும் அதைக் கடந்தும் தங்களின் இராணுவவாத மற்றும் ஏகாதிபத்திய நிகழ்ச்சிநிரல்களை முன்னெடுக்க இந்த துயர சம்பவத்தை சுரண்டுவதே அமெரிக்கா, ஜேர்மனி மற்றும் அதன் கூட்டாளிகளின் முதன்மை நோக்கமாகும் என்பது மிக வெளிப்படையாக தெளிவாகி உள்ளது.

ரஷ்யாவின் தரப்பிலிருந்து, அதாவது அந்த விமான பேரிடர் மீதான கவலைப்படுத்தும் ஆதாரமற்ற குற்றச்சாட்டுக்கள் மீது கேள்விகளையும், உண்மைக்கு புறம்பான முரண்பாடுகளையும் அது எழுப்புகிறது, அது உலகம் தழுவிய "பிரச்சாரம்" மற்றும் "சூழ்ச்சி கோட்பாடுகளுக்கு" கண்டனம் தெரிவித்துள்ளது, மற்றும் ரஷ்ய ஊடகங்கள், அரசாங்கம் மீது பரப்பி விடப்படும் பொய்களை ஒதுக்கித் தள்ளியுள்ளன. எவ்வாறிருந்த போதினும், மேற்கின் பெருநிறுவன-கட்டுப்பாட்டிலான பிரச்சார எந்திரத்தோடு ஒப்பிடுகையில் கிரெம்ளின் ஒரு ஆரம்ப படியில் இருக்கிறது, அது வாஷிங்டன் மற்றும் அதன் கூட்டாளிகளிடம் இருந்து வரும் முற்றிலும் ஆதாரமற்ற குற்றச்சாட்டுக்கள் மற்றும் மிகவும் மூர்க்கமான பழித்தூற்றல்களைக் கேள்வியின்றி திரும்ப திரும்ப கூறி வருவதோடு, அவற்றை பெரிதாக்கிக் காட்டுகிறது.

வாஷிங்டன் மற்றும் அதன் அதிகாரிகளால் கூறப்படும் எதையுமே அதன் உண்மை மதிப்பில்லாமல் ஒப்புக் கொள்ள முடியாது என்பதை சமீபத்திய வரலாறு மீண்டும் மீண்டும் நிரூபித்திருக்கிறது. உலகில் வேறெந்த அரசாங்கமும் அமெரிக்கா அளவிற்கு இத்தனை மோசமான பொய்களுக்கு உடந்தையாய் இருந்திருக்காது. அதன் நம்பகத்தன்மை அமெரிக்காவிற்குள்ளேயே மிக மிக குறைவாக இருக்கிறது, அங்கே "பேரழிவு ஆயுதங்கள்" குறித்த பொய்களின் அடித்தளத்தில் தொடங்கப்பட்ட ஒரு பேரழிவுகரமான யுத்தத்தின் கொடுமையான அனுபவம், அமெரிக்க உழைக்கும் மக்களின் நனவில் பதிந்து போயுள்ளது.

இந்த அல்லது அந்த நாட்டின் மனித உயிரிழப்புகள் மீதோ அல்லது குற்றகரமான முறையில் மனித உரிமைகள் மற்றும் ஜனநாயக உரிமைமீறல்கள் மீதோ வெளிப்படும் வாஷிங்டனின் சீற்றமான வாதங்கள், எப்போதும் போலித்தனத்தில் வீழ்ந்திருக்கின்றன. காசாவில் அப்பாவி மக்களை அறநெறியின்றி படுகொலை செய்வதை ஒரேசமயத்தில் ஆதரிக்கின்ற அதேவேளையில், உக்ரேனில் MH17 விமான பேரிடரோடு தொடர்புபடுத்தி அது விடுக்கும் போலியான அறநெறி முறையீடுகள், 137ஆண்டுகளுக்கு முன்னர் பிரெட்ரிக் ஏங்கெல்ஸால் வழங்கப்பட்ட பகுப்பாய்வு அன்றைக்கு போலவே இன்றைக்கும் உண்மையாக இருக்கிறது என்பதையே உறுதிப்படுத்துகிறது.

அறநெறி என்பது "எப்போதும் ஒரு வர்க்கரீதியிலான அறநெறியாகவே" இருந்துள்ளது என்று ஏங்கெல்ஸ் எழுதினார். அது "ஒன்று ஆளும் வர்க்கத்தின் மேலாதிக்கத்தையும் மற்றும் நலன்களையும் நியாயப்படுத்துகிறது, அல்லது... அந்த மேலாதிக்கத்திற்கு எதிரான மற்றும் ஒடுக்கப்பட்டவர்களின் எதிர்கால நலன்களுக்கு எதிரான தாக்குதலைப் பிரதிநிதித்துவப்படுத்துகிறது."

Bill Van Auken
23 July 2014
http://www.wsws.org/tamil/articles/2014/july/140725_usli.shtml

காசா யுத்தக் குற்றங்களும், தேசியவாதத்தின் திவால்நிலையும்

The Gaza war crimes and the bankruptcy of nationalism

காசாவின் பாலஸ்தீன பிராந்தியம், இஸ்ரேலிய அரசினால் இழைக்கப்படுகின்ற வார்த்தைகளில் அடங்க மறுக்கும் யுத்தக் குற்றங்களினது காட்சியாக உள்ளது. வடக்கு காசா நகரமான பியட் ஹனோனில் ஐக்கிய நாடுகள் சபையால் நடத்தப்படும் ஒரு பள்ளிக்கூடத்தின் மீதான இஸ்ரேலிய பாதுகாப்பு படைகளின் (IDF) நேற்றைய குண்டுவீச்சை குறித்து என்ன கூறுவது? அதில் குறைந்தபட்சம் 15 பேர் உயிரிழந்ததோடு 200க்கும் மேற்பட்டவர்கள் கடுமையாக காயமடைந்தனர், இதில் பெருமளவினர் பெண்கள் மற்றும் குழந்தைகள். அந்த இடத்தின் பூகோள விவரக்குறிப்புகள் IDFக்கு வழங்கப்பட்டிருந்ததோடு, முடிவில்லா பீரங்கி குண்டு தாக்குதல்கள் மற்றும் வான்வழித் தாக்குதல்களில் இருந்து தப்பிக்க அடைக்கலம் கோரியிருந்த பெரும் எண்ணிக்கையிலான பொதுமக்கள் அந்தப் பகுதியில் தங்கியிருந்தார்கள் என்பதும் பலமுறை தெரிவிக்கப்பட்டிருந்தது. இருந்தபோதினும் அதை பொருட்படுத்தாமல் IDF குண்டுகளை வீசியது—அதுவும் ஒரே வாரத்தில் நான்காவது தடவையாக ஐ.நா முகாம்கள் குறி வைக்கப்பட்டிருந்தன.

ஐ.நா பள்ளிக்கூடத்தின் மீதான குண்டுவீச்சு வெறுமனே சமீபத்திய ஒரு அட்டூழியம் மட்டுமே. பள்ளிக்கூடங்களை போலவே, மருத்துவமனைகள், நீர் நிலையங்கள், கழிவுநீர் சுத்திகரிப்பு ஆலைகள், அவசரநேர ஊர்திகள் மற்றும் பத்திரிகையாளர்கள் மீதும் IDF தாக்குதல் நடத்தி உள்ளது. இஸ்லாமிய ஹமாஸ் இயக்கத் தலைவர்களுக்கு எதிரான கண்மூடித்தனமான இஸ்ரேலிய படுகொலை முயற்சிகளில், டஜன் கணக்கான அவர்களின் குடும்ப உறுப்பினர்கள் படுகொலை செய்யப்பட்டிருக்கிறார்கள். வெறும் எட்டு நாட்களில், குறைந்தபட்சம் 800 பாலஸ்தீனியர்கள் -இதில் பிரதானமானவர்கள் அப்பாவிப் பொதுமக்கள்- கொல்லப்பட்டிருக்கிறார்கள் என்பதோடு 5,250 பேர் காயமடைந்திருக்கிறார்கள்.

இஸ்ரேலில் இருக்கும் யூத-பாதுகாப்புவாத ஆட்சியின் சீரழிந்த மற்றும் திவாலாகிப் போன தன்மைக்கு காசா படையெடுப்பு சாட்சியமளிக்கிறது. தனது நிதானத்தை இழந்துவிட்டதோடு தான் முகங்கொடுக்கின்ற நெருக்கடிக்கு நோக்குநிலைதவறிய மற்றும் கொலைபுரியும் வன்முறை தாக்குதலைத் தவிர வேறெந்தப் பதிலும் கொண்டிராத ஒரு தனிமைப்பட்ட மற்றும் அறநெறி இழந்த ஆளும் வர்க்கத்தை பிரதம மந்திரி பெஞ்சமின் நெத்தானியாஹூ தலைமையிலான அரசாங்கம் பிரதிநிதித்துவம் செய்கிறது. நிராதரவான பாலஸ்தீன மக்களுக்கு எதிரான இந்தப் பாரியப் படுகொலைத் தாக்குதல், மத்திய கிழக்கிலும், உலகெங்கிலும் மற்றும் இஸ்ரேலில் இருக்கும் யூதத் தொழிலாளர்கள் மத்தியிலும் கூட, யூத-பாதுகாப்புவாதத்தை நோக்கிய வெறுப்புணர்வும் விரோதமும் ஆழமடைவதற்கே சேவை செய்கிறது.

யூத-பாதுகாப்புவாதத்தை நியாயப்படுத்துகின்ற அமெரிக்கா மற்றும் ஐரோப்பிய ஏகாதிபத்திய சக்திகளும் அதே அளவுக்கு மதிப்பிழந்து கொண்டிருக்கின்றன. ஜனாதிபதி பராக் ஒபாமா, வெளியுறவுத்துறை செயலர் ஜோன் கெர்ரி மற்றும் ஐரோப்பிய அரசியல்வாதிகள் அப்பாவி மக்கள் கொல்லப்படுவது குறித்து தங்களது “கவலை”களை அறிவித்துக் கொள்கிற அதேநேரத்தில் "இஸ்ரேலுக்குத் தன்னை பாதுகாத்துக் கொள்ளும் உரிமை இருக்கிறது" என்ற போர்க்குற்றங்களுக்கான இழிவானதொரு நியாயப்படுத்தலை திரும்பத் திரும்பக் கூறும் ஒவ்வொருமுறையும் கோபம் பெருக்கெடுக்கிறது. எகிப்திய ஆட்சியும், மத்திய கிழக்கு முழுவதிலும் உள்ள ஏனைய அரபு அரசுகளும், இஸ்ரேலுடன் ஒத்துழைத்து வருவதால் அவற்றின் சொந்த மக்களிடம் வெறுப்புக்கு ஆளாகியுள்ளன.

கிழக்கு ஜெருசலேம் மற்றும் மேற்குக் கரையில் இரண்டு வாரங்களாக அதிகரித்து வந்திருக்கின்ற ஆர்ப்பாட்டங்களும், கிளர்ச்சிகளும், நெத்தானியாஹூ அராசாங்கத்திற்கு எதிராகவும் மற்றும் ஒவ்வொரு இஸ்ரேலிய அட்டூழியத்திற்கும் இசைந்து செல்லும் ஜனாதிபதி மஹ்மொத் அப்பாஸின் கைக்கூலி பாலஸ்தீன அதிகாரத்துக்கு (PA) எதிராகவுமான இன்னொரு பாலஸ்தீனக் கிளர்ச்சியின் (intifada) வெடிப்பிற்கு —பாலஸ்தீன மக்களின் பொதுமைப்பட்ட எழுச்சி— முன்னறிவிப்பு வழங்குகின்றன. மேலும் மேலும் அதிகமான இஸ்ரேலியர்கள் தமது சொந்த அரசாங்கத்தால் கிளர்ச்சிக்குள் தள்ளப்படுகிறார்கள்.

எவ்வாறிருந்த போதினும், இந்த சீற்றங்களோ, கண்டனங்களோ, போராட்டங்களோ ஒரு போதுமான விடையிறுப்பு ஆகிவிடாது. சோசலிச சர்வதேசியவாதத்திற்கான ஒரு பொதுவான போராட்டத்தில் அனைத்து மத மற்றும் இன பின்புலங்களைக் கொண்ட தொழிலாள வர்க்கத்தையும் ஐக்கியப்படுத்துகின்ற ஒரு அரசியல் முன்னோக்கு தான் அவசியமாக இருக்கிறது.

இஸ்ரேல் ஸ்தாபிக்கப்பட்டு அறுபத்தி ஆறு ஆண்டுகளுக்குப் பின்னர், மற்றும் 1967இன் விஸ்தரிப்புவாத யுத்தம் மற்றும் ஆக்கிரமிப்பு பிராந்தியங்கள் கைப்பற்றப்பட்டமை ஆகியவற்றின் 47 ஆண்டுகளுக்குப் பின்னர், ஒட்டுமொத்த யூத-பாதுகாப்புவாத திட்டமும் —அதாவது மத்தியக் கிழக்கில் ஒரு குறுங்குழுவாத யூத முதலாளித்துவ அரசை செதுக்கும் ஒரு பிற்போக்குத்தனமான முன்னோக்கு— வெளிப்படையாக தோல்வி அடைந்துள்ளது.

1948இல் முதலிலும் மற்றும் அதைத் தொடர்ந்து ஆக்கிரமிப்பு பிராந்தியங்களில் யூதக் குடியமர்வை விரிவாக்கியதன் மூலமாகவும் உடைமை இழக்கச் செய்யப்பட்டிருந்த பாலஸ்தீன மக்களின் எதிர்ப்பை தசாப்தகால ஒடுக்குமுறைகளும் படுகொலைகளும் முறித்துவிடவில்லை.

பாலஸ்தீனியர்களின் உடைமை பறிப்பானது, யூத இனப்படுகொலை மற்றும் யூத மக்களுக்கு ஒரு பாதுகாப்பான புகலிடத்தை ஸ்தாபிப்பதற்கான அவசியம் ஆகியவற்றால் நியாயம் பெறுவதாக யூத-பாதுகாப்புவாத கருத்தியல் பராமரித்து வருகிறது. நாஜிக்களின் குற்றங்களை மேலும் மேலும் ஒத்திருக்கும் குற்றங்களை இன்று இஸ்ரேலிய அரசாங்கம் நடத்துகின்றது. காசாவில் உள்ள 1.8 மில்லியன் மக்கள், பூமியில் ஒரு நரகத்தைச் சகித்துக் கொண்டு, சுத்தமான குடிநீர், போதுமான உணவு, மின்சாரம் மற்றும் சுகாதார சேவைகள் திட்டமிட்டு பறிக்கப்பட்ட நிலையில், நவீன கால சேரிப் பிரதேசத்தில் (ghetto) அடைக்கப்பட்டுள்ளனர், அவற்றை ஒரு இனப்படுகொலைக்கான கொள்கையாக மட்டுமே வர்ணிக்க முடியும்.

யூத-பாதுகாப்புவாத அரசு அனைத்து யூத நம்பிக்கைகளையும் பிரதிநிதித்துவம் செய்கிறது என்று இஸ்ரேலில் நடைபெறுகின்ற தேசியவாதப் பிரச்சாரமானது, அது வர்க்கங்களாகப் பிளவுபட்டு சமூகக் குரோதங்களால் உடைந்து போயிருக்கும் ஒரு முதலாளித்துவ சமூகமாகும் என்ற யதார்த்தத்தை எளிதாக மறுத்துவிட முடியாது. முதலாளித்துவ பில்லியனர்கள் மற்றும் மில்லியனர்களின் ஒரு சிறு எண்ணிக்கையிலான செல்வந்த தட்டும் மற்றும் முற்றிலும் ஊழல்பீடித்த அரசியல் ஸ்தாபகமுமே யூத-பாதுகாப்புவாதத்தால் ஆதாயமடைந்தவைகளாக உள்ளன. இஸ்ரேலின் 500 மிகப் பெரிய பணக்காரர்களின் செல்வம் கடந்த 12 ஆண்டுகளில் மூன்று மடங்கு அதிகரித்துள்ளது, அதேவேளையில் உலகச் சந்தையில் இஸ்ரேலிய பெருநிறுவனங்களின் போட்டித்திறனை பராமரிக்க தொழிலாளர்களின் ஊதியங்கள்  குறைக்கப்பட்டுள்ளன.

ஒவ்வொரு நாட்டிலும் நடப்பதைப் போலவே, நெத்தானியாஹூ அரசாங்கமும் அமைப்பார்ந்த பூகோளமயப்பட்ட பொருளாதார முறிவுக்கான விடையிறுப்பில், ஏழைகளைக் கடுமையாக பாதிக்கும் கடுமையான சிக்கன வெட்டுக்கள் மற்றும் வரி உயர்வுகளைத் திணித்து, தொழிலாள வர்க்கத்திற்கு எதிரான ஒரு வர்க்க யுத்தத்தை நடத்தி வருகிறது. காசா மீதான தாக்குதலானது பெருமளவில், இஸ்ரேலிய சமூகத்திற்குள் நிலவும் தீர்க்கவியலாத நெருக்கடிகளை அரபு-விரோத பேரினவாதத்திற்குள்ளும் பாலஸ்தீன மக்களுக்கு எதிரான யுத்தத்திற்குள்ளும் திசைதிருப்புவதற்காக இஸ்ரேலிய முதலாளித்துவ வர்க்கத்தின் பெரும்பிரயத்தனத்தால் உந்தப்பட்ட நடவடிக்கையாகும்.

இஸ்ரேல் மற்றும் மத்திய கிழக்கில் நிலவும் சூழ்நிலை, ஒட்டுமொத்த முதலாளித்துவ அமைப்புமுறையின் ஒரு பரந்த நெருக்கடியினது வெறுமனே ஒரேயொரு வெளிப்பாடு மட்டுமே என்பதைப் புரிந்து கொள்ள வேண்டும். முதலாம் உலக யுத்தம் வெடிப்பதற்கு முந்தைய ஆண்டுகளில் கண்டதைப் போலவே, பூமியை போட்டி தேசிய-அரசுகளாகப் பிளவுபடுத்துவதும் பொருளாதார வாழ்க்கை ஒரு முதலாளித்துவ சிறுபான்மையினரின் இலாபத் திரட்சிக்காய் கீழ்ப்படியச் செய்யப்படுவதும் உலகப் பொருளாதாரத்தின் ஒருங்கிணைவு மற்றும் அவை ஒன்றையொன்று சார்ந்திருக்கும் யதார்த்தத்துடன் இயைந்து செல்ல முடியாது. கடந்த மூன்று தசாப்த காலத்தின் உற்பத்தி பூகோளமயமாக்கமானது, 1914 மற்றும் 1939இன் உலக யுத்தங்களுக்கு இட்டுச் சென்ற முதலாளித்துவத்தின் உள்ளார்ந்த முரண்பாடுகளை ஒரு புதிய அளவிற்குத் தீவிரப்படுத்தி உள்ளது.

அமெரிக்காவின் ஆளும் வர்க்கம் மட்டுமல்லாது அத்தனை ஏகாதிபத்திய சக்திகளின் ஆளும் வர்க்கங்களும், பூகோள வளங்கள் மற்றும் சந்தைகளை தமது குறுகிய தேசிய நலன்களுக்கு அடிபணியச் செய்வதற்கான ஒரே கருவிகளாக இராணுவவாதம் மற்றும் யுத்தத்தை மட்டுமே இப்போது பார்க்கின்றன. காலனித்துவத்தை ஒழிப்பது என்பதாய் அழைக்கப்பட்ட நடவடிக்கைகள் கொண்டு உருவாக்கப்பட்ட செயற்கையான தேசிய-அரசுகளில் தங்கியிருக்கும் பல்வேறு சொத்துடைமைக்  கும்பல்களும், அவற்றின் விரோதிகளுக்கு எதிராக செல்வ வளம் மற்றும் தனிச்சலுகைகளில் அவற்றின் உரிமைகோரல்களின் பங்கைப் பெற முயல்வதற்காக, உலகளவில் குறுங்குழுவாத அல்லது இனவாத அடிப்படையில் பிரிவினைகளை ஊக்குவித்து வருகின்றன.

அடுத்தடுத்ததாக ஒவ்வொரு நாட்டிலும் மனிதப் படுகொலைகளும், உள்நாட்டு யுத்தமும் மற்றும் ஏகாதிபத்திய சூழ்ச்சிகளும் நடந்தேறி வருவதற்கு மத்தியில்,  ஒரு மூன்றாம் உலக யுத்தத்தின் பெருகும் அபாயங்களைக் குறித்து நான்காம் அகிலத்தின் அனைத்துலக குழு, சோசலிசமும் ஏகாதிபத்திய யுத்தத்திற்கு எதிரான போராட்டமும்"" என்ற அதன் தீர்மானத்தில் எச்சரித்துள்ளது. எவ்வாறிருப்பினும், அதே நிகழ்முறைகள் தொழிலாள வர்க்கத்தை சோசலிசப் புரட்சியை நோக்கி உந்தித் தள்ளிக் கொண்டிருக்கின்றன.

இந்தப் போக்கு சக்திவாய்ந்த முறையில் 2011 எகிப்திய புரட்சியில் காணப்பட்டது. அந்தப் புரட்சி கருக்கலைக்கப்படாமல் இருந்திருந்தால், மத்திய கிழக்கில் நிலைமை இன்றிருப்பதிலிருந்து மிகவும் மாறுபட்டதொரு விதத்தில் இருந்திருக்கும். எகிப்திய ஆளும் வர்க்கமும் மற்றும் அதற்குப் பின்னால் நிற்கும் ஏகாதிபத்திய சக்திகளும் கட்டுப்பாட்டை கையில் வைத்திருக்க இயலுவதானது, மத்திய கிழக்கிலும் மற்றும் சர்வதேச அளவிலும் தொழிலாள வர்க்கத்தின் மையமான வரலாற்றுப் பிரச்சினையை —அதாவது, முன்னோக்கு மற்றும் தலைமைக்கான நெருக்கடி— அடிக்கோடிட்டுக் காட்டுகிறது.

ஒவ்வொரு நாட்டு சம்பவங்களும் முதலாளித்துவ வர்க்கத்திற்கு எதிரான பாரிய போராட்டங்களுக்கான நிலைமைகளை உருவாக்கி வருகின்றன என்ற நம்பிக்கையுடன், அந்த நெருக்கடியை தீர்ப்பதற்கே உலக சோசலிச வலைத் தளமும் நான்காம் அகிலத்தின் அனைத்துலகக் குழுவும் அன்றாடம் போராடி வருகின்றன.

தொழிலாள வர்க்கத்தின் சர்வதேச ஐக்கியம் மற்றும் சோசலிசத்திற்கான போராட்டத்தின் அவசியமானது, மத்திய கிழக்கின் அளவிற்கு வேறெங்கும் இந்தளவிற்கு கூர்மையாக இருக்க முடியாது. உலக சோசலிசப் புரட்சிக்கான போராட்டத்தின் பாகமாக, மத்திய கிழக்கின் ஐக்கிய சோசலிச அரசுகளை ஸ்தாபிப்பதன் மூலமாக முதலாளித்துவம் மற்றும் தேசிய-அரசு அமைப்புமுறை இரண்டையும் ஒழிப்பதே அவற்றால் உருவாக்கப்பட்டு விட்டிருக்கும் பேரழிவுக்கான தீர்வு ஆகும்.

தொழிலாள வர்க்கம் மற்றும் ஒடுக்கப்பட்ட மக்களின் புதிய தலைமையாக உலக ட்ரொட்ஸ்கிச இயக்கமான நான்காம் அகிலத்தின் அனைத்துலகக் குழுவின் பிரிவுகளைக் கட்டியெழுப்புவதற்கான போராட்டமே இந்த மணித்துளியின் மூலோபாயப் பணியாக இருக்கிறது.

The WSWS International Editorial Board
25 July 2014
http://www.wsws.org/tamil/articles/2014/july/140727_theg.shtml

Monday, 21 July 2014

காசா மீதான இஸ்ரேலிய படையெடுப்பை எதிர்ப்போம்!

Oppose the Israeli invasion of Gaza

ஸ்ரேல் இராணுவ படைகளின் காசா மீதான தரைவழி படையெடுப்பை நான்காம் அகிலத்தின் அனைத்துலகக் குழு (ICFI) கண்டிக்கிறது. என்ன கட்டவிழ்ந்து வருகிறதென்றால், வடக்கு மற்றும் கிழக்கில் யூத-பாதுகாப்புவாத (சியோனிச) அரசாலும் மற்றும் தெற்கில் எகிப்திய ஆட்சியாலும் முற்றுகையிடப்பட்ட 200 சதுர மைலுக்கும் குறைவான ஒரு சிறிய நிலப்பகுதியில் சிக்கியிருக்கும், பாதுகாப்பற்ற 1.8 மில்லியன் பாலஸ்தீன மக்களுக்கு எதிராக ஒரு திட்டமிட்ட யுத்த குற்றம் கட்டவிழ்ந்து வருகிறது.

இஸ்லாமியவாத பாலஸ்தீன இயக்கத்தால் இஸ்ரேலுக்குள் கொடூரமாக வீசப்பட்ட ராக்கெட் குண்டுகளுக்கு ஒரு நியாயமான விடையிறுப்பாக இந்த தாக்குதலை நியாயப்படுத்துகின்ற ஆளும் வட்டாரங்களுக்குள் இருக்கும் அனைவரும், முற்றிலுமாக புறக்கணிப்பட வேண்டியவர்கள் ஆகிறார்கள். ஹமாஸின் டஜன்கணக்கான அங்கத்தவர்கள் மீதான மற்றும் கணக்கில்லா பெண்கள் மற்றும் குழந்தைகள் உட்பட நூற்றுக் கணக்கான பாலஸ்தீன அப்பாவி பொதுமக்கள் மீதான இஸ்ரேலிய விமான தாக்குதலுக்கு ஹமாஸின் பதிலடி நடவடிக்கையில் ஒரேயொரு இஸ்ரேலியர் கொல்லப்பட்டிருக்கிறார்.

ஜூன் மாதம் முழுவதிலும், ஹமாஸின் அங்கத்தவர்கள் என்று சந்தேகிக்கப்பட்ட 600க்கும் மேற்பட்டவர்களைக் கைது செய்தும் மற்றும் பாலஸ்தீன மக்களை அச்சுறுத்தியும், மேற்கு கரை முழுவதிலும் வன்முறையில் ஈடுபடுவதற்கு, காணாமல் போன மூன்று விடலை சிறுவர்களைத் தேடுவதற்காக என்ற போலிக் காரணத்தை இஸ்ரேலிய படைகள் பயன்படுத்தியது. கடந்த இரண்டு வாரங்களில், இஸ்ரேல் மழையென படுகொலைகளை நடத்தி குவித்திருந்ததோடு, 1,000க்கும் மேற்பட்ட பொதுமக்களின் வீடுகள் மட்டுமின்றி, உணவுவிடுதிகள், மசூதிகள், சுகாதார மையங்கள், ஊடகங்கள் என தெளிவாக எழுதப்பட்ட வாகனங்கள், நீர் நிலையங்கள் மற்றும் கழிவுநீர் சுத்திகரிப்பு மையங்கள் ஆகியவற்றையும் இலக்கில் வைத்து, காசாவை சின்னாபின்னமாக ஆக்கி உள்ளது.

எகிப்தினால் மத்தியஸ்தம் செய்யப்பட்ட ஒரு போர்நிறுத்தத்தை ஹமாஸ்கள் நிராகரித்ததால் தான் காசா மீதான படையெடுப்பு தூண்டிவிடப்பட்டது என்ற வலியுறுத்தலும், வெறுப்பூட்டுவதில் ஒன்றும் குறைந்ததாக இல்லை. போர்நிறுத்தம் என்றழைக்கப்பட்டதில் பாலஸ்தீனியர்களின் அடிப்படை கோரிக்கைகள் எதுவுமே உள்ளடக்கப்படவில்லை, அனைத்திற்கும் மேலாக பொருளாதாரத் தடைகளை நீக்குவது மற்றும் மேற்கு கரையில் இஸ்ரேலினால் கைது செய்யப்பட்டவர்களையும், ஏனைய அரசியல் கைதிகளையும் விடுவிப்பதும் அதில் உள்ளடக்கப்படவில்லை. அது நிராகரிக்கப்பட்டு, அமெரிக்கா, ஐரோப்பிய சக்திகள் மற்றும் அரேபிய அரசுகளுக்கு இஸ்ரேலிய தாக்குதலை சட்டபூர்வமாக்க தேவைப்படும் பிரச்சாரத்திற்காகவே முற்றிலுமாக அது தயாரிக்கப்பட்டு இருந்தது.

ஹமாஸின் வீட்டுத்துறை மந்திரி மொஃபீத் அல்-ஹசைனாஹ் நேற்று குறிப்பிடுகையில்: “நாங்கள் ஒரு போர்நிறுத்தத்தை விரும்புகிறோம் தான், ஆனால் என்ன விலை கொடுத்தாவது அந்த போர்நிறுத்தத்தை விரும்புகிறோம் என்றாகாது. நாங்கள் விலங்குகள் அல்ல. சுதந்திரமாக எல்லை கடக்க முடியாமல், சம்பளங்கள் இல்லாமல், வேலைகள் இல்லாமல், அது என்ன ஒரு போர்நிறுத்தமா?" என்றார்.

அந்த தரைவழி படையெடுப்புக்கு முன்னதாக, ஏற்கனவே குறைந்தபட்சம் 243 பாலஸ்தீனியர்கள் காசாவில் கொல்லப்பட்டு இருந்தனர் என்பதோடு, 1,800க்கும் மேற்பட்டவர்கள் காயமடைந்திருந்தனர். அந்த மனிதப் படுகொலைகள் இப்போது இன்னும் அதிகரிக்கும்.

இஸ்ரேலிய பாதுகாப்பு படைகளின் (IDF) செய்தி தொடர்பாளர் பிரிகேடியர் ஜெனரல் மோட்டி அல்மோஸ் அறிவிக்கையில், வியாழக்கிழமை இரவு வரையில் "பாரிய விமானப்படை ஒத்துழைப்போடு, கடற்படைகள் மற்றும் உளவுத்துறையோடு சேர்ந்து பெரியளவிலான தரைப் படைகள் காசாவின் இலக்குகளைக் கைப்பற்றி வருவதோடு, சுரங்க வழிகள் மற்றும் பயங்கரவாத நடவடிக்கைகள் மற்றும் உள்கட்டமைப்புக்கு எதிராகவும் நடவடிக்கை எடுத்து வருகின்றன," என்றார்.

பிரதம மந்திரி பென்ஜமின் நெத்தெனியாஹூவின் இஸ்ரேலிய அரசாங்கம், இராணுவத்திற்கு ஒதுக்கீடு செய்ய இன்னும் கூடுதலாக 18,000 துருப்புகளைத் திரட்ட நேற்று உத்தரவிட்டது. தங்களின் மக்களைப் பாதுகாக்க முயலும், மிக மிக இலகுரக ஆயுதமேந்திய பாலஸ்தீன போராளிகளோ, அமெரிக்காவால் வினியோகிக்கப்பட்ட டாங்கிகள், கனரக ஆயுத தளவாடங்கள், அதிவிரைவு போர் விமானங்கள், துப்பாக்கி ஏந்திய ஹெலிகாப்டர்கள், ஆயுதமேந்தக் கூடிய ஆளில்லா விமானங்கள் மற்றும் அதிநவீன மனித பாதுகாப்பு கவசங்கள் என இவற்றைக் கொண்ட 60,000க்கும் மேற்பட்ட இஸ்ரேலிய துருப்புகளை எதிர்கொண்டிருக்கிறார்கள்.

ட்விட்டரில் தங்கள் செய்திகளைப் பதிவு செய்த இதழாளர்களின் செய்திகளும், மற்றும் அந்த தாக்குதலின் தொடக்க கட்டங்கள் குறித்து வெளியான இதர செய்திகளும், பியட் லாஹியா மற்றும் அல் அடாட்ரா போன்ற வடக்கு காசா நகரங்களில் நடந்த பயங்கரவாத காட்சிகளை ஏற்கனவே வர்ணித்திருக்கின்றன. டாங்கிகள் மற்றும் ஏவுகணை தாக்குதல்கள், விமானத் தாக்குதல்கள் மற்றும் கடற்கரையோரத்தில் இருந்த இஸ்ரேலிய யுத்தக் கப்பல்களின் தாக்குதல்கள் என அவை பாலஸ்தீன எல்லைக்குள் குண்டு மழை பொழிந்து வருகின்றன. வெடிகுண்டுகள் வெடிக்கும் வெளிச்சத்தைத் தவிர, ஒட்டுமொத்த இருட்டுக்குள் அந்த பகுதியை மூழ்கடித்து, மின்சாரம் துண்டிக்கப்பட்டுள்ளது.

"டஜன் கணக்கானவர்கள் வடக்கில் உள்ள மருத்துவமனைகளுக்கு கொண்டு செல்லப்பட்டிருக்கிறார்கள், அவர்கள் ஒருவிதமான வாயுவால் மூச்சுதிணறலுக்கு உள்ளாகி இருப்பதாக செய்திகள் தெரிவிக்கின்றன" என்று பாலஸ்தீன சுகாதார அமைச்சகம் குறிப்பிட்டுள்ளது. 2008-2009இல் காசா மீதான தாக்குதலில் அது செய்ததைப் போலவே, மற்றும் ஈராக்கில் பல்லூஜாஹின் 2004 முற்றுகையின் போது அமெரிக்க படைகள் செய்ததைப் போலவே, IDF சட்டவிரோதமான வெள்ளை பாஸ்பரஸ் வெடிமருந்துகளைக் கொண்டு மீண்டும் தாக்கி வருவதாக, தரைவழி தாக்குதலுக்கு முன்னதாக ஏற்கனவே சுகாதாரத்துறை அதிகாரிகள் குற்றஞ்சாட்டி இருந்தார்கள்.

ஹமாஸ் அரசாங்கத்தைத் தூக்கியெறிவது நோக்கமல்ல என்று நெத்தெனியாஹூவின் பிரதிநிதிகள் தெரிவித்திருக்கிறார்கள். பாரிய படுகொலைகள் மற்றும் பாரிய பேரழிவுகளை நடத்திய பின்னர், காசாவை ஒரு எரிந்துபோன சாம்பலாக விட்டு விட்டு திரும்புவதே அந்த தாக்குதலின் நோக்கமாகும். இஸ்ரேலின் எல்லைக்கருகில் இருந்த ஒட்டுமொத்த ஆறு நகரங்களின் மக்களையும், அவர்களின் வீடுகளை விட்டு விட்டு, காசா நகரத்திற்குள் தஞ்சம் கோருமாறு, அந்த நிலப்பகுதியின் வடக்கில், விமானத்திலிருந்து IDFஆல் வீசப்பட்ட துண்டறிக்கைகள் உத்தரவிட்டன. அப்பகுதியின் மையத்தில் உள்ள நான்கு நகரங்களில் வசிப்பவர்கள் கான் யூனிஸிற்கு வெளியேறுமாறு உத்தரவிடப்பட்டிருந்தனர், அதேவேளையில் தெற்கில் இருந்த இரண்டு நகரங்களின் மக்கள் ரஃபாவிற்கு நகருமாறு அறிவுறுத்தப்பட்டு இருந்தனர்.

அந்த கட்டளைக்கு பத்தாயிரக் கணக்கான மக்களால் அடிபணிய முடியாது அல்லது அடி பணிய மாட்டார்கள் என்பதால், அவர்கள் இஸ்ரேலிய இராணுவத்தின் கருணைக்காக தற்போது காத்திருக்கிறார்கள். காசாவிலிருந்து இஸ்ரேலுக்குள் வரும் சுரங்கங்களையும் மற்றும் பயனற்ற ராக்கெட் தாக்குதலைத் தொடங்குவதற்கான ஹமாஸ் போராளிகளின் ஆற்றலையும் அழிப்பதற்காக என்ற போலிக்காரணத்தின் மீது, அந்த இலக்கில் வைக்கப்பட்ட சமூகங்களை முற்றிலுமாக தரைமட்டமாக்க IDF உத்தரவிடப்பட்டு இருக்கிறதா என்பதை வரவிருக்கும் நாட்களே எடுத்துக்காட்டும்.

யூத-பாதுகாப்புவாதத்தைப் (சியோனியம்) பாதுகாப்பவர்களின் முற்றிலுமான அறநெறிரீதியிலான சிதைவையும், மற்றும் மத்திய கிழக்கில் ஒரு பிரிவினைவாத யூத முதலாளித்துவ அரசு செதுக்கி வரும் அதன் பிற்போக்குத்தனமான முன்னோக்கின் இறுதி முட்டுச்சந்தையும் நெத்தெனியாஹூவின் ஆட்சியினது நடவடிக்கைகள் நிரூபணப்படுத்துகின்றன. இஸ்ரேலுக்குள் நிலவும் ஆழ்ந்த வர்க்க மற்றும் சமூக பதட்டங்களை, பாலஸ்தீன மக்களின் தசாப்தகால எதிர்ப்பை நசுக்குவதை நோக்கி திசைதிருப்பிவிடும் யூத-பாதுகாப்புவாத முயற்சியானது, இனப்படுகொலையின் பரிமாணங்களை எடுத்துள்ளது. எவ்வாறிருந்த போதினும், வரும் நாட்களிலும் மற்றும் வாரங்களிலும் இஸ்ரேல் ஏவுகணைகள் மற்றும் துப்பாக்கி குண்டுகளினால் காசாவில் பலர் இறப்புக்குள்ளாவர், ஏறத்தாழ குடிநீர் வினியோகங்கள் மற்றும் கழிவுநீர் சுத்திகரிப்பு போன்ற சேவைகளின் பொறிவோடு நூறு ஆயிரக் கணக்கானவர்களின் வாழ்க்கை அச்சுறுத்தப்பட்டுள்ளது.

நெத்தெனியாஹூவின் அரசாங்கம் அதன் குற்றங்களுக்குத் துணை சாதன தொகுப்புகள் இல்லாமல் பாலஸ்தீன மக்கள் மீது அதன் யுத்தத்தை நடத்த முடியாது. அமெரிக்க ஏகாதிபத்தியம் முடிவில்லாமல் அரசியல் மற்றும் இராணுவ உதவிகளை இஸ்ரேலுக்கு வினியோகிக்கிறது. காசாவில் உள்ள "அப்பாவி மக்கள் வாழ்க்கை இழப்பது குறித்து" ஐரோப்பிய ஒன்றியம் "ஆழமாக இரக்கப்படுகிறது” என்றாலும், “இஸ்ரேல் அதன் மக்களைப் பாதுகாக்கும் உரிமையை அது கொண்டிருக்கிறது," என்று அறிவித்து, ஒரு அனுமானிக்கத்தக்க அறிக்கையை பிரசுரித்தது. எகிப்தும், ஏனைய அரபு முதலாளித்துவ அரசுகளும் மற்றும் பாலஸ்தீன ஆணையத்தின் தலைவர் மஹ்மொத் அப்பாஸூம் இஸ்ரேல் உடனான அவர்கள் ஏற்பாடு செய்த போர்நிறுத்த நாடகத்தை ஹமாஸ் ஏற்க மறுத்ததற்கு அதை குற்றஞ்சாட்டி உள்ளனர். ஹமாஸின் தலைமையே கூட அதே அரபு முதலாளித்துவ சக்திகளிடமும் மற்றும் பாலஸ்தீன மக்களை முற்றிலும் காட்டிக் கொடுத்துள்ள ஏகாதிபத்திய-கட்டுப்பாட்டிலான ஐக்கிய நாடுகள் சபையிடமும் முறையிடுவதைத் தவிர, அத்தாக்குதலுக்கு அதனிடம் வேறு எந்தவொரு பதிலும் இல்லை.

காசாவில் நடத்தப்பட்டு வருகின்ற அட்டூழியங்கள், இஸ்ரேலிலும், மத்திய கிழக்கு முழுவதிலும் மற்றும் உலகம் முழுவதிலும் தொழிலாளர்கள் மற்றும் இளைஞர்களின் அவர்களது தத்தமது நாடுகளின் அரசாங்கங்கள் மற்றும் ஆளும் வர்க்கங்களின் மீது அவர்களின் கொந்தளிப்பை மற்றும் குரோதத்தை ஆழப்படுத்தும். உலக சோசலிச வலைத்தளம் ஜூலை 12ஆம் தேதி முன்னோக்கில் வலியுறுத்தியதைப் போல, சோசலிச சர்வதேசியத்தின் வேலைத்திட்டத்திற்காக, அரபு மற்றும் யூத தொழிலாளர் வர்க்கத்தின் ஐக்கியத்திற்காக, முதலாளித்துவம் மற்றும் ஏகாதிபத்தியத்திற்கு எதிரான ஒரு பொதுவான போராட்டத்தில் நான்காம் அகிலத்தின் அனைத்துலகக் குழுவின் பிரிவுகளைக் கட்டியெழுப்புவதன் மீதே எதிர்காலம் தங்கியுள்ளது.

Statement of the International Committee of the Fourth International
18 July 2014

http://www.wsws.org/tamil/articles/2014/july/140719_aust.shtml

ஆஸ்திரேலியாவில் அகதி அந்தஸ்த்து நிராகரிக்கப்பட்ட தமிழர் தீ மூட்டிக்கொண்டார்

Australia: Rejected Tamil asylum seeker sets himself on fire

ஆஸ்திரேலிய அரசாங்கத்தின் பிற்போக்கு அகதி விரோத ஆட்சியின் மேலும் ஒரு துன்பகரமான விளைவாக, கடந்த புதனன்று அகதி அந்தஸ்துக்கான தனது விண்ணப்பம் நிராகரிக்கப்பட்ட பின்னர், உடனடியாக நாடுகடத்தப்படும் நிலையை எதிர்கொண்ட இலங்கைத் தமிழ் அகதி, தற்கொலைக்கு முயற்சித்துள்ளார்.

ஜனார்த்தனன் என்னும் அந்த இளைஞன், கோமாவில் கவலைக்கிடமான நிலையில் சிட்னி நகரின் கொண்கோட் மருத்துவமனையில் சிகிச்சைக்காக அனுமதிக்கப்பட்டுள்ளார். 98 வீதம் உடலில் எரிகாயங்களுக்கு உள்ளாகியுள்ளதுடன் 70வீதமான காயங்கள் கடுமையானவை. தோலின் பல பகுதிகளை வெட்டி அகற்றுவதிலும் ஒட்டுவதிலும் மருத்துவர்கள் ஈடுபட்டுள்ளனர்.

தீ மூட்டிக்கொள்வதற்கு முதல் நாள், அகதிகள் பரிசீலனை மன்றிடமிருந்து ஜனார்த்தனனுக்கு ஒரு கடிதம் கிடைத்தது. முந்தைய முடிவுக்கு மாறாக அவரது வேண்டுகோள் இரத்துச் செய்யப்பட்டு அவருக்கு அகதி அந்தஸ்து நிராகரிக்கப்படுவதாக அதில் தெரிவிக்கப்பட்டிருந்தது.

20 வயதான ஜனார்த்தனன், 2012 ஜுனில் ஆஸ்திரேலியா வந்ததுடன் மூன்று மாதங்களுக்கு மேலாக தடுப்புக் காவலில் வைக்கப்பட்டிருந்து, ஒரு தற்காலிக விசாவில் விடுவிக்கப்பட்டிருந்தார். பின்னர் அவர் ஒரு அலுவலக சுத்திகரிப்பாளராக பணியேற்றிருந்தார். 20,000க்கும் அதிகமான அகதிகள் ஆஸ்திரேலியாவில் இத்தகைய தற்காலிக விசா வழங்கப்பட்ட நிலையில் உள்ளனர். முன்னைய தொழிற் கட்சி அரசாங்கத்தினால் அறிமுகப்படுத்தப்பட்டிருந்த நடவடிக்கைகளின் கீழ், 2012 ஆகஸ்ட் மாதத்தின் பின்னர் வருபவர்களுக்கு தொழில் செய்வதற்கு உரிமை கிடையாது. அவர்கள் நன்கொடைகளிலேயே தங்கியிருக்கத் தள்ளப்பட்டனர்.

அந்த அவநம்பிக்கையான செயலுக்கு ஜனார்த்தனன் தள்ளப்பட்ட சூழ்நிலைபற்றி அவரது நன்பர் பாலசிங்கம் பிரபாகரன் விளக்கினார். “தான் இலங்கைக்கு மீண்டும் திருப்பி அனுப்பப்படலாம் என்ற உண்மையான அச்சம் அவருக்கு இருந்தது” என்று பிரபாகரன் ஆஸ்திரேலிய ஒலிபரப்புக் கூட்டுத்தாபனத்துக்குக் கூறினார். “செவ்வாய் அன்று கடிதம் கிடைத்ததிலிருந்து அவர் மனக்குழப்பம் அடைந்திருந்தார்... தன்மீது பெற்றோலை ஊற்றிக்கொள்வதற்கு முன்னர் அவர் சிறிதளவு பெற்றோலை குடித்தும் இருந்தார். அருகில் கப்பல் தரிப்பிடத்தில் இருந்த தொழிலாளர்கள் உதவிக்கு வந்தனர். நீரை ஊற்றி தீயை அனைத்தனா.”

ஜனார்த்தனனின் தற்கொலை முயற்சியானது இன்றைய தேசிய-தாரான்மை கூட்டரசாங்கத்தினதும் முன்னைய தொழிற் கட்சி அரசாங்கத்தினதும், ஆஸ்திரேலியாவுக்குள் அகதிகளை நுழைய விடுவதில்லை என்னும் தீவிர கொள்கைகளின் விளைவாகும். அகதி அந்தஸ்து கோரி வரும் தமிழர்கள் “உண்மையான அகதிகள்” அல்ல, மற்றும் மஹிந்த ராஜபக்ஷவின் இலங்கை அரசின் எதேச்சாதிகாரத்தில் அவர்கள் எவ்வித ஒடுக்குமுறைகளுக்கும் உள்ளாகவில்லை என இந்த இரு அரசாங்கங்களுமே பொய் கூறி வருகின்றன.

கடந்த ஆண்டு நவம்பரில் கொழும்பில் நடைபெற்ற பொதுநலவாய அரசுத் தலைவர்களின் மகாநாட்டில் பேசிய ஆஸ்திரேலிய பிரதமர் டொனி அபோட், ராஜபக்ஷவின் அரசையும் நாட்டில் “சுதந்திரம்” மற்றும் “சுபீட்சம்” எனப்படுபவை பற்றியும் பாராட்டினார். “சில சந்தர்ப்பங்களில் சிக்கலான சூழ்நிலைகளில் கடினமான விடயங்களும் நிகழ்வதுண்டு” எனக் கூறி, கொழும்பு அரசாங்கம் சித்திரவதைகளை பயன்படுத்துவதையும் அவர் நியாயப்படுத்தியிருந்தார். (பார்க்கஆஸ்திரேலிய பிரதமர் சித்திரவதைகளை நியாயப்படுத்தி இலங்கை அரசை பாராட்டுகின்றார்.”)

ஐநா தகவல்கள் படி சுமார் 40,000 பொதுமக்கள் கொல்லப்பட்ட, 2009ல் பிரிவினைவாத தமிழீழ விடுதலைப் புலிகளின் மீது பெற்ற இராணுவ வெற்றியின் பின்னர், தமிழர்களுக்கு எதிராக பயன்படுத்தப்பட்ட திட்டமிட்ட வழிமுறைகள், அரசாங்கத்தினால் தொழிலாள வர்க்கத்தின் மீதும் பரதந்தளவில் கட்டவிழ்த்து விடப்பட்டுள்ளது. பலாத்கார ஆட்கடத்தல்கள், சித்திரவதைகள் மற்றும் அரசியல் எதிரிகள் மற்றும் ஊடகவியலாளர்கள் படுகொலை செய்யப்படுதலும் தொடர்கிறது.

இவ்வகையான ஒடுக்குமுறைகளும் வறுமையின் கொடுமையும் தாங்க முடியாத நிலையிலேயே பலர் ஆஸ்திரேலியாவுக்கும் ஏனைய நாடுகளுக்கும் தப்பிச் செல்கின்றனர். (பார்க்க: அகதிகள் எதற்காக ஆஸ்திரேலியாவுக்கு செல்கின்றனர் என்பதை இலங்கை நிருபர் விளக்குகிறார்.) பெரும்பாலும் அகதிகள் உயர்ந்த வட்டியில் பெரும் தொகை பணத்தை கடன்களாக பெற்றும், தமது வீடுகள் உடைமைகளை விற்றும் சேர்த்த பணத்திலேயே இவ்வாறு பிரயாணம் செய்கின்றனர்.

இலங்கைக்கு திருப்பி அனுப்பப்படும் அகதிகள் சட்ட விரோதமாக நாட்டை விட்டு வெளியேறியதாக குற்றம் சுமத்தப்பட்டு கைதுசெய்யப்படுகின்றனர். ஆஸ்திரேலிய மனிதவுரிமைகள் சட்ட நிலையம் கடந்த மாதம் வெளியிட்ட அறிக்கையில், சட்டவிரோத குடியேற்ற வாசிகள் ஒன்று தொடக்கம் ஐந்து வருடங்கள் வரையிலான சிறைவாசத்திற்கும் 50,000 ரூபா தொடக்கம் 200,000 ரூபா வரையிலான தண்டப் பணத்தினை செலுத்துவதற்கும் ஆளாவார்கள் எனக் கூறுகிறது.

ஜனார்த்தனனின் தீ குளிப்பு ஆஸ்திரேலியாவில் தடுத்து வைக்கப்பட்ட பல தமிழ் அகதிகள் அவநம்பிக்கையுடன் செய்து கொண்ட பல தற்கொலை முயற்சிகளில் ஒன்றாகும். அவற்றுள் பின்வருவனவும் அடங்கும்.

இரு ஆண்டுகளாக தடுத்து வைக்கப்பட்டிருந்த அகதியொருவர் வில்லிவுட் தடுப்பு நிலையத்தில் 2011 அக்டோபரில் தற்கொலை செய்து கொண்டார்.

இலங்கைக்கு நாடுகடத்தப்படுவதாக அறிவித்த நிலையில் 42 வயதுடைய ஒருவர் 2012 அக்டோபரில் தற்கொலை முயற்சி செய்தார்.

இலங்கையிலுள்ள மனைவி மகளுடன் அகதி அந்தஸ்துக்காக காத்திருந்த ஒரு அகதி, தனது இரண்டாவது தற்கொலை முயற்சியின் பின்னர் பிறிமன்ரில் வைத்தியசாலையில் 2013  ஜனவரியில் காலமானார்.

விக்டோரியா, மெல்போனில் 2013 அக்டோபரில் 37 வயது அகதி ஒருவர் தூக்கில் தொங்க முயற்சித்தார்.

முன்னர் தொழிற் கட்சி செய்ததைப் போலவே, அபோட்டின் அரசாங்கமும் ஆஸ்திரேலியாவுக்கு அகதிகள் செல்வதை தடுக்க இலங்கை அரசாங்கத்துடன் நெருக்கமாக ஒத்துழைத்து வருகிறது. அகதிகளின் படகுகளை இடைமறிப்பதிலும் புலனாய்வுத் தகவல்களை வழங்குவதிலும் இலங்கை படையினருக்கு ஆஸ்திரேலிய பாதுகாப்பு படையினர் பயிற்சி வழங்குகின்றனர். கடந்த நவம்பரில், தொழிற் கட்சி முன்னாள் வெளியுறவு அமைச்சர் பொப் கார் அறிவித்த முடிவில், அகதிகளின் படகுகளை இடைமறிக்க உதவும் இரு கடற்படை ரோந்து படகுகளை ராஜபக்ஷ அரசாங்கத்திற்கு வழங்குவதை அபோட் உறுதிப்படுத்தினார்.

2012 ஜனவரியில் இருந்து, 8,300 இலங்கை அகதிகள் ஆஸ்திரேலியாவுக்கு வந்துள்ளனர். மேலும் 4,500 பேர்களை இலங்கை அதிகாரிகள் இடைமறித்து தடுத்துள்ளனர். 2012 அக்டோபர் தொடக்கம் குறைந்தபட்சம் 1,100 பேர், குறிப்பாக தொழிற் கட்சி அரசாங்கத்தினால் இலங்கைக்கு திருப்பி அனுப்பப்பட்டுள்ளனர்.

கடந்த செப்டெம்பரில் குடிவரவு அமைச்சர் ஸ்கொட் மொரிசன், “இலங்கையில் இருந்து வர முயற்சிப்பவர்கள் எமது கடல் எல்லைக்கு அப்பால் தடுக்கப்பட்டு அனைவரும் திருப்பி அனுப்பப்படுவதை உறுதிப்படுத்துவதற்கு” நடவடிக்கைகள் துரிதப்படுத்தப்படும் எனத் தெரிவித்திருந்தார்.

இலங்கை அகதிகள் ஆஸ்திரேலியாவில் அகதி அந்தஸ்துக்கு விண்ணப்பிப்பதை தடுக்கும் பொருட்டு, எதேச்சதிகாரமான முறையில் “விரிவான சோதனைக்கு” உட்படுத்தப்படுகின்றனர். ஆஸ்திரேலிய மனிதவுரிமைகள் சட்ட நிலையம் பின்வருமாறு குறிப்பிடுகிறது: “தஞ்சம் கோருவோரை ‘பரிசோதனைக்கு உட்படுத்தி’ இலங்கைக்கு திருப்பி அனுப்புவதற்கான தீர்மானம், சுயாதீனமான மேற்பார்வைக்கு அல்லது மீளாய்வுக்கு உட்படுத்தப்படவில்லை. இந்த நடவடிக்கைகளில், அண்மைக்காலத்தில் வந்தவர்களுக்கு சட்ட ஆலோசனை வழங்காமல், அவர்களுக்கு உள்ள உரிமைகள் பற்றி அவர்களுக்குக் கூறாமல் அவர்களை விசாரனைக்கு உட்படுத்தப்படுத்துவதும் அடங்கும்.”

ஜனார்த்தனனின் தற்கொலை முயற்சிக்கான அரசாங்கத்தின் உத்தியோகபூர்வ பிரதிபலிப்பு, அற்பத்தனமானவையாகவும் சினமூட்டுபவையும் இருந்தன. மிகுந்த வேதனையளிக்கும் விடயம் எனத் தெரிவித்த குடிவரவு அமைச்சார் மொறிசனின் பேச்சாளர், “இலங்கை தூதரகத்துடனான பங்களிப்புடன் இந்த இளைஞனுக்கு தகுந்த பாதுகாப்பையும் உதவியையும் அரசாங்கம் வழங்கும்” எனத் தெரிவித்தார்.

உண்மையில், தஞ்சம் கோருவதற்கு அகதிகளுக்கு உள்ள அடிப்படை சட்ட மற்றும் ஜனநாயக உரிமைகளை அவர்கள் பயன்படுத்தாமல் தடுப்பதற்கு வேண்டுமென்றே வகுக்கப்பட்ட கொள்கையின் விளைவே இந்த துன்பகரமாக சம்பவமாகும். சர்வதேச தொழிலாள வார்க்கத்தின் மிகவும் பாதிக்கப்படத்தக்க பிரிவினருக்கு எதிராக இலக்கு வைக்கப்பட்டுள்ள இக்கொடூரமான கொள்கையானது, சமூக மற்றும் பொருளாதார நிலைமைள் மோசமடையும் நிலையில் ஆஸ்திரேலிய உழைக்கும் மக்களுக்கு எதிராக அடக்குமுறை வழிமுறைகளை பயன்படுத்துவதற்கான ஒரு முன்நடவடிக்கையாகும்.

By Will Morrow 
15 April 2014

http://www.wsws.org/tamil/articles/2014/july/140719_aust.shtml

Sunday, 20 July 2014

ஆஸ்திரேலிய உயர் நீதிமன்றம் இலங்கை அகதிகளை நடுகடலில் தடுத்து வைக்க அனுமதித்துள்ளது

Australian High Court leaves Sri Lankan refugees detained on high seas


ஒரு ஆஸ்திரேலிய உயர் நீதிமன்ற நேற்றைய விசாரணையின் விளைவாக, 37 குழந்தைகள் உட்பட 153 இலங்கை தஞ்சம் கோருவோர், இந்திய பெருங்கடலில் ஓரிடத்தில், நெரிசல் மிகுந்த ஆஸ்திரேலிய சுங்கப் படகில் -உண்மையில் ஒரு சிறைக் கப்பலில்- அடைத்து வைக்கப்பட்டுள்ளனர். வழக்கு வெள்ளிக்கிழமை வரை ஒத்திவைக்கப்பட்டுள்ள போதிலும், முழு நீதிமன்றத்தால் விசாரிக்கப்படும் வரை வழக்கு மூன்று வாரங்களுக்கு ஒத்திவைக்கப்படும் என்று தலைமை நீதிபதி கூறியுள்ளார்.

அகதிகள் கடலில் தடுத்து வைகப்படுவதன் அப்பட்டமான சட்டவிரோத தன்மை மற்றும் அவர்கள் வெளியேற தள்ளப்பட்ட வன்முறைகளுக்குப் பொறுப்பான இலங்கை அரசாங்கத்திடமே கையளிக்கப்படும் அச்சுறுத்தலும் இருந்தபோதிலும், நீதிமன்ற வழக்கு அவர்களை பெரும் ஆபத்துக்குள் விட்டுவைத்துள்ளது. அவர்கள் நாடுகடத்தப்படுவதை அல்லது மீண்டும் கையளிக்கப்படுவதை தடுக்கும் சர்வதேச சட்டத்தை மீறி, அடிப்படை ஜனநாயக உரிமைகள் மறுக்கப்பட்டு சட்ட நடவடிக்கையை எதிர்கொள்ள நிர்ப்பந்திக்கப்பட்டுள்ளார்கள்.

நீதிமன்றத்தில், பிரதம மந்திரி டோனி அபோட்டின் அரசாங்கம், அது அகதிகளை தடுத்து, சிறையில் வைத்துள்ளதை முதல் முறையாக ஒப்புக்கொண்டுள்ளது. அது, இலங்கை கடற்படையிடம் அவர்களை ஒப்படைப்பதற்கு முன்னர், நீதிமன்றம் 72 மணித்தியால உத்தரவை வழங்கும் வரை மட்டுமே பொறுப்பேற்பு செய்கிறது. இந்த விதியால் ஏற்கனவே 41 பேர் அடங்கிய மற்றொரு படகும் இந்த வாரம் திருப்பி அனுப்பப்பட்டது.

ஆஸ்திரேலிய உயர்ந்த நீதிமன்றம் கூடும் வரை ஆண்கள், பெண்கள் மற்றும் குழந்தைகளுமாக 153 பேர்  மூன்று வாரங்கள் அல்லது அதற்கும் அதிகமாக திக்குத் தெரியாத ஒரு இடத்தில் கடலில் தடுத்து வைக்கப்பட்டிருப்பர். ஊடக தகவல்களின்படி, முடக்கப்பட்ட வாழ்க்கை நிலைமையில் 150 பேரை அடைத்து வைக்கும் வசதிகொண்ட ஒரு சுங்கப் படகான ஒசீன் புரடக்டரில் அவர்கள் தடுத்து வைக்கப்பட்டுள்ளனர். இல்லையெனில், அரசாங்கம் அவர்களை வலுக்கட்டாயமாக ஆஸ்திரேலியாவின் கிறிஸ்துமஸ் தீவில் அதன் தடுப்பு நிலையங்களுக்கு மாற்றக் கூடும். அல்லது நவூரு மற்றும் பப்புவா நியூ கினியின் மனுஸ் தீவுகளில் தனது கட்டுப்பாட்டில் உள்ள அதன் இழிநிலையிலான முகாம்களுக்கு அனுப்பக்கூடும்.

அகதிகள் தமது வழக்கில் வெற்றி அடைந்தாலும் கூட, அது "படகுகளை நிறுத்திவிடும்" தனது அரசாங்கத்தின் முயற்சிகளை -அனைத்து தஞ்சம் கோருவோரையும் ஆஸ்திரேலியாவுக்குள் நுழையாமல் தடுக்கும் முயற்சிகளை- மாற்றிவிடாது என அபோட் அறிவித்தார். நீதிமன்றம் அதன் விசாரணையை தொடங்க முன், வழக்கு நடத்தும் வழக்கறிஞர்களை கண்டித்த அபோட், அரசாங்கத்தின் கொள்கைகளை குழப்ப முயற்சிக்கும் அரசியல் "ஆர்வலர்கள்" என்று குற்றம் சாட்டினார்.

நீதிமன்ற விசாரணைகளை அபோட் வெளிப்படையாக அவமதிப்பது, ஆஸ்திரேலிய அரசியல் ஸ்தாபனம் சட்ட விதிகளை, அதாவது உள்நாட்டு மற்றும் சர்வதேச சட்டங்களை வெளிப்படையாக அலட்சியம் செய்வதை காட்டுகிறது. தனது அகதிகள் விரோத நடவடிக்கைகள் சம்பந்தமான இரண்டு உயர் நீதிமன்ற வழக்குகளில் தோல்விகண்ட முந்தைய தொழிற் கட்சி அரசாங்கம் போல், லிபரல் தேசிய கூட்டணி அரசாங்கமும் தஞ்சம் கோருவோருக்கு எதிராக சட்ட நடவடிக்கை எடுக்க மாற்று திட்டங்கள் உருவாக்குவதன் மூலம் எந்தவொரு நீதிமன்ற தீர்ப்புக்கும் மேலாக செயற்படும்.

தொழிற் கட்சியின் வழக்கில், கிறிஸ்துமஸ் தீவில் வீசா மறுக்கும் அதன் சட்ட விரோத செயற்பாடுகளையும் மலேசியாவில் அகதிகளைக் கொட்டும் அதன் திட்டத்தையும் உயர் நீதிமன்றம் நிராகரித்ததற்கு, நாவூரு மற்றும் மனுஸ் தீவில் அவர்களை காலவரையறை இன்றி அடைத்து வைத்ததன் மூலம் பிரதிபலித்தது. தடுத்து வைக்கப்பட்டுள்ளவர்கள் ஆஸ்திரேலியாவில் வாழ அனுமதிக்கப்பட மாட்டார்கள் என அங்கு அவர்களுக்குச் சொல்லப்பட்டது.

தற்போதைய சட்டவிதி குறிப்பாக அந்த முறைமையை சவால் செய்யல்லை. தமது வழக்கு ஒரு “அன்னியரை” வெளியேற்றுவதற்கான இறைமையுடைய அரசின் அதிகாரம் சம்பந்தமாக இந்தப் பிரச்சினையை எடுத்துக்கொள்ளவில்லை மற்றும் தஞ்சம் கோருவோரை ஆஸ்திரேலியாவுக்குள் கொண்டுவரவும் முயற்சிக்கவில்லை என்று நீதிமன்றத்தில் தெரிவித்த அகதிகளுக்காக வாதாடும் வக்கீல் ரொன் மேர்க்கெல், அவர்களை விசாரிக்க கடற்கரைக்கு அருகில் கொண்டு செல்ல முடியும் என்றார்.

ஆஸ்திரேலிய குடியேற்ற சட்டத்திற்கு புறம்பாக தஞ்சம் கோருவோரை வெளியேற்ற ஒரு "நிறைவேற்று" அதிகாரம் உள்ளது என்னும் எந்தவொரு கூற்றையும் இந்த வழக்கு மறுக்கும் என மேர்க்கெல் கூறினார். ஆஸ்திரேலிய சுங்கப் படகில் தடுத்து வைக்கப்பட்டுள்ளவர்களை "விரிவாக விசாரித்தல்" எனப்படுவது, சட்டத்தின் கீழ் கோரப்பட்டுள்ள செயற்படுத்தல் நேர்மையை மறுக்கின்றது என்று அவர் வாதிட்டார்.

அரசாங்கத்துக்காக வாதாடிய அரசுத் தலைமை வழக்கறிஞர் ஜஸ்டின் க்லீசொன், அவர்களது படகு ஆஸ்திரேலியாவின் "குடியேற்ற எல்லைக்கு" வெளியேயே தடுக்கப்பட்டதாக கூறப்படுவதாலும் மற்றும் அப்போதிருந்து அவர்கள் ஆழ்கடலுக்கு நகர்த்தப்பட்டுள் காரணத்தாலும் அவர்களுக்கு "குடியகல்வு சட்டத்தின் கீழ் எந்த உரிமையும் இல்லை" என்று வலியுறுத்தினார்.

நேற்றைய விசாரணையின் பின்னர், வழக்கை தாக்கல் செய்த சட்டத்தரணி ஜோர்ஜ் நியூஹவுஸ், அரசாங்கத்தின் 72 மணி நேர பொறுப்பேற்பை பாராட்டினார். "ஆண்கள், பெண்கள் மற்றும் குழந்தைகளுமாக ஒரு பாதிக்கப்பட்ட குழுவினர், இலங்கையிலுள்ள அவர்களைத் துன்பப்படுத்தியவர்களிடமே மீண்டும் அனுப்பி வைக்கப்படமாட்டார்கள் என்பதே இன்றைய அரசாங்கத்தின் முடிவின் அர்த்தமாகும், நான் இந்த மக்களுக்கு கொஞ்சம் கருணை காட்டியமைக்காக பிரதமர் மற்றும் அமைச்சருக்கு நன்றி தெரிவிக்க ஒரு கணம் எடுத்துக்கொள்ள வேண்டும்,” என்று அவர் கூறினார்.

பொறுப்பேற்பது என்பதன் மூலம் அகதிகளுக்கு எந்த பாதுகாப்பும் வழங்கப்படுவதில்லை என்பதே உண்மை. அவப்பேர் பெற்ற 2001 தம்பா வழக்கில், ஹவர்ட் கூட்டணி அரசு நீதிமன்றத்துக்கு இதே போன்ற ஒரு வாக்குறுதியை கொடுத்தது. நாவுறுவுக்கு இராணுவ ரீதியில் கொண்டு செல்லப்பட்ட 433 ஆப்கான் தஞ்சம் கோருவோரை அகற்றுவது சம்பந்தமான உயர் நீதிமன்ற சவாலில் தோற்றால், அவர்களை மீண்டும் ஆஸ்திரேலியாவுக்கு அழைத்துவருவதாக அது கூறியது.

எனினும், அந்த வழக்கு உயர் நீதிமன்றம் வந்தபோது, நோர்வே கொள்கலன் கப்பலான தம்பா மூலம் முதலில் காப்பாற்றப்பட்ட அந்த மக்கள் சம்பந்தமாக நீதிபதிகள் தங்கள் கைகளை கழுவிக்கொண்டனர். பயணிகள் ஏற்கனவே ஆஸ்திரேலியாவின் சட்ட எல்லைக்கு அப்பால் கைப்பற்றப்பட்டதால், தம்மால் அந்த வழக்கை விசாரிக்க முடியாது என நீதிமன்றம் தீர்ப்பளித்தது.

இன்றைய அபோட் அரசாங்கத்தைப் போலவே ஹவர்ட் அரசாங்கமும், குடியகல்வு சட்டத்தின் எந்த முறையான கட்டுப்பாடுகளையும் பொருட்படுத்தாமல், ஆஸ்திரேலிய பிரஜைகள் அல்லாதவர்களை ("அன்னியர்களை") வெளியேற்ற அதற்கு "நிறைவேற்று" அதிகாரம் உள்ளதாகவும் மற்றும் அகதிகள் உயர் நீதிமன்றத்தின் அதிகார வரம்பில் இல்லை என்றும் வலியுறுத்தியது. ஆனால் அதன் சொந்த பொறுப்பேற்பை ஹவர்ட் அரசாங்கம் மீறியதை சரியென அங்கீகரித்த உயர் நீதிமன்றம், ஆட்சியில் இருக்கும் அரசாங்கங்கள் தஞ்சம் கோருவோரின் சிவில் மற்றும் அரசியல் உரிமைகள் மீதான தாக்குதலை தீவிரப்படுத்துவதற்கு வழி வகுக்க உதவியது.

நேற்று உயர் நீதிமன்றம் அமர்ந்த நிலையில், 41 தஞ்சம் கோருவோர் ஏற்கனவே இலங்கை அரசாங்கத்தின் கைகளில் மீண்டும் ஒப்படைக்கப்பட்டு, காலியில் உள்ள பேர்போன உயர் பாதுகாப்பு பூசா சிறையில் அடைக்கப்பட்டுள்ளனர். அவர்கள் சட்டவிரோதமாக நாட்டை விட்டு வெளியேறிய குற்றச்சாட்டில் நீதவான் நீதிமன்றில் நிறுத்தப்பட்டு, ஐந்து ஆண்டுகள் வரை சிறை தண்டனை எதிர்கொள்ளும் நிலையில் உள்ளனர். ஒன்பது குழந்தைகள் விடுவிக்கப்பட்டு 27 முதியவர்களுக்கு பிணை வழங்கப்பட்டிருந்தாலும், முன்னர் இந்த அரசாங்கத்தாலும் மற்றும் அதற்கு முந்தைய தொழிற் கட்சி அரசாங்கத்தாலும் இலங்கைக்கு நாடு கடத்தப்பட்ட 1,000 க்கும் மேற்பட்ட தஞ்சம் கோருவோருக்கு எதிராக மேற்கொள்ளப்பட்ட பாரபட்சங்கள், துஷ்பிரயோகம் மற்றும் அடக்குமுறைகள் பற்றிய ஒரு ஆவணப்படுத்தப்பட்ட வரலாறு உள்ளது.

உயர் நீதிமன்ற வழக்கில் ஈடுபட்டுள்ள 153 அகதிகள் இப்போது அந்த தலைவிதியை தவிர்த்துக்கொண்டிருந்தாலும், அவர்களின் நிலை சிறப்பாக இருக்கப் போவதில்லை. ஆஸ்திரேலியாவின் சொந்த தடுப்பு முகாம்களில் உள்ள கொடூரமான நிலைமைகள், நேற்று வெளியான செய்திகள் மூலம் வெளிச்சம் போட்டுக் காட்டப்பட்டுள்ளன. தாம் நாவுரூ அல்லது மனுஸ் தீவுக்கு அனுப்பப்படுவர் என்று அறிவிக்கப்பட்ட பின்னர் கிறிஸ்துமஸ் தீவில் அடைத்து வைக்கப்பட்டுள்ளவர்களில் குறைந்தது 10 தாய்மார்களாவது, தங்கள் பிள்ளைகள் ஆஸ்திரேலியாவுக்குள் அனுமதிக்கப்படுவதை உறுதிப்படுத்திக்கொள்வதற்காக தற்கொலை செய்து கொள்ள முயன்றுள்ளனர்.

தற்கொலை செய்துகொள்வதாக அச்சுறுத்தும் “உளவியல் மிரட்டலுக்கு” தனது அரசாங்கம் அஞ்சப் போவதில்லை என அபோட் உடனடியாக அறிவித்தார். தடுத்து வைக்கப்பட்டுள்ளவர்கள் மேற்கொண்ட போராட்டங்கள், உண்ணாவிரதம் மற்றும் தற்கொலை முயற்சிகளின் மத்தியில், ஹவர்ட் மற்றும் தொழிற்கட்சி அரசாங்கமும் விடுத்த இதோபோன்ற மனிதாபிமானமற்ற அறிவிப்புக்களை இது நினைவூட்டுகிறது.

இந்த இரு கட்சிகளின் கூட்டு, தொழிற் கட்சி நிழல் குடிவரவு அமைச்சர் ரிச்சர்ட் மெர்லெஸ்ஸின் கருத்துக்களில் அடிக்கோடிட்டுக் காட்டப்படுகின்றன. அவர், கில்லார்டின் தொழிற் கட்சி அரசு தொடக்கி வைத்தவாறு, இலங்கை அகதிகளை கிறிஸ்துமஸ் தீவு, நாவுரூ அல்லது மனுஸ் வழியாக நாடு கடத்த மிகத் "திறமையான" மற்றும் "முழுமையான" வழியை இன்னும் எடுக்கவில்லை என அபோட் அரசாங்கத்தை விமர்சிக்கின்றார். அது ஆஸ்திரேலியாவின் சர்வதேச மதிப்பு "குப்பைக்குள்" போடப்படுவதை தடுக்கும் என்று அவர் கூறுகிறார்.

தொழிற் கட்சி அரசாங்கம் அகதிகளின் ஒவ்வொரு அடிப்படை உரிமைகளையும் நசுக்கிய நிலையிலும் அதனுடன் நடைமுறையில் கூட்டணி கொண்டிருந்த பசுமைவாதிகளும் ஆஸ்திரேலியாவின் மதிப்பு குறித்த இதே போன்ற கவலையை தெரிவித்தனர். கட்சியின் குடிவரவு பேச்சாளர் செனட்டர் சாரா ஹன்சன் யங், "சட்டத்துக்கும் மேலாக செயற்பட" முடியும் என்ற அரசாங்கத்தின் நம்பிக்கை "ஆழ் கடல்களில் அதன் நடவடிக்கைகளை கண்டித்து பாராளுமன்றத்தில் ஒரு தீர்மானத்தின் மீது புதிய செனட் வாக்கெடுப்பு நடத்தும் போது பரீட்சிக்கப்படும்” என சபதம் செய்தார்.

அவ்வப்போது நடக்கும் பாராளுமன்ற வாக்கெடுப்புகள் அகதிகளை பாதுகாக்கப் போவதில்லை. தொழிற் கட்சி அரசாங்கத்துக்கு பசுமைக் கட்சியினர் ஆதரவு வழங்கியது உட்பட வரலாற்றுப் பதிவுகள், நீதிமன்றங்கள் உட்பட முழு ஸ்தாபனமும், தஞ்சம் கோருவோருக்கு எதிராக இழைக்கப்படும் பெருகிவரும் குற்றங்களுக்கு உடந்தையாக உள்ளதை நிரூபிக்கின்றது. ஆஸ்திரேலிய மற்றும் இலங்கையிலும் உள்ள சோசலிச சமத்துவக் கட்சிகள், அகதிகளை பாதுகாக்க முன்வருமாறு தொழிலாள வர்க்கத்திற்கு அழைப்பு விடுக்கின்றது. (பார்க்க:"ஆஸ்திரேலியா அகதிகளை இலங்கை கடற்படையிடம் ஒப்படைப்பதை எதிர்த்திடுக").

By Mike Head
9 July 2014
http://www.wsws.org/tamil/articles/2014/july/140719_aushi.shtml

உக்ரேனில் மலேசியன் ஏர்லைன்ஸ் விமானம் MH17இன் விபத்து

The crash of Malaysian Airlines flight MH17 in Ukraine

கிழக்கு உக்ரேனில் மலேசிய ஏர்லைன்ஸ் விமானம் MH17 துயரகரமாக வெடித்ததன் மீது ஜனாதிபதி பராக் ஒபாமா வெள்ளியன்று வெளியிட்டிருந்த கருத்துக்கள், அவை பதிலளித்திருந்ததையும் விட அதிகமாக கேள்விகளை எழுப்பியுள்ளன.

அந்த விமானம் சுடப்பட்டதற்கு ரஷ்யாவை-ஆதரிக்கும் கிழக்கு உக்ரேனிய பிரிவினைவாத சக்திகளையும், ரஷ்யாவையும் குற்றஞ்சாட்டியும், அந்த பிரிவினைவாதிகளை மேற்கத்திய-ஆதரவிலான கியேவ் ஆட்சியிடம் சரணடையுமாறு முறையிட்டும், அமெரிக்க அதிகாரிகளும் மற்றும் ஊடகங்களும் வெள்ளமென திறந்துவிட்டிருந்த மனதை-மரத்துப் போகச் செய்யும் அதே பிரச்சாரத்தையே ஒபாமாவும் தொடர்ந்தார். எவ்வாறிருந்த போதினும், இந்த பிரச்சார நடவடிக்கையில் உண்மையில் எந்தவொரு அடித்தளமும் இல்லை என்பதையும் மற்றும் வாஷிங்டனை அது ரஷ்யா உடன் ஒரு வெடிப்பார்ந்த மோதலுக்குள் இட்டுச் செல்கிறது என்பதையும் அவரது கருத்துக்களே அடிக்கோடிட்டுக் காட்டின.

ஒபாமா கூறினார்: “இதுவரை நமக்கு என்ன தெரியுமோ அது தான் நம் வசம் இருப்பது. அந்த விமானம் ரஷ்ய-ஆதரவிலான பிரிவினைவாதிகளின் கட்டுப்பாட்டில் உள்ள உக்ரேனுக்குள் இருக்கும் ஒரு பகுதியிலிருந்து, தரையிலிருந்து-வானில் செலுத்தப்பட்ட ஒரு ஏவுகணையால் சுட்டு வீழ்த்தப்பட்டது என்பதை ஆதாரங்கள் சுட்டிக் காட்டுகின்றன. கிழக்கு உக்ரேனில் ஒரு விமானம் சுடப்படுவது இது முதல்முறை அல்ல என்பதும் நமக்கு தெரியும். கடந்த பல வாரங்களாக, ரஷ்யா-ஆதரவிலான பிரிவினைவாதிகள் ஒரு உக்ரேனிய போக்குவரத்து விமானத்தையும் மற்றும் ஒரு உக்ரேனிய ஹெலிகாப்டரையும் சுட்டு வீழ்த்தி இருக்கிறார்கள், மேலும் ஒரு உக்ரேனிய போர் விமானத்தைச் சுட்டி வீழ்த்தியதற்கும் அவர்கள் பொறுப்பேற்று இருந்தார்கள். அனைத்திற்கும் மேலாக, இந்த பிரிவினைவாதிகள் ரஷ்யாவிடம் இருந்து ஒரு சீரான ஒத்துழைப்பைப் பெற்று வருகிறார்கள் என்பதையும் நாம் அறிவோம்," என்றார்.

ஒபாமாவின் கூற்றுக்களை மீண்டும் கவனமாக படியுங்கள். ரஷ்ய-ஆதரவுப் படைகள் MH17ஐ ஒரு ஏவுகணை கொண்டு தாக்கியது என்பதை நிரூபிக்கும் எதையும் அவர் தெரிவிக்கவில்லை என்பதை நீங்கள் காண்பீர்கள். பிரிவினைவாத கிளர்ச்சியாளர்கள் சிறிய விமானம்-தாக்கும் ஏவுகணைகளைக் கொண்டு உயரம் குறைந்து பறந்த உக்ரேனிய இராணுவ விமானங்களைச் சுட்டு வீழ்த்தி இருக்கிறார்கள், ஆனால் இது 33,000 அடி உயரத்தில் பறந்து கொண்டிருந்த ஒரு மிகப்பெரிய ஜெட் விமானத்தை அழிக்க அவர்கள் நோக்கம் கொண்டிருந்தார்கள் என்பதையோ அல்லது அதற்கான தகைமை பெற்றிருந்தார்கள் என்பதையோ அர்த்தப்படுத்தாது—இவ்வாறான ஒரு நடவடிக்கையை வாஷிங்டன் ஒரு பாரிய பிரச்சார ஆயுதமாக கைகளில் எடுக்குமென்பதை அவர்கள் நன்கறிவார்கள்.

எந்த பகுதியிலிருந்து ஏவுகணை செலுத்தப்பட்டதோ அந்த பகுதி பிரிவினைவாதிகளின் கட்டுப்பாட்டில் இருக்கிறது என்ற ஒபாமாவின் வாதத்தைப் பொறுத்த வரையில், அதற்காக அவர் எந்தவொரு ஆதாரத்தையும் அளிக்கவில்லை என்பதோடு, கிழக்கு உக்ரேனில் நிலவும் குழப்பமான நிலைமைகளின் கீழ் இது ஒன்றையும் அர்த்தப்படுத்துவதாக இல்லை. கியேவிற்கு விரோதமான பிரிவினைவாதிகளின் இறுக்கமான பிடியில் இருக்கும் டொனெட்ஸ்க் நகரில், விமான நிலையமோ கியேவிற்கு விசுவாசமான படைகளின் கட்டுப்பாட்டில் இருக்கிறது, அங்கிருந்து தான் அவர்கள் வழக்கமாக அந்நகரின் மீது குண்டு வீசுகிறார்கள். டொனெட்ஸிற்கு அருகிலிருந்து ஒரு BUK ஏவுகணையால் MH17 அழிக்கப்பட்டது என்று கருதப்படுகின்ற நிலையில், உண்மையில், அதற்கு சற்று முன்னதாக கியேவ் ஆட்சி அப்பிராந்தியத்தில் அதன் விமான-எதிர்ப்பு பேட்டரிகளை (anti-aircraft batteries) கூடுதலாக பலப்படுத்தி இருந்தது.

குறிப்பிடத்தக்க விதத்தில், MH17ஐ யார் அல்லது எதற்காக சுட்டு வீழ்த்தினார்கள் என்பது குறித்து அவரது நிர்வாகத்திற்கு தெரியவில்லை என்பதை ஒபாமாவே ஒப்புக் கொண்டார். அவர் கூறுகையில், “தரையிலிருந்து வானில் தாக்கும் ஏவுகணையை யார் செலுத்தினார்களோ அவர்கள் என்ன நோக்கத்திற்காக செய்தார்கள் என்பதை அனுமானிப்பது இப்போதைக்கு மிகவும் முன்கூட்டிய அனுமானமாக இருக்குமென்று நான் கருதுகிறேன்... எந்த நபர் அல்லது நபர்களின் குழு, உங்களுக்குத் தெரியும், யார் அந்த தாக்குதலுக்கு உத்தரவிட்டார், எவ்வாறு அது நடந்தது என்பதை குறிப்பாக கண்டுபிடிப்பதைப் பொறுத்த வரையில்—அந்த விடயங்களை நாம் சேகரிப்பது தான், இந்த சம்பவத்தில் கூடுதல் தகவல்களாக இருக்குமென்று நான் நினைக்கிறேன்," என்றார்.

ஒபாமாவின் அறிக்கையை மீண்டும் கவனமாக படித்து பாருங்கள். அந்த சூழ்நிலைக்கேற்ற கருத்துக்களுக்கும், வார்த்தை பிரயோகங்களுக்கும் அப்பாற்பட்டு, அந்த தாக்குதலை யார் நடத்தினார்கள் என்பது குறித்து அவர் ஒன்றுமே கூறவில்லை. ஒபாமாவின் கருத்துக்கள் அவரது சொந்த ஐநா தூதரான சமந்தா பவாரின் கருத்துக்களோடு நேரடியாக முரண்படுகின்றன, அவர் வெறுமனே கூறுகையில், அந்த வெடிப்புக்கு ரஷ்யா தான் பொறுப்பு என்பதற்கு அங்கே "நம்பத்தகுந்த ஆதாரங்கள்" இருப்பதாக கூறியதோடு, “ரஷ்யாவால் இந்த யுத்தத்தை முடிவுக்கு கொண்டு வரமுடியும். இந்த யுத்தத்தை ரஷ்யா முடிவுக்கு கொண்டு வர வேண்டும்," என்றார்.

MH17 விபத்தைக் குறித்த ஒட்டுமொத்த செய்திகளின் மீதும் ஒரு கேள்விக் குறியை ஒபாமா வீசியிருந்தார்: “அத்தோடு அங்கே ஒருவேளை தவறான செய்திகள் இருக்குமோ என்பதையும் நான் சுட்டிக்காட்ட விரும்புகிறேன். எது உண்மையை அடிப்படையாக கொண்டது, எது வெறுமனே ஊகங்கள் என்பதை பிரித்துக் காட்டுவது மக்களுக்கு மிகவும் முக்கியமென்று நான் கருதுகிறேன்."

நிலைமைகளைக் குறித்து ஒபாமாவின் கணக்கிலிருந்து எழும் சித்திரம் குறிப்பிடத்தக்கதாகும். அவரே ஒப்புக் கொண்ட விதத்தில், MH17 விபத்திற்கு யார் பொறுப்பென்பது வெள்ளை மாளிகைக்கு தெரியாது என்ற நிலைமைகளின் கீழ் மற்றும் பலமான அரசியல் சக்திகளால் ஊடகங்களுக்கு தவறான செய்திகள் அளிக்கப்பட்டு வருகின்றன என்று நம்பப்படுகின்ற நிலையில், அமெரிக்காவும் அதன் கூட்டாளிகளும் ரஷ்யா உடனான ஒரு இராணுவ மோதலை நடத்த முயற்சித்து வருகிறார்கள்.

ஜேர்மன் அதிகாரிகளின் மீது உளவு பார்ப்பதற்கு முன்னால் சிஐஏ அவருக்கு தகவல் அளிக்க கருதவில்லை என்பது ஏற்கனவே ஒப்புக் கொள்ளப்பட்டிருக்கின்ற நிலையில், ஒபாமா வெளிப்படையாக அவரது சொந்த அரசாங்கம் என்ன செய்து கொண்டிருக்கிறது என்பதை கண்டறிய முயன்று வருகிறார்—இதற்கிடையில் ரஷ்யாவை பொறுப்பற்ற விதத்தில் குற்றஞ்சாட்டி வருகிறார்.

முறையாக கவனித்துப் பார்த்தால், MH17 ஒரு ஏவுகணையால் சுட்டு வீழ்த்துப்பட்டதற்கு சாத்தியமான எந்தவொரு விளக்கங்களும், மேற்கத்திய அதிகாரங்களுக்கும் ரஷ்யாவிற்கும் இடையிலான ஒரு நேரடி மோதலின் அபாயம் குறித்து மிக ஆழந்த கேள்விகளை எழுப்புகின்றன.

MH17ஐ சுட்டு வீழ்த்திய ஒரு BUK ஏவுகணை கியேவிற்கு விசுவாசமான படைகளால் கூட செலுத்தப்பட்டு இருக்கலாம், இருந்த போதினும் அதன் மீது அமெரிக்க ஊடகங்கள் பெரும் மவுனம் காத்து வருகின்றன. அத்தகைய ஒரு நடவடிக்கைக்குப் பின்னால் இருக்கும் உள்நோக்கம், அமெரிக்க ஊடக நடவடிக்கைகளிலேயே எடுத்துக்காட்டப்படுகிறது: அதாவது ரஷ்யாவை குற்றஞ்சாட்டுவது, உக்ரேனில் நேட்டோ தலையீட்டுக்கான பிரச்சாரத்தை அதிகப்படுத்துவது, மற்றும் ரஷ்யாவிற்கு எதிராக அதிகளவிலான தடைகளைக் கொண்டு வர தயக்கம் காட்டி வருகின்ற வாஷிங்டனின் சில ஐரோப்பிய கூட்டாளிகளை அதன் தரப்பிற்குள் கொண்டு வர முயல்வது ஆகிய நடவடிக்கைகளிலேயே எடுத்துக்காட்டப்படுகின்றன.

கியேவ்-சார்பிலான படைகளே அந்த விமானத்தைச் சுட்டி வீழ்த்தி இருக்கலாம் என்பதன் மீதான மிக நிஜமான சாத்தியக்கூறுகளில், சிஐஏ நடைமுறைகளுக்கும், முன்னதாக பிளேக்வாட்டர் என்று அறியப்பட்ட அமெரிக்க நிறுவனத்தின் கூலிப்படைகள் மற்றும் ஐரோப்பிய உளவுப்படை முகமைகள் மற்றும் கியேவின் ஆயுதமேந்திய படைகளில் முன்னனியில் இருக்கும் பாசிச போராளிகள் குழுக்கள் ஆகியவற்றிற்கு இடையிலான நெருக்கமான தொடர்புகளும் கணக்கில் வருகின்றன. அது MH17இன் பயணிகள் மற்றும் விமானக்குழுவின் படுகொலையில் அமெரிக்க அரசின் பிரிவுகள் நேரடியாக உடந்தையாக இருந்து இருப்பதற்கான சாத்தியக்கூறுகளை உயர்த்துகிறது.

உலக கோப்பை மற்றும் பிரேசிலில் நடந்த ஒரு சர்வதேச உச்சி மாநாட்டிலிருந்து திரும்பி வந்து கொண்டிருந்த ரஷ்ய ஜனாதிபதி விளாடிமீர் புட்டினின் விமானப் பாதையில், MH17 குறுகிய நேரத்திற்கு முன்னர்தான் கடந்திருந்தது என்பதும், MH17ஐ அழித்த ஏவுகணை தாக்குதல் புட்டினைக் குறி வைத்து நடத்தப்பட்டு இருக்கலாம் என்று மாஸ்கோவின் சில கன்னைகள் நம்புகின்றன என்றும் வெளியான ரஷ்ய ஊடக செய்திகள் குறிப்பாக முக்கியத்துவம் பெறுகின்றன. அத்தகைய செய்திகள் சரியானவையா என்பதைக் கண்டறிவது சாத்தியமில்லை. இருந்த போதினும், அமெரிக்கா மற்றும் ஐரோப்பிய உளவுத்துறை அமைப்புகள் ரஷ்ய அரசுத் தலைவரைக் கொல்லும் ஒரு கொலை முயற்சிக்கு ஒப்புதல் வழங்கி இருந்தன என்று ரஷ்ய அரசு பிரிவுகள் நம்புவதற்கு முன்வந்தால், அதன் தாக்கங்கள் மனதை உறைய வைப்பதாக இருக்கும்.

மறுமுனையில், அமெரிக்க பிரச்சார நடவடிக்கை வாதிடுவதைப் போல, ஒருவேளை, MH17 ரஷ்யாவின் தரப்பில் சாய்ந்திருக்கும் அல்லது நேரடியாக ரஷ்யாவினால் உதவியளிக்கப்படும் படைகளால் செலுத்தப்பட்ட ஒரு ஏவுகணையால் அழிக்கப்பட்டது என்றால், அது சம்பந்தப்பட்ட ரஷ்ய கன்னைகள் சுமார் 300 மக்களைப் படுகொலை செய்வதற்கான அவர்களின் விருப்பத்தை எடுத்துக்காட்டுவதன் மூலமாக என்ன சேதியை அளிக்க முயன்றன என்ற கேள்வியை எழுப்புகின்றது. அவ்வாறிருந்தால் நிச்சயமாக அது உக்ரேனிய நெருக்கடியை வாஷிங்டனை விட மாஸ்கோ அதிகளவில் கையிலெடுக்கிறது என்பதை எடுத்துக்காட்டும் என்பதோடு, நிலைமை அதிதீவிர அபாயகரமாக இருக்கிறது என்றாகும்.

ரஷ்யாவைக் குற்றஞ்சாட்டுவதற்கான அவற்றின் தாகத்தில், அமெரிக்க ஊடகங்களும் மற்றும் அரசியல் ஸ்தாபகங்களும், இந்த கேள்விகளில் முற்றிலுமாக ஆர்வமற்று இருப்பதாக தெரிகிறது. இந்த மனோபாவம் மேலோட்டமான சிந்தனையோடு கூடிய மற்றும் முற்றிலும் பொறுப்பற்ற தன்மையோடு இணைகிறது. MH17 பேரழிவால் ஏற்கனவே என்ன வெளிப்படுத்தப்பட்டு இருக்கிறதென்றால், மேற்கத்திய ஏகாதிபத்தியத்தின் ஆழ்ந்த நெருக்கடியும் மற்றும் உலகளாவிய யுத்தத்தின் அபாயமும் ஆகும்.

Alex Lantier
19 July 2014
http://www.wsws.org/tamil/articles/2014/july/140719_thecre.shtml

Thursday, 17 July 2014

காசாவில் இஸ்ரேலிய யுத்த குற்றங்கள் உலகளாவிய அளவில் கொந்தளிப்பைத் தூண்டுகிறது

காசா மீதான இஸ்ரேலிய தாக்குதல் அதன் இரண்டாவது வாரத்தில் நுழைந்திருக்கையில்அந்த அட்டூழியங்கள் மீது மேலும் மேலும் ஆதாரங்கள் வெளி வந்து கொண்டிருப்பதுஉலகெங்கிலும் சீற்றத்தின் பரந்தளவிலான வெளிப்பாடுகளை உருவாக்கி வருகிறது.
ஐரோப்பா மற்றும் வடக்கு அமெரிக்காவின் பல போராட்டங்கள்,ஒப்பீட்டளவில் சிறியதாக இருந்தாலும் கூடகாசாவிற்கு எதிரான ஒருதலைபட்சமான "யுத்தத்தின்குற்றகரமான குணாம்சத்தை மக்கள் அதிகளவில் புரிந்து கொண்டிருக்கிறார்கள் என்பதை பிரதிபலிக்கின்றன.
ஜூலை 7இல் காசா மீது இடைவிடாத விமான தாக்குதல்கள் தொடங்கியதில் இருந்துகாசா பகுதியின் மீது இஸ்ரேல் 1,300க்கும் மேற்பட்ட குண்டுவீச்சு மற்றும் ஏவுகணை தாக்குதல்களை நடத்தி உள்ளதுஅதாவது ஒரு நாளின் 24 மணி நேரத்தில் சராசரியாக ஒவ்வொரு ஒன்பது நிமிடத்திற்கும் ஒரு பாரிய குண்டு வெடிப்பாகும்.
எகிப்திய ஆட்சியால் முன்வைக்கப்பட்ட ஒரு போர்நிறுத்த பரிந்துரையைப் பரிசீலிக்க செவ்வாயன்று காலை இஸ்ரேலின் பாதுகாப்பு குழு ஒன்றுகூட இருப்பதாக செய்திகள் வெளியானதற்கு இடையேஇந்த தாக்குதல் சிறிதும் குறைக்கப்படவில்லை என்பதோடுஇஸ்ரேலிய துருப்புகளும் டாங்கிகளும் சாத்தியமான ஒரு தரைவழி படையெடுப்புக்காக காசா எல்லையோரங்களில் நிறுத்தப்பட்டு இருந்தன.
ஹமாஸ் மற்றும் இதர பாலஸ்தீன குழுக்களும் 900க்கும் அதிகமான ராக்கெட்டுக்களை வீசியுள்ளனஆனால் ஏற்பட்ட சேதங்களைப் பொறுத்த வரையில் ஒப்பிடுவதற்கு அங்கே ஒன்றும் இருக்கவில்லைஅந்த ராக்கெட்டுக்கள் மிக பழமையாகவும் மற்றும் இலக்கின்றியும் செலுத்தப்பட்டு இருந்ததோடுபெரும்பாலும் திறந்தவெளியையே தாக்கி இருந்தனஅதில் இஸ்ரேலியர் ஒருவர் கூட கொல்லப்படவில்லை.பூமியில் அதிக மக்கள் நெருக்கம் நிறைந்த பகுதிகளில் ஒன்றான,அதாவது ஒவ்வொரு சதுர மைலுக்கும் 10,000கும் மேல் மக்கள் வாழும் காசாவில் விழுந்த இஸ்ரேலின் ஒவ்வொரு குண்டும்ஏவுகணையும் ஏதாவதொரு மனித வசிப்பிடங்களைக் குறி வைத்திருக்கிறது.
திங்களன்று இக்கட்டுரை எழுதப்படுகையில் காசாவில் பாலஸ்தீனியர்களின் இறப்பு எண்ணிக்கை 185க்கும் மேலாக இருந்தது.இந்த பரந்த பெரும்பான்மையினர் எந்தவொரு பாலஸ்தீன ஆயுதமேந்திய குழுக்களின் போராளிகள் அல்லஅப்பாவி பொதுமக்கள் ஆவார்கள்,மேலும் ஒரு குறிப்பிடத்தக்க எண்ணிக்கையாக குறைந்தபட்சம் 50குழந்தைகளும் இதில் உள்ளடங்குவார்கள்குறைந்தபட்சம் 1,200க்கும் மேலான காசாவாசிகள் காயமடைந்துள்ளனர்.
சமீபத்திய காசா தாக்குதல் தொடங்கியதற்குப் பின்னர்இஸ்ரேல் இராணுவமும் அதன் முதல் பலியாக மேற்கு கரையில் ஒருவர் கொல்லப்பட்டதை அறிவித்திருந்ததுமேற்கு கரையின் தெற்கு பகுதியில் உள்ள சாமுவா கிராமத்தில் 21 வயதான முனிர் அஹ்மத் ஹாம்டான் அல்-பதாரின் என்ற ஒரு பாலஸ்தீனியர்சிப்பாய்களால் சுட்டுக் கொல்லப்பட்டார்காசா யுத்தத்திற்கு எதிரானதும்இஸ்ரேலிய கார்கள் மீது கல்வீச்சை உட்கொண்டிருந்ததுமானஒரு போராட்டத்தில் கலந்து கொண்டதே அவரது "குற்றமாகஇருந்தது.
பாலஸ்தீன அகதிகளுக்கு உதவும்காசாவில் உள்ள ஐக்கிய நாடுகள் சபையின் நிவாரண வேலைகள் அமைப்பின் கமிஷனர் ஜெனரல் பிறீ கிராஹென்புஹல் (Pierre Krähenbühl) திங்களன்று பத்திரிகைகளுக்கு தெரிவிக்கையில்காசா பகுதியில் வன்முறை தீவிரமடைந்திருப்பது குறித்தும் மற்றும் பாலஸ்தீன அகதிகள் உட்பட அது பொதுமக்களின் வாழ்வை மற்றும் ஸ்தூலப் பொருட்களின் எண்ணிக்கையை நாசமாக்கி வருவது குறித்தும் அவர் "ஆழமாக கவலை கொண்டிருப்பதாகவும்,எச்சரிக்கை அடைந்திருப்பதாகவும்தெரிவித்தார். “சர்வதேச மனிதாபிமான சட்டத்திற்கு முரணாகபொதுமக்களுக்கு எதிராகவோ மற்றும் பொதுமக்களின் உள்கட்டமைப்பிற்கு எதிராகவோ அல்லது அதற்கு ஆபத்து விளைவிக்கும் விதத்திலோ தாக்குதல்கள் நடத்துவதை முடிவுக்குக் கொண்டு வருமாறு," அவர் இஸ்ரேலுக்கு அழைப்புவிடுத்தார்.
சர்வதேச சட்டத்தின் கீழ் யுத்த குற்றங்களாக கருதப்படும் பல தொடர்ச்சியான கொடூர சம்பவங்கள் செய்திகளில் வெளி வந்துள்ளன.பின்வரும் உண்மைகள்இஸ்ரேலிலும் உட்படஉலக ஊடகங்களில் பரந்தளவில் வெளியானவை ஆகும்:
  • வடக்கு காசாவின்ஜபாலியாவில் ஊனமுற்றவர்கள் மறுவாழ்வு மையத்தின் மீது இஸ்ரேல் குண்டுவீசியதுஅதில் ஒரு செவிலியர் மற்றும் மூன்று ஊனமுற்றோர் உட்பட நான்கு பேர் கொல்லப்பட்டார்கள்ஏனையவர்கள் அந்த குண்டு வெடிப்பில் கடுமையாக தீக்காயங்களுக்கு உள்ளானார்கள்பெய்ட் லாஹியாவில் ஊனமுற்றவர்களின் வசிப்பிடத்தின் மீது நடத்தப்பட்ட ஒரு தாக்குதலில் மேலும் இருவர் கொல்லப்பட்டார்கள்நான்கு பேர் காயமடைந்தார்கள்.
  •  ஒரு உணவுவிடுதியில் உலக கோப்பை அரையிறுதி கால் பந்தாட்டத்தைப் பார்த்துக் கொண்டிருந்த எட்டு பாலஸ்தீனியர்கள் ஒரு இஸ்ரேலிய விமான தாக்குதலில் கொல்லப்பட்டார்கள்அந்த உணவுவிடுதிகுறிப்பாக முஸ்லீம்கள் பகல் முழுதும் நோன்பிருந்து இருட்டிய பின்னர் சாப்பிடும் ரம்ழானின் போதுமாலை நேரத்தில் உள்ளூர் மக்கள் ஒன்று கூடுவதற்குரிய இடமாக நன்கறியப்பட்டதாகும்.
  •  பெய்ட் ஹனோனில் ஹமாத் குடும்பத்தின் ஐந்து அங்கத்தவர்களைக் கொன்றும்மற்றும் முதல் 13 வயது வரையிலான ஆறு குழந்தைகள் உட்பட காவாரா குடும்பத்தின் எட்டு அங்கத்தவர்களைக் கொன்றும்மற்றும் காசாவின் தலைமை பொலிஸ் அதிகாரியைக் கொல்லும் ஒரு முயற்சியில் அதிர்ச்சியூட்டும் வகையில் அல்-தாய்ஷ் குடும்பத்தின் 17உறுப்பினர்களைக் கொன்றும்இஸ்ரேலிய யுத்த விமானங்கள் மீண்டும் மீண்டும் ஹமாஸின் மற்றும் இஸ்லாமிய ஜிஹாத் அதிகாரிகளின் குடும்பங்களை இலக்கில் இருத்தி வந்துள்ளது.
  • காசா நகரின் எல் வாஃபா மறுவாழ்வு மருத்துவமனையின் நிர்வாக இயக்குனர் பாஸ்மான் அலாஷி கொடுத்த தகவலின்படி,வெள்ளியன்று தனித்தனியாக ஐந்து முறை அந்த மருத்துவமனையை இஸ்ரேலிய விமானங்கள் தாக்கினஅந்த தாக்குதல்கள் மருத்துவமனையின் 30 நோயாளிகளுக்கு வினியோகிக்கப்படும் மேல்மாடி தண்ணீர் தொட்டிகளைச் சிதைத்திருந்தது.
  • ஜெனிவா தீர்மானங்களை மீறிஇஸ்ரேல் வேண்டுமென்றே காசாவின் அப்பாவி மக்களைக் குறி வைத்து வருகின்றது என்பதற்கு தெளிவான ஆதாரமாகவிமான தாக்குதல்களில்1,000க்கும் மேற்பட்ட தனிநபர்களின் வீடுகள் அழிக்கப்பட்டுள்ளன அல்லது கடுமையாக சேதப்படுத்தப்பட்டு உள்ளன.
  • இதற்கும் மேலாக காசாவிற்குள் மருந்து பொருட்கள் கொண்டு செல்வதைத் தடுக்கும் விதத்தில்இஸ்ரேல் மற்றும் எகிப்தால் நடைமுறைப்படுத்தப்பட்ட கொள்கையால் விமானத் தாக்குதல்களில் காயமடைந்தவர்கள் மேற்கொண்டும் ஆபத்திற்கு உள்ளாகி உள்ளனர்ஏற்கனவே பல மருத்துவமனைகள் குறைந்தளவிலான அடிப்படை மருந்து பொருட்களோடு ஓடிக் கொண்டிருக்கின்றன என்பதோடுஇன்னும் 10 நாட்களுக்கு குண்டுவீச்சு தொடர்ந்தால் பேரழிவாக போய் முடியுமென்று மருத்துவர்களும்மருத்துவ சேவை பணியாளர்களும் தெரிவித்தனர்இஸ்ரேலிய-எகிப்திய முற்றுகையானதுஎரிவாயு இல்லாத பகுதிகளில் அவசியமான அவசர சேவைகளை வழங்க முடியாதபடிக்குஆம்புலன்சுகளுக்கான எரிபொருள் வினியோகங்களையும் பாதித்துள்ளது.
  • மத்திய காசாவில் அல்-நுஷ்ரத்தின் ஒரு மசூதிசனியன்று இரவு நள்ளிரவு வேட்டைகளில் அழிக்கப்பட்டதுஒட்டுமொத்த குடும்பங்களையும் அடியோடு அழிக்கும் அபாயத்தோடுபெரும் எண்ணிக்கையில் பாலஸ்தீனியர்கள் ஒன்றுகூடும் கட்டிடங்கள் மீது நடத்தப்பட்ட இதுபோன்ற டஜன் கணக்கான தாக்குதல்களில் இதுவும் ஒன்றாகும்.
  • ஜூலை அன்றுமிகத் தெளிவாக "தொலைக்காட்சிஎன்று பெரிய சிவப்பு எழுத்துக்களில் எழுதப்பட்டிருந்த காரை பாலஸ்தீன இதழாளர் ஹமீத் ஷெஹாப் ஓட்டிச் சென்று கொண்டிருக்கையில்,ஒரு இஸ்ரேலிய ஏவுகணை தாக்குதலினால் அவர் அங்கே எரிந்து சாம்பலானார்ஷெஹாப் உள்ளூர் பத்திரிகை நிறுவனமான மீடியா24க்காக வேலை செய்து வந்தவராவார். “காசா பகுதி மீதான கூட்டு தண்டனையின் கொடூரங்கள் மற்றும் ஆக்கிரமிப்பு குற்றங்களைக் காட்டி பாலஸ்தீன இதழாளர்களை அதைரியப்படுத்துவதற்கான திட்டமிட்ட மற்றும் வேண்டுமென்றே செய்யப்பட்டஒரு நடவடிக்கையாக இந்த படுகொலையை பாலஸ்தீன இதழாளர்களின் கூட்டமைப்பு கண்டனம் செய்தது.

காசாவில் உள்ள உலக சுகாதார அமைப்பின் தலைவர் மஹ்மொத் தஹீர்அல் ஜஜீராவிற்கு கூறுகையில், “மருத்துவமனைகள் மற்றும் சுகாதார மையங்கள் மீதான தாக்குதல்கள் மிகத் தெளிவாக ஒரு சர்வதேச சட்டமீறலாகும்சுகாதார மையங்களை மோதலில் இருந்து விலக்கி வைக்குமாறு உலக சுகாதார அமைப்பு அனைத்து கட்சிகளையும் கேட்டுக் கொள்கிறது," என்றார்.
பாதிக்கப்படுபவர்களின் எண்ணிக்கையைக் குறைப்பதை நோக்கமாக கொண்டவை என்று இஸ்ரேலிய ஆட்சி குறிப்பிடும் சில நடவடிக்கைகளே கூடசர்வதேச சட்டங்களின் கீழ் யுத்த குற்றமாக வருகின்றனசான்றாக,ஜூலை 13இல்உடனடியாக ஒரு பெரிய இஸ்ரேலிய இராணுவ நடவடிக்கை எடுக்கப்படவிருப்பதால் மக்களை வெளியேறுமாறு எச்சரித்து வடக்கு காசாவில் ஆயிரக் கணக்கான துண்டறிக்கைகளை இஸ்ரேலிய இராணுவம் வீசியதுஅதன் காரணமாக சுமார் 17,000 மக்கள் வெளியேறினார்கள்இது அவர்களின் உயிர் வாழ்க்கை மீதான பயங்கரவாத அச்சுறுத்தல்களைக் கொண்டு அப்பாவி மக்களை வேண்டுமென்றே இடம் பெயர்த்ததாக இருந்தது.
காசாவின் பொதுமக்களை இலக்காக வைத்து அவர்களால் திட்டமிட்டு நடத்தப்பட்ட தாக்குதல்களை மூடிமறைக்க இஸ்ரேலிய அதிகாரிகள்,உயர்மட்டத்திலிருந்தும் கூடஎந்தவொரு முயற்சியும் செய்யவில்லை.ஞாயிறன்று அமெரிக்க தொலைக்காட்சி வலையமைப்பான ABCஆல் நேர்காணல் செய்யப்பட்ட பிரதம மந்திரி பென்ஜமின் நெத்தனியாஹூ,அவரது சொந்த குற்றங்களுக்கு ஹமாஸைக் குற்றஞ்சாட்ட முனைந்தார்,அவர் தெளிவற்ற விதத்தில்: “யார் மசூதிகளுக்குள் ஒளிந்திருப்பது?ஹமாஸ்யார் மருத்துவமனைகளுக்குள் ஆயுதங்களை மறைத்து வைத்திருப்பதுஹமாஸ்யார் மக்கள் வசிப்பிடங்களிலோ அல்லது சிறார் பள்ளிகளுக்கு அருகிலோ இராணுவ மையங்களை அமைத்திருப்பதுஹமாஸ்ஹமாஸ் காசாவின் மக்களை ஒரு மனித கேடயங்களாக பயன்படுத்தி வருகிறது என்பதோடு அது காசா மக்களுக்கு பேரழிவுகளையும் கொண்டு வந்து கொண்டிருக்கிறது," என்றார்.
முற்றிலுமாக அந்த சொற்களோடுமுரண்பட்ட விதத்தில்மசூதிகள்,மருத்துவமனைகள்மக்கள் வசிப்பிடங்கள் மற்றும் சிறார் பள்ளிக்கூடங்களை திட்டமிட்டு இலக்கில் வைத்ததை நெத்தனியாஹூ ஒப்புக் கொள்கிறார்இந்த ஒளிநாடாவே ஒரு யுத்த குற்ற தீர்ப்பாணயத்திற்கு ஆதாரமாக வைக்கப்பட வேண்டும்.
இஸ்ரேலிய பத்திரிகைகளிலேயே கூடகாசாவில் நடத்தப்பட்டு வருகிற அட்டூழியங்களின் அளவுகளின் மீது அங்கே ஒரு அதிருப்திகரமான விவாதங்கள் நிலவுகின்றன. “காசாவில் இஸ்ரேல் யுத்த குற்றங்களை நிகழ்த்தி வருகிறதா?" என்ற தலைப்பில் Ha’aretzஇல் வெளியான மிக கவனமான வார்த்தைகளைக் கொண்ட ஒரு கட்டுரைஇஸ்ரேலிய பாதுகாப்பு படையின் நடவடிக்கைளை விரிவாக ஆராய்ந்த பின்னர்அதன் முடிவுரையில்கவனமாக "ஆமாம்என்று குறிப்பிட்டிருந்தது.
அந்த கருத்துரை குறிப்பிடுகையில், “அது வெறுமனேதடை செய்யப்பட்டதானமக்களைத் திட்டமிட்டு இலக்கில் வைத்தல் என்பது மட்டுமல்ல என்பதை மனதில் கொள்ளுங்கள்தாக்குதல்கள் அதன் இயல்பிலேயே இராணுவ இலக்குகளோடு சேர்ந்துபொதுமக்களையோ அல்லது பொதுமக்களின் பொருட்களையோ கண்மூடித்தனமாக தாக்கினால்அதுவும் தவிர்க்கப்பட வேண்டியதாகும்... காசாவில் எந்த மாதிரியான சூழ்நிலைகளில் அந்த பொதுமக்கள் கொல்லப்பட்டார்கள் என்பதை எடுத்துக்காட்டும் சில அறிக்கைகளோடு சேர்ந்துஅங்கே பாதிக்கப்பட்டிருப்பவர்களில் பலர் அப்பாவி பொதுமக்கள் என்பதை புள்ளிவிபரங்கள் எடுத்துக்காட்டுவதானதுஇஸ்ரேல் தவிர்த்திருக்க வேண்டியஅவற்றில் சில ஒருவேளை யுத்த குற்றங்களாகவும் வரையறை செய்யப்பட்டிருக்கக்கூடியசில நடவடிக்கைகளை நடத்தியுள்ளதற்கான சாத்தியக்கூறுகளை உயர்த்துகிறது. 'துல்லியமின்மையால்அல்லது 'தவறுதலாகநடந்ததென்ற வாதங்களின் அடிப்படையில் அவற்றை விட்டுவிட முடியாதளவிற்கு அந்த விடயங்களின் எண்ணிக்கை மிகவும் சிக்கலானதாக இருக்கிறது," என்று குறிப்பிட்டது.
உலக கோப்பை உணவு விடுதி குண்டுவீச்சு மற்றும் ஹமாஸ் அதிகாரிகளின் ஒட்டுமொத்த குடும்பங்களை அழிப்பது உட்பட மேலே குறிப்பிட்ட பல சம்பவங்களை மேற்கோளிட்டுக் காட்டி அக்கட்டுரை தொடர்கையில்அது ஒரு குறிப்பிட்ட கேள்வியை முன்வைத்தது: “அங்கே வசித்த பல பொதுமக்களைக் கொன்ற ஒரு தாக்குதலான, IDF இராணுவ பிரிவு தளபதியின் வீட்டின் மீதான ஒரு தாக்குதலைக் குறித்து இஸ்ரேல் என்ன கூறும்அதுபோன்றவொரு நடவடிக்கை சட்டவிரோதமானதென்றால்பின்னர் காசாவில் என்ன செய்யப்பட்டு வருகிறது," என்று கேள்வி எழுப்பியது.
ஒரேயொரு காலாண்டுக்கு மட்டுமாவதுஅமெரிக்காவில் உள்ள பெருநிறுவன-கட்டுப்பாட்டிலான ஊடகங்களில் இஸ்ரேலிய யுத்த குற்றங்கள் மீதான எந்தவொரு விவாதமும் துல்லியமாக இடம் பெறவில்லை.
By Patrick Martin
15 July 2014
http://www.wsws.org/tamil/articles/2014/july/140717_isr.shtml

LinkWithin

Related Posts Plugin for WordPress, Blogger...

Popular Posts